標籤: 林欣彤

娛樂

陳奕迅驚喜現身任紅館個唱嘉賓   林家謙感動落淚   宣布加開一場

林家謙 《SUMMER BLUES》演唱會來到第二場,昨晚家謙更請來自細偶像陳奕迅任嘉賓,Eason一出場,即炸裂紅館,歡呼聲掌聲大到蓋過唱歌聲,家謙都因為太興奮覺得自己唱得不夠完美,最終有福的是觀眾,《致明日的舞》合唱唱了兩次,最後Eason又再送多首獨唱《今日》給家謙,家謙被感動得閃著淚光眼紅紅,場面感人!

林家謙
林家謙《SUMMER BLUES》演唱會來到第二場,昨晚家謙更請來自細偶像陳奕迅任嘉賓,Eason一出場,即炸裂紅館。

九年沒有登上紅館舞台的Eason,昨晚一身粉紅色,配上圓形眼鏡出現,先出場跟家謙合唱《致明日的舞》,之後他笑問家謙:「我呢個look正唔正?陳家謙呀。我特登搵個眼鏡跟你㗎!」接著他又說,自己於台底等待時,聽到家謙唱到有點咽哽:「你差啲搞喊埋我呀,真係好感動!」由於觀眾歡呼聲未曾停過,Eason也忍不住跟觀眾說,「你哋好正!」隨即迎來巨浪歡呼。

林家謙
Eason跟家謙說:「其實你邀請我做你嘉賓,你一問我,我個心已經Yes啦,林家謙係一個好值得大家錫嘅人。」

Eason笑家謙心底賤賤哋
Eason跟家謙說:「其實係好多個月之前,你邀請我做你嘉賓,你一問我,我個心已經Yes啦。林家謙係一個好值得大家錫嘅人,單係佢音樂已經散播緊一種治癒。我第一次聽你係《下一位前度》,唔知點解塞車聽特別正,一聽到琴…凳凳登登…即刻唔躁喎。」由於家謙一直無出聲,所以Eason又笑著說:「我知你係怕羞草….」家謙說:「唔係呀….我唔覺得係…..」Eason續說:「我知呀,你個心底裡面都賤賤哋….」全場大笑歡呼!「我哋大家都係St.Jo仔,係咁上下,少少百厭囉…哈哈哈….」

家謙指自己剛剛因為太緊張,所以唱得麻麻,沒料到Eason即鼓勵他:「你想點呀?live嘛!係咁㗎喎!你已經做得好好啦!第一次做喎!六場喎阿哥!我第一次都係四場咋!會愈來愈好,唔使擔心!」觀眾的歡呼聲又再四起,Eason玩得開心更停不了:「唔啱再唱多次囉!」重鬼馬扮fast foward倒轉行回原位,現場再次發出核爆歡呼聲和掌聲,兩人又再重唱多一次《致明日的舞》,觀眾開心到飛起!

Eason叫家謙坐下,說有禮物送給他,家謙非常驚訝,擘大口得個窿,不懂反應,乖乖坐在台上。

林家謙雙眼通紅

唱完之後,Eason叫家謙坐下,說有禮物送給他,家謙非常驚訝,擘大口得個窿,不懂反應,乖乖坐在台上,Eason說:「佢真係唔知㗎!以下呢首歌!我送俾你,送埋俾現場嘅大家!」《今日》一曲前奏響起,全場即炸裂興奮狂叫,家謙更感動得紅眼通紅,閃著淚光,變回一個小粉絲,坐於紅館台上聽偶像唱歌 ,其後更忍不住和Eason一起合唱!

林家謙
Eason唱《今日》送給家謙。
林家謙
家謙感動得紅眼通紅,閃著淚光!
林家謙
兩人相擁。

C All Star:家謙好需要保護

昨晚家謙還有林欣彤及C All Star 任嘉賓,林欣彤說:「林家謙我係台下面聽《下一位前度》聽到喊呀!你今日行到上紅館,咁多人愛你,大家覺得林家謙值唔值得呀?」全場大叫:「值得!」她直言很感謝家謙為自己寫了《林中鳥》一曲,每次獻唱都感到自己變得愈來愈巨大,然後問家謙:「你可唔可以同我一齊變大呀今次?」家謙笑問:「邊度?變大?」接著兩人蹲下來扮升降台旋轉上升,起歌!

林家謙
昨晚家謙還有林欣彤任嘉賓,林欣彤說:「林家謙我係台下面聽《下一位前度》聽到喊呀!」

C AllStar跟林家謙合唱《留下來的人》、《沒明日的恐懼》,C AllStar說:「唔知點解覺得林家謙係好需要保護,上到台就好自然想拖住佢。」此外謝安琪、徐豪縈、方皓文、岑寧兒、小塵埃,蘇麗珊等均有捧場。

林家謙
C AllStar跟林家謙合唱《留下來的人》、《沒明日的恐懼》。

宣布加開 8.27 一場

今日下午一點,林家謙又再化身林+場,發放新海報,上面有句歌詞: 「就算此時離了座,定有一個未來,能伴著過!」公布加開一場 8月27日 (Sat),消息令人振奮!演唱會總監馮貽柏表示,今次「安歌」加場, 大家星期一將會見到一個「充滿希望座位表」,九成門票全部公開發售!祝福真正歌迷都可以撲到飛!

林家謙
今日下午一點,林家謙化身林+場,發放新海報,公布加開一場8月27日 (Sat),消息令人振奮!
娛樂

張天賦 獨居怪癖愛摸黑沖涼 林欣彤鍾情靜音空間

張天賦(MC)和林欣彤(Mag),為「黃Viu煲劇平台」節目《同煲同BLOW》擔任嘉賓,暢談各個大熱的韓國綜藝節目,並以「過來人」身份分享當年參加選秀節目的心路歷程,主持人麻利更發挖了不少他們星光背後的小怪癖!

張天賦
張天賦和林欣彤為節目《同煲同BLOW》擔任嘉賓。

「黃viu」其中一部已上架的綜藝節目《我獨自生活》展現多位韓國藝人的生活實況,剛好Mag與 MC也早已搬離家裡自住,名副其實是「我獨自生活」!Mag表示:「我好鍾意透過節目睇吓韓國明星嘅屋企,有啲屋真係超靚,同埋有啲Artist一瞓醒就已經好靚仔靚女,仲記得其中有個明星一起身就曬太陽,要即刻戴副太陽眼鏡。」至於MC透露因為家庭因素,早在16歲時已搬出來住,更自爆有獨居「怪癖」:「我其實做好多嘢都鍾意熄燈做,沖涼、食嘢都會熄燈,我好享受喺漆黑嘅環境中生活,感覺會自在啲,而且空間感都會大啲。」MC鍾情於「無光」下生活,至於Mag則喜歡長期靜音的「無聲」生活,她說:「反而我鍾意成間屋都靜得好緊要,有時我媽咪嚟到都睇唔過眼,叫我開吓電視、播吓歌。」

張天賦
MC自爆獨居怪癖:「我做好多嘢都鍾意熄燈做,沖涼、食嘢都會熄燈。」

煲《LOUD》感震撼

提到綜藝節目,不得不提兩位唱得之人都是透過歌唱選秀節目而入行,Mag原來一直也有密切留意同類型節目,當中韓國《LOUD》的參賽者更令她相當震憾:「參賽者大多都係10幾歲已經好勁,真係大開眼界,我諗點解我細個唔係咁嘅?」提到她2010年參加《超級巨聲2》一炮而紅,她說:「其實當時唔係想靠呢個途徑入行,嗰時覺得做歌手嘅距離係極遠,只係有個朋友叫我參加就試吓玩啦。」無心插柳柳成蔭的故事也適用於MC的入行經歷,憑《全民造星II》出道的他坦言:「我當時都係覺得出道做歌手呢件事係好遙遠,因為唔似見工咁有個正式途徑入行,當時心態純粹係玩吓,點知一步一步好好彩地入到行。」

張天賦
Mag喜歡長期靜音的「無聲」生活。
娛樂

林欣彤 妒忌泳兒瘦 失控曾樂彤人身攻擊洪嘉豪

林欣彤泳兒合作《聲夢傳奇》結緣,今次王梓軒邀請兩人上《演鬥聽》作音樂battle,兩人對戰時不但沒有互片,更於《下回再戰》時互相恭維,Mag說:「我哋冇鬧對方,我頭先講嗰樣嘢都唔係羨慕,係妒忌佢,因為佢真係食極都唔肥!」泳兒亦指:「我哋冇夾過,係默契,battle嗰段嘢都係噚晚諗,我好鍾意佢首新歌《林中鳥》,呢啲時候梗係宣傳新歌啦!」

談到今次上《演鬥聽》,Mag大讚節目好有心機:「完全由音樂出發,例如我要重新作歌、remix、編曲,就算opening同ending嘅歌喺音樂上都有好多參與性,相對用多好多時間,但我好enjoy,特別多謝Jonathan,佢用咗好多時間喺音樂上,好開心參與呢個節目,覺得好好玩,能夠喺音樂上發揮,同好多歌手及音樂人互擦火花,好開心。」泳兒:「我就覺得好創新,我哋樂壇需要多啲新嘢。萬事起頭難,都好開心Jonathan願意行呢步,佢私下WhatsApp晒我哋所有歌手,好用心,自己去參與幾好玩。」

林欣彤
泳兒與林欣彤合作《聲夢傳奇》結緣,今次王梓軒邀請兩人上《演鬥聽》作音樂battle。
林欣彤
林欣彤妒忌泳兒瘦:「我哋冇鬧對方,我頭先講嗰樣嘢都唔係羨慕,係妒忌佢,因為佢真係食極都唔肥!」

曾樂彤洪嘉豪 Battle似打交

嘉賓曾樂彤亦難忘與洪嘉豪battle:「最後我rap嗰段,係完全豁出去,淨係覺得同佢打咗場交就返埋位。(進入一個忘我狀態?)係,出咗竅。」對手洪嘉豪則說:「我哋做歌手好多時喺鏡頭前太正經,明明本身唔係咁,其實都可以俾人哋睇到好玩啲嘅一面,好似我同佢(曾樂彤)friend好玩啲,我就係一味遮住佢個鏡頭,哈哈。」曾樂彤即反駁:「所以我要『𡁻』佢囉!」

梓軒坦言:「呢個騷最大嘅目的就係音樂上見到你哋嘅性格,見到你哋做音樂背後嘅原因,大家都睇到喇,喺你嘅Ig度抽啲嘢,又講出一啲私人嘅嘢。」曾樂彤很喜歡ending的《下回再戰》,認為ending最刺激,洪嘉豪就覺得《我點你作》最正:「我係用搞笑嘅方法present,自由度大,本來以為會好大workload,但5分鐘就寫晒。」

嘉賓曾樂彤亦難忘與洪嘉豪battle:「最後我rap嗰段,係完全豁出去,淨係覺得同佢打咗場交就返埋位。」
洪嘉豪則說:「我哋做歌手好多時喺鏡頭前太正經,明明本身唔係咁,其實都可以俾人哋睇到好玩啲嘅一面。」
梓軒坦言:「呢個騷最大嘅目的就係音樂上見到你哋嘅性格,見到你哋做音樂背後嘅原因。」