標籤: 林海峰

食玩

用麥當勞App指定券捐款 有機會獲《愛我別走》門票

麥當勞App用戶專屬福利「SHOW畀你睇」活動回歸!用戶只要透過麥當勞App捐贈港幣$20予香港麥當勞叔叔之家慈善基金,即可有機會獲得黃子華及林海峰合演的熱爆舞台劇《愛我別走》門票兩張!大眾可一邊欣賞舞台劇,一邊共襄盛舉,幫助有需要的人。想獲取門票的朋友請留意以下詳情~

麥當勞App用戶做善事 抽《愛我別走》門票兩張

由兩大男神黃子華及林海峰首度合作的舞台劇《愛我別走》,將於2月24日起,在西九龍文化區戲曲中心大劇院一連上演43場,門票早前亦已火速售罄。撲不到飛的朋友也不用絕望,因為只要2月8日至2月26日(晚上11時59分或之前)期間,成功登記成為麥當勞App用戶,並於手機或餐廳內的點餐機掃瞄麥當勞App內之指定捐款券,捐贈港幣$20予香港麥當勞叔叔之家慈善基金,即可有機會獲得一票難求的《愛我別走》兩張$480門票。

是次活動會按特定序列選出100名得獎者,每位得獎者可獲3月14至17日期間舉行的同一場次門票兩張。門票上印有指定演出日期,麥當勞會隨機派發予得獎者。麥當勞App用戶可重複使用是次門票捐款券,惟每名合資格參加者最多只能獲奬一次,得獎結果將於3月7日通過登記電郵公佈。

愛我別走

黃子華及林海峰合演舞台劇《愛我別走》門票捐款券:

  • 捐款活動時間:2月8日至2月26日(晚上11時59分或之前)
  • 門票日期:3月14至17日
  • 麥當勞App會員透過麥當勞App內之指定捐款券,於手機或餐廳內的點餐機捐款港幣$20予香港麥當勞叔叔之家慈善基金,即有機會獲得同一場次的門票2張,名額共100名。捐款券可重複使用,惟每名合資格參加者只能獲奬一次。
娛樂

草蜢演唱會尾場失聲急入院打針  蔡一傑激動落淚:好驚唱唔到

草蜢 一連四場紅館《RE:GRASSHOPPER 草蜢演唱會2022》昨晚尾場,圈中不少友好前來支持,包括軟硬天師兩位靈魂人物林海峰及葛民輝,原來十年前的今天,草蜢和軟硬在紅館合體舉行《草蜢森巴大戰軟硬Fan演唱會》,對他們來說,這個晚上特別有紀念價值。此外,前來紅館捧場的星級觀眾還有曾志偉、谷德昭、伍詠薇、林德信、關心妍、鮑起靜、方平、江美儀、DJ小儀、陳淑芬等。

草蜢
草蜢一連四場紅館《RE:GRASSHOPPER 草蜢演唱會2022》昨晚尾場。
草蜢
圈中不少友好前來支持,包括軟硬天師兩位靈魂人物林海峰及葛民輝。
草蜢
谷德昭

來到尾場,草蜢出盡百二分力氣載歌載舞,現場觀眾的尖叫聲震懾紅館每一個角落,超過一百分鐘的連場勁歌熱舞,三子依然愈唱愈起勁,每每響起經典金曲的前奏,觀眾總會報以熱烈掌聲,尤其是蔡一傑獨唱《失樂園》時,萬人紅館大合唱,場面叫人感動。

草蜢
來到尾場,草蜢出盡百二分力氣載歌載舞。
超過一百分鐘的連場勁歌熱舞,三子依然愈唱愈起勁。
草蜢
蔡一傑獨唱《失樂園》時,萬人紅館大合唱,場面叫人感動。

期後草蜢在台上感謝整個演唱會幕後團隊付出期間,蔡一智有感而發說:「我哋仲要多謝一個人,就係我哋嘅師傅,梅艷芳小姐,我知佢今晚有嚟睇,我哋三個每次開演唱會,都係送俾佢,我哋唔會忘本,一定要做到最好,唔可以失禮我哋師傅。」

草蜢
蔡一智有感而發說:「我哋仲要多謝一個人,就係我哋嘅師傅,梅艷芳小姐,我知佢今晚有嚟睇。」

為了樂迷、為了師傅,三子雖然做足一百分準備,但去到演唱會尾聲,蔡一傑自爆開騷前突然失聲,他哽咽说:「剛才黃昏六點左右,我失咗聲,然後我入咗醫院,我好驚,好驚唱唔到……我一路好緊張,即刻打俾我醫生,我話我開唔到聲,我好驚,跟住我即刻入醫院打針,變返嚟(聲線)見你哋,我一定要唱到為止,我開番聲嘞,多謝醫生,多謝歌迷俾我嘅力量,多謝你哋一直支持草蜢。」之後傑仔和好拍擋蘇志威、哥哥蔡一智,一齊合唱《我們》,其間不時落淚,相當激動!

草蜢
去到演唱會尾聲,蔡一傑自爆開騷前突然失聲。
草蜢
蔡一傑哽咽说:「剛才黃昏六點左右,我失咗聲,然後我入咗醫院,我好驚,好驚唱唔到!」
草蜢
之後傑仔和好拍擋蘇志威、哥哥蔡一智,一齊合唱《我們》,其間不時落淚,相當激動!
幸好演唱會最後完美落幕。
娛樂

玩教主遭神徒狂鬧 林海峰親解事件讚Anson Lo好可愛 謝茜嘉爆姜濤喊住衝入女DJ房

MIRROR 在剛過去的《2021年度叱咤樂壇流行榜頒獎典禮》狂掃8個獎,不過林海峰(Jan)揭曉「我最喜愛的男歌手」時,輪流玩有份入圍盧瀚霆(Anson Lo)、呂爵安(Edan)和陳卓賢(Ian),Anson Lo還一度站起來,差些以為自己得獎,幾乎重演當年關心妍「 錯獎」的尷尬場面!Anson Lo對於被Jan戲弄並沒有介意,還笑言:「嚇死我、我呆咗,唔敢信,嗰一刻好猶豫,但冇失望,因為冇諗過會得獎。」事後神徒湧到阿Jan社交平台鬧罵他玩得過份,直指「真係嬲」、「不尊重人」,亦有其他非神徒的網民說看得不舒服!

Anson Lo
MIRROR在剛過去的《2021年度叱咤樂壇流行榜頒獎典禮》狂掃8個獎。
Anson Lo
林海峰揭曉「我最喜愛的男歌手」時玩Anson Lo,令Anson Lo還一度站起來,差些以為自己得獎!
Anson Lo
Anson Lo對於被Jan戲弄並沒有介意,還笑言:「嚇死我、我呆咗,唔敢信,嗰一刻好猶豫,但冇失望,因為冇諗過會得獎。」

林海峰和嘉賓主持谷德昭今日在《在晴朗的一天出發》討論這件事,林海峰說:「我一返到屋企聽到第一句:「『過份咗!』我諗呢次死喇,咁我即刻攤喺度反思下!我有睇報道,對我嗰啲冇乜所謂,好小事,我見到嗰啲留言唔係講我,佢哋根本每一句都係講對Edan、Anson Lo、姜濤、Mirror嘅愛,網民鬧:『你真係過分!』我睇嘅時候係感動嘅,嗰啲力水係來自對佢哋嘅愛,先有咁嘅反應。」Jan繼續說:「我嘅責任係令大家好興奮,我覺得可以咁做,因為佢哋個個都係比賽出嚟,佢哋嘅抗壓能力比常人高好幾倍, Anson(喺《全民造星》)好早已經走咗,佢哋心理質素強大,如果唔係,佢哋唔會咁樣跑出嚟。第二係佢哋之間嘅感情,佢哋一Team人,all in one,尤其是佢哋兩個(Anson Lo、姜濤),佢哋嘅友誼,我覺得可以做一次咁樣嘅事!」

Anson Lo
林海峰和嘉賓主持谷德昭今日在節目《在晴朗的一天出發》討論這件事。( 谷德昭IG圖片)
Anson Lo
谷德昭說:「撩佢自己講吓《叱咤》嗰晚嘅第一身說法,大家知啦,佢絕少開咪講自己嘢㗎嘛!」
Anson Lo
林海峰指:「佢哋一Team人,尤其是佢哋兩個(Anson Lo、姜濤),佢哋嘅友誼,我覺得可以做一次咁樣嘅事!」

Jan說回當日原先的鋪排:「我個稿係『恭喜你,Anson Lo……好忙,我自己綵排過,我幻想到觀眾嘅反應,我應該停半秒定停1秒,但我冇辦法估計現場嘅反應,將個停頓位拖到我冇辦法返轉頭,『恭喜你Anson Lo』,我啱啱想睇邊個位入『好忙』嗰句,隔離嗰個E先生已經『冚』埋去,啲觀眾已經嘩嘩嘩!Anson Lo就攤咗喺後面,你知Anson Lo係個幾好嘅人,好可愛!」谷德昭亦讚Anson Lo:「Anson Lo個反應好可愛,佢嘅反應好好,係100分,係杜琪峯拍先有呢個反應,呢個係真反應,係來自一個善良嘅人! 」

Anson Lo
Jan說:「Anson Lo就攤咗喺後面,你知Anson Lo係個幾好嘅人,好可愛!」

當晚另一個焦點就是姜濤憑《Dear My Friend,》奪得「叱咤樂壇我最喜愛的歌曲」,他在唱歌時因懷念故友而泣不成聲。謝茜嘉、梁文禮今日在節目《叱咤樂壇》大爆姜濤唱完歌衝入後台的事,謝茜嘉說:「 有同事話返俾我哋聽,姜濤一落台就衝咗入去我哋嘅DJ房,我哋嘅DJ房係最近台嘅,佢衝入去第一間房就係我哋女DJ換衫嘅房, 當時Vani喺度,Vani話:『你知唔知頭先姜濤衝入嚟,佢直入廁所閂埋道門。』佢的確需要處理情緒。」謝茜嘉又說:「經理人花姐當時在場,花姐喺門外同姜濤講咗一番說話,呢番說話唔應該on air講,跟住佢就靚靚仔仔出返嚟!」

Anson Lo
姜濤憑《Dear My Friend,》奪得「叱咤樂壇我最喜愛的歌曲」,他在唱歌時因懷念故友而泣不成聲。
Anson Lo
謝茜嘉、梁文禮今日在節目《叱咤樂壇》大爆姜濤唱完歌衝入後台的事。