《阿媽有咗第二個》由彭秀慧執導、毛舜筠、姜濤、Jer(柳應廷)主演，叫好又叫座，上映一個月港澳票房已衝破3,500萬！雖然姜濤、Jer因MIRROR停工兩個月未能協助宣傳，但電影公司不時上載幕後花絮片冧粉絲。今日《阿媽》官方社交平台貼出新花絮片寫道：「#方晴來了，先睇Maxi老師 個人表演，再睇方晴神速進步，多謝 @maximilianfu！」
最搞鬼是片中飾演方晴的姜濤，看完Maxi老師高難度示範後，立即O嘴扮走，可愛又爆笑！不過姜濤很快已經跳得有板有眼，進步神速，連有份參演的岑珈其、麗英都拍掌激讚 ！姜糖亦紛紛留言表示：「方睛O嘴行開好好笑 ！」、「老師好叻，方晴又好有potential！」、「好鍾意方晴直接行開，當唔關佢嘅事嗰個樣！」、「多謝阿媽又有方晴花絮！」
由彭秀慧編劇及執導、毛舜筠、姜濤、柳應廷（Jer）主演的電影《阿媽有咗第二個》，上映16日票房衝破2,500萬，網民大讚電影感情細膩，毛舜筠、羅永昌等演員表現出色，連處男演出的姜濤和Jer都有驚喜表現，粉絲為撐偶像不斷翻看，令票房愈升愈有。
除了粉絲支持，姜濤還有「香港電影海報教父」阮大勇力撐，81歲阮大勇是香港著名海報師，他在2017年榮獲香港電影金像獎「專業精神獎」，2018年奪「世界傑出華人藝術家大獎」，在行內德高望重。阮老師已退休，現時為興趣而畫畫，早前他因為看了《作品的說話》MV，被姜濤的真摯和善良感動而成為姜糖，不時以姜濤作畫。
最近阮老師就畫了姜濤在《阿媽有咗第二個》的型造支持姜Man，為了幫姜濤谷票房，昨日還在社交平台公布，持有不同數量《阿媽》票尾的香港人，可以免費得到不同的姜濤禮物。例如持有30張票尾，可獲姜濤隨身噴霧小盒子乙個，若持有100張票尾，就可以得到「濤」兔2023年A1年曆乙幅等，雖然貼文未附禮物相片，但已經很吸引！
貼文還說：「口碑及票房記錄，必須由每位晴天娃娃（姜濤戲中嘅粉絲名）用心用力去推廣才能成功及『打破』的，目標1億。」有姜糖留言多謝阮老師：「實在太感動啦！連阮老師同靚女都出手撐姜姜，我好開心呀！👏👏👏」、「我已經有46張飛！」、「阮老師真好，好鼓勵入場睇戲😍😍！」
阮老師貼文內容：
每位晴天娃娃，目標來了，凡惠顧及持有：
30張「阿媽」票尾的每位香港人，我們將送出KT隨身噴霧小盒子乙個(隨機款式，當中包括1一10胎及方晴)。
60張「阿媽」票尾的每位香港人，我們將送出KT單項款式A3 Tote Bags乙個(隨機款式)
80張「阿媽」票尾的每位香港人，我們將送出KT一套postcards或A4掛畫乙幅(隨機款式)
100張「阿媽」票尾的每位香港人，我們將送出「濤」兔2023年A1年曆乙幅
幾時想Claim你的禮物，就上傳清晰高解像的圖给我！！如資料不足，我辦不到喔！！！
30？60？80？
定100先Claim？自行决定
無任歡迎！
由彭秀慧（Kearen）編劇及執導、毛舜筠、姜濤、柳應廷（Jer）主演嘅電影《阿媽有咗第二個》叫好叫座，上映11日票房衝破2,100萬，成為本年度最短時間超越2000萬的港產片！網民大讚電影感情細膩，毛舜筠、羅永昌等演員表現出色，連處男演出的姜濤和Jer都有驚喜表現，粉絲為撐偶像不斷翻看，除了有粉絲跟我們說看了11次外，還有粉絲試過一日睇7次，相信票房愈升愈有。
彭秀慧昨日在社交網上載一張導演板相片，顯示去年8月22日開拍《K風暴》，而《K風暴》正正就是《阿媽有咗第二個》的前名。彭導留言寫道：「舊年嘅今日2021年8月22日，係我哋《阿媽》正式開機嘅日子🥰。《K風暴》，一個隨口噏當秘笈嘅名，因為好想試吓一啲未公開嘅嘢，係咪真係會傳咗出去，而且風暴系列係好收得㗎，咁都幾好意頭啊，完全係一個玩笑！」
但想不到《K風暴》這個名引起網民誤會，彭導續寫道：「然後有一日有人inbox我，問我點解要叫呢個名，#點解要根據演員名去改戲名，咁樣人哋會睇唔到演員演戲嘅努力，咁樣會害到個演員。我冇答佢，我心諗，我隨口叫K風暴，因為個導演叫Kearen 啊 😭😭😭！」有網友坦言自己都誤會K指姜濤：「 哈哈，我成日以為K for Keung，不過《阿媽有咗第二個》呢個名改得好好！」有網友搞笑話：「 下次再明顯啲，叫《KP風暴》……期待你下一部作品！」
海外粉絲入戲院力撐
其中有不少海外網友在彭導貼文表示力撐《阿媽》：「 我今日會喺英國捧您哋場！」、「喺英國睇到彭導嘅戲！好感動！阿媽真係好好睇！」、「我同我女在台北等緊你套戲上呀！」、「我在加拿大都已經入戲院睇咗 5 次#阿媽有咗第二個，會繼續支持 #姜濤 #彭秀慧導演 #風雨不改」、「嚟咗多倫多10年第一次睇港產片，應該有幾10年未試過坐第4行睇戲，好睇！」
張敬軒 紅館演唱會昨晚（29日）尾場，MIRROR成員Edan（呂爵安）、193（郭嘉駿）、谷德昭等前往捧場，昨晚皇上破天荒請了三位嘉賓，包括「皇后」王菀之，MIRROR成員Ian（陳卓賢）和Jer（柳應廷），令觀眾超驚喜！
王菀之第一個出場，她讀出寫給皇上的信：「張敬軒，你過得好嘛？沒見面的日子，我同你同好多人一樣，都係好努力咁追尋自己夢想，有時好困難，但冇放棄，因為放棄咗成為定局，但唔放棄一直行落去仲有希望，所以我哋彼此努力啦，無論將來點，我都祝福你未來有更多個廿年做你夢想嘅事，生活開心自在；幾年前我哋喺同一地方你問我，如果下一世遇唔番我點算呢？」此時皇上忍不住爆喊，王菀之說:「我會搵番你！」皇上回應：「多謝皇后！」兩人相擁，場面催淚感人！
第2位嘉賓是Ian，他送上自己第一架擁有的模型車：「皇上好好，教我好多嘢，銘記於心，做人一定要有目標，我將模型車送俾你先，他日我有真車，第一時間車你遊車河。」皇上勁冧：「阿叔我心都融晒呀，陰公！好珍貴，有歲月痕跡！」皇上知道Ian 6月生日，又說：「我好老實，特別而家收入唔多，廣告又唔夠你哋多，我啲廣告賣咗幾年都俾你哋搶咗，我見到你拍銀行廣告好開心，開心見到你哋喺樂壇有成績，好多人支持你哋，接受長輩祝福，我同你唱隻生日歌。」
至於壓軸出場的Jer收工趕到紅館做嘉賓，Jer送禮時拿出自己珍藏多年的《酷愛》CD說：「今次禮物我有少少私心，係隻CD，呢隻係我人生第一次買嘅CD，所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝，佢人生買嘅第一隻CD，就係我嘅碟，所以你送隻碟俾我幫你簽名。」見到皇上簽名，Jer即開心大叫︰「Yeah！多謝你呀！」場面搞笑！
Jer （柳應廷）新歌《離別的規矩》講述人與人與之間的關係，今次Jer卸棄澎湃的編曲和唱法，以最貼近樂迷耳朵的演繹，和你分享一場傷痛的經歷，Jer說：「大家近年面對最多嘅情緒就係離別，好似有親友移民外地，喺面對離別，我好想透過《離別的規矩》同大家一同呼吸，呢首歌可以成為一個救生出口，大家聽完可以舒服啲，有啲情感可以抒發到。」
今次Jer演繹《離別的規矩》時，跟以往的唱腔明顯不同，他解釋說：「今次吳林峰寫咗一首有啲Un嘅舞曲，但我要用慢版嘅方式去演繹，對我嚟講係一個新挑戰，加上歌曲嘅內容，我想用比較人嘅語氣，好似細細聲喺你耳邊講嘢嘅方式唱出嚟，係自己喺唱法上嘅第一次轉變，希望大家聽到後有共鳴，又或者會有感觸。」
在《離別的規矩》的製作上，Jer跟以往一樣都有參與討論，經過過去的合作，他與小克、王雙駿及吳林峰之間早有默契，所以當他想到整體概念後，便告知小克，然後交由小克，將概念化成為文字。此外，Jer對於編曲上亦有特別要求，他說：「今次我想少啲（簡約啲），因為過去嘅歌都比較澎湃，好多樂器，但今次聽《離別的規矩》，你會發現頭半段主要係人聲為主，然後就只有結他同琴，呢個都係想做返一首『地』啲嘅歌，貼近返歌曲想講嘅人與人之間嘅關係，所以唔使用太多樂器，拉近返個距離。細心留意的話，會發現今次編曲上其實仲加入咗中式樂器，例如笛同埋蕭，同西方嘅弦樂結合，得出咗好好嘅化學作用。」
在推出歌曲之前，小克曾在社交平台表示Jer的演繹會令人耳朵懷孕，Jer聽罷謙虛道：「我成日覺得Jer嘅歌唔係淨係靠我自己，除咗我把聲之外，仲要有情感代入，編曲、作詞，甚至MV拍攝都好重要，缺一不可，所以希望大家都會用心對待每個單位嘅創作。」
炎熱又翳焗的天氣令人心煩氣燥，如果可以大口大口喝汽水的話就好了。全新無糖雪碧終於登場，雖然是零糖、零卡路里，不過依然保留到原有的檸檬味，而且包裝比過往產品更簡約同型格！今次更請來有狂人之稱的MIRROR成員 Jer （柳應廷）擔任代言人，希望各位燥底發狂時，可以喝雪碧降溫。而5月至6月全港指定地方將設有印上Jer宣傳品的打卡區，而6月中旬至下旬亦會有宣傳大使派無糖雪碧，記得留意。
去年以《狂人日記》轟動樂壇的Jer今次為雪碧變身「酷爽狂人」拍攝兩條宣傳短片，Jer表示：「呢排氣溫持續高企，無論返工定出街玩，喺身體或心情燥熱嘅時候，即刻飲返啖凍冰冰嘅嘢飲就最 perfect！今個夏天真係靠曬 無糖『雪碧』同我酷爽應對炎夏，0糖、0卡路里，而且係清爽檸檬味，真係超爽！」
由5月21至6月26日，全港將會分別有6個地方設有印上Jer的宣傳品打卡區，屆時亦會有宣傳大使派發無糖雪碧。
此外，大家亦可以於5月14日至20日期間，選取出你認為5月溫度最高的一日，在月曆上圈上日子，上載到限時動態並加上@sprite_hk及設定帳戶成公開，即有機會贏取一年免費無糖雪碧。
Jer（ 柳應廷）最近推出「重生系列」二部曲《砂之器》，新歌講述母子之間的爭執和仇恨，最後以「對不起」令關係和好如初。Jer接受本網專訪，自言生於幸福家庭，但亦會向媽媽發脾氣，有時工作太忙會忽略父母，Jer坦言要珍惜眼前人：「依家諗番覺得唔應該，因為搵到一個人着緊你同愛你，係一件好難嘅事！」
MIRROR夏日企劃第二擊登場！繼盧瀚霆（Anson Lo）後，成員柳應廷（Jer）再度攜手「狂人班底」小克、王雙駿，推出「重生系列」二部曲《砂之器》。Jer表示新歌以親情為題，希望提醒聽眾珍惜眼前人：「同家人相處難免會有不愉快，我哋係咪可以主動踏出一步、講一聲對唔住，去緩和雙方關係呢？唔好等到錯過，先學識珍惜身邊人。」
新歌呼應《狂人》
承接《狂人日記》，「重生三部曲」的第二生《砂之器》，講述前世情人約定來生以母子相見，即使角色更改、但血脈相連，Jer透露新歌暗藏小巧思：「歌曲前奏其實都係緊接《狂人》尾段，希望用少少嘅承接去串連成件事。」
有別於上次的瘋狂演繹，Jer笑言今次MV比較「貼地」，劇情亦偏向生活化，其中與失智母親上演的親情戲碼，令他直呼難忘：「MV最後一幕，講到失智嘅媽媽做住一啲好愛我嘅事情，望住佢嘅背影，我有好多後悔，所以我要喺凝結嘅空氣下同佢道歉。其實無聲嘅『對唔住』威力最大，我都培養咗好耐情緒，先做到嗰個感覺。」提到MV當中一幕喊戲，Jer亦坦言全靠家人打開淚腺：「當日我真係諗住自己嘅媽媽，最近因為工作，少咗返屋企，冇見一排發現佢嘅白頭髮同皺紋都多咗；所以拍攝時代入真實嘅畫面，就好容易喊得出。」
冀MV呈現電影感
向來被視為團隊的「品質保證」，Jer認為歌曲和MV有著千絲萬縷的關係，開拍前亦不時與導演開會，希望呈現電影感：「平時聽歌除咗專注喺音樂上面，我覺得畫面都好有幫助，點樣透過鏡頭引導觀眾思考，又要喺短短四分零鐘帶出訊息、講故事，其實真係好難，所以事前都要同導演傾劇本；另外我都有提早到場，睇下大家嘅演出，希望可以將佢哋嘅感覺，放喺自己嘅角色入面。」
