36歲的鄭欣宜（Joyce）早前傳出「失蹤」兩個月，有指她是「扭計」停工，連經理人公司都聯絡不上；亦有指她戀愛大過天，只顧拍拖不工作等。而對於欣宜「失蹤」的傳聞，其經理人林珊珊早前回應：「Joyce的確係病咗，療傷之中，希望大家俾多啲時間佢，其他嘅細節就唔再透露啦。」又多謝外界關心。
欣宜未有現身之際，昨晚竟有一Facebook專頁聲稱「鄭欣宜已經死亡，遺體已經找到」，更附有「R.I.P.」的字句，令網民極為震驚！該專頁並沒有透露消息來源或真偽，不久後更把帖文刪除。
寰亞及後回覆傳媒，指欣宜現時情況OK。
36歲的鄭欣宜（Joyce）近年於樂壇的成績亮麗，歌藝得到樂迷廣泛認同，今年接連在多個頒獎典禮奪獎，如上月在港台《十大中文金曲頒獎音樂會》首奪「最優秀流行女歌手大獎」，及ViuTV《CHILL CLUB推介榜年度推介22/23》冧莊「年度女歌手金獎」。
不過，當時欣宜以身體不適為由缺席上迹兩個頒獎禮，沒有得獎感言﹐亦沒有透露病情；翻查欣宜的社交平台，對上一次更新已經是4月26日貼出與髮型師Benjamin的合照，5月30日生日當日亦沒有露面。
今日有傳媒報道，欣宜「扭計」停工近兩個月，連經理人公司都聯絡不上；又指她戀愛大過天，只顧拍拖不工作。據知欣宜男友Derek比她年長三年，曾於英國留學，現為一名花店老闆。早前欣宜生日期間，更被捕獲與男友前往東京旅行，同行還有髮型師Benjamin，不過欣宜至今未有正面回應戀情。
對於欣宜「失蹤」的傳聞，其經理人林珊珊今日回應指：「Joyce的確係病咗，療傷之中，希望大家俾多啲時間佢，其他嘅細節就唔再透露啦。」又多謝外界關心。
鄭欣宜（Joyce）一連三場「Believe Us 鄭欣宜演唱會 2023」 昨晚在紅館開鑼，全場爆滿，好友李幸倪（Gin Lee）和應智越（細貓）等捧場，特別嘉賓鄭裕玲（Do姐）未有開金口，反而與欣宜玩「大問答」互揭感情秘密，妙問妙答！
今次欣宜演唱會舞台設計非常特別和揼本，除了在舞台四邊都舖上泥土，呼應演唱會海報設計，還專程從英國訂製Ground Support，在場內加設四條直柱配合電腦程式和射燈，打造不一樣的燈光效果，無論是勁歌熱舞還是抒情慢歌，燈光從四方八面全場投射，層次更豐富。
昨晚欣宜以《Glitterfalls》和《@princejoyce》，與二十位舞蹈員勁歌熱舞為演唱會打頭陣，然後唱《小夜燈》時全場觀眾亮起手機燈，一片星海中，非常壯觀。接著，在音樂總監何秉舜台上鋼琴伴奏，演唱《你是什麼時候開始不愛我的？》和《恐懼蠶食心靈 》時，一對男女舞者在台上灑水的裝置中跳舞，演一對吵架情侶，全身濕透。
之後欣宜介紹昨晚表演嘉賓Do姐時，全場掌聲雷動，Do姐自言非常有資格當嘉賓：「因為喺你未出世，肥姐大肚嘅時候，我已經知道你嘅存在，睇住你長大。不過，演唱會嘉賓要唱歌喎！」欣宜笑說：「唱歌跳舞呢啲粗重嘢交畀我做。其實我請你嚟做嘉賓另有目的，我想請你咁有份量嘅嘉賓上嚟講吓我，教訓吓我！」
Do姐想了一會，說：「我又無察覺你有乜唔好，不過我收到風，你鍾意夜瞓又好晏起身，你要學吓Do姐早睡早起，呢個歲數都Keep得唔錯！」觀眾拍掌。Do姐續說：「憑良心講，欣宜無嘢唔好，睇佢長大，佢好尊重自己嘅體態，佢做返自己，我好開心。佢對於鍾意嘅事，即係唱歌演出，會付出100% ，叻女到喺紅館開演唱會，唔止一次，係兩次⋯⋯（欣宜在旁細細聲更正『係第三次』）三次添！我引以為傲。」
Do姐表示自己不會表演唱歌，建議與欣宜台上玩「大問答」，隨即問欣宜揀愛情還是事業？欣宜表示兩樣都要。她反問Do姐揀電視台定電台，Do姐亦都兩樣都要。欣宜追問哪一樣賺錢更多？Do姐說：「依家本人做嘢係為興趣，最緊要我開心！」全場掌聲。Joyce再問：「TVB定ViuTV？」觀眾立即起哄，Do姐說：「梗係『開電視』啦！我就嚟要拍旅遊節目！」Do姐問她揀偶條件，欣宜表示會揀較高大和肥肥地的男仔。欣宜問：「如果得個一水泡，你救Jackson Wang定姜B？」Do姐說：「最近多咗個任時完，不過佢哋識游水，唔使我擔心。（點解IG淨係follow佢哋唔follow我？）時機未成熟。」Do姐反擊：「你到底有無拍拖？」欣宜反問她，Do姐說：「我有拍拖，我同現場咁多人拍拖，我覺得呢種拍拖關係最好，佢哋鍾意我，我又鍾意佢哋，我哋又唔會嗌交！咁你有無拍拖？」Joyce照辦煮碗回答，全場爆笑。
昨晚演唱會原定以欣宜首本名曲《女神》作結，但她落台後觀眾不肯離場，不斷大叫Encore，她換上便服牛仔褲再度出場，與觀眾一齊做心心手勢影大合照和多唱一首《半份關心》，為首場「Believe Us鄭欣宜演唱會2023」劃上句號。
鄭欣宜 (Joyce) 今年6月完成《Between Us 鄭欣宜演唱會2022》紅館騷，本月又與MIRROR成員Anson Lo舉行《神の拉闊音樂會》，最近又入選叱咤《我最喜愛女歌手》5強，風頭一時無兩之際，想不到又有好消息宣布！
Joyce日前宣布2023年3月16日至18日將假紅館舉行一連三場「AIA 呈獻 Believe Us 鄭欣宜演唱會 2023」，12月12日起東亞銀行信用卡優先訂票，票價分別港幣$880、$580和$380。
日前公布的演唱會海報上，Joyce以全身黑色半透視造型亮相，性感有型，她躺在濕潤泥土上，擺出不同的型格甫士，仿如一粒種子在蓄勢待發，充滿生命力。相隔九個月再踏紅館開騷，Joyce非常興奮和期待，上次演唱會尾場4度encore，她承諾觀眾盡快再開騷，果然言出必行。她對fans說：「我哋勾過手指尾架嘛，我講得出做得到，你哋呢？See you there！」
Joyce說：「今年6月在紅館舉行『BETWEEN US演唱會』，今次可以話係Part 2，因為一年內再開第二次演唱會。而今次『BELIEVE US』演唱會我將會準備更多、更精彩、更豐富嘅表演畀大家聽同埋睇。」上次紅館演唱會，Joyce跟歌迷分享心深處的秘密，例如恐懼。今次呢？她說：「今次會回應返上次演唱會，對人生、對世界嘅一啲疑問。」
被問到演唱會表演嘉賓，Joyce笑說自己天馬行空地寫了一個邀請名單，約有二十幾位嘉賓：「日前開會時，我輕輕講咗幾個人名，啲同事嘅反應係『嘩』！嘻嘻，我唔知係覺得我黐線，定係我諗嘅嘉賓黐線呢？」
至於歌單，Joyce更以「不得了」來形容，她說：「梗係不得了啦，雖然我哋只係相隔唔夠一年再開騷，但我好榮幸地多咗好多新歌和新project，會有更多好歌同大家分享。」
演唱會詳情：
AIA 呈獻 Believe Us 鄭欣宜演唱會 2023
日期：2023年3月16至18日（星期四/五/六）
時間：8:15pm
地點：紅磡香港體育館
票價：HK$880 / HK$580 / HK$380
主辦機構：寰亞娛樂 / 東亞娛樂
冠名贊助：AIA
東亞銀行信用卡優先訂票
優先訂票日期：2022年12月12日 (上午10時) 至12月14日 (晚上11時59分)
優先訂票渠道：www.hotdogtix.com 或 HotdogTIX手機應用程式
欣宜（Joyce）下月將會在紅館舉行《Between Us鄭欣宜演唱會2022》，早前以生酮飲食法3個月激減20磅的她繼續積極減肥：「我好鍾意着靚衫，依家細咗3個碼！」現在整個人明顯纖瘦了！今年欣宜事業愛情兩得意，除了在《2021年度叱咤樂壇流行榜頒獎典禮》奪「女歌手金獎」和「我最喜愛女歌手獎」外，又奪「CHILLCLUB年度女歌手金獎」；早前又被爆撻着38歲、上環花店Café「The Floristry」老闆Derek，不過她很保護戀情，只是在IG上載一張挨着男友膊頭的照片，但男友不見樣貌，她坦言：「我向來對呢個話題好害羞，想保留番私隱。」問Derek會否現身演唱會，她說到時大家來看吧！
不過今日凌晨約一時多，欣宜忽然拍片上載IG Story說：「唔知點解，夜媽媽突然有少少想喊嘅感覺！」之後她拍了條「Tell me a joke」的片說：「不如大家講吓啲冷笑話我聽啦，等我笑番啦！」約兩個鐘後她還未睡，又在IG Story貼圖，圖中以英文引述Mark Anthony的句子：「To truly love someone, you have to first see them as they really are, then still love what you see！（要真正愛一個人，你必須首先看到他們的真實面目，然後仍然愛你所看到的。）」到底欣宜為何想喊？是否跟Derek有關呢？直到今午一時多，她又出IG Story表示：「On the way去打大佬，今日我哋會有齊所有《Between Us演唱會》嘅Dancer，一齊去練習有Dancer嘅每一個Item，好似考試咁，好緊張！」看來心情已經平伏不少！
ViuTV主辦嘅第二屆本地流行音樂頒獎典禮「Chill Club推介榜年度推介21／22」，今晚在九展匯星舉行，主題爲「人人樂壇，音樂第一」，評選範圍是2021年3月7日至2022年2月27日「Chill Club 推介榜」的上榜歌曲和歌手，除了幕後獎外，各大獎項都是由全港市民投票產生。
頒獎禮一開始由鄧建明、Cousin Fung、T-ma、CMgroovy、波多野裕介、何秉、徐浩等音樂人帶隊，加上 Edan（呂爵安）、衛蘭、馮允謙、姜濤、林奕匡、C AllStar、泳兒、AGA和MIRROR 一起jam歌，炸爆舞台！之後主持駱振偉（Thor）陸續頒發「Chill Club 年度十大歌曲」，第2位至第10位順序為MIRROR《BOSS》、姜濤《Master Class》、Edan《E先生 連環不幸事件》、張敬軒《俏郎君》、Jer（柳應廷）《狂人日記》、 C AllStar《留下來的人》、 MC 張天賦《記憶棉》、 林家謙《神奇的糊塗魔藥》、RubberBand《Ciao》。
「Chill Club年度之歌」最終由Anson Lo #盧瀚霆《Megahit》驚喜奪得，教主攞獎時說：「好多謝公司好多謝ViuTV，好多謝Wyman，呢首歌係講溝通，溝通係我2021年學到嘅最大課題，同屋企人溝通、同工作人員溝通、同Mirror成員溝通，好多謝投票俾我嘅你哋，無論任何事情發生都好，我係唔會放棄繼續做我鍾意嘅跳唱歌，多謝大家包容，我嘅不足好多，有好多嘢需要改善，所以多謝大家！」
「Chill Club年度男歌手」金獎亦由Anson Lo奪得，雙喜臨門，他發表感言：「好多謝投票俾我嘅人，多謝每位MIRROR成員，今年踏入第四年，冇MIRROR冇人會留意Anson Lo 呢個人，最近MIRROR嘅成員都有好疲倦嘅感覺，大家都好攰，但我想講我哋就算幾攰都好，都唔會嫌攰，因為我哋每日都做緊好鍾意做嘅嘢，我承諾大家我會繼續努力，多謝大家！」至於銀獎則由姜濤奪得，他說：「我記得上年喺呢個舞台上面，我話相信我哋可以成為亞洲第一，經過一年之後，其實每一位嘅歌手已經係我心目中嘅亞洲第一，我真係好愛好愛呢個地方，只要你每一位唔放棄我哋，我會永遠喺度唱歌俾大家聽！」至於銅獎就是家謙：「今年做咗好多嘗試，試吓唱人哋嘅歌，好開心有人喜歡！」
「Chill Club年度女歌手」由鄭欣宜奪得金獎，她拿獎時說：「好多謝投票俾呢位死中女嘅各位，頭先一路宣布完銅獎銀獎之後，我以為我冇機會上台得獎，我真係要喺呢度多謝Chill Club同ViuTV，多謝公司上上下下嘅同事，同我做咗好多歌，令大家重新認識香港歌手鄭欣宜！」而銀獎由Serrini奪得，銅獎就是陳蕾！
「Chill Club年度組合」由MIRROR奪得金獎，Lokman說：「想多謝呢度嘅台前幕後，都好多謝大家發放熱力俾大家感受，多謝在座嘅觀眾，令大家感受到熱力！」AK亦說：「好多謝幫我哋嘅每一位！」銀獎則由C AllStar奪得，銅獎就是ERROR，肥仔說：「多謝投票嘅所有粉絲們！」Dee則多謝爹哋媽咪：「係你話俾我聽做咩最緊要開心！」
「Chill Club年度新人」由MC張天賦奪得金獎，他拿獎時說：「出咗道先知，每一個崗位都好重要，要重視每一個人工作，曲詞編監，每一環都唔可以缺少，我呢個新人獎都係佢哋一手幫我包辦，多謝鍾意MC嘅人！」銀獎則由Edan奪得，他說：「好開心同時都有啲矛盾，我嘅起步好好，我係MIRROR嘅一份子，我有好多機會令人見到我，所以我要變得更優秀。希望大家都關注其他歌手，支持我之外都要支持其他歌手，令到香港樂壇百花齊放！」銅獎是193，他搞笑說：「我最想多謝ViuTV所有幕後工作人員，好包容我哋，多謝ERROR，Poki下年拎新人獎，阿Dee下年拎視帝！」
得獎名單：
「Chill Club年度男歌手」
金獎：Anson Lo
銀獎：姜濤
銅獎：林家謙
「Chill Club年度女歌手」
金獎：鄭欣宜
銀獎：Serrini
銅獎：陳蕾
「Chill Club年度組合」
金獎：MIRROR
銀獎：C AllStar
銅獎：ERROR
「Chill Club年度樂隊」
金獎：Dear Jane
銀獎： RubberBand
銅獎： ToNick
「Chill Club年度新人」
金獎：MC張天賦
銀獎：呂爵安（Edan）
銅獎：193
「Chill Club年度唱作歌手」
金獎：林家謙
銀獎：馮允謙
銅獎：Serrini
「Chill Club 年度十大歌曲」
Chill Club年度之歌：《Megahit》 – 盧瀚霆
第2位《BOSS》 – MIRROR
第3位《Master Class》 -姜濤
第4位《E先生 連環不幸事件》 -呂爵安
第5位《俏郎君》-張敬軒
第6位《狂人日記》 – 柳應廷
第7位《留下來的人》- C AllStar
第8位《記憶棉》 – MC 張天賦
第9位《神奇的糊塗魔藥》 -林家謙
第10位《Ciao》 – RubberBand
「Chill Club年度作曲人」：吳林峰
「Chill Club年度填詞人」：黃偉文（Wyman）
「Chill Club年度編曲人」：Ariel Lai
「Chill Club年度監製」：Edward Chan
教主Anson Lo和麥當勞合作推出全新冰雪特飲，Anson Lo的「粉紅教主」造型在尖沙咀星光行外大型廣告板展出，掀起新一輪打卡潮，連明星都化身神徒瘋狂打卡。好像欣宜早前到場和Anson靚仔相合照，還自封「死中女粉絲」，而「忠粉」李婉華還帶了教主公仔去打卡。而Anson Lo本人亦貫徹「盧汗停」之名，着長袖衛衣到場影相，搞到一班神徒尖叫不斷！
不過想不到連小朋友都中「打卡毒」，有網友就在「我老婆嫁左比Mirror導致婚姻破裂關注組」post相，說路過時聽到囡囡跟爸爸說：「我要同佢（Anson）影相，叫媽媽幫我哋影，我唔要影到你。」爸爸沒有不悅之餘還托着囡囡影相，真是見者心酸，有網友就說：「爸爸繼續努力討好倆母女，如果唔係趕埋你出門口！ 」、「慘，今世老婆同前世情人都嫁咗俾教主！ 」不過亦有網友貼出囝囝和Anson的合照留言：「 呢個或者係最可以代表各位『前夫』嘅表情 ！」有網友見男孩影得相當不情願，便說：「好明顯入咗『我媽媽嫁咗俾mirror』 look啦！」相當爆笑！
恭喜「寰亞新人王」ANSONBEAN（陳毅燊）正式出道！昨晚唱片公司舉行盛大Party宣布喜訊，師姐鄭欣宜、同門「折骨Ben」趙祥誠，以及家人好友們到場支持，場面熱鬧。ANSONBEAN又唱又跳第一首主打歌《CRUSH （oh no！）》，之後與參加造星III的戰友Timo和NY表演勁舞，壓軸環節就是一同欣賞新歌MV首播，全場歡呼。
發布會開始前，欣宜捧住一籃香蕉突襲ANSONBEAN化妝間，一打開門她說：「恭喜你，上次你送咗一梳蕉俾我，我今次晒你冷，送你四梳蕉，『蕉』氣勃勃！」ANSONBEAN非常驚喜：「真係勁好多，成籃送嚟！」欣宜續說：「呢啲熟啲架，上次你送嗰啲綠色，依家成熟了，加油！」而Ben則表演折骨舞助慶，全場氣氛高漲！
首個發布會圓滿成功，ANSONBEAN坦言心情仍然興奮緊張，笑言腎上腺爆升，他說：「籌備咗兩個多月嘅新歌和MV終於面世，好開心。外公、外婆、父母、弟弟及一班好友前來一起玩，好似開Party咁，感激大家一齊歡呼，大家都好鍾意我嘅新歌同MV。」對於未來發展，他說：「唔會局限於做跳唱歌手，我都鍾意慢歌，亦會拍電影和電視劇。」他又稱特別希望與師兄馮允謙合作：「我覺得佢唱歌好好聽，好鍾意佢嘅新歌。嚟緊有一首歌係佢寫畀我嘅，好期待！」他又自爆發布會綵排期間，追看港隊劍擊代表張家朗東京奧運男子花劍決賽，連同自己首個發布會，雙重緊張，出場前得知對方成功奪金特別興奮，讚嘆是大好日子，說：「佢咁爭氣，我都要一齊爭氣，做好自己，為香港爭光。」
》%20欣宜x%20Serrini電車齊齊𥄫靚仔)
鄭欣宜新歌《先哭為敬》由梁嘉茵（Serrini）與許崇謙（HimHui）作曲、黃偉文（Wyman）填詞，推出後好評如潮，據悉這歌原本為一位男歌手寫，因緣際會被欣宜選中。由於獨唱版反應好，再下一城，邀請Serrini來一個合唱版《先哭為敬 (尾班車 Version)》，並包了一架電車遊叮叮河拍MV。拍攝當日她們才首次正式見面，欣宜形容二人仿如「同一塊布」，同聲同氣，雞啄唔斷，還在電車上層齊齊𥄫靚仔！
今年元旦，欣宜與Serrini在頒獎禮上同場後，引爆網民熱話，紛紛留言希望她們合作演出。其實早在去年欣宜加盟寰亞時，已主動向公司要求與對方在音樂上合作，期待擦出火花，果然在公司積極牽紅線下，如願以償，她非常開心。欣宜透露由收Demo到拍MV前，與Serrini一直都只是「網友」，拍MV日終於首次見面，一見如故。欣宜說：「我有睇Serrini嘅演出和MV，好鍾意佢嘅歌聲和風格，感覺我同佢好似來自同一塊料子裁出嚟咁，雖然各有風格但又好夾，所以我同公司講好想同佢合作，終於等到佢嘅Demo，一聽就好鍾意。可能唔輸得嘅性格，見到『男人歌』三個字就偏要唱。」到底這歌原本為誰寫？欣宜旁敲則擊，Serrini 和HimHui 非常口密。
合唱版MV拍攝當日，包了一架電車遊走銅鑼灣、跑馬地和中環，除了欣宜和Serrini，另一位作曲人HimHui亦亮相MV彈結他，填詞人Wyman驚喜現身探班打氣，還有903DJ 謝茜嘉現場訪問錄音，見証欣宜和Serrini 友誼之路，好朋友們迫滿車廂，非常熱鬧。欣宜心情大好，未埋位時扭腰跳舞又風騷向途人揮手，被拍照時擺甫士任影唔嬲。Serrini初時比較含蓄，但電車駛到跑馬地在運動場附近時，欣宜與她手指指又細聲講大聲笑，原來她們在𥄫靚仔。
初次見面，欣宜一見面就讚Serrini：「好羡慕佢條腰，我無呀！」Serrini大讚欣宜皮膚好靚和佩服她的自信，欣宜坦言：「我試過素顏戴帽，以為無人發現，結果一樣被人認出，咁算啦不如我擺埋甫士，最緊要影得我靚啲！」講到「哭」，她們異口同聲表示大個女，不隨便流淚。Serrini說：「依家會睇戲或者同朋友傾傾吓偈會眼濕濕。」欣宜非常認同，說：「我依家亦好少因為辛苦或傷心而喊，反而會為別人將負面情緒轉化為正面力量，堅強奮鬥，我會感動到喊。」
