標籤: 演唱會

娛樂

鄭伊健紅館騷玩流動電影構思  鬼馬否認話老婆肥:佢強壯咗啫

鄭伊健 近日宣布將於11月21日至24日、26日至27日,在紅館舉行 6場「HERE and NOW 2022 鄭伊健演唱會」,和粉絲再見面!身形fit爆的伊健接受訪問時表示,今次個唱大玩「流動電影」構思,有歌有表演,相當特別!問他是否經常話老婆蒙嘉慧肥,他笑着否認:「冇,冇,佢強壯咗啫!」相當鬼馬!大會還為本月4號生日的伊健預備蛋糕提早慶生,他坦言:「原來當你好耐冇做呢樣嘢,你會覺得好驚喜!」

娛樂

90歲胡楓確診新冠肺炎 宣布紅館騷延期

90歲胡楓原定於本周六(10日)舉行紅館演唱會,破紀錄成為史上最高齡的表演者,還請到契仔張學友等眾多歌手做嘉賓。不過今日有消息指修哥不幸確診新冠肺炎,宣布演唱會延期。胡楓接受傳媒訪問時表示沒有甚麼病徵 ,除了喉嚨有些痕外,吃得睡得,希望很快可以再和大家見面。祝修哥早日康復,再上紅館!

寶輝娛樂在fb發通告表示:「因胡楓修哥日前確診 COVID – 19,原訂於9 月10日在紅館舉行之『修哥 90 迎金秋 無限楓騷演唱會』將會延期舉行,已購票之觀眾請密切留意大會官方網站www.bestshinegroup.comhttps://www.facebook.com/bestshine.official 內之門票安排通知。在此順祝修哥早日康復,以最佳狀態和大家在紅館再次見面。不便之處,敬請見諒。」大會又表示:「已向紅館查詢可作補場之日期,希望能讓大家盡快欣賞到修哥和一眾嘉賓在台上的精彩演出。」

胡楓
今日有消息指修哥不幸確診新冠肺炎,宣布演唱會延期。
娛樂

花18年首上紅館  周國賢落淚:幻想呢個舞台好多年

周國賢 (Endy)一連三場紅館演唱會《周國賢 Endy Chow jaugwokyin THE END 演唱會2022》昨晚頭場,演唱會開場出現多個Endy ,像真道極高,觀眾一開始已經high站立,全場開着手機燈伴唱,Endy唱《赤城千葉》時着和服look出現,全場起哄。

周國賢
周國賢一連三場紅館演唱會昨晚頭場。

其間Endy猛說不好意思,眼有淚光,感慨十八年先上到紅館:「唔好意思,隔咗咁多年,對唔住。點解我要搞咗18年先上到紅館?我都唔知,我知就可能一早上到嚟。」現場觀眾為Endy打氣,他哽咽落淚說:「我幻想咗呢個舞台好多年,原因係咁嘅,上到嚟真係會空白。」又說:「18年入面有好多唔同團隊,有啲已經失散咗喺道路上、有啲朋友已喺彼岸先見到,我想同每一個成長路上嘅人講,縱使短時間入面冇辦法再見,我都好感恩,我長大喇!」

周國賢
周國賢哽咽落淚說:「我幻想咗呢個舞台好多年!」

之後Endy講起以前讀art 時別人用畫筆,他因支筆爛了改用手被同學投訴,幸好他遇到良師覺得效果好,反而叫全班同學一起嘗試,令他明白大家應互相尊重。昨晚他請請來ToNick任嘉賓合唱《時空》,臨走Endy忍不住和恆仔咀嘴,答謝支持,令恆仔嚇一嚇,相當搞笑!

周國賢
周國賢又說:「 18年入面有好多唔同團隊,有啲已經失散咗喺道路上、有啲朋友已喺彼岸先見到。」

Endy encore時提到近日有位共事7年的司機離世,他哭着說:「佢對我好好,好似我家姐一樣,我同呢個地方一而再咁擦身而過,早幾個月之前佢仲話終於可以車我上紅館,你做到喇,我哋會再見,this is not the end!」接着唱《身後身》及《塵世美》完場。

他請來ToNick任嘉賓合唱《時空》,臨走Endy忍不住和恆仔咀嘴,答謝支持!

周國賢
Endy encore時提到近日有位共事7年的司機離世。
周國賢
最後他唱《身後身》及《塵世美》完場。
周國賢
周國賢
娛樂

MIRROR演唱會發生嚴重意外 大電視跌落台兩名Dancers 倒地    政府叫停Mirror演唱會

MIRROR演唱會 今晚第4場發生嚴重意外,當Edan 和Anson Lo 合唱《Elevator 》時,台中央的大電視突然丟下,兩名dancers 被擊中後倒地,演唱會即時腰斬,其中一個傷者為COLLAR成員So Ching舞蹈員男友Mo(李啟言),兩人送往伊利沙伯醫院。伊利沙伯醫院發新聞稿指,共接收兩名男傷者,一人頸部受傷,情況嚴重,另一傷者頭部受傷,情況穩定,So Ching於凌晨到達醫探望男友Mo。凌晨約2時30分,其中一名傷者轉移病房,依然在ICU留醫,另一位傷者亦於凌晨約2時50分被送到ICU。警員到場調查後,將案件列作工業意外,交九龍城警區重案組跟進。

Mirror演唱會
MIRROR演唱會今晚第4場發生嚴重意外,當Edan 和Anson Lo 合唱《Elevator 》時,台中央的大電視突然丟下,兩名dancers 被擊中後倒地。
Mirror演唱會
救護員其後到場。
Mirror演唱會
伊利沙伯醫院發新聞稿指,共接收兩名男傷者,一人頸部受傷,情況嚴重,另一傷者頭部受傷,情況穩定。
其中一個傷者為COLLAR成員So Ching舞蹈員男友Mo。
網民湧到阿Mo的IG留言集氣,希望他可以平安度過。

事後大會發出聲明向傷者致歉:「MIRROR.WEARE演唱會今日發生意外,現場有兩名表演者受傷倒地,救護人員到場進行急救,現已將傷者送院。我們對是次意外深感抱歉,並非常關心兩名傷者的情況。我們會對傷者提供一切所需協助。我們會徹查事故原因。如果我們有進一步消息,會即時公佈。」而文化體育及旅遊局局長楊潤雄關注紅館演唱會事故,已指示演唱會暫停舉行,直至舞台結構證實安全。

Mirror演唱會
政府指示演唱會暫停舉行,直至舞台結構證實安全。

根據MIRROR演唱會鳴謝名單,舞台工程由菱藝廣告製作有限公司負責,機械工程則由協興隆舞台工程有限公司負責。菱藝廣告凌晨在Facebook發文否認與意外有關:「本公司今次只負責以下舞台舞美工程部分,1)Band Pool角位搭建 2)道具製作 3)鋪設台面飾面及鏡面物料,本公司並無參與任何機械工程及導致意外相關工程的製作、運作。特此澄清,本公司與今晚紅館不幸意外無關。如有不實指控,本公司保留追究權利。」

菱藝廣告凌晨於Facebook發文否認與意外有關。

MakerVille發聲明取消餘下所有場次演出

MakerVille凌晨約2時發聲明表示取消餘下所有場次演出:「對於昨晚(7月28日)MIRROR.WEARE演唱會發生意外事故,造成兩名表演者受傷,大會致以最深切慰問並再次鄭重致歉,並會提供一切所需要的協助。我們正全面徹查事故原因,並會盡快作出公佈。此外,對於事故令觀眾或其他受影響人士造成不安,我們深感抱歉。另外,大國文化及MakerVille聯合公佈,將會取消餘下所有場次的演出及網上直播。有關退票的安排,我們會盡快公佈。至於持有7月28日演唱會門票的觀眾,亦可以憑票退款。詳情會稍後公佈。」

MakerVille凌晨約2時發聲明表示取消餘下所有場次演出。

MakerVille行政總裁魯庭暉約凌晨零時到醫院了解傷者情況,逗留約5分鐘離開,至今晨約4時多再返醫院,對事件鞠躬致歉,他指其中一個dancer阿Fung輕傷,擦損和拉傷,沒大礙可出院,阿Mo在ICU,清醒,可以和醫生溝通,要再做一系列檢查。

娛樂

MIRROR 演唱會  鏡仔不停轉綵排地避私追  花姐勸鏡粉:俾啲空間我哋

MIRROR 人氣極盛,所到之處都吸引大批鏡粉支持,不過近年經常出現#私追問題,影響鏡仔工作和私生活。數日前姜濤便在其TG群組勸大家不要再看他打波,姜Man說:「沒有怪大家,只是希望大家多多理解!」

MIRROR
MIRROR人氣極盛,不過近年經常出現私追問題,影響鏡仔工作和私生活。
MIRROR
數日前姜濤便在其TG群組勸大家不要再看他打波。
MIRROR
姜Man說:「沒有怪大家,只是希望大家多多理解!」

昨日經理人花姐亦在IG Story留言:「MIRROR呢段時間正專心綵排演唱會,但因為私追問題,於是我哋要不停轉地方綵排。MIRROR一直感激大家的支持,但亦希望你哋可以俾啲空間我哋,更加唔希望因為你哋喺綵排地方聚集,而造成其他人不便。」勸喻私追鏡粉聽話。

MIRROR
昨日花姐亦在IG Story留言:「因為私追問題,於是我哋要不停轉地方綵排。MIRROR一直感激大家的支持,但亦希望你哋可以俾啲空間我哋。」
MIRROR
花姐曾多次勸鏡粉不要私追。
MIRROR
MIRROR 12子近日為演唱會落力綵排。
娛樂

馮允謙 演唱會尾場〡獲張敬軒送珍藏手表好感動 Jay回贈啷啷 皇上:依家我無啷啷咩

馮允謙( Jay)一連四場「Have a JAY Time 2022 演唱會」,昨晚在StarHall圓滿落幕。尾場表演嘉賓張敬軒,與Jay台上交換禮物,大玩食字,引爆連場笑聲。好友許廷鏗、王灝兒(JW)、陳健安、梁釗峰、Nowhere Boys主音陳維諾(Van)、RubberBand鼓手泥鯭和Mirror的柳應廷(Jer)等捧場,觀眾席上嗌Encore超興奮。而演唱會尾聲,全場突然一齊高舉「下次紅館見」手幅大合唱《山旮旯》,場面壯觀,Jay非常感動,承諾盡力盡快踏上紅館舞台。

馮允謙
唱作歌手馮允謙(Jay)一連四場「Have a JAY Time 2022 演唱會」,昨晚在StarHall圓滿落幕。
馮允謙
演唱會尾聲,全場突然一齊高舉「下次紅館見」手幅大合唱《山旮旯》,場面壯觀,Jay非常感動,承諾盡力盡快踏上紅館舞台。

早前Jay擔任軒仔紅館個唱嘉賓時,送他兩張手繪門票,昨晚軒仔上台與他合唱《愛斯基摩人之吻》後,笑言未能憑票入場。而軒仔送他一份很有紀念價值的禮物,令他又驚又喜。軒仔邊除手表邊說:「2008年我首次踏足紅館,之後出糧,人生第一次收到咁大份收入,所以買咗一隻好出名嘅手表送畀自己,今晚我決定送呢隻手表畀你。」Jay不敢相信,軒仔親自為他戴上說:「希望你唔好介意係二手,呢隻手表陪伴我開過好多演唱會,每次綵排都會戴住佢,當時有一段好長嘅時候,呢隻手表係我人生最貴嘅手表。」他語重深長:「希望藉著呢隻手表話你知,我哋呢行好現實,長江後浪推前浪,珍惜時間,把握機會,我哋紅館見!」Jay感動得攬實軒仔說:「我一定會加油!」

馮允謙
Jay請來張敬軒做嘉賓,軒仔送上用首次紅館歌酬購買的手表。
馮允謙
軒仔親自為Jay戴上,Jay感動得攬實軒仔說:「我一定會加油!」

然後,Jay自言回禮不及其手表珍貴,軒仔笑說:「封返封老毛畀我得啦!」Jay不明白,軒仔笑說:「即係利是,真係廣東話黑洞!」Jay送上一個金色的球體,軒仔笑說:「呢個形狀好引人遐想喎!」Jay解說:「好似一粒栗子,好得意。(有幾得意?)搖吓有聲, 佢有個啷啷㗎!」軒仔秒回:「依家我無啷啷咩?)」全場爆笑,Jay忍笑續說:「係Church Bell⋯⋯(春咩話?)Church Bell,啲聲係咪好舒服呢?」軒仔說:「你好舒服咩?我通常揸住呢啲嘢喺手唔係好舒服,人哋揸就唔知!」Jay笑到接不上咀,軒仔說:「你自己中文唔好,做乜搞呢啲gag呢?!」

馮允謙
Jay回禮送上啷啷,軒仔笑說:「依家我無啷啷咩?」

Jay返後台換衫,軒仔在台上讚他是充滿正能量的樂觀男孩,就算被欺負亦會替對方找籍口,並原諒對方。笑言在自己的歌曲中,終於找到Jay討厭的東西,他說:「我呢首歌叫做《JayFung憎的孩子》(《追風箏的孩子》)!」全場掌聲,軒仔還將歌詞「追風」刻意唱成「JayFung」,觀眾爆笑。

Jay返後台換衫,軒仔唱《JayFung憎的孩子》(《追風箏的孩子》),全場爆笑!
Jay非常落力,軒仔忍不住影相留念。
娛樂

馮允謙演唱會〡MIRROR江𤒹生做嘉賓全場驚喜    Jay讚AK:超級謙虛同友善

馮允謙 (Jay)一連四場「Have a JAY Time 2022 演唱會」,昨晚(2日)在九龍灣國際展貿中心StarHall開鑼。期待十年的演唱會卻遇上颱風襲港,幸好下午改掛三號風球,如常開騷。Jay孭住一支結他穿過觀眾席走上舞台,以《A New Day》和《今天開始》為演唱會揭開序幕。而舞台設計成英文字母J字,寓意他帶著音樂一步一步擁有自己舞台。他在台上感謝台前幕後,以及歌迷風雨不改支持他,令他非常感動。

馮允謙
唱作歌手馮允謙(Jay)一連四場「Have a JAY Time 2022 演唱會」,昨晚(2日)在九龍灣國際展貿中心StarHall開鑼。
馮允謙
期待十年的演唱會卻遇上颱風襲港,幸好下午改掛三號風球,如常開騷。
Jay換上黑色西裝疑似真空上陣,跳舞時更胸肌乍現,觀眾興奮歡呼。

昨晚Jay的父母及一眾親友、好友梁釗峰、林奕匡、蔡一傑、Mirror的江𤒹生(AK)、林德信,還有同門師弟妹ANSONBEAN和雲浩影(Cloud)等捧場支持。Jay感謝父母來港支持,但湊大他的嫲嫲缺席令他傷心落淚,說:「有一個人,今晚我好想佢嚟睇我嘅演唱會,但係嚟唔到,係我嫲嫲。 我哋關係好密切,細個爸爸喺香港工作,媽咪同嫲嫲喺加拿大湊我哋3兄弟,媽咪要返工,所以我大部份時間同嫲嫲一齊。我返嚟香港之後,打電話畀嫲嫲,佢成日都話我好叻仔,喺電視見到我唱歌,其實嗰段時間我無公司,無嘢做。我同佢講,將來開到演唱會,要請嫲嫲嚟睇,唱歌畀佢聽。好可惜兩年前因為疫情佢離開咗,為咗佢我寫咗首歌《給缺席的人唱首歌》。」

馮允謙
Jay感謝父母來港支持,但湊大他的嫲嫲缺席令他傷心落淚。

為了今次演唱會,Jay秘密練舞,台上表演有板有眼。他與徐㴓喬(Asha)合演吸血鬼三步曲環節,又唱又跳又演,延續《一步一悔過》MV吸血鬼愛情故事,觀眾亦看得投入。之後Jay換上黑色西裝疑似真空上陣,跳舞時更胸肌乍現,觀眾興奮歡呼。當介紹表演嘉賓出場時,Jay說:「呢位嘉賓好大隻,跳舞好叻,請到佢嚟做嘉賓係Mir⋯⋯acle(奇績)」觀眾起哄。他們合唱《開始倒數》後,Jay笑問AK:「我幫佢哋(指觀眾)問,你會唔會除衫?」AK稱:「依家?」全場尖叫,他賣關子稱買演唱會票入場就知道有否除衫。Jay稱買不到票,AK立即說:「放心,你有票㗎啦,一定!」Jay讚AK說:「佢超級謙虛和友善,我哋第一次合作就係兩年前,結他彈得好但好少表演,點解呢個人又彈得又跳得個人又咁好嘅呢?」AK說:「似你囉,你剛才跳舞都好掂喎!」還透露將有新合作,說:「我好開心,大家都知Jay係我偶像,我好鍾意聽佢唱歌,嚟緊我哋會有新合作,係咩?到時大家就知。」豈料Jay竟說:「我知道未架?」AK拖住他的手說:「你知,我哋錄咗㗎啦!」Jay才恍然大悟,全場爆笑。之後AK獨唱《黑之呼吸》,觀眾站起來跟住跳。

馮允謙
Jay請來MIRROR副隊長AK做嘉賓。
馮允謙
Jay笑問AK:「我幫佢哋(指觀眾)問,你會唔會除衫?」AK稱:「依家?」全場尖叫!
馮允謙
之後AK獨唱《黑之呼吸》。
娛樂

對MIRROR演唱會安排極度不滿  「我老婆嫁左比Mirror導致婚姻破裂關注組」宣布永久關閉

MIRROR 於7月至8月舉行12場紅館演唱會,不過門票一票難求,就算以實名制在城市售票網公開發售,很多鏡粉苦等近10小時都入不到網站,可謂身心疲累!去年7月由「前夫」建立的「我老婆嫁左比Mirror導致婚姻破裂關注組」,至今有逾35.6萬成員,其發起人兼管理員RC昨晚(2日)在群組發聲明表示,因為對今次 MIRROR演唱會之安排感到極度不滿,決定將會於MIRROR演唱會後,永久關閉此關注組。

MIRROR
MIRROR於7月至8月舉行12場紅館演唱會,不過門票一票難求!

RC寫道:「我對今次Mirror演唱會嘅安排感到極度不滿,為此,我宣布將會於Mirror演唱會後永久關閉『我老婆嫁左比Mirror導致婚姻破裂關注組』。感謝各位喺呢一年時間嘅關注及支持,同埋我兩位有咩事都撐我嘅Admin。Mirror賣廣告,鏡粉衝住買哂佢,有Mirror卡抽,鏡粉一日三餐食老麥,Mirror出席活動,鏡粉早一日去排隊霸位,Mirror出新MV,鏡粉人肉loop到幾百萬view唔知為乜,Mirror出新歌,唔使你俾錢宣傳,佢哋自己出錢出力搞應援。好喇,首個紅館演唱會,難買飛就預咗啦,咁多人想睇,一睇個floor plan,喂黑洞咁嘅樣嘅?俾我嘅感覺係:你眠乾睡濕養大個仔,想參加佢嘅畢業典禮,但,你要睇下好唔好彩先買到飛!」

MIRROR
MIRROR
「我老婆嫁左比Mirror導致婚姻破裂關注組」發起人兼管理員RC,昨晚在群組表示,因為對今次 MIRROR演唱會之安排感到極度不滿,決定將會於MIRROR演唱會後,永久關閉此關注組。

RC又話:「一係你就幫襯校長個fd買份保險,一係就係canteen買24個月餐券,想坐靚位?買兩set吖!你哋而加係將鏡粉對Mirror嘅愛綁架,你當鏡粉係ATM係水魚,錢係要賺,但食相唔係咁難睇掛!各位演唱會嘅主辦單位,你哋係咪真係以為啲鏡粉個個都幾億身家?我哋成日鬧黃牛,你哋就自己做大黃牛,唔使驚,今次實有人睇㗎,下次?唔知嚕!買唔到飛我無乜所謂,反正又唔係我睇,如果你唔知我嬲乜,你試下將上面『鏡粉』呢兩個字換做我老婆/我老母/我個女,咁可能會投入啲!」

MIRROR
有網民看完留言支持:「 講得好好……支持你關站!」

很多網民看完留言支持:「 講得好好……支持你關站!」、「版主講出好多粉絲心聲……真係好嬲好嬲!」、「真係7部機 11個鐘都load唔到入去,廁所都唔敢去,但都買唔到:上兩次信用卡又係咁,今次實名又係咁 。 魯生,你真無(係)使好多人傷了心!」、「版主真係要有骨氣,唔好俾公關收買到,今次真係要為所有鏡粉討公道!」、「申請MOX,為演唱會,最後等咗四個鐘,乜都冇。俾錢做Miro會員,得個吉。實名制公售,坐喺電腦面前10個鐘,買唔到,而家仲要我HKT 課唔知幾多金…我真係覺得好攰,過埋今次紅館,真係想放棄!」、「我都好唔捨得個group ,不過我尊重版主嘅決定同感謝所有係到分享故事嘅各位。」不過亦有網民說:「我明白你心聲,但你連個谷都執埋,以後大家有冤冇路訴喎,你又冇咗開谷嘅初心,何必呢?」

娛樂

MIRROR 演唱會5月31日開賣  實名制每人限購兩張  鏡粉:多注意事項都係好值得

MIRROR 近日宣布 7月至8月首個紅館演唱會, 加開8月5-6日2場MIRO特別場,經城市售票網公開發售的門票(12場)將以實名制形式發售。今晚大國文化宣布演唱會門票將於5月31日早上10時,於城市售票網公開發售,每人每次只限購買最多兩張門票。

MIRROR
MIRROR近日宣布 7月至8月首個紅館演唱會, 加開8月5-6日2場MIRO特別場,經城市售票網公開發售的門票(12場)將以實名制形式發售。

經城市售票網購買時,須提供入場人士之附有相片的有效香港身份證或旅遊證件英文全名作門票實名制之用。持票人於入場時需出示與門票所示姓名相同,且附有其相片的身份證明文件供核對,否則會被拒入場。若持票人士因事未能出席演唱會,可於7月20日至22日期間辦理退票手續(不包括任何手續費),以票面值半價退票,2022年7月22日下午6時後不設任何退票安排。

MIRROR
今晚大國文化宣布演唱會門票將於5月31日早上10時開售,每人每次只限購買最多兩張門票。

至於加開的MIRO特別場,MIRO會員須於6月1日至6日於mirrorweare.com登記參加購買活動。已登記購買活動之MIRO可於6月10日早上10時起透過Cityline網站,憑MIRO會員號碼和MIRO登記電郵地址購買演唱會MIRO特別場門票。購買門票時須提供入場人士之附有相片的有效香港身份證或旅遊證件英文全名作門票實名制之用。

MIRROR
至於加開的MIRO特別場,MIRO會員須於6月1日至6日於mirrorweare.com登記參加購買活動。

對於購票安排,有鏡粉留言說:「如果Miro唔係抽籤即係特別場都未必搶到?」、「登記完又登記跟住要搶!」不過亦有鏡粉讚:「其實我覺得已安排得不錯!」、「雖然係有多啲注意事項,但實名制/每人限購2張都係好值得!黃牛死XX!」

MIRROR
對於購票安排,有鏡粉留言說:「雖然係有多啲注意事項,但實名制/每人限購2張都係好值得!」
MIRROR
亦有鏡粉留言:「如果Miro唔係抽籤即係特別場都未必搶到?」
娛樂

《CHILL CLUB Keep Going》演唱會  許廷鏗:嚟緊第六波都要keep Going   教主:愈工作耐愈覺多問題,一定要堅持

CHILL CLUB推介榜年度推介21/22》頒獎典禮早前舉行,但因發生播放事故,令部分歌手演出受到影響。CHILL CLUB的製作團隊未有氣餒,今晚8時在同一個舞台舉行《CHILL CLUB Keep Going》演唱會「覆桌」,參與歌手包括Anson Lo(盧瀚霆)、許廷鏗、馮允謙、MC張天賦、陳蕾、Serrini、Dear Jane。早前電訊盈科媒體集團旗下全新網上串流直播平台MakeALive邀各位觀眾登記試玩,在應用程式內領取免費門票觀看直播,而演唱會將於6月11日晚9時30分喺ViuTV播出。

CHILL CLUB
《CHILL CLUB Keep Going》演唱會由Anson Lo打頭陣!

演唱會開始由Anson Lo打頭陣,教主唱出《Ego》、《Mr. Stranger》,之後教主冧現場觀眾說:「我好想嘗試逐個望吓大家!」令台下超興奮!接着他說:「 今次CHILL CLUB嘅主題叫 Keep Going,對我自己嚟講係好有關嘅topic,因為過去4年,尤其上年,俾我好深感受係愈工作得耐,愈覺得人生每一日有好多唔同嘅問題出現,但你都一定要堅持,呢個課題永遠都唔會完,你要堅持先可以向前望,大家一齊努力!」

教主一連跳唱3首快歌,勁!

教主又說:「學Keep Going呢個課題,其實自己有個好深刻嘅課題,就係溝通!」之後同觀眾做《Megahit》Uh-oh uh-oh uh-oh 手勢,之後他繼續說:「呢首歌係上年到今年學習嘅最大嘅課題,我同屋企人、同身邊工作人員,同我隊友,根本每日都學緊呢個課題,包括同你哋!」最後唱出《Megahit》,之後教主在IG留言:「希望大家喜歡今晚的表演,辛苦Rock Sir @rockinair 和dancer朋友們了,一連3首快歌實在好有挑戰性!現在要趕回去拍劇做『燈仔』跟自己說聲~奸巴爺!」

CHILL CLUB
之後教主在IG留言:「希望大家喜歡今晚的表演,辛苦Rock Sir @rockinair 和dancer朋友們了,一連3首快歌實在好有挑戰性!現在要趕回去拍劇做『燈仔』跟自己說聲~奸巴爺!」

許廷鏗上次在《Chill Club 推介榜年度推介21/22》演唱《修羅場》時,懷疑工作人員忘記關咪,因此有一男聲在背景說:「睇整體」、「成件事好正」、「Keep going」,事後他在IG寫感言:「睇返演出的直播,容許我真係有小小唔開心,唔係想怪責,但係花心機時間彩排演出,就係希望盡善盡美!」

CHILL CLUB
許廷鏗搞笑說:「其實我覺得今次自己接呢個騷呢,一聽到個名,係輕輕有啲陰影嘅!」

今次許廷鏗搞笑說:「其實我覺得今次自己接呢個騷呢,一聽到個名,係輕輕有啲陰影嘅!」令台下觀眾大笑!他又說:「Keep Going呢個字可圈可點,但對於我來講呢個除咗Gimmick之外,其實都好實在,希望可以用我哋嘅歌曲,用唔同歌手嘅精心揀俾大家嘅song list,去講一個道理,譬如話嚟緊第六波,唔知會唔會發生,就算會發生都好,我哋都要繼續keep Going!」台下拍掌!至於陳蕾就說:「估唔到距離上次嘅頒獎禮,我講過話想『覆桌』,咁快就俾機會我『覆桌』,我想講今晚成件事都好正,整體都好正,好Perfect!」

CHILL CLUB
陳蕾說:「估唔到距離上次嘅頒獎禮,我講過話想『覆桌』,咁快就俾機會我『覆桌』,我想講今晚成件事都好正!」
CHILL CLUB
MC唱《小心地滑》,反應不俗!
CHILL CLUB
Serrini
Dear Jane
CHILL CLUB
馮允謙
View More