歌手漢洋、譚嘉荃、朱紫嬈和路芙等，出席「香港自媒體業界啟動禮」。漢洋透露疫情下，市面掀起直播熱潮，但他和囝囝都未試過做直播：「希望遲啲可以直播唱吓歌。」路芙透露已簽約無綫：「喺一個有背景嘅地方做嘢安全啲，今時今日搵嘢做都好難，最重要係我希望做多啲直銷直播嘅嘢。」
譚嘉荃8月23日在麥花臣開騷，對於演唱會五度延期，由2019年延至今年，她坦言心理壓力很大：「年次都係臨演唱會前突然取消， 所以我到7月中先敢post張海報出嚟，今次應該唔會唔成事。」正積極準備演唱會的她指要節食減肥：「因為疫情延咗年幾兩年，啲舞蹈室曾經停晒，我嘅體力比兩年前差咗，因為又跳又唱要keep住體力，同埋我肥咗大這概5、6磅，之前演唱會衫係訂造，其中一件好貼身，着咗之後有啲緊，臨尾呢個星期唔敢點食嘢，我平時好鍾意食飯，我係食三碗飯嗰啲嚟，依家三餐食雞蛋加碗湯，或者食一匙飯，但又擔心食得唔夠，體力會唔夠力！」
日前由馬拉女神林明禎、網紅Coffee林芊妤、凌文龍領銜主演，還有梁雍婷、歌手譚嘉荃等主演的電影《願望扭蛋機》舉行開鏡儀式。出品人兼歌手漢洋指，劇本為真人真事改編，談及肌肉萎縮症，好讓大家多多留意身邊患有罕有疾病及缺乏照顧的朋友，內容非常有意思。該電影由梁鴻華監制、導演為新晉導演凌志民；此片除了本身有意義外，在研究劇本時，梁鴻華及漢洋更想到把戲內「願望扭蛋機」的情節在現實呈現。
首先大家一定發覺社會上分別有兩種人，一方面有很多人有看似簡單的願望但並不容易實現，例如一家人齊齊整整去食個自助餐，表面上簡單的願望但對某些人往往不容易做到。相反亦有很多人希望替別人圓夢，但又覺得自己能力不多而止步。「願望扭蛋機」的主旨正正是把上面的「投夢者」及「圓夢者」串連在一起，希望這個世界想幫人的幫到、有願望的實現到，從而令到世界更和諧、更有愛心及更有希望。
