警方昨晚至今晨，展開代號「雷霆2021」和「犁庭掃穴」行動，大規模打擊三合會同跨境罪行，突擊搜查全港多個娛樂場所、酒吧、桑拿、麻雀館、遊戲機中心和住宅單位。凌晨約12時多，油尖警區特別職務隊人員在尖沙咀漆咸道南搗破一間無牌樓上吧，拘捕場內6男3女，年齡介乎24至41歲，分別涉嫌「無牌賣酒」和「在沒有領有酒牌的場所飲酒」。其中一名被捕人士是41歲男子組合E-Kids成員阮民安（Tommy）。

事後Tommy在IG貼出拿着599G告票的相報平安，表示已保釋回家，他寫道：「全世界都知我噚晚開咗個Facebook Live，嗰度只係我開Live嘅地方。我出現喺嗰度係做嘢，無光顧、無消費，嗰枝酒就係我Live入面嘅配套，間嘢有冇酒牌，關我X事！」Tommy要在21日內交5000元罰款，他問網友：「599G係咪如果係做嘢就可以豁免？俾啲意見我吖，謝謝！」據知Tommy以500元自行簽保，7月15日再返警署報到。