65歲的鄭裕玲（Do姐）效力無綫44年，是TVB台柱，有傳Do姐約滿後決定不再續約，展開新生活。Do姐今日主持電台節目《口水多過浪花》，直認已回復自由身：「3年疫情對大家唔多唔少心態上有啲改變，想試下自由身係點。」Do姐強調沒有和TVB鬧得不愉快：「我同公司交代嘅時候亦都係好開心，如果將來有咩節目係適合我，我亦覺得自己啱做，我都會同佢哋效力。」她強調不排除一切可能性，無論和哪一間機構，做些甚麼，都會考慮：「因為我想試新嘢。」
Do姐1978年因佳藝電視倒閉而轉投無綫，多年來拍過無數經典劇集，包括《網中人》、《親情》、《流氓大亨》等，她於1987年離開無綫轉戰影圈，之後移民加拿大，1992年返港回巢無綫，2000年憑《男親女愛》贏得視后，再創事業高峰。
另外，Do姐主持的綜藝節目《一筆OUT消》、「Do姐系列」嘅《Do姐去Shopping》、《Do姐有問題》、《Do姐再Shopping》同樣大受歡迎，又是每年台慶和香港小姐競選的金牌司儀，是全能藝人，多年來贏盡觀眾喜愛，如真的離巢，確實令人不捨！
「細龍太」 陳偉琪（Vicky）最近改了新名陳思圻，她接受網上平台BOX channel林柏希主持的《月傾會》訪問。一開始林柏希問Vicky，為何無啦啦走去改名，Vicky說：「我想有個new start囉，我想喺我人生裏面有個新chapter！」
為了new start，Vicky問朋友借了6位數字改名：「我諗唔做舊公司大概年半度啦，我個人有啲lost呀，我其實係問朋友借錢幫我改名，問我啲好friend嘅friend，可唔可以借住少少嚟先！我逐個月逐個月還返俾佢哋㗎，我嗰陣時都有返工，做緊一個headhunt嘅executive search firm，我冇公開講過！」Vicky還大方公開，這份工月薪只有二萬多元！
唔認有錢女 父母退休慳住使
一直有傳Vicky是有錢女，家住西貢獨立屋，Vicky澄清自己家境只是比上不足、比下有餘，更否認家住獨立屋。「我唔知點解傳到係獨立屋，細個嗰時，我諗我爹哋係搵到啲錢嘅，嗰時家境OK，我哋住跑馬地，住咗20年度啦，之後就搬咗！之後睇餸食飯囉，因為你老人家retired咗，始終只係有出冇入，所以佢哋都好慳住使！」
人生新chapter包括最近為有線開電視，主持水著節目《Summer Girls》硬撼港姐，Vicky大讃《Summer Girls》班女仔很高質！離開TVB兩年，但《愛．回家》細龍太一角仍獲網民喜愛，Vicky說如果可以，她想一世做細龍太：「一世做細龍太都得，係我演活咗呢個角色，我係proud of呢一個角色，唔係個個都做到細龍太㗎嘛！」
想做Frankie女上司恰佢
大家都知，MIRROR成員皮皮Frankie（陳瑞輝）是Vicky堂兄，問Vicky有否想過找堂兄皮皮介紹，一起在ViuTV合作？她說：「我唔想影響我堂大佬，我嘅意思係，我唔會用呢啲卡住囉！」兩堂兄妹由細玩大，Vicky說皮皮細細個已經好靚仔：「細細個佢都係keep住靚仔嘅，冇核突過，哈哈哈！用一個親戚嘅眼光呢，佢係一個靚仔啦，跳舞好型囉，同埋佢係成日笑嘅人，我覺得佢係一個好順得人嘅人，乖仔嘅！」
如果有機會合作，堂兄妹演情侶又很怪：「你知我哋平時出嚟，好鬼正經㗎嘛，唔係拜山見就係拜年！好obviously，我恰佢，梗係好玩㗎！（你做佢女上司囉！）都OK喎！」
選美有冇黑暗內幕？
去到重頭環節《大膽答 冇膽食》，今次不敢答問題就要罰飲香檳bottoms up！問選美入行的Vicky，有沒有黑暗內幕分享？當年哪位佳麗特別乞人憎？Vicky說：「我第一次選溫哥華小姐嘅時候，experience好差，我唔知點解啦，可能因為我真係好鬼妹仔feel，佢哋會同一班工作人員，同埋其餘9位佳麗，佢哋自己出去飲茶，淨係冇叫我！真心港姐係正常好多嘅！」
電影製作人撩簽約強吻
Vicky一向魔鬼身材，問她覺得哪個artist鹹濕？Vicky說artist沒有：「我唔開名啦！有一個都幾出名嘅電影製作人，話簽我做artist，佢話上嚟office傾下啦，我心諗office唔使驚啦！佢話我下一套電影就俾你做女主角，跟住佢就俾contract我，話簽10年；之後佢同我講，你收入咁唔穩定，不如咁啦，你跟我出trip做我女朋友，我就每月俾兩萬蚊，something like that！」
開完價還有行動：「跟住佢已經行緊過嚟，已經想咀我，我就嚇到傻咗，跟住我即刻擸袋跑出去！」Vicky透露這位電影製作人個名，有三個字、不是兩個字！
再問Vicky有否試過被人開價，她說經IG有人邀約做活動MC，但有額外要求：「我自己好鍾意食黑毛豬，我又會切俾我啲best friend同family食，有一位人士喺Instagram搵我，話有個job俾我做MC，佢話可唔可以帶隻ham嚟切，我覺得好OK呀！跟住又想我着啲咩衫，又話有幾多位老細喺度，佢話要招呼咁多個老闆㗎喎，我就心諗，咩叫招呼呢？」最後對方誇到開價80至100萬做一個MC，Vicky當然沒有理他！問Vicky如果對方開三千萬一晚，會接受嗎？Vicky肯定答：「唔會，因為你個遺憾係一世！」
《愛．回家》大前輩爆粗：X交叉你
再問Vicky在舊公司TVB，覺得最受委屈的一次經歷是怎樣？原來同一個大前輩有關：「好多人會想教你點樣做嘢，你教我係真心想教我吖？定係你想show俾大家睇，你係number one呢？我會覺得嗰次，佢係可能show俾大家睇係number one！直接就X交叉你，你識唔識做戲㗎，你乜乜乜乜乜呀，X交叉你，呢啲係前輩，我睇緊啲位，諗緊點樣做，佢已經開始X交叉你啦！」
連鎖反應，連導演都X交叉Vicky：「個導演都會！我其實拎住個電話，係睇緊個劇本，或者我係part of我個戲，cut cut cut cut cut，做咩事呀你，做乜玩電話，我話part of個戲嚟嘅，好多呢啲事會發生啦……」Vicky透露，那位爆粗大前輩和導演，都是發生在《愛．回家》劇組！
最後問Vicky，如果TVB找她回巢，願意嗎？Vicky答：「我真係好多謝《愛．回家》編劇，真係睇住我個character來寫，好錫住我啦！我會（返TVB）嘅，純粹係因為，我知道好多觀眾成日同我講，等緊你返去，到依家仲等緊我返去喎，兩年啦，依家仲等緊我返去！」Vicky如果回巢，都是為了觀眾！
由無綫和香港電台合辦的第一屆《香港金曲頒獎典禮2021/2022》今晚舉行，13組音樂獎項早前已公布「榮譽大獎」由鮑比達奪得，「華語歌曲獎」是谷婭溦《倔強》，「最佳劇集歌曲獎」金銀銅獎順序為JW王灝兒《我不想別離》、譚嘉儀《不可能發生》、Gin Lee李幸倪和蕭凱恩合唱的《這種親》。另外「最佳合唱歌曲獎」由MIRROR嘅《BOSS》奪得，但因MIRROR正準備演唱會而未能出席。
大會邀得劉德華聯同炎明熹、姚卓菲等逾20位新晉歌手擔任揭幕表演環節。之後即揭曉10首「香港金曲金曲獎」，包括鄭欣宜《先哭為敬》、炎明熹《真話的清高》、曾比特《我不如》、呂爵安《E先生連環不幸事件》、張敬軒《俏郎君》、泳兒《荊棘海》、MC張天賦《記憶棉》、 江海迦《CityPop》、衛蘭《It’s OK To Be Sad》、姚焯菲《原來談戀愛是這麼一回事》。Edan未有出席仍然獲獎。
「香港金曲全球華人至尊金曲獎」由李幸倪feat.張學友嘅《日出時讓街燈安睡》奪得。至於「香港金曲男歌手大獎」由張敬軒奪得，因為軒仔團隊中有工作人員患上新冠肺炎，他被納入為密切接觸者，所以軒仔只能透過視像講感言：「今日唔可以親臨現場親手去接過呢個獎狀有啲可惜，好開心得到今次評審嘅認可，百感交集，我從來未試過用咁嘅形式參加頒獎禮，喺第一屆香港金曲頒獎禮得獎，對我來講一個好大榮耀，今晚嚟唔到係好大遺憾，自己開心之餘都祝大家身體健康！」
「香港金曲女歌手大獎」由鄭欣宜奪得，她感觸說：「多謝香港金曲頒呢個獎俾我，我覺得人生好奇妙，能夠可以喺我成長嘅一廠裏面得到呢個獎好奇妙，喺呢個地方裏面我經歷過好多嘢，多謝一路支持鄭欣宜嘅朋友，多謝俾我嘅愛，多謝俾時間同耐性見證鄭欣宜嘅成長，我希望繼續透過我嘅音樂記錄我每一步嘅成長，多謝你哋相信我！」欣宜繼奪「叱咤樂壇女歌手金獎」、「新城勁爆女歌手」、「Chill Club年度女歌手金獎」，再奪「香港金曲女歌手大獎」，成為「大滿貫」女歌手！
「香港金曲男新人獎」金獎由曾比特奪得，曾比特不在香港，他拍片講感受：「呢個好大鼓勵，多謝大家嘅支持，我喺音樂路上遇到個好多個伯樂，其中一個係Eric Kwok，佢為我寫咗好多首好歌，我喺呢度好想同佢講聲多謝，係呢段時間好彩有佢嘅支持同鼓勵，讓我喺路上充滿信心走落去！」至於銀獎則由張天賦奪得，銅獎是ANSONBEAN。
「香港金曲女新人獎」金獎由炎明熹奪得，她發表感言：「好多謝金曲獎，好想多謝主辦單位TVB同埋香港電台，然之後好想多謝呢首歌嘅製作團隊，好多謝幫過我嘅人，好多謝鍾意呢首歌嘅朋友！」至於銀獎則由姚焯菲奪得，銅獎是張蔓姿。
《香港金曲頒獎典禮2021/2022》得獎名單
10首香港金曲金曲獎：
《先哭為敬》鄭欣宜
《真話的清高》炎明熹
《我不如》曾比特
《E先生連環不幸事件》呂爵安
《俏郎君》張敬軒
《荊棘海》泳兒
《記憶棉》張天賦
《理性與任性之間》《CityPop》江海迦
《It’s OK To Be Sad》衛蘭
《原來談戀愛是這麼一回事》姚焯菲
香港金曲全球華人至尊金曲獎：李幸倪feat.張學友《日出時讓街燈安睡》
香港金曲男歌手大獎：張敬軒
香港金曲女歌手大獎：鄭欣宜
香港金曲男新人獎
金獎：曾比特
銀獎：張天賦
銅獎：ANSONBEAN
香港金曲女新人獎
金獎：炎明熹
銀獎：姚焯菲
銅獎：張蔓姿
香港金曲樂隊獎：Supper Moment
香港金曲年度最佳進步獎：
金獎：葉巧琳
銀獎：洪嘉豪
銅獎：施匡翹
香港金曲CASH創作歌手獎：
金獎：馮允謙
銀獎：林奕匡
銅獎：葉巧琳
香港金曲最佳中文唱片獎：
男歌手：張敬軒
女歌手：菊梓喬
樂隊／組合：MIRROR
香港金曲樂隊獎：Supper Moment
香港金曲最佳合唱歌曲獎：MIRROR《BOSS》
香港金曲華語歌曲獎：谷婭溦《倔強》
香港金曲最佳劇集歌曲獎：
金獎：JW王灝兒《我不想別離》
銀獎：譚嘉儀《不可能發生》
銅獎：李幸倪、蕭凱恩合唱《這種親》
香港金曲榮譽大獎：鮑比達
15歲小公主姚焯菲（Chantel）最近被惡意中傷，網上疑有私人影片流出，引起網民熱烈討論，Chantel一直未有回應事件，無綫今日發出聲明表示：「本台歌手/藝員姚焯菲小姐（Chantel Yiu Cheuk Faye）於本年6月23日前後在社交媒體平台和其他媒體上，被他人發放一些聲稱與姚小姐本人相關的影片，並且作出構成誹謗及含有惡意、虛假成份的言論一事。姚小姐父親已於今日以監護人身份，就此事向香港高等法院申請展開民事訴訟。由於事件已進入司法程序，現階段不宜作出評論，特此通告，本台暫無其他補充。」
有「一代奸人」之稱的沈威，前晚（9日）於廣華醫院逝世，終年71歲。其好友楊毅接受傳媒訪問時證實死訊，指沈威走得安詳，其身後事將由「榕光社」辦理。
沈威1951出生，1970年加入影壇，參演過百部電影和電視劇集，向來擅演大反派角色。沈威1985年憑電影《省港旗兵》成為香港電影金像獎最佳男配角，他在戲中拍攝被困火燒車內一幕，表情逼真，原來導演在未有知會下放火，沈威事後跟導演麥當雄不和。沈威曾加入無綫，參與《刀馬旦》、《笑傲江湖》、《大鬧廣昌隆》等劇集演出，至90年代後期淡出幕前。
2019年，沈威於北京因肺炎及呼吸系統衰竭致器官功能受損，一度陷入昏迷，急送北京醫院ICU搶救，幸而之後慢慢康復，去年更復出幕前，與4月逝世的曾江一起拍攝內地劇集《布局》。
45歲的陳山聰近日因主演《金宵大廈2》而人氣急升，入行30年的他並非一帆風順！山聰92年因參加《歡樂今宵》劉德華模仿大賽而被華仔賞識，翌年成為華仔公司New Melody力捧歌手，推出過兩張大碟。可惜97後香港經濟低迷，山聰北上拍劇後面臨失業，於是轉行做Sales賣牛仔褲，月薪只得3千多元，之後輾轉在2000年加入無綫。
2011年山聰和賭王何鴻燊三房長女何超雲拍拖，因為戀愛大過天而耽誤事業，2013年分手後陷入低潮，之後在友人介紹下認識現任太太何麗萍（Apple），重新振作，重返無綫拍劇。現時婚姻美滿、育有囝囝Jaco的山聰接受本網專訪，剖白人生低潮時幸得家人和太太何麗萍（Apple）無限支持，並坦言：「遇上太太係我一生最大福氣，佢一定係我一生最愛！」
