張敬軒經常分享家中工人姐姐（遮遮）炮製的「特別早餐」，被網民封為「早餐界KOL」！昨日軒仔深夜返回家中，見肚餓於是去雪櫃找東西吃，還將《Amazing Grace》改歌詞，問遮遮為何全部都是齋，是否當他是馬！之後軒仔又發現「失竊事件」，拍打雪櫃問：「我嚿蛋糕去咗邊？」相當爆笑！
MIRROR在2018年11月3日出道，至今已成軍3周年，12子由最初不被看好到現在紅爆全城，實在不易，為了慶祝3周年，鏡仔今日舉行三場專屬答謝會「MIRROR Be 3 Birthday Party」，又推出新歌《All In One》和MV。MIRROR昨晚在IG感性留言：「兩年前，迷茫的《一秒間》，到We are《One And All》，今日的《All In One》。有一種態度叫MIRROR！鏡子不單反映出無限可能性，同時帶來新氣象！初心不變，凝聚力量……未來，希望有你哋陪我哋一齊走下去！Happiest 3rd！」鏡粉紛紛留言表明撐到底：「We are one and all！」
12子在《All In One》MV中攬頭攬頸玩到癲，很有Party開心感覺，可見他們感情好好，不過最正是12子放下偶包做鬼臉，好像姜濤、Anson Lo（盧瀚霆 ）、Edan（呂爵安）等落力整蠱做怪，表情趣怪可愛，看得粉絲超開心！有鏡粉說：「好鍾意見到12個一齊玩一齊扮鬼臉嘅時候，感覺勁sweet好有愛！ 」、「睇住個MV我個笑容完全停唔到呀！個氣氛太歡樂喇！希望往後日子繼續陪你哋成長！」、「姜濤講過：『冇人可以割開我哋！』佢哋12個人一條心，所以12個冇咗其中一個都唔得！12-1=0！」
ViuTV劇集《大叔的愛》昨晚首播，網民紛紛大讚爆笑，反應超好！劇集由MIRROR成員Edan（呂爵安）、Anson Lo（盧瀚霆）和黃德斌主演，講述地產代理田一雄（Edan飾）同時被上司翟國強KK（黃德斌飾）及同事凌少牧（Anson Lo飾）追求，展開HeHe三角戀。網民大讚劇集節奏明快， 向來沒有偶像包袱的Edan表情誇張生鬼，勁有喜感，而極少演喜劇的黃德斌，有少女味之餘又搞笑，難怪網民大讚正過原版。本網致電黃德斌，他得知劇集受歡迎很開心，又讚Edan很可愛很惹人喜歡，還說：「幾時都愛佢！」