標籤: 爵屎

娛樂

Edan呂爵安《攀上天梯的螞蟻》MV 化身鋼琴王子呈現三個時空的不同造型

由新晉導演曾慶宏執導,毛舜筠、謝君豪、Edan呂爵安、談善言、袁澧林、盧瀚霆(Anson Lo)及梁祖堯等主演的家庭題材新片《過時‧過節》,將於11月24日上映,電影主題曲《攀上天梯的螞蟻》昨晚正式發佈,歌曲由蔡德才作曲及監製,袁兩半作詞及呂爵安主唱。

而《攀上天梯的螞蟻》官方MV昨晚在Edan YouTube Channel上首播,上架不足一日已登上YouTube熱門影片榜,現時觀看次數已超過17萬!MV由導演曾慶宏親自操刀,當中Edan以多個造型參與演出,分別在女中摸索與屋企人的相處之道,更以難得一見的鋼琴王子造型示人,絕對是導演在演出上又一次給予Edan的挑戰。

Edan以多個造型參與演出,難得一見嘅鋼琴王子造型睇到一眾「爵屎」心心眼!
Edan以多個造型參與演出,難得一見嘅鋼琴王子造型睇到一眾「爵屎」心心眼!

Edan化身鋼琴王子 導演找來110年古琴帶出氣質

MV拍攝當日,一向老友鬼鬼導演曾慶宏與Edan表現輕鬆,原來二人事前為每個鏡頭已經作充分溝通,Edan拍攝時都全神貫注進入導演所需的狀態。這個MV對新導演曾慶宏尤其意義重大:「今次拍呢個MV好特別,因為自己嘅戲,又係我哋嘅電影主題曲,其實今次都相當難拍,大家細心啲睇,其實有三個時空,呢個人又係Edan、又係Edan嘅分身、又係阿陽,幾個人物諗緊嘅其實都係一致嘅,希望令到觀眾對電影有更多想像力,Edan亦好信任呢件事。好開心搵嚟一個110年嘅古琴,好配合電影嘅氣質。」而MV中由頭帶到尾的Edan表示只帶着一份信任來拍攝:「我喺電影入面飾演導演本人,因為電影係改編自導演Eric屋企嘅故事,尤其知道咗MV係由Eric親自操刀就更加放心,因為佢拍嘅一定係最準確,所以我完全信任同投入。」

被問到是否要重新進入片中「阿陽」這個角色,Edan坦言:「呢首歌就係阿陽嘅心聲,亦都係代表全家人嘅心底話,我睇詞同唱嘅時候都會見到好多家庭嘅問題喺入面,相信大家聽完都會有共鳴,好似第一句『傾偈 一秒鐘都激到暴斃』,你對住屋企人傾計,有可能一句已經覺得好嬲同好煩。我喺演釋嘅時候都投入返阿陽呢個角色嘅情緒去唱,同埋我好鍾意首歌用咗「螞蟻」去做比喻,不過點解就要留返大家入戲院感受!」而身旁的導演曾慶宏則補充:「MV中呈現嘅VR眼鏡同屋企人溝通係好重要嘅物件,希望大家睇電影之前可以記住呢個元素,可以了解到呢個仔點解需要用到副VR眼鏡先可以表達到自己嘅真實感受。」

Edan首隻個人電影主題曲 與蔡德才、袁兩半初次合作

參與《過時·過節》,Edan除了與導演曾慶宏結緣,也因為獻唱主題曲,遇上兩位音樂人前輩,Edan指:「呢首歌係蔡德才先生作歌同監製,我哋今次第一次合作,而我覺得呢首慢歌同其他歌好唔同,有一種完全唔一樣嘅感覺。其實都唔容易唱,都錄咗三次,不過我好Enjoy成個過程,同埋睇完試片,更加覺得首歌同電影係好配合。」

而導演曾慶宏則透露觀眾亦有機會在欣賞電影時,再次聽到這首歌曲,他指:「呢首主題曲會喺電影入面一個好重要嘅位置出現。我好想Edan唱一來係想佢用阿仔嘅角度,二來都係唱出全家人嘅心情,帶出全家人喺溝通上面對嘅困難,然後了解到點解呢家人會面對戲入面呢件事。特別多謝填詞人袁兩半先生睇完電影,再為我哋寫咗呢首詞,大家會發掘到每一句都係埋藏住電影入面嘅蛛絲馬跡,可以濃縮喺幾分鐘入面再提鍊成部電影嘅人同事,係前輩嘅功力!」

對於下星期能夠在首映禮的大銀幕欣賞到自己演出,Edan倍感期待:「呢個角色比大家嘅感覺會同之前好唔同,不過我覺得演員就係要展現自己唔同嘅面向,阿陽某啲面向其實同Edan都係一樣,只係好少會將呢一面放喺大家面前,的而且確有難度,因為起初唔知應該點做,所以事前做咗好多功夫,導演、毛姐同兩位監製幫咗我好多,雖然係好難,不過完成咗呢個挑戰係好有滿足感。」;而導演曾慶宏則大爆,其實事前也擔心一向陽光的Edan在演出上會感吃力:「喜劇演員其實都可以係悲劇人物,佢能夠令人笑,可能係因為佢喺生活中觀察到一啲荒謬嘅事,所以我哋透過溝通,能夠勾返起Edan呢啲心入面嘅感受,去放喺角色入面。我同Edan兩個新人係一齊克服呢啲困難,無論係演繹上、咬字上、一齊不停複習,經過努力去呈現而家大家見到嘅效果。」

Edan X 導演8分鐘足本訪問

娛樂

古巨基 呂爵安首度合作《飄流教室》 古仔大讚Edan:假音好滑溜 爵屎:好好聽把聲好夾

古巨基 今日(22日)推出其《I Really Love To Sing》合唱專輯第一炮,請來(Edan)合作打頭陣,合唱《飄流教室》。MV女主角則邀來八十年代女神柏安妮的十七歲女兒、新進女演員許恩怡(Natalie)擔任。古巨基憑《必殺技》奪得2003年度叱咤樂壇流行榜「叱咤樂壇我最喜愛的歌曲大獎」,他在頒獎台上留下一句經典金句:「我真係好鍾意唱歌……」基仔表示《I Really Love To Sing》企劃便是源自這句話:「真情流露的一句說話,亦都係心底話!」基仔表示已有幾年沒有推出唱片,這個project以「我真係好鍾意唱歌」為題,是因為他覺得音樂市場即使比以前辛苦,但仍然有很多很努力的歌手和音樂人繼續唱、繼續為夢想而努力:「而我自己亦係其中之一,所以呢個project就咁樣命名,今次邀請咗唔同曲風嘅新晉歌手一齊去完成呢個project,係一個全合唱嘅專案。」

古巨基
古巨基今日推出《I Really Love To Sing》合唱專輯第一炮。
Edan
古巨基請來呂爵安(Edan)合作打頭陣,合唱《飄流教室》。
Edan
MV女主角邀來八十年代女神柏安妮的十七歲女兒許恩怡擔任。

至於邀請Edan合作的原因,基仔謂:「《飄流教室》當年冇被成為主打,所以喺今次project度,我好想搵一個心儀嘅人去同我一齊唱呢隻歌。今次嘅新編曲係好classy,配古典鋼琴咁。上次睇Mirror個show,Edan solo嗰part鋼琴自彈自唱令我好深刻,所以我就覺得係非Edan莫屬。」Edan亦受寵若驚:「真係好開心今次呢個合作。從來冇諗過,當初好記得花姐同我講:『喂!古生話想搵你合唱喎,你肯唔肯呀?』嘩!梗係好啦!因為未試過同一個大前輩合作,同埋我細個都有聽古sir嘅歌,所以我覺得呢件事係好神奇。」

基仔謂:「上次睇Mirror個show,Edan solo嗰part鋼琴自彈自唱令我好深刻,所以我就覺得係非Edan莫屬。」

Edan更表示錄音期間「學到好多嘢」:「古sir每一次都會嚟監製我嘅錄音,俾咗好多指導我,舒文監製都係,所以令到我對唱歌多咗好多諗法。同埋古sir真係好貼心,我問佢啲乜佢都好樂意去教我、幫我,所以好多謝佢。」而基仔在回憶二人在錄音室時的點滴,對Edna讚不絕口:「我記得佢話知道自己唱歌未必係最好,所以只要有其他唔同嘅機會,佢一定會好願意同埋俾心機去試!係一個好謙虛、好勤力嘅藝人。喺錄音過程裏面,我發現Edan喺假音上係好好,擁有一把好靚好滑溜嘅假音。」

Edan
Edan受寵若驚:「未試過同一個大前輩合作,同埋我細個都有聽古sir嘅歌,所以我覺得呢件事係好神奇。」

至於MV其中一幕,是講述Edan和許恩怡去基仔於CD舖所舉行的新碟簽名會,Edan笑說:「今次感受到『前夫』嘅感覺,即係陪個女仔嚟見自己嘅偶像。」而基仔則演回本尊,當他一踏進CD舖,回憶立即番晒嚟:「見到啲海報、自己啲碟,就諗起好耐冇做簽名會!好懷念。」基仔覺得這個MV很有穿越感:「MV呢幕講番2012年《告別我的戀人們》呢一隻碟出嘅時候,我特登整番嗰個髮型,連件褸都係搵番當時宣傳嗰件褸。(Edan:真㗎?)我仲着得落!即係冇肥到!哈哈。」基仔又分享到達拍攝現場前的一件小趣事:「因為穿越關係,出呢隻碟嘅時候我係未結婚嘅,頭先一落車嘅時候,古太同我講:『喂!你除咗隻戒指佢先啦!你嗰陣時未結婚㗎。』咁我就除咗啦,哈哈。」

Edan
MV其中一幕,是講述Edan跟許恩怡去基仔於CD舖所舉行的新碟簽名會,Edan笑說:「今次感受到『前夫』嘅感覺。」

粉絲看完MV後紛紛大讚:「勁好聽呀😍😍多謝古sir邀請爵安合唱🥰你地把聲又夾😊MV好正!」、「好好聽好感動😭😭😭中學回憶返哂嚟,古sir爵安你哋把聲好夾呀!」、「古生好聽,幾好呀,提攜後輩👍👍👍👍,Edan 都大進步,有啲位唱得好好,好有Feel,估佢唔到!」

Edan
有粉絲說看完MV說:「中學回憶返哂嚟!」
Edan
有爵屎大讚:「好好聽好感動,古sir爵安你哋把聲好夾呀!」
Edan
Edan和許恩怡有MV中有親密舉動,但沒有真正錫錫!
古巨基
許恩怡是新進女演員。
娛樂

Edan 開腔勸爵屎唔好私追:  請不要再在我家樓下等我和追車謝謝

MIRROR近年爆紅,鏡粉無數,不過有粉絲因過於熱情,為求見偶像一面,不惜在鏡仔住所等候,甚至跟車,形成一種私追文化!早前姜濤被爆搬往筲箕灣新居,他接受訪問時指因銅鑼灣居所不夠大,所以租新居用來擺放物品,而每逢銅鑼灣節日人多都會去新居住數日,他呼籲姜糖給他空間:「新居被曝光唔會唔開心,做藝人都預咗,希望粉絲俾多啲空間我哋!」

Edan
早前姜濤被爆搬往筲箕灣新居,他接受訪問時說:「希望粉絲俾多啲空間我哋!」
Edan
姜濤還在IG強調:「請真的給我一點空間。」

之後姜濤還在IG強調:「請真的給我一點空間。」當時花姐亦在IG留言勸喻:「感謝大家喜愛舞台上的MIRROR,在舞台下,他跟我們一樣,需要有私人空間和好好休息的時間,才能創作更多好的作品給大家,在互相尊重下,懇請大家不再進行『私追』。」

Edan
當時花姐亦在IG留言懇請大家不再私追。

今日到Edan( 呂爵安)出手勸喻爵屎,今晚他在IG Story以黑底白字寫道:「請不要再在我家樓下等我和追車謝謝!」有爵屎立即在 IG粉絲專頁轉發,相當乖巧!Edan去年初推出處男歌《E 先生 連環不幸事件》,大受歡迎,在多個音樂平台獲取佳績,昨日還在YouTube發布 MV 拍攝花絮,慶祝出歌一周年。而他主演的《大叔的愛》令他進一步爆紅,至今IG追蹤人數已達55.8萬,人氣強勁!希望經過Edan勸喻,爵屎會乖乖支持偶像!

Edan
今晚Edan在IG Story以黑底白字寫道:「請不要再在我家樓下等我和追車謝謝!」
Edan
Edan
Edan去年初推出處男歌《E 先生 連環不幸事件》,大受歡迎,昨日還在YouTube發布 MV 拍攝花絮,慶祝出歌一周年。
娛樂

Edan 生日細妹超Sweet 小如豬晒搞笑MK照賀壽 Jeffrey貼Edan胸襲相 Anson Lo騷貼身合照

今天是MIRROR成員Edan(呂爵安)25歲生日,一班爵屎(Edan粉絲名稱)為祝賀偶像,集資在葵芳新都會廣場L5空中花園舉辦兩星期的「Happy Edan Day生日應援展品」,有爵屎又租了旺角户外LED大屏幕、尖沙咀户外三層LED大屏幕播生日片,還有應援巴士等賀壽星仔,很有心思!

Edan
今天是MIRROR成員Edan(呂爵安)25歲生日,Happy Birthday!

有「世界第一妹控之稱」的Edan,和細妹小如豬感情一向超好,小如豬今日就在IG Story上載Edan中學年代的「MK照」寫道:「 生日快樂哥哥,Po張MK照!」之後再貼出11年前的舊相說:「再嚟多張11年前alr,感歎點解我而家係咁嘅樣!」之後再來一張Edan於2017年拍的超大鼻窿相說:「keep住開心快樂呂爵安!」搞笑得來很溫馨!

Edan
小如豬今日就在IG Story上載Edan中學年代的「MK照」寫道:「 生日快樂哥哥,Po張MK照!」
Edan
之後小如豬再貼出11年前的舊相。
Edan
之後再來一張Edan於2017年拍的超大鼻窿相說:「keep住開心快樂呂爵安!」
Edan
小如豬連橫Po哥哥搞笑相。
Edan
有「世界第一妹控之稱」的Edan,和細妹小如豬感情一向超好。

除了細妹小如豬,圈中好友亦紛紛送上祝賀,和Edan組成登神CP的隊友Anson Lo(盧瀚霆),就上載兩人身貼身的合照祝Edan:「Happy Birthday!」甜到漏!一向愛貼隊友黑圖的姜濤,今日難得貼出Edan正常背心照祝賀。而《膠戰》好兄弟Jeffrey(魏浚笙),就在IG上載被Edan胸襲扮錫錫的相留言:「哥哥,生日快樂!」Edan即回覆:「Love u細佬!」兄弟情深!而Edan「正印」、DJ小儀就上載早前Edan去水上樂園玩滑水梯的片段,搞笑說:「靜雞雞話你聽吖:Edan,er er er……你戇居同chok都係正嘅!」

Edan
和Edan組成登神CP的隊友Anson Lo,就上載兩人身貼身的合照祝Edan:「Happy Birthday!」
Edan
一向愛貼隊友黑圖的姜濤,今日難得貼出Edan正常背心照祝賀。
Edan
《膠戰》好兄弟Jeffrey(魏浚笙),就在IG上載被Edan胸襲扮錫錫的相留言:「哥哥,生日快樂!」
Edan
Edan「正印」、DJ小儀就上載早前Edan去水上樂園玩滑水梯的片段。
Edan
小儀搞笑說:「靜雞雞話你聽吖:Edan,er er er……你戇居同chok都係正嘅!」