「 MUXIC 第一屆 NFT 流行曲創作大賽 2022」決賽已圓滿結束，MUXIC 透過今次比賽，一共收到超過一百首參賽作品，入面有用廣東話、國語、英文，甚至乎日文去演譯的原創歌曲，在朱明銳、梁榮駿、 Joey Tang 、澤日生、王梓軒及Sammy So星級評判團嚴謹挑選之下，終於選出最後二十強參加25 日晚的決賽。一衆評判均表示今次參賽者水凖之高，非常難得，只要你喜歡音樂，只要你堅持寫歌和唱歌，你對音樂的愛，終有一日會感動到其他人！
由音樂科技人鄒健宏（Kenneth）主理的iMusic ，將會在資深媒體人朱明銳擔任顧問策劃下，主辦「 第一屆NFT流行曲創作大賽 2022」，推動NFT音樂潮流，創造全新營運平台和模式，讓一眾音樂人付出愈多收穫亦愈多，也希望能發掘新一代流行音樂創作人，為樂壇帶來新氣象。
「 第一屆NFT流行曲創作大賽 2022」的評審團陣容星光熠熠，主席評審為曾打造出張國榮和王菲等巨星的知名製作人梁榮駿（Alvin Leong）；評審團成員包括曾撰寫陳奕迅《富士山下》的作曲人澤日生、著名音樂人 Joey Tang、 全方位唱作人王梓軒和樂隊 Kolor主音兼結他手Sammy So。
虛擬紅館冇人數限制
王梓軒今日出席發布會時表示，日後會嘗試以 NFT發展音樂事業：「 一個藝人出歌後，要經過好多層，啲歌曲收入先去番佢度，可能你首歌值$100，落你袋可能得$2，你要做好多嘢先維持到你生計，NFT係一個好直接嘅合約，唔使10個人去打理我個account，成個收益合理好多！」而音樂科技人鄒健宏更透露大計：「iMusic 構建一個虛擬嘅紅館，我哋已經喺Sandbox構建緊，希望好快大家除咗創作NFT嘅音樂之外，亦可以喺呢個虛擬紅館，同大家開一個演唱會，係冇人數限制！」
得獎歌曲獲主辦單位製作NFT
參賽者可用個人或組隊名義參加今次流行曲創作大賽，而冠、亞、季軍的得獎者將會獲得現金獎，分別為冠軍三萬元、亞軍一萬五千元和季軍五千元以作鼓勵外，他們的得獎作品更會得到主辦單位 iMusic 出資，由大賽主席評審 Alvin Leong 監製和製作，並於MUXIC NFT平台公開讓樂迷購買及收藏，成為香港樂壇首批發售的 NFT流行歌曲。
大會同時表示希望透過區塊鏈這個新平台，讓互不認識的作曲及作詞人，歌手和製作人可以走在一起，尋找相互合作的機會。參賽作品提交截止日期為 6 月20日，決賽日期和地點則是 8 月30日於九展E-Max舉行。大家只須前往網站: www.muxic.io 便可以了解更多比賽詳情。
首集以白老鼠嘉賓身份上《演鬥聽》的郭偉亮，今次在第七集中擔任評判，今集嘉賓有衛詩、王君馨、潘宇謙(AP)、莊冬昕(Ben)同Rumbu，進行音樂battle，Jill被Rumbu獨特聲線吸引，笑指：「第一次聽嘅以為係女仔，點知係男仔，佢把聲好特別。」
王梓軒很感激Eric Kwok兩度撐場︰「多謝Eric，第一次拍攝《演鬥聽》時，好多騷format都係第一次玩，我哋用咗佢哋做白老鼠。」雖然做通頂做白老鼠，但Eric Kwok不怕捱眼瞓，更大讚好玩、刺激：「嗰次好深刻，今次就好成熟喇！咁我都好安慰，係好有創意嘅音樂節目，我覺得好難變到依家咁嘅，亦係Jonathan嘅功勞，大家都要擺好多心機。」
而Jill也感到好好玩：「好開心學識好多嘢，又有機會唱啲少唱嘅嘢，暫時我要出多兩首慢歌，之後希望可以唱啲輕快嘅歌。」去年才出道的獨立歌手Rumbu，同樣是趙增熹徒弟，身為同門師兄的梓軒說：「Rumbu好得意，第一次同佢傾偈就係同阿熹做緊騷，Rumbu攞飯盒入嚟俾我哋，佢係阿熹嘅徒弟，好乖，第二次我哋就已經喺zoom溝通可以玩啲咩，但又唔可以講晒俾佢聽，講晒就唔係即興，佢又夠膽玩……」Rumbu說：「廣東話唔係我強項，我鍾意melody行先，要好好練習。(頭先AP話你天籟之bu？)我覺得佢好有急才，所以咩稱呼我都會接受，因為我好欣賞佢……」
Eric Kwok亦讚Rumbu：「我晨早已經接觸過佢，聽過佢唱兩次已經好震撼，佢把聲加埋佢嘅造詣，同現場performance個energy，喺呢行好有前途……呢個節目咁特別，再加埋佢咁特別，係好啱！」
今次以歌手身份上場的君馨，對整個騷都讚不絕口，「難得可以同咁多音樂人、製作人同歌者，由零到一百做一首歌。平時錄歌唔會全部人喺埋一齊，呢個節目好好。(你今次玩remix重新唱，有冇難度？)都難嘅，《女神》呢首歌對我嚟講好難得，我生命中好多個女神，就係我圈中好多個姊妹，如果冇佢哋一路陪伴，好似天使咁包圍住我，其實呢一行都唔容易行……」
今集《我點你作》環節中，AP請來久未亮相電視節目的莊冬昕一同表演《硬食軟雪糕》，「因為以前我有聽莊冬昕首《食軟雪糕》，喺準備音樂時，腦海浮現呢首歌，而點解請到佢？我嗰時upload咗個story，話『如果佢呢首歌喺呢幾年出，就會大受歡迎。』嗰時都好大迴響，但評價好壞參半，依家大家都係呢個趨勢，但佢十年前已經玩緊，佢係先鋒！但佢已經引退幕後……其實我今日先識佢……點解啟發佢寫呢首歌？因為啲人成日話『食軟雪糕、軟雪糕』啲歌詞好癲、好搞笑，其實個係有啲故仔……」
Ben補充說：「其實係講一個啱啱畢業嘅人，啱啱出嚟做嘢，亦係一啲自己嘅經歷。（覺得首歌改成點？） 好好呀！好high呀！我好鍾意同啲年輕嘅音樂人合作。（亦都因為你，梓軒萬歲雪糕？）係呀！最緊要係咁樣，我隻歌最大嘅用途，次次去做嘢都有人萬歲雪糕。」
《演鬥聽》自播映以來，好評如潮！周六晚將會播映第三集，今次四位嘉賓都是唱得之人，譚嘉儀跳出框框，rock妹上身，何雁詩忽然變了何jazz，新人李妍佛系唱歌，而馬拉歌手龔柯允就大膽挑戰Bollywood style, 唱住歌都feel到她有陣咖喱味！
譚嘉儀興奮說：「我自己中學時都有夾band，但入咗行後好少唱啲rock嘅歌，今次係一個突破，可以喺《演鬥聽》試到我一直都好鍾意嘅pop rock，我覺得成個節目好多嘢玩，將啲歌曲改編成唔同風格，又要我哋自己創作啦！平時好少rap，今次都有機會rap幾句，雖然好緊張，不過可以將我哋自己嘅歌改編成唔同style去唱，我覺得超正㗎！」
何雁詩則表示：「我唔係特別叻唱jazz，只係鍾意聽，今次可以發揮吓！同平時嘅風格唔同，平時自己出歌會俾人produce晒，聽過十萬次先拎出嚟，今次係一個未出街前版本，好緊張！」
新人李妍就說：「因為時間唔係太多，今次音樂嘅準備元素都多，都驚會記唔到歌詞呀，個廠又凍，喉管又會收縮啦！好彩so far都ok！」
龔柯允亦說：「其實jam音樂係一件開心事，一有音樂，個人會跟住節奏郁，今次仲要咁多唔同嘅風格，雖然係好大嘅挑戰，不過都會嘗試去玩，喺〈我點你作〉嗰part，我就好搞笑㗎！首歌充滿馬來西亞風情，有華人、馬來人、印度人，好似咖哩嘅感覺好rich，同埋有印度唱腔，我自己都好鍾意模仿唔同種族嘅唱歌聲。」
對於四位嘉賓的表現，梓軒大讚：「好好，其實我哋個騷本身都係想搵番嘉賓最強嘅嘢，可能係音樂、可能係幽默感、可能係性格、可能係表演風格，今次好開心無論平時寫歌嘅朋友，或演繹上好高超嘅朋友，都可以玩得盡興，好似我哋邀請新人，大家未必好認識佢嘅面孔，但佢嘅聲音同創作都好好，李妍都好好，何雁詩、龔柯允同譚嘉儀大家已經認識，三個性格好唔同，何雁詩有深造jazz，我師傅阿熹話龔柯允係天上嚟嘅聲音，但係佢都可以好搞笑，斯文嘅譚嘉儀可以跳出框框，做到活力、反叛嘅表演。」
入行12年嘅王梓軒，處男下海拍美容廣告，梓軒說：「健康產品、食物，財務都做過，美容真係冇試過，咁多年嚟都有少少唔開心，因為經理人成日都聽到啲人話『梓軒啲皮膚都唔錯吖，不如拍美容廣告！』佢次次都話好，不過冇做到，我覺得嘥咗我嘅青春，所以趁呢幾年把握好機會。今次多謝客戶嘅信任，其實我咁大個仔都未做過facial，嚟近會做第一次Thermage緊膚療程，聽人哋講係痛嘅，但我唔怕，希望可以做到最好效果。我最近捱夜工作，經常凌晨拍攝，經理人驚我皮膚下垂同腫，依家做番啲預防性工作……」
今次拍攝有兩個造型，分別係美容專家和偵探造型，梓軒說：「今次有個新玩法，就係『女朋友視覺』，但我去到呢啲位就有少少害羞，有啲唔係好敢，但今次就俾我玩吓，第一人視覺同我進入一個空間去分享一啲經驗，我覺得幾好玩。」
另外，梓軒為無綫創作今年東京奧運宣傳片主題曲《This is my time》，他說：「呢首奧運宣傳歌做咗幾日，之前佢哋俾咗啲畫面同主題，如滴水穿石、中西合壁，又有啲傳統同未來交織，俾咗好多靈感我，作就唔使好耐，反而一齊傾concept，個聲音點樣去到畫面就比較耐啲，但好值得，咁大嘅盛事，可以出少少綿力我好開心。」
最近梓軒忙於為新節目《演鬥聽》做音樂，忙到連假期都沒有，梓軒話：「其實我個人好得意，太得閒我會好唔開心，即係自己嘅生產力同存在感好低，所以愈忙就愈充實，我依家嘅精神狀態都好好，暫時仲handle到，其實唔攰係因為自己鍾意，公司同觀眾鍾意，我就乜攰都忘記晒。」
