標籤: 盧瀚霆

娛樂

Anson Lo 下月7日生日 神徒搞慈善限定店賀教主誕好有愛

Anson Lo(盧瀚霆)近日忙於拍攝ViuTV新劇《百萬同居計劃》,在劇中飾演燈仔的教主今日在IG Story表示:「燈仔最後一日工作!」之後就要預備下個月的MIRROR演唱會,而下月7日亦是教主 27 歲生日,盧瀚霆國際後援會為教主啟動「慈善生日月」,以教主之名進行一連串慈善活動,為社會出一份力。

Anson Lo
Anson Lo近日忙於拍攝ViuTV新劇《百萬同居計劃》,在劇中飾演燈仔。
Anson Lo
教主今日在IG Story表示:「燈仔最後一日工作!」

「慈善生日月」第一擊由2022年6月27日至7月10日,在旺角朗豪坊4樓通天廣場展開一連兩星期的Pop Up Store,全店以教主喜愛的粉紅色為主題,設置不同打卡位,發售期間限定周邊產品,所有收入將扣除成本後,以「Anson Lo 盧瀚霆」之名全數撥捐十間本地受惠機構,相當有意義,教主看完也在IG Story轉發後援會貼文。

Anson Lo
下月7日是教主 27 歲生日,盧瀚霆國際後援會為教主啟動「慈善生日月」,以教主之名進行一連串慈善活動,為社會出一份力。
Anson Lo
「慈善生日月」第一擊由2022年6月27日至7月10日,在旺角朗豪坊4樓通天廣場展開一連兩星期的Pop Up Store。(盧瀚霆國際後援會圖片)

【Anson Lo & Sontos Giving Day Pop Up Store】開放詳情
日期:2022年6月27日至7月10日
時間:中午12時至晚上10時
地點:朗豪坊4樓通天廣場

為了能讓是次Pop Up Store更有效率地進行,需以預先登記形式安排入場,凡於早前參與「教主2022生日及第九首單曲應援」的神徒,可於6月17日中午12時起,憑邀請碼於網上登記,邀請碼的電郵會於今日下午發出,敬請留意FC電郵;而其他人士亦可於6月18日起進行登記,有關詳情敬請留意FC IG/FB/TG 公布。

Anson Lo
Pop Up Store以教主喜愛的粉紅色為主題,設置不同打卡位,發售期間限定周邊產品。(盧瀚霆國際後援會圖片)
Anson Lo
所有收入將扣除成本後,以「Anson Lo 盧瀚霆」之名全數撥捐十間本地受惠機構。(盧瀚霆國際後援會圖片)
Anson Lo
教主在IG Story轉發後援會貼文。
娛樂

欣宜演唱會 Anson Lo白馬王子Look驚喜現身 合唱《不可愛教主》

鄭欣宜 一連三場的《Between Us 鄭欣宜演唱會2022》 今晚頭場,欣宜介紹嘉賓出場時說:「我真係好鍾意佢,佢多才多藝,又會拍劇又會拍電影,唱歌又好聽,跳舞又勁!」又叫全場觀眾歡迎他,之後欣宜唱出Anson Lo(盧瀚霆)的《不可愛教主》,教主以白馬王子look登場,全場歡呼不斷,相當驚喜!唱完之後Anson Lo大讚欣宜憑自己努力得到今天的成就,都算是夢想成真,搞到欣宜眼濕濕。欣宜問教主為何做嘉賓沒有禮物,Anson Lo便說:「我咪係禮物囉!」冧到欣宜暈一暈,之後教主獨唱新歌《King Kong》,全場興奮!

娛樂

Anson Lo新歌《King Kong》大騷麒麟臂 首執導演筒:一個驚慌嘅經歷 神徒大讚教主:好大隻MV好鬼正

Anson Lo(盧瀚霆)今日推出全新跳唱歌曲《King Kong》,並首次擔任MV導演,以Virtual Background(虛擬背景)拍攝超現實故事情節。《King Kong》的MV靈感來自《移動迷宮》系列電影,Anson Lo希望能向電影致敬,所以MV的開場參考了電影來拍攝,他說:「喺升降機上咗嚟之後,就去到一個乾旱嘅沙漠,大家為咗爭一支水而展露咗唔同人性嘅決定,作出乜嘢選擇,其實成個故事配合返歌詞內容,比喻人為求要得到想擁有嘅嘢而競爭、比賽,但其實好多時同自己比較或者贏自己之餘,好大機會可以一齊贏,大家一齊擁有一個好好嘅成果,可以分享。」

Anson Lo
Anson Lo今日推出全新跳唱歌曲《King Kong》,並首次擔任MV導演,以Virtual Background拍攝超現實故事情節。
Anson Lo
教主說:「喺升降機上咗嚟之後,就去到一個乾旱嘅沙漠,大家為咗爭一支水而展露咗唔同人性嘅決定,作出乜嘢選擇。」

今次Anson Lo首次擔任導演,他形容是一個很驚慌的體驗,他解釋道:「冇諗過自己要參與嘅部分有咁多。以往自己Expect(預期)做導演可能只係諗MV橋段,大家著乜嘢衫,好片面嘅設計概念,但今次執導《King Kong》之後,就發現好多嘢都要顧及,除咗要顧及Storyline(故事情節),仲要顧及幕後製作,例如Rundown(流程),或遇到困難時,要調度拍攝次序,甚至演員演繹方法、情緒,導演都有責任去講,去主導呢件事。今次係一個係驚慌嘅經歷,因為發現自己好多嘢都唔識,喺幕後管理方面好多嘢都唔識,要人哋教我點去做稱職導演。」Anson Lo表示,這為他帶來無比的壓力,並續道:「如果話自己係呢個MV嘅導演嘅時候,就好似MV 100%好與壞都完全自己造成,所以由Day 1開始都好想make sure(確保)MV質素係好,或者表達故事同《King Kong》本身首歌詞係sync(同步),呢個係最大壓力來源。」

Anson Lo
今次Anson Lo首次擔任導演,他形容是一個很驚慌的體驗。

Anson Lo另一個壓力來源,相信是因為拍攝上的不確定,事關今次MV很多畫面都要配合虛擬背景,於現場同步處理拍攝,過程中困難重重,他道:「以往都試過book酒店或用廠景拍攝,但今次用咗虛擬背景,喺虛擬世界,就乜嘢都有可能,就算空間感、大細,同背後物件距離都可以自由調節,係好大嘅自由度,但佢嘅困難度唔比實景少,今次拍咗兩日,最大嘅困難係連接上有阻滯,變相用咗好多時間喺轉Set,會用上半個鐘或者一個鐘去重新set up,係好消耗時間嘅一個拍MV方法,但今次用新方法拍攝係好得意嘗試,可以用到一啲場景係喺香港現實生活中未必有嘅場景,當係喺一個不存在未知世界裏面去進行《King Kong》嘅故事情節。」

Anson Lo
Anson Lo另一個壓力來源,是因為拍攝上的不確定。
Anson Lo
教主指今次MV很多畫面都要配合虛擬背景,於現場同步處理拍攝,過程中困難重重。

由於現場各個場口準備需時,加上拍攝內容甚多,結果今次拍攝時間打破了Anson Lo過去所有Solo MV。Anson Lo說:「《King Kong》分開咗兩日拍,因為拍嘅嘢實在太多,故事情節同跳舞比例比起以往多好多,所以兩日合共用咗接近40小時拍攝。以往拍攝Solo MV最多只需二十多個小時,所以今次係拍攝時間最長嘅一次,亦係最攰嘅一次,因為開拍之前拍緊劇,跟住連續拍兩日MV,中間出席咗一個工作event,拍完Day 2後就要立即去拍劇,拍劇後又要再做第二樣工作,結果咁多日只係瞓咗3小時,所以休息時間亦係最少嘅一次,係一個破紀錄嘅MV。」

Anson Lo
教主說:「以往拍攝Solo MV最多只需二十多個小時,所以今次係拍攝時間最長嘅一次,亦係最攰嘅一次。」

既挑戰導演工作,又挑戰最長工時,Anson Lo還挑戰了自己對造型上的愛美標準!既穿上背心大騷麒麟臂,更滿身傷痕,不再青靚白淨!Anson Lo笑言:「今次MV造型係自己史上最污糟邋遢、最不修邊幅,對我Standard嚟講係好大膽挑戰,因為我通常著長袖,得兩件Layer算少,而且一定長袖、西裝居多,希望今次MV會令大家覺得同以往嘅Anson Lo嘅跳唱造型有啲唔同。」

Anson Lo
今次教主既穿上背心大騷麒麟臂,更滿身傷痕,不再青靚白淨!

另外,繼去年電影《假冒女團》後,Anson Lo於《King Kong》MV中亦有親身上陣拍攝拳拳到肉的武打場面,他說:「呢個MV裡面有啲動作武打場口,今次嘅動作亦係以往拍戲時未試過,對上一次武打場口係上年拍攝《假冒女團》,當時學咗好多同功夫、踢腿有關嘅嘢,今次《King Kong》嘅打鬥就比較貼地少少,冇咁專業踢腿嘅招式,但今次用嘅trick(招數)係我未試過,例如趴地被人拉去後面,係喺電影常見嘅情節,但今次自己就可以試下。」

Anson Lo於《King Kong》MV中亦有親身上陣拍攝拳拳到肉的武打場面。
Anson Lo笑言:「今次MV造型係自己史上最污糟邋遢、最不修邊幅。」

神徒看完MV大讚:「教主超型!」、「個MV好鬼正!」、「好大隻呀!今次歌曲風格好唔同,多方面嘗試,加油!」、「感覺Anson愈戰愈勇了! 努力令自己變得強大!不跟人去比較,努力去挑戰自己,才能不斷的進步,教主的心態非常好!」、「歌King Kong 超級好聽呀!歌詞好有意思!」

Anson Lo
神徒看完MV大讚:「感覺Anson愈戰愈勇了! 努力令自己變得強大!不跟人去比較,努力去挑戰自己,才能不斷的進步,教主的心態非常好!」
Anson Lo
型!
食玩

McCafé聯乘OOHA推出菠蘿冰雪乳酪 用指定優惠券送Anson Lo生日應援卡

MIRROR人氣成員Anson Lo(盧瀚霆)今日除了推出新歌《King Kong》之外,其代言的汽水品牌OOHA亦首度與麥當勞McCafé合作,宣布於明日(6月9日)起推出限定夏日特飲菠蘿冰雪乳酪,新產品用上酸甜乳酪和OOHA柚子海鹽味汽水,再搭配爽口椰果。大家只要在麥當勞App使用「$40歎Special For You Combo」優惠券,除了可以試到新特飲之外,亦包含一件指定迷你蛋糕。

Anson Lo
McCafé首度聯乘汽水品牌OOHA
Anson Lo
指定優惠券包含菠蘿冰雪乳酪、迷你蛋糕及隨機附送生日卡。

不但如此,使用上述優惠券還可以獲得限量教主應援生日卡乙張(共兩款,隨機送出),其中一款更是隱藏特別版!生日卡除了印有教主肖像外,亦有他手畫圖案和對Fans說的說話。另外,尖沙咀海港城入口露天廣場同日起亦會變成「教主走廊」,讓各位神徒去打卡!

Anson Lo
用指定優惠券即送教主應援生日卡乙張
Anson Lo再次「進駐」尖沙咀碼頭
教主早前為McCafé x OOHA特飲拍攝廣告
Anson Lo
娛樂

MIRROR新歌《Innerspace》MV水中勁舞  鏡粉:姜濤rap好有驚喜

人氣組合MIRROR 2022年第一首團歌《Innerspace》今日推出,為即將舉行的首個紅館演唱會《MIRROR.WE.ARE LIVE CONCERT 2022》揭開序幕,新歌下午1點已經在各大音樂平台上架,MV今晚9時有得看。今次12子將帶大家進入一個充滿幻想的世界,在MV中上演一場激光和水舞間舞蹈,向高難度挑戰!

MIRROR新歌
人氣組合MIRROR 2022年第一首團歌《Innerspace》今日推出,為即將舉行嘅首個紅館演唱會《MIRROR.WE.ARE LIVE CONCERT 2022》揭開序幕。

《Innerspace》由王雙駿作曲、小克填詞,有別於過去團歌,今次想大家多認識自己,從而尋找快樂的泉源,隊長Lokman介紹新歌內容:「今次《Innerspace》帶大家進入一個幻想嘅世界,再帶大家跳入自己嘅壯闊宇宙,觀察內在嘅自己,再思考一下、了解一下、沉澱一下,從過程中發揮一個更大嘅潛能。宇宙都係一面鏡,學懂愛惜自己,就會學識周遭嘅所有嘅嘢,係快樂嘅第一步。」

MIRROR新歌
今次12子將帶大家進入一個充滿幻想世界,在MV中上演一場激光和水舞間舞蹈,向高難度挑戰!
MIRROR新歌
《Innerspace》由王雙駿作曲、小克填詞,有別於過去團歌,今次想大家多認識自己,從而尋找快樂的泉源。
MV今晚9時有得看。

MIRROR早前合體,以兩日時間拍攝歌曲MV,Lokman形容一日是文鬥,另一日是「舞」鬥:「拍攝第一日主力係跳舞嘅部分,第二日就係Mood Shot。」今次MIRROR不但在激光中起舞,還在水池勁舞,他們的舞蹈向來以複雜、高難度見稱,今次難度再次提升,挑戰12子的舞技和體能,眾人拍畢後由內到外全濕,畫面極具震撼力。

MIRROR早前合體,以兩日時間拍攝歌曲MV,Lokman形容一日是文鬥,另一日是「舞」鬥:「拍攝第一日主力係跳舞嘅部分,第二日就係Mood Shot。」
MIRROR新歌
鏡粉聽完新歌《Innerspace》粉紛留言大讚:「好正!」

另外今次Rap部分由Anson Lo(盧瀚霆)填詞,鏡粉聽完新歌《Innerspace》粉紛留言大讚:「好正!」、「有新鮮感好事!」 、「Rap詞係教主寫,好勁呀!」、「音樂有西域感覺,好清脆似鋼片琴好好聽。Jer把聲最出, AL唱得比較多!」很多鏡粉發現姜濤有份Rap歌後大表驚喜:「姜,太有驚喜啦,rap得好好!」、「Wow KT Rap, 姜把聲好好聽!」、「姜濤rap好有驚喜!」、「好好聽!姜歌聲好溫柔❤️12子團歌!」

MIRROR新歌
很多鏡粉發現姜濤有份Rap歌後大表驚喜:「姜,太有驚喜啦,rap得好好!」
MIRROR新歌
今次Rap部分由Anson Lo填詞。
Edan
AK
Jer
Jeremy
Stanley
Frankie
Anson Lo
Lokman
Ian
Alton
Tiger
娛樂, 熱話

Chill Club 推介榜年度推介21/22   欣宜大熱奪年度女歌手金獎  Anson Lo雙喜臨門

ViuTV主辦嘅第二屆本地流行音樂頒獎典禮「Chill Club推介榜年度推介21/22」,今晚在九展匯星舉行,主題爲「人人樂壇,音樂第一」,評選範圍是2021年3月7日至2022年2月27日「Chill Club 推介榜」的上榜歌曲和歌手,除了幕後獎外,各大獎項都是由全港市民投票產生。

Chill Club
頒獎禮一開始由鄧建明、Cousin Fung、T-ma等音樂人帶隊,加上 Edan、衛蘭、姜濤等一起jam歌,炸爆舞台!
Chill Club
姜濤表演時相當有型!

頒獎禮一開始由鄧建明、Cousin Fung、T-ma、CMgroovy、波多野裕介、何秉、徐浩等音樂人帶隊,加上 Edan(呂爵安)、衛蘭、馮允謙、姜濤、林奕匡、C AllStar、泳兒、AGA和MIRROR 一起jam歌,炸爆舞台!之後主持駱振偉(Thor)陸續頒發「Chill Club 年度十大歌曲」,第2位至第10位順序為MIRROR《BOSS》、姜濤《Master Class》、Edan《E先生 連環不幸事件》、張敬軒《俏郎君》、Jer(柳應廷)《狂人日記》、 C AllStar《留下來的人》、 MC 張天賦《記憶棉》、 林家謙《神奇的糊塗魔藥》、RubberBand《Ciao》。

「Chill Club年度之歌」最終由Anson Lo #盧瀚霆《Megahit》驚喜奪得,教主攞獎時說:「好多謝公司好多謝ViuTV,好多謝Wyman,呢首歌係講溝通,溝通係我2021年學到嘅最大課題,同屋企人溝通、同工作人員溝通、同Mirror成員溝通,好多謝投票俾我嘅你哋,無論任何事情發生都好,我係唔會放棄繼續做我鍾意嘅跳唱歌,多謝大家包容,我嘅不足好多,有好多嘢需要改善,所以多謝大家!」

Chill Club
「Chill Club年度之歌」由Anson Lo盧瀚霆《Megahit》奪得。
Chill Club
「Chill Club 年度十大歌曲」,第2位是MIRROR《BOSS》。
Chill Club
第三位是姜濤《Master Class》。

「Chill Club年度男歌手」金獎亦由Anson Lo奪得,雙喜臨門,他發表感言:「好多謝投票俾我嘅人,多謝每位MIRROR成員,今年踏入第四年,冇MIRROR冇人會留意Anson Lo 呢個人,最近MIRROR嘅成員都有好疲倦嘅感覺,大家都好攰,但我想講我哋就算幾攰都好,都唔會嫌攰,因為我哋每日都做緊好鍾意做嘅嘢,我承諾大家我會繼續努力,多謝大家!」至於銀獎則由姜濤奪得,他說:「我記得上年喺呢個舞台上面,我話相信我哋可以成為亞洲第一,經過一年之後,其實每一位嘅歌手已經係我心目中嘅亞洲第一,我真係好愛好愛呢個地方,只要你每一位唔放棄我哋,我會永遠喺度唱歌俾大家聽!」至於銅獎就是家謙:「今年做咗好多嘗試,試吓唱人哋嘅歌,好開心有人喜歡!」

「Chill Club年度男歌手」金獎由Anson Lo奪得,雙喜臨門。
姜濤奪「Chill Club年度男歌手」銀獎。
銅獎是林家謙,

「Chill Club年度女歌手」由鄭欣宜奪得金獎,她拿獎時說:「好多謝投票俾呢位死中女嘅各位,頭先一路宣布完銅獎銀獎之後,我以為我冇機會上台得獎,我真係要喺呢度多謝Chill Club同ViuTV,多謝公司上上下下嘅同事,同我做咗好多歌,令大家重新認識香港歌手鄭欣宜!」而銀獎由Serrini奪得,銅獎就是陳蕾!

「Chill Club年度女歌手」由鄭欣宜奪得金獎!
銀獎由Serrini奪得。
陳蕾得銅獎。

「Chill Club年度組合」由MIRROR奪得金獎,Lokman說:「想多謝呢度嘅台前幕後,都好多謝大家發放熱力俾大家感受,多謝在座嘅觀眾,令大家感受到熱力!」AK亦說:「好多謝幫我哋嘅每一位!」銀獎則由C AllStar奪得,銅獎就是ERROR,肥仔說:「多謝投票嘅所有粉絲們!」Dee則多謝爹哋媽咪:「係你話俾我聽做咩最緊要開心!」

「Chill Club年度組合」由 MIRROR奪得金獎。
銀獎則由C AllStar奪得。
銅獎就是ERROR。

「Chill Club年度新人」由MC張天賦奪得金獎,他拿獎時說:「出咗道先知,每一個崗位都好重要,要重視每一個人工作,曲詞編監,每一環都唔可以缺少,我呢個新人獎都係佢哋一手幫我包辦,多謝鍾意MC嘅人!」銀獎則由Edan奪得,他說:「好開心同時都有啲矛盾,我嘅起步好好,我係MIRROR嘅一份子,我有好多機會令人見到我,所以我要變得更優秀。希望大家都關注其他歌手,支持我之外都要支持其他歌手,令到香港樂壇百花齊放!」銅獎是193,他搞笑說:「我最想多謝ViuTV所有幕後工作人員,好包容我哋,多謝ERROR,Poki下年拎新人獎,阿Dee下年拎視帝!」

Chill Club
「Chill Club年度新人」由MC張天賦奪得金獎。
Chill Club
銀獎由Edan奪得。
Chill Club
銅獎是193。
Chill Club
Wyman奪「Chill Club年度填詞人」,他沒有到現場,他在錄影片段搞笑說:「以後繼續留意我嘅作品就可以啦,唔需要選我入『世界百大美男』,我OK嘅!」

得獎名單:

「Chill Club年度男歌手」

金獎:Anson Lo

銀獎:姜濤

銅獎:林家謙

「Chill Club年度女歌手」

金獎:鄭欣宜

銀獎:Serrini

銅獎:陳蕾

「Chill Club年度組合」

金獎:MIRROR

銀獎:C AllStar

銅獎:ERROR

「Chill Club年度樂隊」

金獎:Dear Jane

銀獎: RubberBand

銅獎: ToNick

「Chill Club年度新人」

金獎:MC張天賦

銀獎:呂爵安(Edan)

銅獎:193

「Chill Club年度唱作歌手」

金獎:林家謙

銀獎:馮允謙

銅獎:Serrini

「Chill Club 年度十大歌曲」

Chill Club年度之歌:《Megahit》 – 盧瀚霆

第2位《BOSS》 – MIRROR

第3位《Master Class》 -姜濤

第4位《E先生 連環不幸事件》 -呂爵安

第5位《俏郎君》-張敬軒

第6位《狂人日記》 – 柳應廷

第7位《留下來的人》- C AllStar

第8位《記憶棉》 – MC 張天賦

第9位《神奇的糊塗魔藥》 -林家謙

第10位《Ciao》 – RubberBand

「Chill Club年度作曲人」:吳林峰

「Chill Club年度填詞人」:黃偉文(Wyman)

「Chill Club年度編曲人」:Ariel Lai

「Chill Club年度監製」:Edward Chan

娛樂

2021香港社交媒體網民最愛 Top 10 炎明熹 、姚焯菲拍片多謝粉絲 李佳芯:人同人之間唔應該有界限

香港首間利用大數據監察及分析社交媒體的市場行銷公司Cloudbreakr,近日舉辦第一屆《香港社交媒體風雲榜》頒獎禮,三個獎項分別為《2021年度社交媒體風雲人物》、「2021香港社交媒體網民最愛」和《2021年度社交媒體品牌最愛》。其中「2021香港社交媒體網民最愛」以帖文平均讚好為指標,在5萬多個專頁中,選出十位擁有最多平均帖文讚好的內容創作者,得獎名單包括(排名不分先後):盧瀚霆、微辣 Manner、姚焯菲、雪姨、炎明熹、Sunny & Creamy、張天賦、李佳芯、朱千雪、衛詩雅。

2021香港社交媒體網民最愛
「2021香港社交媒體網民最愛」以帖文平均讚好為指標,在5萬多個專頁中,選出十位擁有最多平均帖文讚好的內容創作者,得獎名單包括李佳芯。
2021香港社交媒體網民最愛
炎明熹亦是「2021年度社交媒體品牌最愛」Top 10。
2021香港社交媒體網民最愛
還有小公主姚焯菲!

今日Cloudbreakr在IG發布李佳芯(Ali)、炎明熹(GiGi) 、姚焯菲(Chantel)講得獎感受的短片,Ali說:「我近排少咗同大家喺銀幕上見面,但透過Cloudbreakr就知道我係網民最愛Top10,多謝大家,#我覺得人同人之間唔應該有界限,所以希望喺唔同範疇,可以同大家再多啲互動!」Chantel亦說:「 好多謝網民支持同鍾意我 post嘅嘢,未來我會post多啲精彩有趣嘅嘢,希望大家可以繼續支持我!」至於目前身在內地參加無綫和芒果TV合辦綜藝節目《聲生不息》的GiGi,被網民看好成為G.E.M. 2.0,隨時在內地爆紅,GiGi雖然好忙亦抽空拍片答謝粉絲:「多謝網民喜歡我發布嘅內容,我會繼續努力,帶俾大家更加精彩、更加豐富嘅內容!」三人的粉絲紛紛留言祝賀偶像!

2021香港社交媒體網民最愛
今日Cloudbreakr在IG發布Ali講得獎感受的短片,她說:「我覺得人同人之間唔應該有界限,所以希望喺唔同範疇,可以同大家再多啲互動!」
2021香港社交媒體網民最愛
2021香港社交媒體網民最愛
Chantel亦拍片說:「 好多謝網民支持同鍾意我 post嘅嘢,未來我會post多啲精彩有趣嘅嘢!」
2021香港社交媒體網民最愛
2021香港社交媒體網民最愛
GiGi雖然好忙亦抽空拍片答謝粉絲:「多謝網民喜歡我發布嘅內容,我會繼續努力!」
2021香港社交媒體網民最愛

十大「2021香港社交媒體網民最愛」得獎名單(排名不分先後)︰

盧瀚霆、微辣 Manner、姚焯菲、雪姨、炎明熹、Sunny & Creamy、張天賦、李佳芯、朱千雪、衛詩雅

十大「2021香港社交媒體風雲人物」得獎名單(排名不分先後)︰

Emi Wong、林芊妤、小薯茄、呂爵安、姜濤、張敬軒、YouTube 頻道試當真、倪晨曦、李元元、七仙羽

「2021香港社交媒體品牌最愛」︰陳凱琳

娛樂

Anson Lo新廣告同韓韶禧合作   粉紅造型超正 神徒:好靚呀救命

Anson Lo(盧瀚霆)昨日接受商台《口水多過浪花》主持Do姐訪問,大爆正籌備下一首新歌,還會首次做MV導演,又會ViuTV拍劇,令神徒超期待!到今日教主又給神徒驚喜,他在IG上載全新化妝品廣告片,片中教主和韓國女星韓韶禧跨兩地合作,撈撈穿上粉紅色衫、白色褲跳舞,靚仔又夢幻!

教主寫道:「終於可以同大家公開今次拍攝嘅廣告內容啦,第一次跨越兩地進行拍攝,而且仲要可以同韓韶禧前輩遠距離合作,我覺得好好玩,係一個難忘嘅回憶,希望你哋鍾意呢個第一浪嘅驚喜啦!」教主還與神徒互動,開出情境題:「如果你打扮咗一個好夢幻好浪漫嘅造型,你會選擇同我…1️. Pillow talk傾偈談心,2️. 去party玩,請選擇~🙋🏻‍♀️🙋🏻‍♂️等待你們的選擇答案♥️📞Calling, calling…are you ready for a Pillow Talk Party?」

很多神徒揀「1️. Pillow talk傾偈談心」,不過更多神徒說:「兩樣都要!」、「Pillow talk 完再去party玩,又可以傾密計再埋身見面!」神徒狂讚教主粉紅造型:「好靚仔💕💕又被電暈❤️👱🏻‍♂️真係形象百變💓cool又得sweet又得!」、「我都係第一次見到咁襯粉紅色,又咁優雅靚仔可愛嘅男人!」、「好靚呀救命!」、「Pillow 未talk 已停止呼吸/暈咗,會乜記憶都無哂!」

Anson Lo
Anson Lo在IG上載全新化妝品廣告片,片中教主穿上粉紅色衫、白色褲,靚仔又夢幻!
Anson Lo
連電話都是粉紅色,襯到絕!
Anson Lo
片中教主還跳舞。
Anson Lo
今次教主和韓國女星韓韶禧跨兩地合作,甚有驚喜!
Anson Lo
韓韶禧很漂亮!
Anson Lo
Anson Lo昨天接受商台《口水多過浪花》主持Do姐訪問,大爆正籌備下一首新歌,還會首次做MV導演。
娛樂

Anson Lo 獲邀拍喪屍西片《重慶大廈》 英國導演讚教主:有異於常人嘅才華

美國娛樂雜誌《Variety》近日報道,Anson Lo(盧瀚霆)衝出國際,將於7月拍攝由英國導演Bizhan Tong執導的新戲《Chungking Mansions》(重慶大廈),故事講述香港爆發喪屍病毒,大家走入重慶大廈避難,教主扮演參觀重慶大廈的團友,在大廈遇上喪屍。報道指除教主外,還有《單身即地獄》韓國男星崔時訓、《進擊的巨人》日本女星武田梨奈、新加坡男星陳泂江、《嚇鬼阿嫂》泰國女星Davika Hoorne,和香港演員李施嬅、陳瀅、張繼聰等參與演出,預計明年夏天上映!

Anson Lo
美國娛樂雜誌《Variety》近日報道,Anson Lo衝出國際,將於7月拍攝由英國導演Bizhan Tong執導的新戲《重慶大廈》。(IG圖片)
Anson Lo
《重慶大廈》故事講述香港爆發喪屍病毒,大家走入重慶大廈避難,教主扮演參觀重慶大廈的團友,在大廈遇上喪屍。(IG圖片)
Anson Lo
報道指《重慶大廈》亦有《嚇鬼阿嫂》泰國女星Davika Hoorne參與演出。(IG圖片)

消息一出令神徒相當興奮,Anson Lo經理人花姐接受傳媒訪問時,雖然說:「𠵱家仲係洽談中,未落實合作。」不過Bizhan Tong今日接受香港傳媒訪問時,大讚Anson Lo有異於常人的才華。導演指看了教主的歌和電影後,很欣賞他,而教主試鏡時充份理解角色和故事,無論外型和氣質都很符合角色要求,所以即刻決定由他演出。導演又大爆教主在戲中擔當重要角色,能夠展示他機智、幽默的英雄形象,亦會有動作場面!電影預計今年7月開鏡,雖然戲中會以英語為主,但演員有機會用自己語言演繹,即是可以聽到教主在戲中說廣東話!

Anson Lo
Bizhan Tong今日接受香港傳媒訪問時,大讚Anson Lo有異於常人的才華。(IG圖片)
Anson Lo
導演指教主試鏡時充份理解角色和故事,無論外型和氣質都很符合角色要求。(IG圖片)

Bizhan Tong曾獲Festival of Cinema NYC最佳導演獎,他今日在IG上載新戲《重慶大廈》的報道寫道:「我的目標是讓重慶大廈不僅成為香港史上最大的喪屍片,而且成為一部將國際關注重新帶回香港娛樂界的電影。」又說:「電影中的每位演員都是獨一無二的,與他們一起工作我感到無比自豪,或者感到更謙虛!」

Anson Lo
Bizhan Tong今日在IG上載新戲《重慶大廈》的報道寫道:「我的目標是讓重慶大廈不僅成為香港史上最大的喪屍片,而且成為一部將國際關注重新帶回香港娛樂界的電影。」(IG圖片)
Anson Lo
Bizhan Tong亦有邀請陳瀅參與演出《重慶大廈》,陳瀅早前參演導演未播映的犯罪連續劇《Forensic Psychologist》。(IG圖片)
Anson Lo
李施嬅承認獲邀拍攝《重慶大廈》:「已收到通知,仲傾緊細節。」若成事,李施嬅將首次和Anson Lo合作。(IG圖片)
娛樂

Anson Lo:繼續努力工作養教母 白色情人節推《Mr. Stranger》Dance Version

Anson Lo (盧瀚霆)上月25日推出新歌《Mr. Stranger》,MV在YouTube上架至今,已累積超過500萬觀看次數,成績超好!教主還在今日白色情人節,為神徒送上《Mr. Stranger》MV的Dance Version,MV今晚8才有得看,不過昨日教主已經在IG上載Dance Version黑白預告片,片中他做出招牌吸血鬼爪牙手勢,令神徒超級期待!

Anson Lo
Anson Lo(盧瀚霆)上月25日推出新歌《Mr. Stranger》。
Anson Lo
《Mr. Stranger》MV在YouTube上架至今,累積超過500萬觀看次數,教主在IG多謝神徒!
Anson lo
教主今日又在IG Story上載在洗手間拍MV一幕。
Anson Lo
還畫了公仔送給神徒!
Anson Lo
教主在今日白色情人節,為神徒送上《Mr. Stranger》MV的Dance Version。

教主昨晚還在IG Story上載教母為他炮製的愛心晚飯相,大讚媽咪廚藝:「最近有種感覺,教母應該要開餐廳!」不過之後他又寫道:「然後這想法一閃即逝,教母繼續享受退休生活比較好,繼續努力工作養教母!」很孝順! 教主和教母感情相當好,早前教母生日,他就在IG感性留言:「教母,知道最近的日子你很擔心我,擔心我太夜歸家,擔心我拍電影的情緒,擔心我對新歌的著緊,每一晚你也依然堅持在我踏入家門口時,走出客廳見我,哪怕只是閒聊幾句!新一年,但願你不用再為我太操心,我會好好照顧自己,努力做好表現給你看,讓你自豪!生日快樂,我愛你,My Queen!」母子情深!

Anson Lo
教主昨晚還在IG Story上載教母為他炮製的愛心晚飯相,大讚媽咪廚藝:「最近有種感覺,教母應該要開餐廳!」
Anson Lo
不過之後他又寫道:「然後這想法一閃即逝,教母繼續享受退休生活比較好,繼續努力工作養教母!」很孝順!
Anson Lo
教主和教母感情相當好,早前教母生日,他就在IG感性留言。
Anson Lo
教主寫道:「新一年,但願你不用再為我太操心,我會好好照顧自己,努力做好表現給你看,讓你自豪!生日快樂,我愛你,My Queen!」母子情深!
View More