張致恒（Steven）曾聲稱懷疑自己性上癮致出軌，他試過被爆一腳踏五船，令形象插水，不過自從和粉絲雯雯結婚後就修心養性，但又被踢爆欠債逾40萬，他早前去內地登台，又在「百萬林鍾一戰」和著名YouTuber大J打擂台賺錢，還清馮鎵瀠（Naomi）欠債。近日Steven囝囝張天寶適齡報讀幼稚園，卻遭校長歧視！

Steven在IG留言狂呻：「其實真係好嬲，雖然我係曾經犯過好多錯，大家唔原諒我唔緊要，但係點解我同個仔去報名幼稚園要俾個校長歧視，難道我個仔就唔配讀書嗎？有一個咁樣嘅爸爸就唔可以喺呢個社會立足嗎？你作為一個幼稚園嘅校長，講到自己唔會放過任何一個教小朋友嘅機會，就要講到明因為我嘅原因唔俾我個仔機會讀書嗎？邊間幼稚園我就唔講啦，費事話我影響佢名氣！」不過由於Steven已關閉留言功能，所以網民未能留言發表意見！