姜濤 日前推出紀錄片《答案》，首集就剖白自覺有抑鬱症，幸好他日前秘密返母校青年學院（邱子文）探老師， 之後就在IG留言：「非常開心的一天！」姜糖應該很放心！姜B貴為MIRROR人氣王，認真工作之餘都很懂得自娛，他經常上載自稱「耍白痴」的片令大家開心，又經常整蠱身邊人，百厭得來很可愛， 我們還找到一條2018年9月的考古片，他一個人喪玩得意App很cute，希望姜B日日都這麼開心！

姜濤日前推出紀錄片《答案》，希望大家了解真實的他，他在週二（9日）首集，便剖白早前在IG post出「I’m tired of everything」的原因：「其實嗰日好哋哋，但唔知點解情緒突然好低落，好似突然之間唔知自己做緊啲乜，好似突然覺得自己有抑鬱症咁。」令姜糖好擔心！不過原來他昨日秘密返回將軍澳母校青年學院（邱子文）找老師聊天。一位就讀該校的17歲女學生，昨日就在粉絲群組貼出和師兄姜濤合照並留言：「唔講咁多，同姜B同一間學校，只係姜B已經畢業！」即時令其他姜糖起哄說：「難過中六合彩！」、「羨慕死人啦！」  、「姜B真係好有心， 紅咗都不忘探老師，證明份人好念舊，乖仔，抵錫！」

姜糖紛紛問師妹姜B為何返母校，師妹說：「探老師同拍嘢 ，有隨行攝影師可能係拍片。」有姜糖追問姜B是否拍紀錄片《答案》第2集，師妹便說：「係咪拍Ep2我其實都唔知，不過探老師一定係！」師妹還大讚姜師兄：「好nice ！」有姜糖搞笑問師妹：「妹妹你係咪拖過一千個呀婆過馬路？」示意她積福換到和姜B合照，師妹貼出大笑Emoji話：「冇！」而同日有網友影到姜B搭港鐵，相當貼地。姜B探完母校，便在IG Story留言：「尋找答案的一天，非常開心的一天，謝謝你們！」看來姜B探完老師之後很有得着，希望他找到想找的答案！

姜濤 在MIRROR成軍3周年當日，忽然在IG分享了紀錄片《答案》的2分鐘預告片段，希望大家了解真實的他。《答案》第一集昨晚（9日）在YouTube正式播出，片中以「你|認識我嗎？」開始，然後播出姜濤和ERROR隊長肥仔排舞的片段，接着肥仔說：「我哋面前有盞燈，排舞師問會唔會太刺眼，你知唔知佢講咩？佢話：『因為我喺度』，佢係一個不知廉恥嘅𡃁仔，姜濤已經進化咗，唔係以前嘅佢，佢以前唔會講啲咁嘅嘢，佢真係囂咗。」之後姜濤大笑，沒有不快！

近日有網民上以「姜濤在維園球場與人產生爭執，姜濤大戰惡漢！」為題，上載短片上網，片中姜濤被對手壓在地上，搶走他的籃球，姜B咆哮一聲起身走開，有姜糖撐偶像說：「如果係第二個，一早講咗粗口甚至打交，但姜濤好克制！」事後姜B回應說打波時不應該太衝動：「覺得身為藝人要以身作則，以後會控制得好啲。」而在紀錄片中亦有姜B打波片段，他說：「真打我真係好惡！」盡顯真性情！姜B又說平時打波會有粉絲守候：「但打完波我都驚自己好污糟，驚影相會唔好意思，所以我會同朋友突然之間跑走。」

之後姜濤在好友James陪伴下，在海旁真情剖白，他提到早前在IG出了「I’m tired of everything」的貼文，他講述當時的心理狀況，「其實嗰日好哋哋，我拍咗個廣告，由朝早化妝到拍嘢之前都好正常，但唔知點解情緒突然好低落，好似突然之間唔知自己做緊啲乜，加上呢一年發生好多嘢，我屋企、我朋友，嗰下好抑壓，好似突然覺得自己有抑鬱症咁，真係前一秒仲笑，下一秒我已經係黑晒面。」幸好他會和經理人花姐傾訴心事：「我會同佢講我私底下嘅嘢，呢樣係我會信任佢嘅一個行動，好多嘢連我阿媽都唔知！」紀錄片最後以「你願意認識真正的姜濤嗎？」作結。

姜糖看完紀錄片之後紛紛留言支持姜B：「知道你備受情緒壓力，好好愛自己，我們永遠是你的後盾，展示你自己吧，姜糖們對你不離不棄！」、「很喜歡這種紀錄片。」、「你真係一個好特別嘅人，你作為一個咁有名氣嘅藝人…卻將這公諸於世，實在不易！」姜B加油呀！