每個人第1日返工總會戰戰競競，緊張到甩皮甩骨。昨日糖水店糖水雄在Facebook貼出兩張WhatsApp對話圖，內容是店主和新入職外賣同事對話。見到店主安排員工18:20將外賣送到觀塘曉麗苑，還不忘為對方打氣，新同事回答：「知道，我會努力。」到17:15-17:59，店主先後3次問新同事：「出咗門口未？」、「請問到未，外賣已經製作好。」、「請問現在位置？」再提多次18:20要將外賣送到目的地。到18:11，新同事終於回覆：「唔使擔心我現在已經在曉麗苑了」、「早到咗十分鐘呀」。店主即時緊張起來，事關新同事連外賣都未取，就送自己過去，認真搞笑。
最後店主表示自己出馬，約對方在位於佐敦文匯街的店舖見面，事隔45分鐘，新同事又話：「我到咗雲匯 喇，原來雲匯係喺科學園，但係附近好似唔見有一間叫糖水雄嘅舖頭喎。」搞到店主即刻無言，再問新同事之前有沒沒從事過飲食業，而新同事就表示：「有，返咗三日畀人炒咗。」
燒賣一直有不少捧場客，單是Facebook上的香港燒賣關注組就超過11萬的讚好，就知道燒賣的支持者何其龐大。佐敦一間糖水鋪一於搞搞新意思，打破大家固有的觀念，創作朱古力燒賣、蒜蓉麻辣燒賣、SHAKE SHAKE燒賣及多款不同味道的燒賣，挑戰大家的接受程度。
兩位小編身先士卒，率先為大家試食五款獨特的燒賣。蒜蓉麻辣燒賣非常惹味，嗜辣者一定喜歡；朱古力燒賣創意爆燈，鹹甜交錯，意想不到相配；靈感來自SHAKE SHAKE 薯條的SHAKE SHAKE 燒賣，將自家調配的SHAKE SHAKE粉，倒入炸過的燒賣，再搖勻，本身沾有麻辣蜜糖的燒賣，又辣又甜，味道獨特。亂咁嚟就是將切開的燒賣與火腿、椰菜、XO醬大兜亂炒成，如上海炒年糕，非常惹味，獨特之處是加入了菠蘿肉，味道有驚喜；最新推出的皮蛋芫荽椰汁燒賣，以芫荽粉代替鮮芫荽，略嫌芫荽味不足。
糖水店定期會推出新口味燒賣，各位鍾意試新口味的朋友，就要留意了。
糖水雄
地址：佐敦渡船角文匯街30號文景樓地舖
電話:2771 4628
時間：4:30pm-1:30am
