標籤: 紅館演唱會

娛樂

林家謙大爆開騷前兩周想取消  落淚剖白:大家鍾意我係僥倖

林家謙 一連7場紅館演唱會昨晚(28日)尾場,台下粉絲留低大叫encore不肯走。完騷前家謙 落淚剖白心情:「做呢個騷一啲都唔易,最大關口係自己 ,大家鍾意我其實係僥倖。我真係唔夠歌開演唱會,演唱會總監就同我講入紙先啦,佢話入咗紙都未必批,可能要兩、三年先批,點知佢一吓就批咗!咁我努力出碟,希望唱多啲自己嘅歌,其實我又唔夠能力去唱,坦白講開騷兩星期前仲諗緊想取消!」

林家謙
林家謙一連7場紅館演唱會昨晚(28日)尾場。

他又說:「多謝Tyson,多謝阿樹(Serrini) ,佢哋每日都鼓勵我,有晚林夕打俾我,當時我練緊歌,為自己唱得唔好而沮喪中,唔知點解佢打嚟,講咗一啲好好嘅說話,令我有番力量再繼續做呢件事,所以好多謝夕爺!」之後他再多謝 Wyman:「我想多謝Wyman,因為呢個騷佢幫我寫咗一首好似演唱會嘅主題曲,但其實佢唔止係演唱會嘅主題曲,仲係覆蓋人生所有嘢,我哋所有人、所有嘅嘢,其實好多都冇得encore!」最後他感性說:「人生好多嘢冇得encore,完騷後可能有人會離開呢個城市,走咗之後希望仲記得呢個城市嘅一切,#我哋某年夏天再相聚!」全場報以熱烈掌聲!

完騷前家謙落淚剖白心情。

嘉賓方面有鄧小巧,她早前在外國公幹的她,趕返香港時相當辛苦:「可以話千辛萬苦,終於等到隔離3+4。我今日係黃碼人士 ,23號知道25號後黃碼都可入場館,咁我即刻買機票然後趕去機場,點知又攞唔到QR code上機,飛機飛走咗,跟住馬鞍到 ,我決定再試,用咗48小時喺機場等!」家謙感動說:「有你出現先至完美!」

林家謙
鄧小巧早前在外國公幹,趕返香港時相當辛苦。

Tyson Yoshi和Serrini,一上台就想除掉家謙身上的衣服,Serrini 跟Tyson說:「頭先你講咗,記得要做呀!」Tyson立即衝前將家謙「公主抱」,超級爆笑。陳蕾自爆運氣差:「年頭張敬軒開騷我做嘉賓,點知即爆第五波而煞停,今次我做嘉賓又遇上打風改期!」家謙即搞笑說:「咁即係關陳蕾事啦!」另外嘉賓RubberBand出場時,全場觀眾揮動螢光棒,十分之High!之後家謙和RubberBand 合唱《小涼伴》及《阿波羅》。

林家謙
Tyson Yoshi和Serrini,一上台就想除掉家謙身上的衣服,Serrini 跟Tyson說:「頭先你講咗,記得要做呀!」Tyson立即衝前將家謙「公主抱」!
林家謙
家謙和RubberBand 合唱《小涼伴》及《阿波羅》。
林家謙
還有陳蕾。
岑寧兒
娛樂

MIRROR演唱會 第3場 升降台chok一chok教主險失重心 神徒擔心:好危險呀

MIRROR演唱會 開騷後出現不少安全問題, 好像首場AK 唱《虎道門》在升高的舞台跳舞,但舞台突然劇震一下,AK被搖晃兼失去重心,立即傾前蹲下保護自己。第2場Frankie Solo自白時又不慎跌落台,幸好台下距離不高,Frankie只擦傷隻手,有驚無險!之後有網民於網上發起聯署,要求有關方面正視演唱會安全問題。昨日第3場,ViuTV表示已作出改動:「大會於昨晚第三場已實施幾項舞台上改動,令表演者於表演時更加安全,能全心全意投入表演。」當中包括Frankie改為平台進行Solo自白,取消所有吊橋環節,Jer 唱《黑夜不再來》時,吊台四邊加咗欄杆,MIRROR唱《12》時,取消外圍catwalk等。

MIRROR演唱會
MIRROR紅館演唱會開騷後出現不少安全問題。
MIRROR演唱會
好像首場AK 唱《虎道門》在升高的舞台跳舞,但舞台突然劇震一下,AK被搖晃兼失去重心,立即傾前蹲下保護自己。(網上影片截圖)
MIRROR演唱會
12子唱《IGNITED》時,站在離地約五米的架空橋上,但成員在上面走動時橋不斷搖晃,昨晚已取消所有吊橋環節。(網上影片截圖)
MIRROR演唱會
第2場Frankie Solo自白時又不慎跌落台,幸好Frankie只擦傷隻手,昨晚Frankie已改為平台進行Solo自白。

至於Anson Lo頭兩場唱完《King Kong》之後會倒跌落台,昨晚改用升降台,不過升降台下降時突然無故chok一chok,令原本企定定的教主險失重心,幸好教主立即高舉雙手平衡身體,未生意外。有神徒在粉絲群組po片留言:「朋友send條片過嚟俾我睇, 今日輪到教主,好彩企定到,但係條腰咁樣chok法,都好擔心下, 其實真係好危險呀!」其他神徒亦表示:「又係升降台!」、「機關太危險!」

MIRROR演唱會
Anson Lo頭兩場唱完《King Kong》之後會倒跌落台。
MIRROR演唱會
昨晚改用升降台,不過升降台下降時突然無故chok一chok,令原本企定定的教主險失重心,幸好教主立即高舉雙手平衡身體,未生意外。(Ansonlolism影片截圖)

有傳媒向康文署查詢MIRROR演唱會舞台安全問題 ,康文署表示演唱會主辦機構已按有關規定就舞台裝置提交註冊工程師的檢驗報告,對於過去數天的舞台事故,署方已要求主辦機構檢視情況及提供改善措施,以確保舞台及表演者安全。

MIRROR演唱會
曾為多個演唱會做監製的花姐,昨晚坐鎮panel指揮大局,令12子大為安心。
MIRROR演唱會
教主之後要小心呀!
娛樂

MIRROR演唱會 第二場出意外 Frankie 跌落台一刻曝光

MIRROR紅館演唱會昨晚首場出現不少安全問題, 好像Edan和姜濤在同一個位置叉錯腳,本來平坦的台突然有一級樓梯,搞到他們的心離一離。另外AK 唱《虎道門》時在升高的舞台跳舞,但舞台突然劇震一下,AK被搖晃兼失去重心,幸好他身手敏捷,立即傾前蹲下,有驚無險。而當12子唱《IGNITED》時,站在離地約五米的架空橋上,但成員在上面走動時架空橋 不斷搖晃,令粉絲非常擔心,呼籲大會改善!

MIRROR演唱會
MIRROR紅館演唱會昨晚首場出現不少安全問題。

今晚第二場,12子唱《IGNITED》時,大會已聽取民意,取消架空橋。不過Frankie在自白講初心時不慎跌落台,嚇到現場粉絲尖叫,幸好台下距離不高,Frankie並無大礙,他說:「Sorry ,冇事,係我自己唔小心!」之後粉絲猛叫Frankie不要行近台邊, 真是險過剃頭!

MIRROR
今晚第二場,Frankie在自白講初心時不慎跌落台,嚇到現場粉絲尖叫。

Frankie入到後台立即在IG Story貼損手相報平安:「令到大家擔心sorry,講得太入神,只係擦傷咗啲啫,我福大命大㗎!興奮得滯,自己又唔小心!不過大家唔使擔心我,我冇事呀,而家又準備上台啦,good show!」有網民在Frankie發生意外後,在https://www.change.org/  發起聯署,要求有關方面正視演唱會安全問題。

MIRROR演唱會
Frankie入到後台立即在IG Story貼損手相報平安。
他說:「興奮得滯,自己又唔小心!不過大家唔使擔心我,我冇事呀,而家又準備上枱(台)啦,good show!」
娛樂

MIRROR演唱會頭場   白馬王子look型爆跳唱

MIRROR 12場紅館演唱會頭場,吸引不少藝人到場支持,包括汪明荃、鄭裕玲、謝安琪、張繼聰帶同囝囝囡囡、七師傅、ERROR、PI3XL,COLLAR、魯庭暉等,相當熱鬧。演唱會在8時50分開場,MIRROR以白馬王子look從天降落,全場粉絲尖叫,12子隨即跳唱《Innerspace》、《Reflection》和《All In One》,歡呼聲震耳欲聾,氣氛熱烈!除了白馬王子look跳唱,還有演唱會其他精華片段,去片!

娛樂

MIRROR 演唱會綵排出意外 Dancer疑與監製不和 AK安撫:我哋有全港最優秀嘅舞者

MIRROR 紅館演唱會今晚開鑼,鏡仔近日密鑼緊鼓排練,令鏡粉很期待。不過有多位演唱會dancer今日凌晨約四時在IG出post狂呻:「人嚟㗎,唔係白老鼠!」、「用我哋條命去滿足你哋嘅自私自利,一次事故睇清人性醜惡!」、「自跳舞以來感受最差的一天!」、「其實執生真係唔係無敵,執到可以笑下,執唔到呢?咩都唔知,我都唔知點執。」之後傳出有Dancer出意外。

MIRROR
MIRROR紅館演唱會今晚開鑼,鏡仔近日密鑼緊鼓排練,令鏡粉很期待。
MIRROR
有Dancer說:「用我哋條命去滿足你哋嘅自私自利,一次事故睇清人性醜惡!」
MIRROR
亦有Dancer說:「其實執生真係唔係無敵,執到可以笑下,執唔到呢?咩都唔知,我都唔知點執。」
MIRROR
Dancer甚至說:「自跳舞以來感受最差的一天!」

今早約十時多,AK出post安撫Dancer︰「致所有dancer,每場表演你們都使出渾身解數在我們背後支持住我哋,沒有你們演唱會一定失色不少。在我心中,你們也是主角,一齊加油,我哋有全港最優秀嘅舞者,一齊完成呢個騷。」又說︰「第一次係意外,第二次係大意,第三次係疏忽。」間接承認出意外,Stanley亦上載MIRROR的海報留言說︰「一定要順順利利,平平安安!」花姐就留言︰「明天大家一起努力。」

MIRROR
AK出post安撫dancer︰「在我心中,你們也是主角,一齊加油,我哋有全港最優秀嘅舞者,一齊完成呢個騷。」
MIRROR
AK又說︰「第一次係意外,第二次係大意,第三次係疏忽。」間接承認出意外。
MIRROR
Stanley上載MIRROR的海報留言說︰「一定要順順利利,平平安安!」

據知今次MIRROR演唱會有很多舞台機關,大家要所有機關完成才可認真綵排,但昨日在總綵排時意外頻生,一度暫停排練。不過當大家再排練時又出事,更有一位Dancer受傷,不過疑有人把責任推在Dancer身上,因而令Dancer不滿,多位dancer事後在IG Story貼全黑畫面,連Frankie都在Story以黑畫面示人。由於Dancer團隊經常和MIRROR合作,估計Dancer矛頭疑指製作單位監製。本網致電ViuTV查詢事件,ViuTV回覆:「沒有回應。」

MIRROR
祝今晚MIRROR紅館騷順順利利。
娛樂

MIRROR演唱會推網上直播 每場380元 MIRO 280元專享後台直播 鏡粉:今次有番啲人性

MIRROR 紅館演唱會一票難求,還未買到飛的鏡粉當然失望,電訊盈科旗下的MakeALive在IG宣布推3場網上直播,直播場次分別是7月30日、7月31日和8月5日,每場380元,觀眾可以選擇觀看角度,包括大會主畫面直播和四面台自選直播,用戶亦可選擇分別購買個別內容,同時可使用2部裝置觀賞不同直播畫面,但不支援於多個裝置上播放同一畫面。

MIRROR
MIRROR紅館演唱會一票難求,還未買到飛的鏡粉當然失望。
MIRROR
MakeALive宣布推3場網上直播,直播場次分別是7月30日、7月31日和8月5日,每場380元。

網上直播演唱會門票在7月15日中午12時公開發售,沒有限購名額,只要在每場演唱會截止時間前購買即可。而已加入官方Fan Club的MIRO,可以優惠價280元購買網上門票,除了有大會主畫面直播 、四面台自選直播 ,還有MIRO專享後台直播,同時可使用3部裝置觀賞不同直播畫面,但不支援在多個裝置上播放同一畫面。鏡粉得知消息後反應兩極,有鏡粉留言:「 算你今次有番啲人性!」、「好jeng💕💕竟然有埋後台😍😍😍! 」不過亦有鏡粉反感:「做咗MIRO都仲要俾錢再睇直播?使唔使賺到咁盡呀?」、「等買DVD算!」

MIRROR
網上直播每場380元,觀眾可以選擇網上直播觀看角度,包括大會主畫面直播和四面台自選直播。

官方公布詳情:

MakeALive 為你帶來全新直播體驗!
一次過為你公開網上直播各項詳情🤗!

●MakeALive 網上直播場次●
日期:7月30日,7月31日,8月5日
時間:晚上8時15分

🔔7月15日 中午12時 公開發售🔔
直播門票售賣時間:截至當晚演場會開場前 晚上8時15分
——
MakeALive體驗優惠套裝 $380/每場*

  • 包括大會主畫面直播 及 四面台自選直播
  • 同時可使用2部裝置觀賞不同直播畫面**

——
MIRO專屬套裝 $280/每場*

  • 只限MIRO購買
  • 包括大會主畫面直播 、四面台自選直播 及 MIRO專享後台直播
  • 同時可使用3部裝置觀賞不同直播畫面**

——
*包括「大會主畫面直播」 及 「四面台自選直播」內容,用戶亦可選擇分別購買個別內容。
**不支援於多個裝置上播放同一畫面

MIRROR
已加入官方Fan Club的MIRO,可以優惠價280元購買網上門票,MIRO可專享後台直播。
MIRROR
鏡粉得知消息後反應兩極。
娛樂

通宵拍攝後被MIRROR兄弟撇低 姜濤爆笑貼亂髮相呻:全是群沒人性的傢伙

MIRROR 12子近日除了為月尾紅館演唱會綵排外,又要製作團歌,非常忙碌!昨日MIRROR通宵拍攝到今天早上,相當辛苦!Anson Lo於凌晨5時42分在IG Story貼相留言:「Still Shooting!」副隊長AK亦在差不多時間留言::「開工係天光,天光都未收工,Yeah,大家頂住呀!」到早上8時01分,AK終於寫道:「Home,Bye!」Edan就貼出攰樣寫道:「Deaddddd!」

姜濤
MIRROR12子近日除了為月尾紅館演唱會綵排外,又要製作團歌,非常忙碌!
姜濤
Anson Lo於凌晨5時42分在IG Story貼相留言:「Still Shooting!」
姜濤
副隊長AK亦在IG留言:「開工係天光,天光都未收工,Yeah,大家頂住呀!」
姜濤
到早上8時01分,AK終於寫道:「Home,Bye!」
姜濤
Edan就貼出攰樣寫道:「Deaddddd!」

當中以姜濤最搞笑,他於今早7點39分在IG Story貼出亂髮照呻道:「MIRROR走了,花姐寶姐走了,梳化團隊也走了,剩我一個,全都是群沒人性的傢伙,大家早安,我收工了!」又說:「回家的感覺真好!」認真陰公豬!有姜糖留言:「姜濤,辛苦哂,不過你幅相好鬼馬😂,回家好好休息❤️!」、「真搞笑😂你為咗令我們一笑😂連型像也不理喇~相信🍬🍬也喜歡,因你够真❤️!」12子都要好好休息呀!

姜濤
姜濤最搞笑,他於今早7點39分在IG Story貼出亂髮照呻道:「MIRROR走了,花姐寶姐走了,梳化團隊也走了,剩我一個,全都是群沒人性的傢伙!」
姜濤
姜Man又說:「回家的感覺真好!」
姜濤
有姜糖讚姜Man鬼馬:「姜濤,辛苦哂,不過你幅相好鬼馬😂,回家好好休息!」
MIRROR
Alton今早都有出IG Story:「Good Morning?Good Night!」
MIRROR
Jeremy留言:「23個鐘完!」
MIRROR
Ian露攰眼。
MIRROR
Stanley都有出Story。
MIRROR
Frankie仍然靚仔!
MIRROR
Tiger要先醫肚!
娛樂

MIRROR 兩周年爆笑考古片 教主Jer被畫花面 黑氣石Edan最慘情

MIRROR 首次紅館演唱會飛一票難求,第一行最新炒價竟然去到460萬一張,超癲!雖然MIRROR官方fb宣布加開2場MIRO特別場,經城市售票網公開發售的門票將以實名制形式發售,不過有鏡粉覺得僧多粥少,買到的機會不太高,不過就算買不到,都可以重溫這一條MIRROR兩周年的考古直播片,片中Anson Lo(盧瀚霆)、Edan(呂爵安)、Jer(柳應廷)輪流被隊友用唇膏畫花面,當中Edan最黑仔,不過過程相當爆笑,真是有MIRROR有歡樂,見到他們互動很開心!

https://youtu.be/XKZvGdo0BdY

娛樂

Ian、Jer做尾場嘉賓好驚喜  王菀之約定下世再見  張敬軒感動爆喊

張敬軒 紅館演唱會昨晚(29日)尾場,MIRROR成員Edan(呂爵安)、193(郭嘉駿)、谷德昭等前往捧場,昨晚皇上破天荒請了三位嘉賓,包括「皇后」王菀之,MIRROR成員Ian(陳卓賢)和Jer(柳應廷),令觀眾超驚喜!

張敬軒
張敬軒紅館演唱會昨晚尾場,昨晚皇上破天荒請了三位嘉賓,王菀之第一個出場。

王菀之第一個出場,她讀出寫給皇上的信:「張敬軒,你過得好嘛?沒見面的日子,我同你同好多人一樣,都係好努力咁追尋自己夢想,有時好困難,但冇放棄,因為放棄咗成為定局,但唔放棄一直行落去仲有希望,所以我哋彼此努力啦,無論將來點,我都祝福你未來有更多個廿年做你夢想嘅事,生活開心自在;幾年前我哋喺同一地方你問我,如果下一世遇唔番我點算呢?」此時皇上忍不住爆喊,王菀之說:「我會搵番你!」皇上回應:「多謝皇后!」兩人相擁,場面催淚感人!

張敬軒
王菀之讀出寫給皇上的信,約定下世相見,皇上忍不住爆喊!
張敬軒
兩人相擁,場面催淚感人!

第2位嘉賓是Ian,他送上自己第一架擁有的模型車:「皇上好好,教我好多嘢,銘記於心,做人一定要有目標,我將模型車送俾你先,他日我有真車,第一時間車你遊車河。」皇上勁冧:「阿叔我心都融晒呀,陰公!好珍貴,有歲月痕跡!」皇上知道Ian 6月生日,又說:「我好老實,特別而家收入唔多,廣告又唔夠你哋多,我啲廣告賣咗幾年都俾你哋搶咗,我見到你拍銀行廣告好開心,開心見到你哋喺樂壇有成績,好多人支持你哋,接受長輩祝福,我同你唱隻生日歌。」

張敬軒
第2位嘉賓是Ian。
張敬軒
Ian送上自己第一架擁有的模型車,皇上勁冧:「阿叔我心都融晒呀,陰公!」

至於壓軸出場的Jer收工趕到紅館做嘉賓,Jer送禮時拿出自己珍藏多年的《酷愛》CD說:「今次禮物我有少少私心,係隻CD,呢隻係我人生第一次買嘅CD,所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝,佢人生買嘅第一隻CD,就係我嘅碟,所以你送隻碟俾我幫你簽名。」見到皇上簽名,Jer即開心大叫︰「Yeah!多謝你呀!」場面搞笑!

張敬軒
Jer收工趕到紅館做嘉賓。
張敬軒
Jer送禮時拿出自己珍藏多年的《酷愛》CD請皇上簽名。
娛樂

深夜貼圖:真正愛一個人,先看他們的真實面目 欣宜拍片剖白:有少少想喊嘅感覺

欣宜(Joyce)下月將會在紅館舉行《Between Us鄭欣宜演唱會2022》,早前以生酮飲食法3個月激減20磅的她繼續積極減肥:「我好鍾意着靚衫,依家細咗3個碼!」現在整個人明顯纖瘦了!今年欣宜事業愛情兩得意,除了在《2021年度叱咤樂壇流行榜頒獎典禮》奪「女歌手金獎」和「我最喜愛女歌手獎」外,又奪「CHILLCLUB年度女歌手金獎」;早前又被爆撻着38歲、上環花店Café「The Floristry」老闆Derek,不過她很保護戀情,只是在IG上載一張挨着男友膊頭的照片,但男友不見樣貌,她坦言:「我向來對呢個話題好害羞,想保留番私隱。」問Derek會否現身演唱會,她說到時大家來看吧!

欣宜
欣宜下月將會在紅館舉行《Between Us鄭欣宜演唱會2022》,大會安排37輛車身印有欣宜演唱會海報嘅巴士為門票開售造勢,結果開賣當日就火速售罄。
欣宜
早前以生酮飲食法3個月激減20磅的她繼續積極減肥:「我好鍾意着靚衫,依家細咗3個碼!」
欣宜
欣宜未減肥前。
欣宜
欣宜早前被爆撻着38歲、上環花店Café老闆Derek(右)。

不過今日凌晨約一時多,欣宜忽然拍片上載IG Story說:「唔知點解,夜媽媽突然有少少想喊嘅感覺!」之後她拍了條「Tell me a joke」的片說:「不如大家講吓啲冷笑話我聽啦,等我笑番啦!」約兩個鐘後她還未睡,又在IG Story貼圖,圖中以英文引述Mark Anthony的句子:「To truly love someone, you have to first see them as they really are, then still love what you see!(要真正愛一個人,你必須首先看到他們的真實面目,然後仍然愛你所看到的。)」到底欣宜為何想喊?是否跟Derek有關呢?直到今午一時多,她又出IG Story表示:「On the way去打大佬,今日我哋會有齊所有《Between Us演唱會》嘅Dancer,一齊去練習有Dancer嘅每一個Item,好似考試咁,好緊張!」看來心情已經平伏不少!

欣宜
今日凌晨約一時多,欣宜忽然拍片上載IG Story說:「唔知點解,夜媽媽突然有少少想喊嘅感覺!」
欣宜
約兩小時後她還未睡,又在IG Story貼圖,圖中以英文引述Mark Anthony的句子。意思是要真正愛一個人,你必須首先看到他們的真實面目,然後仍然愛你所看到的。
直到今午一時多,她又出IG Story表示去為演唱會排練,看來心情已經平伏不少!
View More