25歲的Kylie C.（鄭杞瑤），因為參加ViuTV節目《尾二一屆口罩小姐選舉》而被封Triple May，雖然最終未能打入三甲，但憑36E身材突圍，賺了不少人氣。Kylie去年參加《2021亞洲模特盛典香港賽區暨ACE演藝大獎》，勇奪演藝亞軍和 「Face of Hong Kong」 模特兒冠軍，之後加入「美容教主」唐安麒旗下的ACE娛樂。
Kylie憑着甜美外貌和魔鬼身材，火速成為新一代宅男女神，今年5月還奪得十大網紅榜冠軍，現時IG Followers已超過15.4萬。Kylie接受《都市日報》專訪，大爆懷疑因為小時候瘋狂食雞翼以致身材變豐滿。她又坦言曾被批評「波大無腦」，幸好自己懂得調整心態。
Kylie在英國讀大學時修讀犯罪學，畢業後任職行為治療師幫助小朋友，除中、英文外，更精通西班牙文，亦略懂韓文、日文及德文，非常好學，絕對不是得個樣！而她入行的終極目標是，希望有一日能夠拍電影，成為一名演員。
新冠疫情日趨嚴重，單日確診數繼3月25日後重回9,000宗。昨日無綫宣布有5名候選佳麗中招，原定周日(9 月 4 日)晚上 8 時 30 分舉行的《2022 香港小姐競選準決賽》 將延期舉行。據知5位中招佳麗分別為陳銘鳯、何思懿、邢慧敏、何詩琪和楊溢。今日有傳媒報道，無綫希望中招佳麗有充裕時間康復，以最佳姿態示人，經過高層商議後，決定取消準決賽，19位佳麗直接在9月25日紅館總決賽一較高下，選出冠亞季軍。
其後無綫亦發通告表示，將《2022 香港小姐競選》準決賽和決賽二合為一 ：「事由《2022 香港小姐競選》部份候選佳麗因感染 2019 冠狀病毒，大會決定取消原定周 日(9 月 4 日)舉行之準決賽，並將準決賽與決賽二合為一，19 位候選佳麗將直接參與 9 月 25 日(周日)晚上 8 時假紅館舉行之《2022 香港小姐競選》決賽。」
《肥美人總決賽》今晚舉行，8強包括翁芷園（Cherry）、陳婉儀（阿Bui）、蔡茵茵（肥肥茵）、陳曦雯（Heyman）、容承宜（容小姐）、劉子晴（呀肥）、何綺婷（綺夢）、丁珮筠（丁丁），評判團則有6位，包括阮小儀﹑張繼聰﹑許廷鏗﹑肥仔（梁業）﹑Rock Sir同CM。節目一開始由八強組成的「Cal8rie」獻唱《肥美人》主題曲《標準偏離》，大家落力跳唱，炒熱全場氣氛。Cherry繼早前獲頒最上鏡小姐後，再獲「民選最Like肥美人」。
容⼩姐第一個出場，獻唱《Think of Me》，表現不錯，容⼩姐說：「我學唱歌學咗十幾年，係爸爸令我喜歡唱歌，再開始學唱歌，爹哋今晚都有嚟，好激動！」許廷鏗都讚她唱得好，還說給她高分！Cherry打扮性感唱《二人份》，她說：「我冇特別專長嘅才藝，觀眾提議性感，我表演呢個唔知會唔會有突破！」Heyman 自彈自唱原創歌《If we die Tomorrow》，還感動落淚：「我出嚟就見到爹哋媽咪，爸爸以前係消防員，佢冇同我講咩生離死別嘅嘢，原來死亡可以好近，所以我覺得人唔可以等到最後先後悔，咁咪講I love you，去做自己想做嘅事，要以一個盡地一煲嘅心情去表演！」
呀肥唱原創歌《Beautiful Me》，呀肥特意找朋友作這首歌：「點解呢首歌出現呢？好簡單，比賽之前到而家我都搵屬於自己嘅美，我靚啲咩呀？我淨係想用依首歌話俾你知，我終於搵到自己有幾靚幾索！」充滿自信！阿Bui就扮太空人唱《最緊要好玩》，很有喜感：「 我好多時候諗啲古靈精怪嘢，就想串連埋佢一齊，我初頭超想唱許冠傑嘅歌，未嚟得切批核，我有緣份喺決賽唱呢首歌，可以將個腦裏面嘅騎呢嘢擺埋一齊，呢個主題係講好多探索！」評判之一小儀說：「 我覺得你好enjoy！」
肥肥茵唱《Never Enough》，她唱完喊着講感言：「其實由一開頭初賽嘅時候，其實我都比賽咗好多次，我都有輸有贏，其實好多時候都有啲空虛，唔知自己做緊咩，好似初賽贏咗入咗Semi final，嗰日好夜好攰，但一啲開心都冇，我返到屋企又唔可以嘈住老公瞓覺，點知我開門嘅時候見到老公半夜仲等我返嚟，除咗老公之外仲有班朋友好support我，我唔知之後仲有冇機會上台唱歌，我好多謝肥美人呢個節目組，因為以我呢個年紀，呢個樣貌可能未必再有機會喺台上面唱歌，今次可能係最後一次都俾我咁靚咁喺度！」
綺夢表演跳《 初戀Mad Mix》，有拉丁舞元素，她說：「 我想將自己擅長嘅嘢一次過show俾大家睇，我想話俾大家聽，我除咗好澎湃好熱情，我都可以好少女跳初戀俾大家睇！」丁丁表演跳《一所懸命》：「好開心所有朋友support我，我先有信心做呢個表演，冇佢哋我絕對做唔到咁有氣勢嘅表演！」《一所懸命》的排舞舞師Rock Sir就讚：「我覺得幾舒服！」張繼聰讚道：「我覺得跳得好好，我覺得佢好enjoy！」
最後《肥美人》總冠軍由「翻版欣宜」呀肥奪得，她講感言時說：「我要多謝我班Dancer，佢哋為咗我去染頭，我哋有Crew名，叫彩虹戰隊！好多謝所有支持我嘅朋友，好多謝各位評判。啱啱後台都有講，如果我拎到五萬蚊，要分畀八個人（八位參賽者），大鑊喇今鋪！」勁搞笑。部分網民得知賽果感到意外，指呀肥「爆冷」，不過亦有網民說：「覺得佢贏在有自信！」、「呀肥都係我心水！」
《全民造星IV》 總決賽今晚在九展舉行，全民投票和星級專業評判團分數各佔50%，星級專業評判團包括李嘉欣、謝安琪、谷德昭、麥兆輝和ViuTV董事兼總經理魯庭暉擔任，而入選3甲的參賽者將可以直入女團。節目一開始便有過去三屆《造星》冠軍出場，包括姜濤、Phoebus和Ben，三人和20強參賽者一同表演主題曲《前傳》，揭曉賽果前MIRROR又出場唱新歌《12》、《Boss》，引起哄動！最後99個參賽者出現唱《前傳》，回憶回來了！
比賽分自選演出和團體演出兩部分，大熱人氣王Marf（邱彥筒）跳唱《The Law Of Attraction》，在台上大騷唱功和舞技，整體表現不俗錯。至於Gao（沈貞巧）跳唱《Fly As Me》，唱得相當有力量，表現出色。Day（許軼）表演跳唱《相對濕度》亦信心十足！經過星級評判團評分和全民投票後，冠軍由19歲的獸醫護士Marf 奪得，與亞軍Gao、季軍Day直入女團，Ｍarf從評判李嘉欣手上接過獎座時，李嘉欣亦有向Marf說一句：「恭喜！」
今晚很多參賽者表演原創歌曲，相當有才華。其中Win Win（楊安妮）的原創歌《Just Play the Game》，當中歌詞寫道：「攞唔攞冠軍，使乜咁認真，Win Win that’s my name，just play the game！」相當有意思，她還拿著燒肉道具說：「燒肉係一個獎，可以分！」
之後Marf在特備節目《造星彩蛋》分享得獎感受說：「我覺得好唔真實，我係好開心嘅，今日係唯一一次做到側手翻，但我自己係有啲失準，呢個亦都係我嘅進步空間，之後我會學好唱歌、做戲。」Day多謝粉絲一直不離不棄：「之前比賽仲有失準，但大家都仲相信我會進步。」MIRROR經理人花姐就叫MIRROR要小心：「佢哋係有熱血、有夢想嘅女仔，MIRROR要小心啲喇！」至於女團經理人Wing表示女團整體名單和團名將於1月公布。
《全民造星IV》總決賽排名及得分
1. Marf 40分（評審：20分 ， 觀眾：20分）
2. GAO 37分（評審：19分 ， 觀眾：18分）
3. Day 36分（評審：17分 ， 觀眾：19分）
4. 芯駖 33分（評審：16分 ， 觀眾：17分）
5. Win Win 32分（評審：18分 ，觀眾：14分）
6. So Ching 28分（評審：12分 ，觀眾：16分）
7. Winka 25分（評審：15分 ， 觀眾：10分）
8. Candy 23分（評審：10分 ， 觀眾：13分）
9. CK 21分（評審：15分 ， 觀眾：6分）
10. 暐翹 20分（評審：11分 ， 觀眾：9分）
11. Ivy So 20分（評審：5分 ， 觀眾：15分）
12. 超酸 19分（評審：15分 ，觀眾：4分）
13. Alice 17分（評審：10分 ，觀眾：7分）
14. 榛綦 16分（評審：8分 ， 觀眾：8分）
15. VAL 14分（評審：3分 ， 觀眾：11分）
16. YoYo 13分（評審：1分 ，觀眾：12分）
17. Ada仔 11分（評審：8分， 觀眾：3分）
18. Ariel 9分（評審：4分 ，觀眾：5分）
19. Tengie 7分（評審：6分 ，觀眾：1分）
20. 穎蕎 5分（評審：3分 ， 觀眾：2分）
