張敬軒因經常分享遮遮（工人姐姐）炮製的「絕世早餐」，而成為「早餐KOL」，鬧出不少笑料。近日他為了擺脫早餐惡夢，於是找張媽媽救亡。他在IG寫道：「噚日老母問到呢期一日三餐食唔食得齊，講講吓佢叫我遞個電話俾我阿遮，佢話佢醒起之前幫我發定咗啲嘢擺喺急凍，話佢會教遮遮煮一啲滋陰啲嘅嘢俾我食… 之後係大量雞同鴨講嘅國語同我不祥嘅預感。」
聊完電話遮遮還說沒有問題，怎料軒仔今天一早起牀，碟上竟放了兩塊類似黑炭的食物， 令他灰爆寫道：「佢完勝！你以為代表星期一嗰隻色淨係得MondayBlue吖？我仲有隻MondayGrey吖我話過你聽，勁灰星期一。」還叫大家猜猜是甚麼食物，很多網友猜是海參，還要是炭燒那種，藝人江嘉敏就問是否竹灰麵包，大家議論紛紛，你又猜猜是甚麼？
林作和富三代鍾培生的「百萬林鍾一戰」，在9月18日舉行，練拳3個月的林作，上月首次上擂台跟其他拳手比賽，最終落敗，被鍾培生恥笑為「女朋友」。昨晚林作在IG貼出被打腫眼的相說：「今日將我的打腫眼照片send俾身在內地的媽媽，媽媽馬上打來，要求我退賽。佢話：『我俾100萬你，你唔好打啦。』大家覺得，我應該攞我老母100萬，定攞終賠生100萬？我係裙腳仔嗎？」
識看當然看留言啦，有網民質疑林作怕死想縮沙：「依家先縮沙，係咪男人？」、「如果你打都叫做有啲骨氣，唔打就真係冇人睇得起你。」亦有網民寸他：「你老母叫你飛裕美又唔見你咁聽話？你唔係裙腳仔，只係一碌廢柴咋。」、「打完自己一拳，借阿媽把口退賽，呢招高﹗」相當搞鬼！
