26歲的MIRROR成員Jeremy（李駿傑）等了3年，今日終於推出處男Solo歌《半》，Jeremy在IG表達心情：「我同你哋一樣好心急，不過好嘅嘢，係需要等待的，一切都是最好的安排！」他的粉絲Unicorn就大讚Jeremy唱得好聽、MV很型很大膽：「唔係一首普普通通嘅歌，係藝術品！」、「高音王！」
Jeremy曾經在《全民造星》時爆喊跟花姐說，無論自己有多努力，但永遠都要站在最側面位置：「點解我唔想做個隱形人，都係要變個隱形人！」感動不少粉絲。其實梁祖堯在節目《調教你MIRROR》讚過Jeremy是眾多成員中最溫柔，而且很有魅力，好期待Jeremy的單飛作品。而和Jeremy一起開設YouTube頻道 《巨龍與豬仔》的隊友Stanley（邱士縉），在2018年11月的考古直播片，已經大讚幸好MIRROR有Jeremy，何解？一起聽聽！
MIRROR人氣強勁，在街上總有他們廣告的蹤影。最近鏡粉不停食炸雞抽鏡仔卡，連前夫們也為博老婆/女朋友開心，幾乎每日三餐也要食，真是吃到爆瘡！談到吃東西，鏡仔曾在《MIRROR 100問》短片中提及自己最討厭的食物，當中答得最為盞鬼非姜濤莫屬！而教主 Anson Lo 有一類食物是不吃的，你猜猜是甚麼？你又知不知Edan曾經不喜歡吃甚麼呢？以下為鏡粉們一一拆解！
12子討厭食物大公開
Frankie（陳瑞輝）說：「最唔鍾意飲魚湯，我覺得味道好嗅。」
Lokman（楊樂文）說：「唔鍾意食芫荽同好腥嘅魚。」
Anson Lo（盧瀚霆）出名怕魚頭，最近還在ViuTV真人騷《神的女主角》表演撈魚，雖然最後要借助檔主一臂之力才成功，但勇氣可嘉！其實教主是吃魚的，他最不喜歡吃的反而是辣：「唔鍾意食辣，微辣都唔得！」
Ian （陳卓賢）說：「唔鍾意食煎炸嘢，同好甜好甜嘅嘢。」但他早前為拍廣告而食了很多炸雞，非常專業。
Jer （柳應廷））說：「芫荽、韭菜、西芹，濃味嘢都唔鍾意食。」證明不愛重口味。
Tiger（邱傲然）說：「唔鍾意食西芹。」
Anson Kong（ 江𤒹生 ）說：「除壽司外，唔鍾意食凍冰冰嘅嘢。」
Stanley（邱士縉）說：「唔鍾意食有骨嘅嘢。」難道怕鯁骨？
Alton（王智德）說：「唔鍾意食啲乾噌噌、硬弸弸嘅嘢，法國麵包我就唔得。」
當中姜濤答案最盞鬼 ，他說：「所有健康嘅嘢都唔鍾意食，總之菜呀、蔬菜、番茄都唔鍾意！」又說：「呢個世界上所有好食嘅嘢通常都唔健康嘅 ，所有唔好食嘅嘢通常都好健康！」姜糖們又覺得姜濤理論說得對嗎？
Edan（呂爵安）回答：「以前唔鍾意食番茄，好憎食，但依家還好，冇話特別唔鍾意食啲咩。」
說到最不揀飲擇食就是豬仔Jeremy（李駿傑）了，他說：「冇唔鍾意食嘅嘢。」
