昨晚MIRROR經理人花姐（黃慧君）突然在IG Story上載新出道男團FINALLY做雜誌封面的相片，留言說：「上次巧遇FINALLY，佢哋話要挑戰MIRROR，大家一齊努力吧！」原來是Friend！

其實出道三星期的男團FINALLY（終於），由搞笑網上平台小薯茄四名成員組成，由程人富做第一隊長Chorus，阿J做第二隊長JPG，肥蚊做第三隊長Fatman，朱Mic是隊員M.I.C.。他們很認真開了官方IG帳戶，介紹組合文案寫道：「偉大天團FINALLY。」還抄姜濤金句說：「繼續用嘴巴說話！」勁搞笑！

FINALLY出道當日還拍片放上YouTube扮開出道記招，更找來專家Dickson做主持，第一隊長Chorus指自己是「唱歌擔當」，第二隊長JPG說：「人如其名，我係硬照擔當，我影相好靚，我嘅志願係做一個model！」有「記者」問他：「JPG好細，你係咪俾人壓縮過？你低清起格仔？」JPG回應：「呢啲唔緊要，大家都睇得清楚我！」M.I.C.就介紹自己是隊員，「記者」問他：「有冇諗過單飛？」他說：「我哋四個一條心！」第三隊長Fatman介紹自己：「因為我最肥美，所以我係團中嘅面積擔當，每一個攝錄機喺唔同角度影我，我都係仲最大面積嗰一個！」超級爆笑！

FINALLY將扮被雜誌揭露出道記招黑幕的「封面」post上IG，留言道：「對於不實的報道，FINALLY深表遺憾。經理人正與法律團隊商討，保留追究『小薯茄創意有限公司』的權利。」在花姐轉發「封面」鼓勵後，FINALLY回覆花姐：「知道啦花姐，一齊努力，遲啲請您嚟睇我哋演唱會，如果有嘅話！」