標籤: 腦退化症

娛樂

李佳芯 為慈善製作短片 一蚊冇收碌盡人情卡 爆張同祖唔知邊個Ali

李佳芯 (Ali)為慈善機構「耆智園」宣傳關注腦退化症的短片《》正式在網上首播!演而優則導的Ali 今次為慈善豁出去,首次身兼演員、導演、監製及編劇四個崗位,更碌盡人情卡邀請到資深導演兼演員張同祖飾兩父女。籌備一年之久的短片終在其個人YouTube頻道播出,同時宣布推出個人YouTube頻道,可算是「雙喜臨門」,亦為她的演藝生涯邁出新一步!

李佳芯
李佳芯(Ali)為慈善機構「耆智園」宣傳關注腦退化症的短片《伴》正式在網上首播!

祖哥分享執導經驗

Ali今次可謂由零開始,由於沒有製作經驗,四出「拍膊頭」找幕後朋友幫忙,在埋班初期曾經因為壓力太大而萌生放棄念頭。她說:「初初以為慈善project唔需要好多錢,所有嘢諗得太簡單,到叫人幫手做嘢時,發現要搵到合適嘅人做合適嘅崗位真係唔易,當下真係好徬徨無助,有時係到諗我咁辛苦為乜呢?老實講我一蚊都冇收,既然唔係為賺錢,點解我要攞苦嚟辛呢?」幸好最後找到電影編劇幫忙寫劇本,加上張同祖(祖哥)在幕前幕後也不遺餘力地幫忙,令Ali總算放下心頭大石。

李佳芯
Ali今次可謂由零開始,由於卻沒有製作經驗,四出「拍膊頭」找幕後朋友幫忙,在埋班初期曾經因為壓力太大而萌生放棄念頭。

祖哥已多年未有在幕前亮相,Ali今次能夠成功邀請到祖哥飾演父親角色,過程可謂過五關斬六將:「我托朋友介紹聯絡佢幫手時,佢真係唔知我係邊個嚟,亦冇睇過我嘅作品。我send資料畀佢後,過咗幾日見冇回音,我就膽粗粗約佢出嚟飲茶以表誠意,第一次見面佢已經俾咗好多劇本上嘅寶貴意見,最後見多幾次面後,終於打動到佢幫忙演出。」Ali 大讚祖哥不但沒有計較酬勞,而且還在拍攝時無私分享執導經驗:「言談間佢灌輸我知電影究竟係咩一回事,話俾我知對每個作品嘅要求同高度,我喺佢身上睇到佢對電影嘅每一份執著同熱誠,十分敬佩。」

李佳芯
Ali 大讚祖哥不但沒有計較酬勞,而且還在拍攝時無私分享執導經驗

疫情累首映禮泡湯

最終Ali籌備歷時一年,心血作品終於面世,她透露本來打算舉行首映禮廣邀長者及傳媒好友,奈何疫情現時仍反覆不定,最後決定將首映移師到網上發布:「我諗深一層,我搞首映最多都係幾百人入場睇,但呢個project受眾更多先會令成件事更有意思,所以最後選擇以網上形式搞首播,大家都可以免費睇到,影響力先會更加大!」

她透露本來打算舉行首映禮廣邀長者及傳媒好友,奈何疫情現時仍反覆不定,最後決定將首映移師到網上發布。
娛樂

【疫情失控】患糖尿病、腦退化症  69歲靚聲王張偉文初步確診送院

第5波疫情失控,多間老人院出現爆發。有報道指住在太子一間護老院的「靚聲王」張偉文初步確診,被送往廣華醫院治療,其經理人兼監護人方俊稱今日接到院舍負責人電話,指院內有職員證實染疫,張偉文經快速測試後,被送入醫院。

方俊指張偉文未接種疫苗,日前開始喉嚨痛和疲倦,但礙於他有腦退化症,不善於表達,所以大家不知他中招。方俊曾到廣華了解,初時以為他在外面帳篷,幸好見他進入室內,但未入病房。69歲張偉文患有糖尿病、腦退化症,近年受腰椎病困擾,要用輪椅代步,因無親人照顧而入住護老院,生活費由方俊補貼。

張偉文
前年有網民影到張偉文坐輪椅出巡,當時他暴瘦,令人心酸!
去年張偉文狀態回勇,在TVB節目《善心滿載仁愛堂》直播獻唱。
張偉文
去年張偉文和經理人方俊接受《東張西望》訪問,精神不錯。
張偉文
期間張偉文因為孤獨而哽咽。