今日是DSE中學文憑試開考的大日子，在新冠肺炎疫情下，近4.7萬名考生應考英文科。MIRROR成員呂爵安（Edan）昨晚在IG上載ViuTV節目《膠戰》相為一眾考生打氣，相中「6膠」齊齊穿上校服，Edan寫道︰「各位同學明天DSE加油！好快就過！頂住！」有應屆考生的爵屎（粉絲暱稱） 感動留言：「 😭😭😭😭呂爵安，多謝你，我會俾心機㗎！」而其他爵屎亦跟隨偶像為考生打氣：「DSE嘅各位一齊飯隨idol齊齊拎**喇，加油！」、「難過關關過！」
Edan一向有「世界第一妹控」之稱，和細妹小如豬感情超好，早前Edan透露17歲的小如豬都是應屆考生：「佢唱歌跳舞都叻，好乖好叻，準備考DSE！」所以不少爵屎愛屋及烏，紛紛留言跟小如豬打氣：「小如豬都要加油！ 」有爵屎還提醒經常戲弄細妹的Edan：「小如都要加油呀💪🏻人哋阿哥，唔好阻住個妹溫書呀！」超爆笑！至於小如豬就在IG Story上載應考Checklist鼓勵戰友：「各位戰友加油！好快考完！平常心贏一半！相信自己！」其EQ之高，似足阿哥！
以經典黃色笑哈哈為商標的時尚品牌SMILEY，不經不覺經已踏入50周年。今年他們與法國休閒服裝品牌 AIGLE 聯乘，推出一系列單品，今次亦邀請到《膠戰》人氣主持阿正（黃正宜）及Jeffrey（魏浚笙）親身示範聯乘系列，繼續向外界宣揚正能量、微笑和創意。
為慶祝SMILEY 50周年紀念，AIGLE結合兩大品牌的標誌性元素，設計出聯乘限量版橡膠鞋，並備有女裝和童裝款，亦有黃色和深灰色予大家選擇。
除此之外，今次聯乘系列以中性風格為主，不論男女都適合穿著，而且大多數單品都使用再生物料製造，貼近品牌的環保理念。
35歲英皇歌手洪卓立（Ken）被爆暗撻ViuTV《膠戰》 女神Hillary（劉沛蘅），雖然兩人不認拍拖，但有傳媒拍得兩人同居關係，身為富家女的Hillary放棄住何文田千萬豪宅，為愛蝸居在立立大圍舊樓，Hillary連日出入男方家，還做外賣妹餵飽男友，愛得甜蜜！
被傳媒踢爆之後，今日洪卓立大方承認戀情，他在IG貼出3隻狗仔相寫道：「多謝大家關心。佢係我見過最善良最有愛心嘅女仔，我哋每一日都好開心。」立立又回應Hillary放下富貴生活，跟他蝸居舊樓 ：「其實呢個單位買咗好幾年，我哋亦都係財政獨立，我好開心看到她的發展，而我自己一直都有工作在身，識我嘅朋友都知我從來都靠自己。當然我會努力，令她成為『貪慕虛榮』的人！」
Hillary回覆傳媒時說：「多謝大家關心，我哋每一日都好開心！我覺得任何關係都唔應該建基於金錢上，最重要係用心去交流、溝通，而搵到一個能夠互相支持大家嘅人係好難得。我真係唔係一個富家女，一直都要努力工作，希望大家俾返少少空間我哋！」
30歲的Hillary家底豐厚，家住何文田豪宅，有「模界薛凱琪」之稱，近年因主持ViuTV節目《膠戰》而大受歡迎中，還被封為「索膠」，她在TVB剛剛播完的話題劇《家族榮耀》，飾演熊黛林囡囡，人氣急升！早前洪卓立在IG Story上載Hillary抱狗仔的相片，之後再秒刪，由於Hillary曾經做過洪卓立兩次MV女主角，所以被網民笑他錯手公開戀情，當時立立強調兩人只是好朋友，當日和數位朋友一起吃飯，本來想將Hillary張相send給好朋友看，怎料按錯掣，想不到立立今日終於承認戀情，恭喜！
30歲的Hillary（劉沛蘅）因主持節目《膠戰》而大受歡迎，樣子甜美的她在剛剛播完的《膠戰S2》，被其他膠人踢爆她戀愛經驗最豐富，怎料沒多久，洪卓立在IG Story上載了Hillary抱狗仔的相，之後再秒刪，被網民笑他錯手公開戀情，雖然洪卓立否認兩人拍拖，不過真相只有他們才知道！
最近Hillary有份參演無綫重頭劇《家族榮耀》，劇中她飾演的馬招娣是馬家大少奶熊黛林的大女，而潘藝桐飾演她的妹妹，最近Hillary和熊黛林、潘藝桐、唱劇中主題曲的鄭欣宜和唱片尾曲的陳維諾開Live，期間Hillary和潘藝桐唱《你最紅》助慶，Hillary的唱功當然不可以跟專業歌星比較，但見她全程四萬甜到漏，未知是否想起立立呢？
今天是MIRROR成員Edan(呂爵安)25歲生日，一班爵屎(Edan粉絲名稱)為祝賀偶像，集資在葵芳新都會廣場L5空中花園舉辦兩星期的「Happy Edan Day生日應援展品」，有爵屎又租了旺角户外LED大屏幕、尖沙咀户外三層LED大屏幕播生日片，還有應援巴士等賀壽星仔，很有心思！
有「世界第一妹控之稱」的Edan，和細妹小如豬感情一向超好，小如豬今日就在IG Story上載Edan中學年代的「MK照」寫道：「 生日快樂哥哥，Po張MK照！」之後再貼出11年前的舊相說：「再嚟多張11年前alr，感歎點解我而家係咁嘅樣！」之後再來一張Edan於2017年拍的超大鼻窿相說：「keep住開心快樂呂爵安！」搞笑得來很溫馨！
除了細妹小如豬，圈中好友亦紛紛送上祝賀，和Edan組成登神CP的隊友Anson Lo（盧瀚霆），就上載兩人身貼身的合照祝Edan：「Happy Birthday！」甜到漏！一向愛貼隊友黑圖的姜濤，今日難得貼出Edan正常背心照祝賀。而《膠戰》好兄弟Jeffrey（魏浚笙），就在IG上載被Edan胸襲扮錫錫的相留言：「哥哥，生日快樂！」Edan即回覆：「Love u細佬！」兄弟情深！而Edan「正印」、DJ小儀就上載早前Edan去水上樂園玩滑水梯的片段，搞笑說：「靜雞雞話你聽吖：Edan，er er er……你戇居同chok都係正嘅！」
