標籤: 舞台劇

娛樂

阿Dee 向《阿飛正傳》致敬  扮梁朝偉梳頭夠爆笑

宇宙天團ERROR副隊長何啟華(阿Dee),有份主演的舞台劇《戰將無雙》今晚公映,《戰將無雙》由中學文憑試範文《廉頗藺相如列傳》改編而成,劇中阿Dee飾演藺相如,香港金像獎最佳男配角袁富華飾演廉頗。有阿Dee演出,ERROR和阿Dee的粉絲,當然送花撐他,就連ERROR經理人濟哥,都拍了兩條片幫阿Dee宣傳,其中一條阿Dee還向《阿飛正傳》致敬,扮梁朝偉經典梳頭一幕,頗好笑的,一起看看!

娛樂

王菀之主演舞台劇獲觀眾激讚101分   謝安琪:你好叻,繼續Good Show

王菀之(Ivana) 主演的舞台劇《Proof 求證》 一連14場演出,昨晚於演藝學院展開,Ivana今次釋演的天才數學家女兒之角色,技驚四座,演出過後獲謝幕掌聲雷動歡呼。謝安琪看完之後亦留言大讚Ivana叻女。不少觀眾亦於她的IG留言:「好感動做得好好!」、「Ivana的演繹可以俾出101分。」前晚演出過後,四位演員一同表示非常感恩,因為大前日打風,大家都很擔心要改期,幸而颱風馬鞍沒有吹正香港,令他們可以順利舉行第一場。

王菀之
王菀之(Ivana) 主演的舞台劇《Proof 求證》 一連14場演出。

身兼監製,翻譯劇本,女主角三職的Ivana壓力更大:「真係未試過經歷咁多考驗,今次劇裡面要Proof甚麼是愛。意想不到劇外也proof了信任及愛。首先我要多謝同我一齊演出三位演員 : 陳淑儀、吳鳳鳴、陳康,以及台前幕後所有工作人員,八號風之後,第二日一落波大家二話不說就返齊演藝學院總採排,毫無怨言上下一心,作為監制,我真心求證到隊團好有愛。」

王菀之
Ivana今次釋演的天才數學家女兒之角色,技驚四座,演出過後獲謝幕掌聲雷動歡呼。

第一場演出大成功,更獲讚賞演了101分,Ivana說自己太累,未去看留言也未分享自己演出感受:「因為這個劇演完會有一種餘韻係個腦裡面,個人冇咁快醒返現實…好多謝余迪偉、小儀、謝安琪等等好朋友昨晚來支持我,佢哋都有同我講好好,但係我應該係冇快興奮到,除非有盒飯係我面前,或者會….哈哈。」

王菀之
觀眾於她的IG留言:「Ivana的演繹可以俾出101分。」
王菀之
又獲謝安琪盛讚:「你好叻!」

說到有觀眾留言大讚Ivana演出水準101分、AAAAAAAA+,Ivana 說:「我覺得101及7 個A ,不是我一個人的。是我團隊,加上陳淑儀、吳鳳鳴、陳康一起拿到的成績表,好多謝大家咁支持,我地會繼續努力做得更加好。另外,我真係好感動,好感恩,好多前輩,林家棟、任賢齊,吳君如,陳可辛,吳鎮宇、張敬軒等等等….佢哋雖然忙未來睇,但係我見到收到了他們的心意,真心多謝….這些鼓勵的力量。」

王菀之
張敬軒送上花牌。
王菀之
林家棟

是次《Proof 求證》於廖湯慧靄戲劇院演出,場地跟第一行觀眾距離非常之近,Ivana直言:「咁近我有時會諗,佢會唔會連我腳有粒嘢都見到,嘻嘻…」問到劇中演繹男朋友的陳康,今次跟Ivana有親熱戲,兩人會不會因為觀眾距離太近而尷尬?陳康即答:「唔會啦!演員來嘛!我哋好專業!反而覺得演來更刺激!」問到Ivana 老公Eric睇咗味?Ivana笑答:「未呀,你哋唔好爆劇情啦….(佢幾時睇?) 唔知呀….(你有冇話佢知有親熱戲?)哎也,唔知呀,唔知 …….」

王菀之
繹演Ivana爸爸的陳淑儀老師就大讚Ivana演出非常之好。

而繹演Ivana爸爸的陳淑儀老師就大讚Ivana演出非常之好:「好開心今次有咁好伙伴一齊做呢個劇,我只可以用幸福兩個字形容,大家都做得好好。」演姐姐的吳鳳鳴表示:「 真係要讚Ivana,呢個妹做得好好。」Ivana說 : 「家姐個角色超難呀,佢平日係一個好好嘅人,今次做衰人佢下咗好多苦功,做得好乞人憎呀。」

王菀之
Ivana 說:「我覺得101及7 個A ,不是我一個人的。是我團隊,加上陳淑儀、吳鳳鳴、陳康一起拿到的成績表。」