標籤: 花姐

娛樂

【新歌訪問】《信之卷》MV化身動漫主角 AK:搵返童年初心勇往直前

AK(江𤒹生)今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破,一圓童年夢想之餘,也藉此向樂迷推廣香港創作及文化藝術工作者,難怪花姐在IG留言:「睇完個MV,講咗一句『係咪痴線㗎!』」

AK
AK今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破!

今次《信之卷》AK邀來Van@Nowhere Boys作曲、Oscar Lee填詞、王雙駿監製新歌,歌曲風格雖然也如《黑之呼吸》一樣以J-Rock作招徠,但相比《黑之呼吸》的暗黑風,今次《信之卷》卻予人很陽光的感覺。而一向鍾情動漫的AK,更特別喜歡《龍珠》及《數碼暴龍》,所以他邀來香港本地動漫師崔氏兄弟及Tommy Ng兩個單位,攜手炮製新歌MV,講述男主角經歷低潮後,集合眾人力量,戰勝心魔的故事。

AK
新歌MV講述男主角經歷低潮後,集合眾人力量,戰勝心魔的故事。

AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。今次新歌歌詞係講大家可以搵返童年時嘅初心,好似動漫男主角一樣勇往直前乜都唔怕,成件事整合起上嚟,就好似動漫主題曲,好適合做埋動漫MV,然後問咗公司又肯俾我做,所以就極度自肥,將自己鍾意嘅動漫元素,擺晒落去,例如裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」

AK
AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。」

由於AK自小已很渴望成為動漫男主角,所以動漫師亦應要求,把男主角畫得很像AK本人,AK說:「動漫MV可以將所有想像嘅嘢天馬行空放晒落去,我同動漫師講我好想做一次動漫男主角,佢哋就幫我畫到個男主角好似我之外,角色身邊又會出現好多我平時生活上成日會出現嘅物件,成為咗彩蛋,就好似人哋睇Marvel電影咁,大家睇MV時都可以搵下啲彩蛋喺邊。我都未知彩蛋喺邊,要同大家一齊搵,好似尋寶一樣。」

AK
AK說:「裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」
AK
畫面很美!

經過今次MV製作,AK見識到香港動漫師的功架,AK不禁讚嘆道:「睇咗Rough Cut(粗剪)成品已經好開心。其實香港都有好犀利嘅人,睇到動漫師做嘅過程,同佢哋開會,知道佢哋點樣畫,所有嘢都非常專業,所以再一次多謝佢哋,同時希望多啲人發現,香港有好多藝術工作者,不同嘅創作或文化藝術都係非常優秀。」

AK
AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣!」

為了貫徹整體概念,AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣,因為好多時動漫俾我嘅最大感覺,就係咁樣。」粉絲們今次可以同時擁有動漫與真身兩個AK陪伴在旁聽新歌《信之卷》,絕對是雙重福利!

AK
像不像AK?
娛樂

Jer新歌《離別的規矩》加入中樂夠特別 柳柳粉: 超級好聽,大家懷孕咗未?

Jer (柳應廷)昨晚在IG宣布今日推出新歌《離別的規矩》,宣傳照顯示首次有女主角登場,但看不清樣貌,ERROR隊長肥仔即給兩個心心支持,保錡就留言:「想聽!」而MIRROR兄弟Jeremy (李駿傑)就留喊喊Emoji!MIRROR官方IG介紹新歌:「行多遠仍離不去/身與心縱願意跟隨/決定放手是《離別的規矩》!」花姐亦在IG上載新歌相感性寫道:「離別已經係傷痛嘅事,在傷痛下仍然要守規矩,實在感到無奈。年紀大了,以為會識放下,但反而更加害怕人際關係,更加怕與人相處,以為大家真誠對待,原來當中仍然有謊言,最可怕我亦選擇扮唔知,虛偽面對對方。以為大家心裡愛著大家,所以願意將生命100%付出,原來這100%早已變成理所當然。係呢一刻,離別可能係最好嘅選擇。」

Jer
一向唱得的Jer(柳應廷)昨晚在IG宣布今日推出新歌《離別的規矩》。

《離別的規矩》繼續由「物語」、「重生」系列王雙駿和小克炮製,填詞人小克近日就在IG就透露:「重生系列後嘅全新系列,暫且叫佢《全新系列》啦,未諗到呀!第一部曲嚟緊,請幫定耳仔避孕。」之後轉發柳柳粉貼的《狂人日記》歌詞「閂一窗開一章」說:「無錯,的確係會有窗呢個元素出現嘅,而又真係會開一次又閂一次嘅!」雖然《離別的規矩》MV未知甚麼時候有得看,但新歌於中午12時叱咤樂壇首播,還加入中樂簫和笛元素,相當特別,柳柳粉聽完大讚:「 超級好聽,想一聽再聽!」、「黐線!好好聽呀呀呀,係中樂、中樂、中樂,淨聽都成個畫面出晒嚟,聽到😭😭😭!」、「聽完啦!覺得好痛好痛!」、「大家懷孕咗未?」、「耳朶懷孕呀!」、「仲要勁難唱,係佢先唱到!」、「聽完!我仲係未能夠返返現實,留咗喺古代,柳秀才好溫柔,我哋依度今次成班炒應該搞唔掂!」、「中樂夾得都算自然,舒服嘅!」、「超超超MM7(正嘅意思)!」

Jer
花姐在IG上載新歌相感性寫道:「離別已經係傷痛嘅事,在傷痛下仍然要守規矩,實在感到無奈。」
jer
jer
新歌於中午12時叱咤樂壇首播,還加入中樂簫和笛元素,相當特別,柳柳粉聽完大讚:「 超級好聽,想一聽再聽!」
娛樂

Edan首出跳唱Solo自評60分 爆教主:好鍾意笑我跳舞

Edan(呂爵安)在愚人節推出首支個人跳唱單曲《Elevator》,還第一次挑戰Rap,Edan接受本網專訪時坦言很擔心外界反應,還自評跳舞和Rap都只得60分!他還大爆MIRROR好兄弟Anson Lo(盧瀚霆)、Jer(柳應廷)和Jeremy(李駿傑):「好鍾意笑我跳舞!」幸好花姐讚他:「咬字好咗,跳舞都OK!」令他安心一些!

娛樂

親自下廚當家用俾花姐 Anson Lo問:夠唔夠膽食? 神徒爭住試:最多食完洗腎

Anson Lo(盧瀚霆)一向喜歡和粉絲互動,又經常畫公仔冧神徒,昨晚教主在IG貼出靚仔相問:「即將拍Youtube Q&A你問我答~下面留言問我問題啦!」神徒立即踴躍問教主:「幾時會開新戲?」、「大叔的愛幾時續集?會唔會有電影版?」、「會唔會同Edan(呂爵安)出跳唱歌,好想你哋一齊出首唱跳呀!」、「姜神世紀live幾時找數?信任的遊戲幾時找數?」、「會唔會考慮出個畫冊,好鍾意畫家教主!」有神徒還問很喜歡吃飯的教主:「會唔會代言白米或飯煲?還是索性自己出個電飯煲品牌?」

Anson Lo
Anson Lo一向喜歡和粉絲互動。
Anson Lo
教主經常畫公仔冧神徒。

想不到連經理人花姐(黃慧君)都湊熱鬧,她搞笑問教主:「幾時俾家用?」教主回覆:「親手煮嘢俾你當家用,夠唔夠膽食?」教主的廚藝一向「出眾」,他曾經拍YouTube片《神徒與教廚:Edan教主大比拼》,和Edan比拼廚藝,勁到生煎未去皮未切粒的冬瓜,其間還打電話問教母:「媽咪,我想問冬瓜本身係咪生㗎? 係咪唔使煮都食得?」笑爆神徒!雖然這樣,但神徒都爭相說想吃:「我夠膽食,就算食完肚痛都照食!」、「你煎冬瓜我都想食!」 、「撈豬煮嘅話我一定食,最多食完洗腎!」、「我出晒名叫試伏器!」、「呢度有二萬幾人排緊隊!」 不過有神徒乘機幫教主追糧:「重點係出咗糧未先?」、「之前MIRROR啲訪問話ViuTV 好耐先出一次糧喎!」相當爆笑!

Anson Lo
昨晚教主在IG貼出靚仔相問:「即將拍Youtube Q&A你問我答~下面留言問我問題啦!」
Anson Lo
Anson Lo
想不到連經理人花姐都湊熱鬧,她搞笑問教主:「幾時俾家用?」
Anson Lo
Anson Lo
教主回覆:「親手煮嘢俾你當家用,夠唔夠膽食?」
Anson Lo
教主曾經拍片和Edan比拼廚藝,勁到生煎未去皮未切粒的冬瓜,其間還打電話問教母:「我想問冬瓜本身係咪生㗎?係咪唔使煮都食得? 」
Anson Lo
相當經典!
娛樂

Anson Lo 獲邀拍喪屍西片《重慶大廈》 英國導演讚教主:有異於常人嘅才華

美國娛樂雜誌《Variety》近日報道,Anson Lo(盧瀚霆)衝出國際,將於7月拍攝由英國導演Bizhan Tong執導的新戲《Chungking Mansions》(重慶大廈),故事講述香港爆發喪屍病毒,大家走入重慶大廈避難,教主扮演參觀重慶大廈的團友,在大廈遇上喪屍。報道指除教主外,還有《單身即地獄》韓國男星崔時訓、《進擊的巨人》日本女星武田梨奈、新加坡男星陳泂江、《嚇鬼阿嫂》泰國女星Davika Hoorne,和香港演員李施嬅、陳瀅、張繼聰等參與演出,預計明年夏天上映!

Anson Lo
美國娛樂雜誌《Variety》近日報道,Anson Lo衝出國際,將於7月拍攝由英國導演Bizhan Tong執導的新戲《重慶大廈》。(IG圖片)
Anson Lo
《重慶大廈》故事講述香港爆發喪屍病毒,大家走入重慶大廈避難,教主扮演參觀重慶大廈的團友,在大廈遇上喪屍。(IG圖片)
Anson Lo
報道指《重慶大廈》亦有《嚇鬼阿嫂》泰國女星Davika Hoorne參與演出。(IG圖片)

消息一出令神徒相當興奮,Anson Lo經理人花姐接受傳媒訪問時,雖然說:「𠵱家仲係洽談中,未落實合作。」不過Bizhan Tong今日接受香港傳媒訪問時,大讚Anson Lo有異於常人的才華。導演指看了教主的歌和電影後,很欣賞他,而教主試鏡時充份理解角色和故事,無論外型和氣質都很符合角色要求,所以即刻決定由他演出。導演又大爆教主在戲中擔當重要角色,能夠展示他機智、幽默的英雄形象,亦會有動作場面!電影預計今年7月開鏡,雖然戲中會以英語為主,但演員有機會用自己語言演繹,即是可以聽到教主在戲中說廣東話!

Anson Lo
Bizhan Tong今日接受香港傳媒訪問時,大讚Anson Lo有異於常人的才華。(IG圖片)
Anson Lo
導演指教主試鏡時充份理解角色和故事,無論外型和氣質都很符合角色要求。(IG圖片)

Bizhan Tong曾獲Festival of Cinema NYC最佳導演獎,他今日在IG上載新戲《重慶大廈》的報道寫道:「我的目標是讓重慶大廈不僅成為香港史上最大的喪屍片,而且成為一部將國際關注重新帶回香港娛樂界的電影。」又說:「電影中的每位演員都是獨一無二的,與他們一起工作我感到無比自豪,或者感到更謙虛!」

Anson Lo
Bizhan Tong今日在IG上載新戲《重慶大廈》的報道寫道:「我的目標是讓重慶大廈不僅成為香港史上最大的喪屍片,而且成為一部將國際關注重新帶回香港娛樂界的電影。」(IG圖片)
Anson Lo
Bizhan Tong亦有邀請陳瀅參與演出《重慶大廈》,陳瀅早前參演導演未播映的犯罪連續劇《Forensic Psychologist》。(IG圖片)
Anson Lo
李施嬅承認獲邀拍攝《重慶大廈》:「已收到通知,仲傾緊細節。」若成事,李施嬅將首次和Anson Lo合作。(IG圖片)
娛樂

爆料已開會傾構思 正籌備MIRROR 2022年演唱會  Edan:又期待又好緊張

MIRROR 早前宣布一連四個星期五晚,派出不同成員在ViuTV官方fb開live,跟留家抗疫的鏡粉聊天,昨晚就有Edan(呂爵安)、Jeremy(李駿傑)和Tiger(邱傲然)。剃了鬚的Edan竟然用經理人花姐的相做背景圖片,他搞鬼說:「 因為我要提醒自己唔好亂講嘢,我有啲咩就望一望張相,OK,知道,我唔講住喇!」Jeremy用新歌《半》的相做背景,Edan笑「Jeremy」這個英文名很普通:「不如你叫Half Lee啦!」Jeremy即刻爆笑:「Half都OK喎,一定冇人叫呢個名!」成功幫兄弟宣傳新歌!

MIRROR
昨晚Edan、Jeremy和Tiger開Live和鏡粉聊天。
MIRROR
Edan笑「Jeremy」這個英文名很普通:「不如你叫Half Lee啦!」Jeremy即刻爆笑:「Half都OK喎!」
MIRROR
Edan前日上載留鬚照。
MIRROR
昨晚Edan開Live已剃了鬚,還用花姐的相做背景圖片,他說:「 因為我要提醒自己唔好亂講嘢!」
MIRROR
花姐有看直播,還在IG Story留言:「E先生,你想點呀?」超爆笑!

Edan還說很難得請到Tiger開Live,和Jeremy一起熱烈歡迎他,Tiger承認兩年沒有開直播:「我出道嗰年開過一兩次Live,跟住從來都冇開過,依家疫情肆虐,希望同咁多兄弟俾啲開心大家!」Tiger透露接了一套拳擊劇,不過因為疫情不斷延遲:「我唔會因為呢套劇再練大隻,我係打拳嘅,係一個師兄,但純粹因為喺嗰度留得耐,而唔係因為我好打,係要一個好潺嘅效果,呢套劇認真得嚟,有啲好好笑好得意嘅嘢,我自己都好期待開始劇組嘅工作!」

MIRROR
Tiger承認兩年沒有開直播。

Edan就話拍《季前賽》很開心,因為自己很喜歡打籃球,還說自己的3分射球準了很多,Tiger問姜濤和Ian(陳卓賢)是否球技了得時,Edan即冷笑說:「望吓花姐先,呢個問題嚟講呢,大家都好波,我費事亂講嘢!」他又透露原本二月尾推出新歌:「不過因為疫情拍唔到MV,暫時目標係3月尾出新歌,今次會係一首唔同嘅歌!」

MIRROR
Edan透露3月尾出新歌。

去年有傳MIRROR將會於今年 7月於紅館舉辦十場演唱會 ,但未經ViuTV證實,但Edan在開Live途中突然大爆數日前12子透過Zoom開會商討演唱會事宜,變相證實正籌備今年演唱會,令鏡粉超興奮:「前幾日幾得意,我哋第一次用zoom見大家,我覺得成件事好搞笑,我哋傾一傾演唱會,嗱,唔好望住我,我問咗佢㗎(指向花姐背景),我哋傾吓大家有咩想做,係好初步嘅會議,上年演唱會6場諗番好近,原來已經一年。」Tiger和應說:「嗰晚傾完更加期待,依家現有嘅嘢已經有好多無限嘅可能,可以有好多唔同嘅嘢出到嚟!」Edan話:「又期待又好緊張! 」

MIRROR
Edan突然大爆數日前12子透過Zoom開會商討演唱會事宜,令鏡粉超興奮。
MIRROR
Edan說:「上年演唱會6場諗番好近,原來已經一年。」
娛樂

【考古】Ian開Live一見花姐即驚青整頭 霸氣黃慧君講老公變懷春少女

49 歲的MIRROR經理人花姐黃慧君直率又霸氣,經常要看着一班鏡仔,連他們開live都不放過,上年Ian在IG開live,就因為花姐入來而要慌忙弄頭,你便知花姐有多霸氣和威嚴啦!不過一談到老公,她變了另外一個人,她曾經說:「其實我私下都係小鳥依人嘅小女人!」花姐在2018年曾經上過叱咤903節目《公子會》,大爆18歲初戀撻着老公的經過,當時花姐十足懷春少女一樣,很好笑,一起看看!

娛樂

ERROR 首次出情歌《愛情值日生》 404錯粉:好好聽,希望推到年尾拎獎

ERROR 相隔7個月,終於有新歌了,還要是首次出情歌!肥仔(梁業)、阿Dee(何啟華)、193(郭嘉駿)和保錡(吳保錡),今日推出新歌《愛情值日生》,雖然MV今晚才有得看,但ERROR官方IG貼出預告片留言:「無獎競猜ERROR情人s大賽,究竟今次我哋請咗邊幾個飾演佢哋四個嘅情人s呢? #ERROR首次出情歌 #開唔開心驚唔驚喜?」

ERROR
ERROR官方IG貼出預告片,MV很有80年代feel。
ERROR
193的衣着都很有80年代feel!
ERROR
ERROR官方IG留言:「無獎競猜ERROR情人s大賽,究竟今次我哋請咗邊幾個飾演佢哋四個嘅情人s呢?」
ERROR
到底保錡的MV情人是誰?

MV很有80年代feel,為新歌填詞的Wyman(黃偉文)就在IG解釋:「Error 終於搵我寫,咁我點樣寫先至最似佢哋呢,我自己都好期待!其實主題大橋係佢哋四個俾我嘅(我覺得係一個好勁好大膽嘅idea,大家聽歌時可以留意吓),80年代 mood 呢,係作曲兼監製 @hobing_goomusic 定嘅,我只係試吓寫返80‘s 啲配合返,工作好輕『擎』。至少『愛情值日生』呢啲名,『浸除』都唔似而家啲歌啦呱。」保錡在IG Story多謝Wyman:「多謝你,人生中能唱一首你填詞的作品,是我其中一個夢想!」Wyman就回覆說:「咁客氣㗎!圓咗夢之後,唔好咁快停呀喂!我好Ready再玩㗎喂!」

ERROR
為新歌填詞的Wyman(黃偉文)就在IG寫道:「Error 終於搵我寫,咁我點樣寫先至最似佢哋呢,我自己都好期待!」
ERROR
保錡在IG Story多謝Wyman:「多謝你,人生中能唱一首你填詞的作品,是我其中一個夢想!」Wyman就回覆說:「咁客氣㗎!圓咗夢之後,唔好咁快停呀喂!我好Ready再玩㗎喂!」

ERROR出新歌,經理人花姐(黃慧君)亦有幫忙宣傳新歌:「Sweet sweet 嘅歌曲由佢地演繹,別具風味,仲有一隻勁正MV。」新歌今日下午1點已經在各大音樂平台上架,404(ERROR粉絲名稱)聽完大讚:「好冧!」、「So sweet!」、「已經聽咗幾次,真係好好聽,四個唱得好好!」、「四個唱歌真係進步咗好多好多。」「Error 世一!」、「好好聽,希望推到年尾拎獎!」

ERROR
404聽完大讚:「已經聽咗幾次,真係好好聽,四個唱得好好!」
ERROR
有404亦大讚:「好好聽,希望推到年尾拎獎!」
娛樂

Frankie 3年前狂數自己  揚言恨拍劇  終憑《IT狗》爆笑彈出

33歲的MIRROR成員Frankie(陳瑞輝),被封為隊中的顏值擔當,但他為人很低調,曾經被經理人花姐指他存在感不高,最近他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心。不過他近日在處男作《IT狗》飾演經常放負的Never,就被網民大讚爆笑,連花姐都有讚他做得好!

我們找到一條2018年12月Frankie的直播考古片,Frankie和粉絲皮寶寶玩「你問我答」,好錫粉絲,當時Frankie已經說很想拍劇,想不到一等便是三年,片中他還狂數自己的缺點,指很多時不肯主動做自己,目標就是做一個不用花姐擔心的藝人,現在Frankie憑《IT狗》彈出,未知花姐會不會很欣慰呢?

娛樂

Edan 開腔勸爵屎唔好私追:  請不要再在我家樓下等我和追車謝謝

MIRROR近年爆紅,鏡粉無數,不過有粉絲因過於熱情,為求見偶像一面,不惜在鏡仔住所等候,甚至跟車,形成一種私追文化!早前姜濤被爆搬往筲箕灣新居,他接受訪問時指因銅鑼灣居所不夠大,所以租新居用來擺放物品,而每逢銅鑼灣節日人多都會去新居住數日,他呼籲姜糖給他空間:「新居被曝光唔會唔開心,做藝人都預咗,希望粉絲俾多啲空間我哋!」

Edan
早前姜濤被爆搬往筲箕灣新居,他接受訪問時說:「希望粉絲俾多啲空間我哋!」
Edan
姜濤還在IG強調:「請真的給我一點空間。」

之後姜濤還在IG強調:「請真的給我一點空間。」當時花姐亦在IG留言勸喻:「感謝大家喜愛舞台上的MIRROR,在舞台下,他跟我們一樣,需要有私人空間和好好休息的時間,才能創作更多好的作品給大家,在互相尊重下,懇請大家不再進行『私追』。」

Edan
當時花姐亦在IG留言懇請大家不再私追。

今日到Edan( 呂爵安)出手勸喻爵屎,今晚他在IG Story以黑底白字寫道:「請不要再在我家樓下等我和追車謝謝!」有爵屎立即在 IG粉絲專頁轉發,相當乖巧!Edan去年初推出處男歌《E 先生 連環不幸事件》,大受歡迎,在多個音樂平台獲取佳績,昨日還在YouTube發布 MV 拍攝花絮,慶祝出歌一周年。而他主演的《大叔的愛》令他進一步爆紅,至今IG追蹤人數已達55.8萬,人氣強勁!希望經過Edan勸喻,爵屎會乖乖支持偶像!

Edan
今晚Edan在IG Story以黑底白字寫道:「請不要再在我家樓下等我和追車謝謝!」
Edan
Edan
Edan去年初推出處男歌《E 先生 連環不幸事件》,大受歡迎,昨日還在YouTube發布 MV 拍攝花絮,慶祝出歌一周年。
View More