玄學家李居明電影《通靈師》今日於新光戲院舉行首映，薛家燕表示知道對方的作品在影展獲奬，特意前來恭賀及撐場。家燕姐透露近日因住所裝修，現時搬到酒店暫住，很開心兒子和新抱帶孫仔去探她，又透露找李居明為孫仔睇相：「佢話我孫仔個相同八字好好，連個名都好到不得了，個名係我親家改。」李居明更相約家燕姐稍後拍檔做12生肖虎年運程節目。

另外李居明開心表示已跟新光業主達成口頭協議，可續約3年：「依家可容納千人嘅劇院得新光，我都同業主傾咗3次，星期三先得到對方口頭承諾，預計下星期就正式簽約，希望盡我能力令新光永存，但2026、2027年呢度會拆卸，我當然希望唔好拆，因為拆卸重建要好大筆資金。」

玄學家李居明開拍玄學電影《大運同行》，在新光戲院舉行首映禮，李居明率領圈中好友薛家燕、蓋鳴暉、江美儀、陳自瑤、傅嘉莉、張寶兒、敖嘉年、胡諾言等組成行運特工隊，從風水玄學角度全方位破解「港運風水七宗罪」，不單揭破迷局，更指點未來廿年致勝方略。

李居明大讚YoYo：「佢嘅配音節目《好聲好戲》就紅到發紫，多謝佢之前收平價，依家請唔起啦。」YoYo笑說：「梗係冇加價啦，我珍惜呢個機會。」有指她將於選美題材新劇首次擔任女一，她說：「我都係睇新聞先知，依家未正式收到通知，如果係當然好開心，等公司通知。」

提到老公王浩信謙稱配音不及她，要向她學習，YoYo說：「因為佢冇玩配音啫，佢係兩屆視帝，演技都要向佢學習。」有網友推舉夫妻二人齊爭視帝視后，會否有機會合作？「多謝大家支持，但呢啲唔係我話事，等公司有安排。」