37歲「亞視一姐」 薛影儀，去年9月在朗屏邨疑因無戴口罩，被一名女街坊追着狂拍，阿儀被追到入𨋢後，涉嫌起飛腳還擊，相關片段在網上廣泛流傳，事隔近半年，她被控一項普通襲擊，以及沒有在指明公眾地方佩戴口罩兩罪，案件今日在屯門法院提堂，阿儀承認兩罪。
其辯護法援律師在庭上求情時透露阿儀月入六千至一萬元，承諾以後不會再犯，而法庭披露阿儀於2012年有同類案底。主任裁判官蘇文隆聽取案情和求情後，判阿儀即時入獄2星期兼罰款5千元，阿儀聽到裁決後表現驚慌！事後經理人林寶玉到法院覊留室探阿儀，她說阿儀神情呆滯，令她很擔心：「佢知道自己要坐監，問佢嘢都好似冇乜反應，我好擔心佢唔知點樣同啲警察溝通。我從來都未遇過咁嘅情形，好擔心佢。」說完更忍不住落淚。
之後阿儀透過代表律師申請保釋等候上訴，獲主任裁判官批准她以原有條件保釋，暫時重獲的阿儀離開法院時一臉倦容說：「想返去休息一吓。」林寶玉表示公司會承擔阿儀的律師費。
37歲的薛影儀去年因參加《亞洲小姐競選2021》爆紅，被網民封為「亞視一姐」。早前網上忽然瘋傳一條短片，阿儀因去年9月沒有戴口罩出街被一名朗屏邨女街坊追着狂拍，阿儀被追到入𨋢時就起飛腳解圍！事後有住在朗屏邨的街坊向傳媒爆料，指阿儀在疫情期間經常不戴口罩四圍走，又在後樓梯屙尿和講粗口鬧人，但阿儀否認：「係屙都喺廁所屙啦！」
昨日阿儀在IG上載舊相說：「呢個係我之前fb寫嘅嘢，我15歲就出嚟做嘢。」相中寫道：「我99年已經出咗嚟做嘢，我以前做過麥當勞，我當時都有介紹我朋友去做，又做過KFC，已經係20年前嘅事，我做過地產Sales，社區中心嘅工，賣小食。呢幅相係我舊年喺元朗魚米線工作，我喺嗰度要落單、打單、收錢，我都有教新人做嘢！」有網友讚阿儀：「阿儀原來係事業型女士！」不過有不少口痕網友向阿儀求婚：「阿儀我可唔可以同你結婚！」但阿儀逐一回覆：「唔可以！」有網友重提屙尿傳聞：「 你係咪喺我屋企屙尿！」阿儀即嬲爆回覆：「你去死啦！」
之後阿儀上載一張速遞包裹相寫道：「呢個係franco送俾我嘅檢測器！」藝人好友黄榕即留言說：「你今日都收到la ，咁又幾快！」有網友話：「阿儀，我可唔可以幫你撩啊？」阿儀回覆：「唔可以！」其間有網友寸阿儀智商低，阿儀即反擊：「你X街啦！話我智商低！」之後有網友跟黄榕說：「 唔該你叫吓你個朋友唔好成日講粗口！」黄榕即為好友解釋：「我同佢相處咁耐真係未見過佢講粗口，不過佢有同我講最近日日有好多人騷擾佢，佢快受不了，佢應該好唔開心先會講粗口。」
今晚網上忽然瘋傳一條短片，亞視一姐薛影儀因為沒有戴口罩被一名女街坊追着狂拍，阿儀BB被追到入𨋢，竟然起飛腳解圍！有自稱住在朗屏邨的街坊向傳媒爆料，指阿儀在疫情期間經常不戴口罩四處走，又在後樓梯小便和講粗口鬧人，聲稱街坊很討厭她。
事後阿儀回應指片段是去年9月拍攝，指當時疫情沒有那麼嚴重，所以沒有戴口罩，又指不知對方有沒有報警，但自己無去警署，但自此之後都有戴口罩，阿儀又否認在後樓梯屙尿：「係屙都喺廁所屙啦！」阿儀去年參選亞姐時，曾透露十多年前在社區中心工作，之後轉做侍應，但因為不喜歡戴口罩而辭職。
37歲的薛影儀因參加《亞洲小姐競選2021》而爆紅，雖然未能入圍，但亞視跟她簽了兩年藝人合約，安排她學唱歌、跳舞，還讓她參演新戲《愛．還記得》，前途無限！有網民就封她做「亞視一姐」，阿儀好有信心話︰「我覺得自己可以。」早前阿儀還跟《A-Live》主持李昊昕合作音樂直播節目，大唱《兩種人》、《女神》等，雖然走音和甩beats，但表現很淡定，有超過8千人睇直播，有網民讚她：「 睇阿儀仲好睇過Mirror ！」她的IG帳號開了短短數日已有超過2.4萬人追蹤，更有影子（阿儀粉絲名稱）開了Fansclub IG，相當受歡迎！
阿儀還紅到有網友爭相幫她開fb群組，包括「我老公J左薛影儀導致婚姻破裂關注組」和「我老公娶咗薛影儀導致婚姻破裂關注組」，前者至今已有超過1.1萬人加入，後者都有超過9百人，雖然林作抽水聲稱後者是他開的，不過已遭該群組否認！當中有網友還特意訂造阿儀攬枕，並留言：「阿儀嘅美艷將14億人震驚…要唔要一齊訂返兩個看門口？」當佢聯絡攬枕店時，客服忍不住留言說：「這個港姐（亞姐），把我震驚了！」相當爆笑！還有網友為阿儀整了大量Sticker，見到都開心！
充滿娛樂性的《亞洲小姐競選2021》香港賽區，本週一（26日）進行首輪面試，44位佳麗身穿泳裝會晤傳媒，其中37歲、從事飲食行業的參賽佳麗薛影儀樣子獨特，身材豐滿，令觀眾「驚為天人」，當時她很有信心說自己有望奪季：「我未結婚，而且未拍過拖。（滿意自己咩地方？）滿意自己皮膚夠白，滿意自己身型，其實我每日都有跑步，每次喺球場跑幾個圈。 」阿儀的喜感令她迅即成為「最高民望」參賽佳麗。
可惜昨日亞視公布18位入圍佳麗名單，阿儀竟然被Foul，網民反應異常激烈，揚言沒有阿儀就罷睇亞姐！有網民留言表示：「冇阿儀，罷睇。」、「還我女神阿儀！」、「強烈要求最有自信佳麗阿儀可以進入決賽。」、「高層又收埋阿儀自私食！」認真爆笑！
不過大家不用失望，亞視剛剛在fb留言寫道：「今日阿儀就嚟咗亞視總台簽約，更同公司嘅藝員及公關部高層會面，究竟佢嚟做乜呢？如果想知道嘅話、就密切留意我哋亞洲電視嘅facebook專頁啦！」看來亞視想力捧阿儀！有網友大讚：「亞視好心地，講真嘅！」、「阿儀係ATV吉祥物？」 亦有網民說：「無綫有利愛安，亞視有薛影儀，有得拼下！」
