踏入炎夏，除了猛烈太陽來襲外，雨水和颱風也隨之而來。想外出而不被變化多端的天氣影響的話，便可試試 AIGLE 今個春夏推出的全新MYRICA天然橡膠靴，防水之餘也因使用天然原材料製造，過程不會破壞大自然，達至可持續發展。
今次MYRICA是根據過去大熱款式MISS JULIETTE 重新設計，以馬術為靈感，配上時尚易搭小鞋跟，更在法國以人手製造，將橡膠靴放進高溫的高壓容器，利用硫化技術塑造成型。成型後，匠人會細心檢查每一對橡膠靴的防水性。
最近AIGLE於上環普仁街 #HAPi 展覽區展出品牌產品，供客人欣賞和深入了解品牌的天然橡膠靴的製作過程及品牌歷史等。除此之外，兩者更是首次合作推出限定法式下午茶套餐，餐單選材配合兩個品牌聯繫大自然的法式休閒風格，鹹點包括迷你蟹肉牛角包配魚籽、 黑松露蘑菇醬配法式麵包，甜點包括薄荷朱古力慕斯盆栽、開心果焦糖燉蛋、橡膠靴造型招牌曲奇餅、雜錦馬卡龍及飲品一杯。
MIRROR 在紅館演唱會事故後停工兩個月，10月正式復工，今日姜濤、陳卓賢（Ian）、呂爵安（Edan）和邱士縉（Stanley）現身新劇《季前賽》記者會，吸引半百名傳媒採訪。記者會後MIRROR四子接受訪問，談及復工心情，姜濤說：「老實講，我噚晚瞓覺之前好緊張，因為係演唱會之後兩個月第一次見到傳媒，見到咁多人，但始終都相信大家想勇敢啲出嚟面對，始終都要收拾好心情，同大家一齊行！」
Edan說：「相信大家都諗多咗好多嘢，要去消化一段時間，大家都有同公司傾過，希望我哋大概兩個月就出返嚟做嘢，公司都會評估我哋嘅情況，我哋覺得有任何唔OK嘅都會同公司講，而家可以出返嚟都 #會俾心機做嘢！」
近日有傳Edan秘戀 文青女神袁澧林（Angela），指Edan最近直播或照片都有意把背景模糊，Edan背景的沙發和Angela屋企相似，而兩人還着情侶衛衣，Edan否認：「假嘅，唔係咁嘅一回事，我同佢真係好朋友，嗰度絕對唔係佢屋企，我本身一路都有聽過呢個傳聞，但一路都冇特登去理，可能因為我同佢合作嘅次數比較多，同埋《闔家辣》佢做我女朋友，可能令大家有咁嘅疑惑，其實好明顯張沙發係唔同，你話個雲石，好多裝修都類似，唔係咁樣一回事，多謝大家關心！」
有人指姜濤和Anson Lo這段時間去旅行唔恰當，姜濤解釋：「我知道大家一定有呢個疑問，冇辦法，我好想講係，我真係好想離開呢度散吓心，一嚟我應承屋企人好耐，出道之後想帶佢哋去旅行，都考慮咗好耐，嗰個時候我淨係想離開呢度。」
被問到有否探望受傷舞蹈員阿Mo，Stanley說：「我哋好想去探，亦都有同公司溝通，但係因為醫院人數關係，公司交代唔係好適合一齊去做，但我哋有透過公司一路keep住update阿Mo嘅情況係點，所以我哋都去唔到探佢，#希望遲啲有機會探阿Mo！」
對於辭演處男電影，Ian 回應說：「呢個係一個好重大嘅決定，一直以來都好想參與電影嘅演出，亦都好多謝電影公司俾機會我參與呢部戲，其實好緊張，辭演係八月做出嘅決定，嗰陣時我認為我要揣摩呢個角色，我要完全好投入去拍攝，有好專業嘅狀態去演出，我當時認為自己未做到。」
《I SWIM》開播以來備受關注，導演馮志強一早表明計劃原班人馬拍電影版，昨晚劇集播出大結局，很多條線都留下伏筆，包括余浪沖和施詠（袁澧林）的感情線未有交代下文，章浩（ANSONBEAN飾）只是向余浪沖等人下戰書，未較高下，李馬榮（Edan飾）和余浪沖（Jeffery）因為Miss翁(吳海昕飾）反目，看來都會留在電影版解畫。不少網民指劇情反駁位多，甚至有網民要求不要開拍電影版！
不過不少網民讚Edan演戲有進步，結局講述李馬榮和Miss翁的師生戀遇上重大挫折。有人將兩人約會照片公開，Miss翁為保李馬榮學業引咎辭職，李馬榮誤會是余浪沖爆料而揮拳打好兄弟。Miss翁更搬屋避情，令李馬榮流下男兒淚，之後李馬榮升上大學，竟重遇修讀同一科的Miss翁，最後兩人相視而笑完劇。
網民紛紛留言：「無論劇本如何，但大結局李馬榮的場口，Edan演得出色，高興見到他演技上的躍進。」、「Edan今集真係演得好好，發顛咁揾Miss，好衝動好嬲咁打沖沖，好傷心咁喊，見番Miss之後千言萬語盡在不言中，感動到想喊咁！」、「對比上年《大叔的愛》，Edan演技進步咗好多！」
Jeffrey因《I SWIM》人氣急升，他昨晚在IG寫道：「希望余浪沖能夠成為大家青春其中一個美好的回憶，沒有余浪沖也沒有現在的Jeffrey，謝謝這個角色成就了這個多層次的Jeffrey……這個作品也只是剛剛開始，未來還是要好好磨練自己，做好未來每個演出！」他又感謝自己：「要做中學生青春的味道很難，播出前一直很擔心很緊張，特別感謝C班每位，最後萬分謝謝所有幕前幕後！」
ViuTV原創劇《I SWIM》雖然被部分網民指近日劇情大暴走，但昨晚第八集亦有亮點。劇情講到就讀冠中書院的校園記者施詠（袁澧林飾），要採訪「天材學生」鄭同學（ERROR肥仔客串），正追求施詠的余浪沖（ 魏浚笙飾）前來幫忙，最後鄭同學的絕技全部被余浪沖KO敗走，兩人在鋼琴前甜蜜互吻，之後還雙雙落水，獲網民大讚畫面唯美。Jeffrey昨晚在IG貼出接吻劇照留言：「甜蜜的時刻。記錄低我的螢幕初吻。我的施詠 @angela.yuen！」Jeffrey女友兼經理人Evelyn沒有呷醋之餘，還在IG Story大方轉發男友螢幕初吻照寫道：「太可愛了，余浪沖和施詠，是青蔥是初戀！」不少網民大讚Evelyn大方，是「女友典範」！
Stanley傷腳原來關Edan事
另外《I SWIM》第7集講述冠中書院為慶祝80周年校慶，邀請啟賢中學泳隊舉行友誼賽，不過冠中書院同學出嗱喳招，用板車衝撞傷黃亞樂（Stanley）的腳。昨晚Stanley在IG貼相公開「真相」，Stanley寫道：「其實大家都誤會咗 #lock天佑 ！ 其實我係…俾 #李馬榮 整傷！」相中見飾演李馬榮的Edan（呂爵安）踩着Stanley其中一隻腳繼續做戲，對自己的舉動懵然不知！Edan之後回應說：「笑死，太激動一嘢踩落去！」有幕後亦留言說：「諗諗吓現場目擊嘅我哋，其實都幾過分，第一個反應係焗蟹笑到肚痛，下個反應先係問Stanley有冇事！」Stanley就回應：「係囉！」相當爆笑！
今晚劇情預告：神秘泳手出場
在今晚（21日）播出的第九集，陳毅燊（ANSONBEAN）飾演的神秘泳手章浩將會出場，與邱士縉（Stanley）進行游泳對決。兩位型男聚頭，未埋住都要熱身谷胸肌，ANSONBEAN表示平時都有到公眾泳池游泳，但未有理會旁人目光：「平時我都游開水嘅，但去到泳池都係帶晒泳帽、泳鏡，都唔知有冇人望我！其實今次係我第一次拍劇，雖然做奸角，不過平時我都夠奸，所以好易入戲。呢度啲氣氛好開心，一嚟到就飛咗落水先，真係好爽。呢度充滿夏日嘅感覺，可以邊玩邊拍嘢，真係好難得。」Stanley則表示劇組充滿驚喜，見到大家除衫，劇組睇到「嘩嘩聲」：「ANSONBEAN真係好大隻，再比之前再Fit啲，而魏浚笙都係為呢部戲修身！雖然有啲落水戲要冬天拍，但為咗遷就場地，只要拍出嚟效果靚啲，我都唔係好介意。」
朱鑑然及黃奕晨亦會在第九集與ANSONBEAN有對手戲。身為前香港游泳代表的朱鑑然為了這部戲操練，更捉住導演談論角色細節。朱鑑然說：「以前我游水個陣，真係奀到爆，反而入行之後有時間去操肌。近年香港游泳代表成績都好好，真係勾起以前嘅回憶。」同場的黃奕晨就表示同場太多大隻仔，笑言放棄與對方鬥騷肌：「之前拍另一部劇要增肥嘅，當時都唔知自己會接呢部戲，所以收到劇本之後都努力過吓，不過佢地啲胸肌仲大過我個頭，而我就白雪雪成隻豬咁，點有得鬥？」
ViuTV原創劇《I SWIM》今晚9:30首播，劇集由呂爵安（Edan）、魏浚笙（Jeffrey）、吳海昕、袁澧林、邱士縉、楊偉倫、吳啟洋、歐鎮灝、王智騫、王智德、葉振弘及黃奕晨主演，劇中男演員個個騷肌，令人期待。《I SWIM》監製暨導演馮志強、魏浚笙和黃奕晨今晚為《晚吹 – 有酒今晚吹》擔任嘉賓，大爆拍劇趣事。
Jeffrey 指自己花半年時間操肌，更自爆更為劇集而去脫毛。被問及游水最差的演員時，三位都不約而同笑指非呂爵安（Edan）莫屬。馮志強分享指雖然劇中Edan飾演游泳高手，但第一日在拍攝現場熱身期間，Edan已經暈倒，令其一度十分擔心，慶幸最後Edan並無大礙。Dixon笑指拍攝現場宛如嘉年華一樣：「有唔同嘅booth擺哂Fans送嘅應援物資和食物，有P1X3L、Edan、Stanley、Alton、Jeffrey同ANSONBEAN。每次可以逐個行去揀自己想食嘅嘢。」
談及往後希望發展的方向，強尼大爆知道Jeffrey或會推出個人單曲。Jeffrey沒有否認：「其實我無限制自己。機會嚟到嘅時候就把握，盡力做好件事。」而Dixon指自己會想嘗試擔任幕後的工作，現正在構思及編寫相關的方案。
另外導演馮志強在另一個訪問中大讚Edan和Jeffrey表現出色，馮導指Edan非常聰明，一點就明，好像casting那場戲，Edan是隊長，他和大家開會，但太有禮貌，於是跟他說有需要才回應對方，才演到隊長氣質，之後Edan便做到領袖感覺。馮導又讚Edan記憶力非常好：「一日咁多場對白都記得晒！」至於Jeffrey令馮導相當驚喜，他指大家以為靚仔不懂做戲，自己初初亦擔心，但Jeffrey很有天份，第一次擔正已令人喜出望外！
