ViuTV節目《調教你MIRROR》昨晚播出最新一集，梁祖堯播了一條經理人花姐的剖白片段給MIRROR看，原來花姐經常哭，她坦言做經理人犧牲最大是和家人相處的時間，甚至令到老公不滿，身邊的朋友愈來愈少：「第一個原因係工作時間長咗好多，有時間都返屋企瞓覺；第二個原因係身邊朋友唔理解我做緊乜嘢，有啲朋友覺得我變咗，反而係佢哋遠離咗我。佢哋覺得我囂，但我憑乜嘢囂張？我每日做緊司機咋喎！」
MIRROR成員看完片段之後更敬愛花姐，又承諾處理好隊員之間的矛盾，令花姐不用再擔心。Tiger大爆花姐拍廣告都是為了MIRROR，「佢孭住我哋嘅擔子，所以佢要拋頭露面。」接着Edan解釋原來花姐會將賺到的錢放入「MIRROR基金」：「佢拍廣告賺嘅錢係用喺我哋嘅MV度，用嚟幫我哋，所以佢真係好愛我哋！」令人動容！
ViuTV全新節目《調教你MIRROR》成為全城熱話，MIRROR十二位成員接受梁祖堯「調教」，務求令十二位成員進化成更團結的「Better MIRROR」！明晚（9日）播出的一集將圍繞Ian（陳卓賢)，Ian認為MIRROR不如初成軍時般齊心：「力量比起我哋成軍第一個演唱會薄弱咗。」全因大家需要兼顧各自的工作，令大家步伐不一致。
花姐希望阿祖可以幫Ian「Open Up」自己，她直言很擔心Ian：「佢令人覺得同佢有好大距離，呢個距離連我同佢都有，遇到問題或者唔開心都唔會講，咁樣容易令人有誤會。」花姐還自爆經常和Ian吵架，連阿祖都覺得Ian很保護自己，有些難搞。於是阿祖安排Ian和另一成員Jer到麵包店跟老闆阿Kit學整麵包，原來老闆是Ian的忠實粉絲。過程中，老闆一句說話Hit中Ian，令他心情複雜。
