古天樂 斥資4.5億投資及主演的科幻大製作《明日戰記》，卡士強勁， 除了古仔，還有劉青雲、劉嘉玲、姜皓文和謝君豪主演，不過電影月初在內地上畫，成績未如理想，之後杜汶澤、張堅庭都在社交網發文力撐古仔，張堅庭說：「香港人一定要撑佢，佢幾乎半個人撑住香港電影！」《明日戰記》本週四（25日）喺香港正式上映，電影於上週五（19日）起一連三日舉行優先場，身為總監製的古天樂不時奔走宣傳，現身優先場謝票。

其中一場有觀眾問古仔穿着一套33磅重的機甲拍攝會不會很吃力，古仔坦言因機甲太重，導致頸椎受損，要到美國接受手術：「今次拍攝因為有盔甲護體，所以冇拍到周身傷，但由於套機甲太重關係，令到頸椎出現問題，拍完要到美國接受手術，喺頸嘅其中兩節鑲鈦金屬。」認真慘情！

可能古仔怕嚇親觀眾，他立即說︰「我真係鋼鐵做！」令現場觀眾爆笑！古仔又多次向現場觀眾致謝，指希望《明日戰記》沒有令大家失望，可以介紹更多朋友支持，還大講戲中對白︰「個天可以灰，個地可以灰，但我哋唔可以，一定要行落去，結局係點，係我哋自己決定！」互相激勵！