MIRROR首次紅館演唱會昨晚頭場，Edan遇上鋼琴失靈無聲，他即時醒目執生說：「其實啱啱呢個係棟篤笑，我都冇講棟篤笑好耐，唔係喎，我而家係李馬榮喎，講《I SWIM》啦，都係唔好嘞！」Edan又問大家演唱會哪一part最好看？觀眾大叫：「Edan！」他大笑說：「我呢part一定最好睇，因為12場得呢場係咁嘅啫，相信之後11場都唔會發生呢件事，意外一定有嘅。」最後自彈自唱《E先生連環不幸事件》！Edan除了是「執生王」，還很鬼馬，當12子大合唱時，Jer（柳應廷）想錫姜濤，但最後用手代替，但Edan見狀便趁機嘴對嘴偷吻姜Man，姜Man即時谷起面仔呆望Edan，繼而傻笑，搞笑又可愛！

首場危機處處

不過首場出現不少安全問題，可謂危機處處，好像Edan和姜Man在同一個位置叉錯腳，本來平坦的台突然有一級樓梯，令他們的心離一離。另外AK 唱《虎道門》時在升高的舞台跳舞，但舞台突然劇震一下，AK被搖晃兼失去重心，幸好他身手敏捷，立即傾前蹲下，有驚無險。而當12子唱《IGNITED》時，站在離地約五米的架空橋上，但成員在上面走動時橋不斷搖晃，令人擔心！有鏡粉在網上炮轟：「豆腐渣工程！」、「真心希望公司可以正視問題，我哋係要睇一個安全開心嘅演唱會，我哋淨係想睇12子嘅演出，我絕對唔介意餘吓落嚟嘅演出全部喺平地進行囉。」、「好擔心佢哋安全！但覺得12子好專業啊！繼續跳！臨危不亂，叻仔！」