標籤: 退休

專家身教-鄭穎珩心理學家-隔週二, 專欄

疫情下家庭困獸鬥怎辦?

疫情愈見嚴峻,很多家庭都寧願留在家裡,尤其是家裡有老有嫩的家庭。因為一家人多了時間在家,互相看到很多的問題,而一直存在的問題都因為過多時間相處而放大了。加上抗疫疲憊令大家心情煩躁,天天憂心自己會「中招」,情緒起伏大,令大家的包容度顯得更低。

父母都要在家工作,眼見孩子上網課時的不專心模樣已很氣結,又不可在上課時即時責罵已氣上心頭;上課沒心機下課對著平版電腦打機卻精神起來,為了讓孩子不礙自己工作,惟有讓孩子放題打機,久而久之打機已成為孩子的生活日常,很多家長會為要孩子這些壞習慣就打打鬧鬧,然而這方法沒有令孩子放棄打機,只會將家裡氣氛弄得更僵破壞親子感情。我一直覺得這並不是孩子的問題,而是家長一直一來的處理方法。如果本身家長都把電子產品「開通」了,要有效地減少難度就會提高了。如果孩子有別的興趣,例如看書畫畫,他們花在電子產品的時間就會相對減少。

長者退休後正享受黃金人生,以往都很多社交活動,可以天天和朋友飲茶閒談,亦會到長者活動中心上興趣班,多姿多采。面對來勢洶洶傳播力極高的第五波疫情,不單活動「清零」,而且長者幼兒及長期病患者成為高危一族,令家中長老不期然擔心自己隨時「中招」,憂心忡忡心情低落,常常為小事就大發脾氣令家人無所適從。長者常常會有「不想麻煩仔女」的心態,有心事有問題總想自己解決。這個艱難時光,不妨安排一些家庭活動,例如可以一起包餃子,和孩子一起下棋,閒談間可以和長者們談談笑笑,讓他們可以放下不安,投入愉快的家庭生活。

一家人多了時間在家,互相看到很多的問題,而一直存在的問題都因為過多時間相處而放大了。

面對「疫」境,大家天天擠在屋中,難免有些家庭衝突;最好的處理方法其實是儘量給大家空間,即使家裡環境不許可,也可以安排孩子在房間,自己在客廳。如果可以的話,不妨到樓下走走,即使20分鐘也足以放鬆心情,亦可以是兩夫妻、兩父子、兩母女專屬的小時光,這亦可以為天天黐在一起而產生的壓力紓緩一下!

臨床心理學博士鄭穎珩
娛樂

親解《鏡中鏡》 想默默做義工 姜濤希望退休時:大家覺得我係一個幾好嘅藝人

姜濤 在《2021年度叱咤樂壇流行榜頒獎典禮》蟬聯「我最喜愛的男歌手」,又憑《Dear My Friend,》奪得「我最喜愛的歌曲」,他今日到商台節目《叱咤樂壇》接受謝茜嘉訪問,問到如何慶祝,姜濤說:「 完咗頒獎典禮,第二日就係MIRROR MV嘅拍攝日,嗰日難得食足三餐,我當慶祝咗!平日會計住計住,嗰日花姐都覺得我好誇張,對我嚟講,人生除咗音樂之外,第二重要嘅係食嘢。」

姜濤
姜濤蟬聯「我最喜愛的男歌手」,他說:「 完咗頒獎典禮,第二日係MIRROR MV嘅拍攝日,嗰日難得食足三餐,我當慶祝咗!」
姜濤
姜濤今日到商台節目《叱咤樂壇》接受謝茜嘉訪問。

之後姜濤親述第9胎《鏡中鏡》誕生過程,他說:「其實入咗行冇耐,就漸漸擔心日後嘅路,除咗可愛或者得意形象之外,我仲有好多面未俾大家睇到,尤其是過去呢一年,慢慢質疑自己,因為外界都有好多質疑,尢其是上年攞咗『我最喜愛的男歌手』之後,更加多外界質疑,連自己都開始懷疑自己,到底我有乜嘢可以俾到觀眾呢?上年年頭,情緒一度好差,外界嘅聲音啦,自己內心對自己嘅聲音,身邊又發生好多事情,令自己覺得好似唔知自己做緊啲咩,我第一步解決嘅問題係,希望將真實嘅自己話俾大家聽,我係個咩人,將呢個攞出嚟之後,無論大家鍾意唔鍾意都好,起碼自己問心無愧!」

姜濤
姜濤親述第9胎《鏡中鏡》誕生過程。

姜濤指《Master Class》這首歌是一種反擊:「其實由年頭做咗《Master Class》之後,呢首歌係講反抗同反擊,比較衝動去做呢首歌,呢隻亦係攞完『我最喜愛的男歌手』之後出嘅第一首歌,有少少衝動同埋唔成熟,因為有太多個人嘅情緒,本身《鏡中鏡》呢首歌本來諗住喺《Master Class》出咗之後第二首歌,但當時冇咁完整嘅概念,因為想用更強硬嘅字眼去攻擊人,攻擊番攻擊我嘅人,第一想解釋,第二想反擊,冇咗第三共存嘅階段、其實《鏡中鏡》仲有一個階段係,係希望同呢啲嘢去共存,經過一年之後發覺,呢啲嘢係無止境,所有嘅聲音咩都好,只要你喺呢行就一定受到質疑,呢個係必然,所以你冇辦法同大家對抗,不如嘗試帶住呢啲聲音行落去!」

姜濤
《鏡中鏡》MV。

謝茜嘉問:「你最介意人哋話你咩?」姜濤話:「冇話最介意人哋話乜嘢,話乜嘢都有,會話:『你成日拍咁多廣告,你都唔係歌手嚟嘅!』類似種種嘅聲音都會令自己開始質疑自己,好彩後來內心另一個自己同自己講:『你冷靜啲先,一定仲有解決嘅方法!」姜濤之後寫了千字文給填詞人小克,訴說自己的感受:「嗰排有睇小克嘅書,都了解到小克老師嘅詞,佢所描述嘅嘢唔單只係市面上情歌咁簡單,佢可能係追尋緊人生更加多嘅意義,佢厲害到會解釋埋宇宙嘅定義,其實人生仲有好多事情去發掘,唔需要停留喺呢啲咁小嘅事情入面,所以我睇咗個本書之後,就覺得下一隻歌就搵佢寫。」他又說:「 呢隻歌雖然話係答案,準確啲來講係俾咗方向,唔會出咗呢隻歌之後,大家嘅抨擊會停止,但要自己內心嘅聲音嘗試同佢哋共存,我再次面對呢啲聲音嘅時候到,都會一笑置之!」

姜濤
姜濤之後寫了千字文給填詞人小克,訴說自己的感受。

小克的書牽涉很多因果、前世今生,問姜濤相不相信前世今生,他說:「 我以前唔信嘅,但最近都研究好多佛學嘅嘢,自己無啦啦會睇吓《莊子》、《老子》,所有一切嘅嘢,因為人與人之間都有一種緣份,我今日行到呢一步,都唔係淨係靠自己嘅努力,冥冥中都有啲力量幫我。我都好想知我前世係咩,其實我喺呢一世都有好多莫名其妙嘅記憶,唔知點解我心目中有個密碼,我所有嘅銀行帳戶都係用呢個Password,但嗰個密碼唔係有意義,唔係我嘅生日,我估係前世用開嘅密碼,真係好神奇!」

姜濤
姜濤很想知自己的前世是甚麼。

現在如何看藝人這身份呢?「三年後我覺得對artist有更加多嘅責任,不但喺唱歌方面邊,你嘅生活都要帶俾人哋更加多嘅訊息,例如其實我哋嘅粉絲一直以來幫我哋做好多善事,我哋當然都呼籲粉絲做善事,但我哋本身都要做多啲善事,我都有同花姐講話嚟緊俾我默默地去試吓做義工,希望用自己嘅力量去影響更多人!」

至於人生目標,他說:「之前話25歲退休誇張咗,依家冇話諗住幾多歲退休,一切順其自然,人生冇話一定嘅,可能下年,講笑,其實依家嘅我唔夠膽講有咩追求,我希望我嘅價值係離開呢行之後,大家覺得姜濤係一個幾好嘅藝人,希望離開嘅時候,大家記得我係姜濤,唔係姜B!」

監製Edward Chan大讚有親和力

今年奪得「叱咤樂壇監製大獎」的Edward Chan, 由姜濤第1胎《一號種籽》到第9《鏡中鏡》都有份監製,對姜濤有一定了解,Edward Chan昨日接受同一節目訪問。

今年奪得「叱咤樂壇監製大獎」的Edward Chan, 由姜濤第1胎《一號種籽》到第9《鏡中鏡》都有份監製,對姜濤有一定了解,Edward Chan昨日接受同一節目訪問,就大讚姜濤是一個好特別的藝人,而且很成熟:「好似 《Dear my friend,》呢件事,我係知個不幸,佢本來要錄音,但佢經理人通知錄唔到,一路我都唔知咩事,後來佢返嚟錄音都冇講過,好成熟咁處理。喺個部分完結嘅時候,佢就同我講想做首歌送俾朋友,佢問我好唔好,我話諗吓先,後來我哋擺低咗呢件事,但係大家感覺都係不如都做啦,我嘗試幫佢搵旋律,冇Official confirm過做,我之後send咗啲旋律俾佢聽,姜濤話幾好喎,不如就講呢個topic啦,好自然咁做咗出嚟,我會感覺到喺呢件事上面,佢處理緊個傷痛,係一個好成熟嘅做法,我覺得以一個二十幾歲嘅後生仔來講好難得!」

姜濤
監製Edward Chan大讚姜濤有親和力。

Edward又說:「其實阿姜都幾容易捉嘅,佢唔會修飾自己嘅情緒,但佢會好專業咁完成佢要完成嘅嘢。」謝茜嘉問:「作為監製嘅你有冇俾人姜濤電過?」Edward說:「其實佢確實好吸引人,佢嘅吸引來自佢嘅親和力,我覺得佢入面好大,佢藏咗好多嘢,佢有好強烈嘅親和力,我嘅family ,佢有時會喺studio見到,佢會對佢哋好好,而我嘅family覺得佢好吸引,想同佢傾偈,佢都好好。喺演藝方面,佢好清楚自己想點,同一時間佢好有決心去做嗰件事,你只會想盡自己嘅能力,幫佢達成心目中嗰件事。」