標籤: 郭嘉駿

娛樂

Ian、Jer做尾場嘉賓好驚喜  王菀之約定下世再見  張敬軒感動爆喊

張敬軒 紅館演唱會昨晚(29日)尾場,MIRROR成員Edan(呂爵安)、193(郭嘉駿)、谷德昭等前往捧場,昨晚皇上破天荒請了三位嘉賓,包括「皇后」王菀之,MIRROR成員Ian(陳卓賢)和Jer(柳應廷),令觀眾超驚喜!

張敬軒
張敬軒紅館演唱會昨晚尾場,昨晚皇上破天荒請了三位嘉賓,王菀之第一個出場。

王菀之第一個出場,她讀出寫給皇上的信:「張敬軒,你過得好嘛?沒見面的日子,我同你同好多人一樣,都係好努力咁追尋自己夢想,有時好困難,但冇放棄,因為放棄咗成為定局,但唔放棄一直行落去仲有希望,所以我哋彼此努力啦,無論將來點,我都祝福你未來有更多個廿年做你夢想嘅事,生活開心自在;幾年前我哋喺同一地方你問我,如果下一世遇唔番我點算呢?」此時皇上忍不住爆喊,王菀之說:「我會搵番你!」皇上回應:「多謝皇后!」兩人相擁,場面催淚感人!

張敬軒
王菀之讀出寫給皇上的信,約定下世相見,皇上忍不住爆喊!
張敬軒
兩人相擁,場面催淚感人!

第2位嘉賓是Ian,他送上自己第一架擁有的模型車:「皇上好好,教我好多嘢,銘記於心,做人一定要有目標,我將模型車送俾你先,他日我有真車,第一時間車你遊車河。」皇上勁冧:「阿叔我心都融晒呀,陰公!好珍貴,有歲月痕跡!」皇上知道Ian 6月生日,又說:「我好老實,特別而家收入唔多,廣告又唔夠你哋多,我啲廣告賣咗幾年都俾你哋搶咗,我見到你拍銀行廣告好開心,開心見到你哋喺樂壇有成績,好多人支持你哋,接受長輩祝福,我同你唱隻生日歌。」

張敬軒
第2位嘉賓是Ian。
張敬軒
Ian送上自己第一架擁有的模型車,皇上勁冧:「阿叔我心都融晒呀,陰公!」

至於壓軸出場的Jer收工趕到紅館做嘉賓,Jer送禮時拿出自己珍藏多年的《酷愛》CD說:「今次禮物我有少少私心,係隻CD,呢隻係我人生第一次買嘅CD,所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝,佢人生買嘅第一隻CD,就係我嘅碟,所以你送隻碟俾我幫你簽名。」見到皇上簽名,Jer即開心大叫︰「Yeah!多謝你呀!」場面搞笑!

張敬軒
Jer收工趕到紅館做嘉賓。
張敬軒
Jer送禮時拿出自己珍藏多年的《酷愛》CD請皇上簽名。
食玩

193紅磡開精品咖啡店Tanuki Coffee 打造太空艙風格+勸坐10分鐘好走

ERROR成員193(郭嘉駿)自開設時裝品牌Lilaboc後,最近聯同3位中學同學投資二百多萬,於紅磡開設精品咖啡店。咖啡店以太空艙和日本狸貓做主題,並以狸貓的日本字Tanuki作店名,打造一間於舊區內,既日系又科幻的新式咖啡店。

193與SHO、Adam和Ringo是中學同學,也是透過籃球隊去建立友誼。過去4人經常尋覓香港大大小小的打卡Cafe,亦讚歎日本和韓國不斷有新式咖啡店冒起,惟香港欠缺獨特風格的咖啡店。經過約4年時間,4人決定創立一間有特色的精品咖啡店。

Tanuki Coffee
今日193(前排右)及3位合伙人SHO(前排左)、Adam(後排左)和Ringo(後排右)接受傳媒訪問。

由於店舖座落的商場正在打造日本飲食街,所以4位也決定配合商場概念,以日本狸貓作生招牌。4人力撐本地製作,邀請本地師傅逐片瓷磚砌成店內椅子,並尋找本土烘焙店協助研發麵包。

原本打算去年12月底開張,奈何因疫情關係一直順延至今,4人透露基於已一早聘請員工,所以薪金加上租金已虧蝕了20至30萬。不過他們對營運抱有信心,希望1年內可以回本。

問到ERROR成員有否落店支持,193表示成員工作繁忙未有前來,不過阿Dee(何啟華)現正拍劇,193也有為劇組送上店內美食。

Tanuki Coffee
店舖吉祥物為黃色的日本狸貓,由商標到店內擺設都滿布其足跡。193表示這個3D打印的狸貓成本相當昂貴,奉勤大家切勿觸摸。
Tanuki Coffee
193認為店舖需要加入一款搶眼顏色,要人「一望就諗起」,於是加入黃色元素。
咖啡店以太空艙做主題,整間店舖的天花板都由頭裝修過。

講到研發食材,4人力推這款為店內第一款被研發出來的Brown Cheese Croffle。鬆餅由牛角包製成,再配上雪糕、忌廉和Brown Cheese。他們表示Brown Cheese貨源極少,只能透過「搭單」於挪威訂購。

Tanuki Coffee
挪威Brunost芝士Croffle $98

過去193曾透露新店「明呃你錢」,今日他與合伙人接受本刊訪問時就表示,坊間咖啡店經常以低成本的牛油果和雞蛋入饌,售價竟然達3位數字。193笑言:「不過我哋再Cheap啲,牛油果都要幾蚊雞,我哋用洋蔥代替。」又道:「我哋真心有良心,因為其實我哋本身Set咗個冇良心嘅價錢出嚟,跟住我哋諗,真係好冇良心喎大佬,跟住改返個價錢。」合伙人Ringo續:「同埋啲料係高質嘅,你可以食得出同出面普通嘅麵包真係有啲距離。」店舖亦有黑、白咖啡、梳打、朱古力等提供,定價為$35至$68不等。

193認為會有不少「前夫」被要求陪伴另一半前來打卡,相信Croffle未能令他們飽肚,所以再研發出3款專屬前夫的爆餡Egg Drop。有多年餐飲業經驗的Adam表示,他們尋求本地烘焙店為他們研發這款厚多士:「唔係普通一塊方包,你食過就知。」

Tanuki Coffee
小龍蝦沙律Egg Drop $98
Tanuki Coffee
經典Egg Drop $85
照燒牛肉Egg Drop $88

對於「明呃你錢」的說法,193和合伙人表示會出周邊商品,包括限量版Tee恤、杯和Tote bag,賣完一批後會出雨傘等其他商品。各位粉絲準備好支持了嗎?

193透露4款Tee恤數量非常有限,等粉絲搶!

Tanuki Coffee
開業日期:4月10日
時間:待定
地址:紅磡馬頭圍道63號啟岸地下18號鋪

娛樂

193網店退款回覆:定係燒俾你 網民批態度差 老婆力撐

人氣男子組合ERROR成員193(郭嘉駿),今年4月因寸無綫「收視得幾百部電視機 」而爆紅,不過昨日有網民在連登討論區開post,指自己今年1月在193經營的網店LILABOC付款$319買帽,不過遲遲未收到貨,於是在2月和8月向網店查詢出貨和退款事宜,但得不到任何回覆,最終選擇在網上公開事件。

193網店即日在IG上載與該網民的對話截圖澄清,表示寫明9月尾先截單,預計約一個月內寄出貨品,似乎是誤會一場,不過193網店的回覆頗為寸嘴,如:「係咪唔識中文?」、「一月入錢嚟做乜X?」、「文盲?」、「定係燒俾你」,又說:「唔係佢公審我先咩?咩年代,仲罵不還口?」、「我不嬲對住啲我唔鍾意嘅人都係冇禮貌㗎,唔鍾意就唔好買囉!」網店還公開退款截圖,但該網民指因網店公開其PayMe戶口名和頭像,於是去信私隱專員公署投訴。

之後部分網民矛頭直指193,抨擊回覆態度差兼公開客人資料:「 無貨俾人,追咗咁耐都唔覆,要人擺喺連登,你先俾返錢人,仲要發悔氣話人怪人,響埋人地名 !」、 「對佢好失望!」、「牽涉到錢銀嘅嘢,你自己又唔得閒就應該請條友睇!」不過亦有很多老婆(193粉絲專稱)力撐193:「193冇錯喎!」 、「永遠支持老公193! 」、「最樂意俾你呃錢,唔係,係俾你賺錢先啱。」

人氣男子組合ERROR成員193,今年4月因寸無綫「收視得幾百部電視機 」而爆紅 。
有網民1月在193經營的網店LILABOC買T-shirt不過遲遲未收到貨,又得不到任何回覆,於是在網上公開事件。193網店即日在IG上載與該網民的對話截圖澄清,表示寫明9月尾先截單,似乎是誤會一場。
不過193網店嘅回覆頗為寸嘴,如:「一月入錢嚟做乜X?」、「文盲?」、「定係燒俾你」。
193網店又說:「唔係佢公審我先咩?咩年代,仲罵不還口?」
193再說:「我不嬲對住啲我唔鍾意嘅人都係冇禮貌㗎,唔鍾意就唔好買囉!」
該網民指193網店公開了其PayMe戶口名稱及頭像圖片,於是去信私隱專員公署投訴。
部分網民矛頭直指193。
部分網民抨擊193網店回覆態度差兼公開客人資料。
不過亦有很多老婆(193粉絲專稱)力撐193:「永遠支持老公193!」