標籤: 金宵大廈2

娛樂

樂易玲 用真電話開IG帳戶「玲速傳播」  仿傚鄭嘉穎廣告拍片  憶方逸華送620電話號碼

人稱「樂小姐」的樂易玲還有另一外號「620」,為了拉近與觀眾、網民的距離,最近利用自己真實電話號碼「62000000」在IG開設「62000000callme」帳戶,與普羅大眾分享邵氏及TVB藝人最新動向、旗下藝人工作日常,甚至是自己與圈中人一些鮮為人知的故事。為隆重其事,樂小姐特別參考鄭嘉穎經典廣告,利用「620五個0 call我」拍攝宣傳照作為第一post,拍攝當日向衛志豪借用電單車,樂小姐自備紅色皮褸型爆登場,衛志豪則在旁邊教授擺pose、拎頭盔貼士,最後只花了十五分鐘左右就順利完成。

樂小姐縱橫電視圈數十年,與方逸華方小姐關係密切,細心的方小姐更會為樂小姐搜羅各式各樣620系列物品,樂小姐於其中一個post透露「62000000」這組珍貴電話號碼是由方小姐多年前專程購入,連同當年最新款手機送給自己,另外還有幾個「620」車牌,每一份都是非常珍貴的禮物,現在看到620系列物品都會睹物思人。而樂小姐一直都會留意旗下藝人動向,陳山聰主演的《金宵大廈2》正在熱播中,先前就車輪轉接受訪問,樂小姐則以「620CCTV」分享花絮片段。音樂方面,兩位同樣來自《超級巨聲2》的吳業坤及胡鴻鈞將會入錄音室正式錄歌合唱主題曲,原來「坤+鈞」從未正式合作過,難怪兩人收到消息都O晒嘴!

樂易玲
樂易玲最近利用自己真實電話號碼「62000000」在IG開設「62000000callme」帳戶。
樂易玲
樂小姐特別參考鄭嘉穎經典廣告,利用「620五個0 call我」拍攝宣傳照作為第一post。
樂易玲
拍攝當日向衛志豪借用電單車,樂小姐自備紅色皮褸型爆登場。
樂易玲
樂小姐在IG透露「62000000」這組珍貴電話號碼是由方逸華多年前送贈!
娛樂

【專訪】感激老婆陪伴走過低潮 陳山聰:遇上佢係我一生最大福氣

45歲的陳山聰近日因主演《金宵大廈2》而人氣急升,入行30年的他並非一帆風順!山聰92年因參加《歡樂今宵》劉德華模仿大賽而被華仔賞識,翌年成為華仔公司New Melody力捧歌手,推出過兩張大碟。可惜97後香港經濟低迷,山聰北上拍劇後面臨失業,於是轉行做Sales賣牛仔褲,月薪只得3千多元,之後輾轉在2000年加入無綫。

2011年山聰和賭王何鴻燊三房長女何超雲拍拖,因為戀愛大過天而耽誤事業,2013年分手後陷入低潮,之後在友人介紹下認識現任太太何麗萍(Apple),重新振作,重返無綫拍劇。現時婚姻美滿、育有囝囝Jaco的山聰接受本網專訪,剖白人生低潮時幸得家人和太太何麗萍(Apple)無限支持,並坦言:「遇上太太係我一生最大福氣,佢一定係我一生最愛!」

娛樂

《金宵2》網民熱估誰是小三 陳山聰爆:同施嬅嘅愛情跟上季有呼應

陳山聰、李施嬅主演的無綫劇《金宵大廈》,2019年播映時被封為年度神劇!《金宵2》已熱播一星期,首周收視雖然只有18.8點(觀眾人數約122萬),但贏盡口碑,在內地「豆瓣」評分高達8.5,比《金宵大廈》8.4還要高!陳山聰接受本網專訪,對於他和李施嬅劇中關係撲朔迷離,他說Maurice一定有小三,還大爆兩人的愛情故事跟上季有呼應!

娛樂

伍詠薇大讚姜濤:好勤力,我幾like佢 坦承亡夫係真愛 同練海棠性生活激減

伍詠薇 和蘇皓兒近日在《金宵大廈2》最新單元《雙魚》演出,演技大爆發,令人驚喜!53歲的伍姑娘接受林柏希主持的網上平台BOX channel節目《月傾會》訪問,大談為演神經質阿媽芬姐,刻意減磅,整個人又凹又乾:「本身我都唔係肥底嘅人,我特登跌磅跌到去47 kg然之後再dehydrate(脫水),拍緊嘅時候唔飲水、唔食嘢再dehydrate,乾住唔上妝!」非常專業!問她有沒有介意要演蘇皓兒阿媽,一貫真性情的伍姑娘說:「黐線㗎!我之前做過黃宗澤阿媽啦(《飛虎之潛行極戰》)!」

伍詠薇
伍姑娘接受林柏希主持的《月傾會》訪問,大談為演《金宵大廈2》神經質阿媽芬姐,刻意減磅。
伍詠薇
伍詠薇不介意要演蘇皓兒阿媽。
伍詠薇
伍詠薇在《金宵大廈2》表現出色,令人驚喜!

想同姜濤談戀愛

問伍姑娘有沒有留意現今樂壇,不得不提最紅的MIRROR,伍姑娘說:「193最近嗰隻歌都幾好聽喎!仲有姜濤 《蒙着嘴說愛你》嗰啲啦,我覺得佢好勤力囉,我幾like佢,如果佢做我個仔,我會教得佢更加好!」如果有套戲新開找伍詠薇搭姜濤,想做母子?還是姊弟戀?伍姑娘說:「母子啦!」不過她想了一會又說可以用西片《畢業生》條橋:「姜濤鍾意咗我,我其實係阿姜濤同學嘅阿媽嚟嘅,咁就得!」

伍詠薇
伍姑娘大讚姜濤:「我覺得佢好勤力囉,我幾like佢!」
伍詠薇
伍詠薇有聽姜濤的《蒙着嘴說愛你》!
伍詠薇
伍姑娘說:「193最近嗰隻歌都幾好聽喎!」

婚姻危機變轉機

談到婚姻生活,林柏希直接問:「依家嘅性生活愉唔愉快?定係dry咗好耐?」真性情伍姑娘說:「性生活少咗好多,因為對咗同一個樣二十年,你試下對一個女人二十年,靚到李嘉欣咁樣呀,都要搵阿伍詠薇啦!」多久一次?「唔定㗎喎,咁八年都有一次嘅!你問我問題,你理得我點答你啫!」認真抵死!

談到老公練海棠曾被拍得同妙齡少女出街,當年伍姑娘選擇原諒:「我個人自己食嘢都……我係唯靈嚟嘅,食家,哈哈哈!我係冇嬲,我反而第一係諗吓自己,呢件事發生一定有原因,自己有咩問題,有冇問題,有問題,咁佢更加有問題啦,所以你嘅問題大啲,我嘅問題都有我嘅問題存在,大家商討囉,傾得埋就合,傾唔埋就分手!」婚姻危機變轉機,現在伍詠薇和老公練海棠更加珍惜對方!

伍詠薇
伍姑娘大爆性生活激減:「 咁八年都有一次嘅!」

忘不了亡夫翁江培

提到亡夫翁江培,伍姑娘說如果當年不是翁江培提議她選亞姐,她很大可能已經行了另一條歪路:「我成日諗,我做乜嘢呀,我可能『華燈初上』咗!如果冇支明燈點過我,我應該會行歪路多,我覺得應該會做咗啲名媛呀,名媛唔係話壞呀,名媛之前呢,我應該會做咗,送上千萬溫柔嗰啲囉,舞小姐囉!」

她又說:「呢個明燈,亦都係我第一個丈夫,冇血緣關係但係最親密嘅人,佢教我最多嘢,係我老師亦都係我丈夫、係我明燈。如果冇佢教我點樣用第一張信用卡,我唔會去到今日咁有骨氣嘅伍詠薇!我係掛住你㗎,翁,所以我覺得啲人話我生命裏面咩遺憾,真係陰功呀,咩陰功啫,上天有好多嘢安排晒,我無悔第一段婚姻,因為第一段婚姻,令到我學識好多嘢,同埋係我真愛!」

伍詠薇
提到亡夫翁江培,伍姑娘說:「 係我真愛!」

「芳華絕代」男星 一個玩失蹤一個醉酒

去到重頭環節《大膽答 冇膽食》,今次預備了伍姑娘最怕的食物—榴槤!林柏希先問入行33年的伍姑娘,遇過令她發脾氣的對手是誰?竟然有兩個,伍姑娘雖然沒有開名,不過就大爆:「兩個字,男人,兩個!失蹤唔到、另一個飲醉!」男星A玩失蹤、男星B就入廠拍劇拿着汽水罐,原來入面是是酒:「因為我同呢個人真係好多戲。(成浸酒除?)唔,真係汽水味囉,但一身酒氣!」問她是否亞視年代?伍姑娘說:「我仲去得邊度呀?」她給了四個字提示:「芳華絕代」!這四個字,大家猜到哪兩位男星嗎?

再問伍姑娘,最曳做過哪一件事?「最曳嗰件事咪讀中學嗰時,被迫踢入三合會囉,跟住咪1個打14個,我勁過甄子丹!」感情上面最曳呢?「溝人哋老公囉!」溝了多少個有婦之夫?「計唔到……計到,五個以內啦!」大膽答,不過伍姑娘都捱義氣吃了榴槤!

回顧入行歷史,伍姑娘出身1989年亞姐,當年冠軍翁虹、亞軍萬綺雯、季軍趙靜儀,屬頂頭大熱的伍姑娘只獲「最上鏡小姐」。問她當年最不喜歡誰?「又係兩個字呀!翁虹其實係炒作到我同佢唔啱咋嘛!冇乜特別憎,當時可能憎幾嘢咁囉,即係可能覺得你咁樣撥吓啲頭髮,作狀,作狀到佢;萬綺雯『耶』一聲咁樣,作狀,即係呢啲囉!」

伍詠薇
去到重頭環節《大膽答 冇膽食》,今次預備了伍姑娘最怕的食物—榴槤!

還原被女高層羞辱事件

談到她2013年曾經離開TVB,當時有報道指伍姑娘曾被女高層羞辱!林柏希叫她還原實況:「當日就喺一個conference room,約咗我開會,再傾吓個角色!」伍姑娘立即女高層上身:「其實講晒㗎喇,你知唔知呀,林柏希(假設)做主角,林柏希都未知個劇情係點樣呀,你伍詠薇已經知咗好多㗎喇!」

伍姑娘回憶:「跟住鬧到我呢,我開始唔反駁喇,因為見到你咁燥底,我識咗你咁多年,你咁燥底,我咪開始唔反駁。我話,唔係,我都係想嚟問一問呢個角色啫,佢就執住呢一樣嘢,話你要咁多戲做咩啫,得呀,我寫好多場俾你都得,你咪棟喺度,即係something like佢冇話丫鬟,未必係呢兩個字!」伍姑娘繼續女高層上身:「林柏希都未必鍾意你做㗎!」

伍姑娘話:「我嗰吓真係着啦!我真係走,我話唔該晒,咁我考慮一下,佢話,咁咪好啦,你唔做嘅話呢,我哋搵第二個做呢個角色!」伍姑娘還說一年之後,另一個女高高層先搵返佢了解詳情:「一年之後,有一位高高層問我,到底嗰日發生咩事,點解你唔作出解釋!」

伍詠薇
伍詠薇還原被女高層羞辱事件。
娛樂

《金宵大廈2》鄭子誠獲讚超奸值得攞獎 李施嬅出浴搶眼 陳山聰全裸現優質股

金宵大廈2》由陳山聰和李施嬅主演,播出後口碑不俗,劇情燒腦又緊湊,網友表示:「又要驚又要睇!」頭兩晚單元故事「七樓半」,講述于洋、鄭子誠和曾展望三爺孫為了單位的業權而不顧親情,于洋意外遭鋼質飲管插死後驚現「詐屍」,鄭子誠和曾展望為免于洋之死影響單位繼承權,決定合力隱瞞,卻被李施嬅撞破,鄭子誠遂下毒手欲鍊死施嬅,但金宵大廈再度發生異動,李施嬅被陳山聰救走, 鄭子誠和曾展望先後返回骨灰場,還因離奇的「人體自燃事件」齊齊燒死,三位演技都被網民激讚!

金宵大廈2
《金宵大廈2》頭兩集單元故事「七樓半」,講述于洋、鄭子誠和曾展望三爺孫為了單位的業權而不顧親情,昨晚于洋意外遭鋼質飲管插死後驚現「詐屍」。
金宵大廈2
鄭子誠和曾展望為免于洋之死影響單位繼承權,決定合力隱瞞!
金宵大廈2
李施嬅乘𨋢踫到已死的于洋,嚇破膽!
金宵大廈2
鄭子誠遂下毒手欲鍊死李施嬅。

老戲骨于洋的肢體動作被網民大讚活生生演繹「屍變」 ,鄭子誠獲盛讚「陰謀情人歸位」、「陰謀誠演技超班,今年應該有獎吧!」三人受訪時讚《七樓半》故事過癮兼且有教育意義:「為咗個錢字搞成咁,人為財死,鳥為食亡。」當中年資最淺的孫仔曾展望,除了感謝「老竇」鄭子誠幫忙帶其入戲外,更自爆在自焚場口險誤傷子誠「男人最痛」:「佢最慘係要俾我哋責住晒,咁啱我係爭啲砸中佢重要部位!」

金宵大廈2
之後李施嬅被陳山聰救走。
金宵大廈2
之後陳山聰叫李施嬅忘記自己。
金宵大廈2
鄭子誠和曾展望先後返回骨灰場,還發生「人體自燃事件」!
金宵大廈2
三爺孫最後被燒死。

至於陳山聰飾演的 Maurice在七樓半勇救李施嬅飾演的Ella後,忍痛叫Ella忘記自己,之後竟忽然全裸跌落金宵大廈的天台上,耐人尋味!監製葉鎮輝(阿細)就大賣關子謂: 「山聰點解會全裸喺天台出現呢?大家睇到最後就會知道㗎喇,因為講少少都會穿橋,你哋到時睇完晒,我再解釋俾大家聽佢點解全裸啦。(山聰知道要拍全裸戲有冇掙扎?) 我同佢互相信任,我話點佢就點㗎喇,佢完全唔會過問我,話拍就拍。」 對於山聰全裸演出,網民表示震撼,還大讚山聰是優質股。而昨晚李施嬅和趙希洛的出浴戲同樣吸睛,網民還笑言在上季演活「搶 B 狂人」的趙希洛今季太「正常」,令他們不太習慣,期待她盡快露出瘋狂本色!

金宵大廈2
之後陳山聰竟忽然全裸跌落金宵大廈的天台上,耐人尋味!
金宵大廈2
對於山聰全裸演出,網民表示震撼,還大讚山聰是優質股。
金宵大廈2
昨晚李施嬅和趙希洛的出浴戲同樣吸睛。