懷第三胎的鍾嘉欣，在社交網站開直播，大談近況和湊仔經，更分享孕期和坐月用保健食品，而直播中鍾嘉欣全程坐着，見她容光煥發，皮膚亦很滑溜，期間她透露今次誕下第三胎後便會「封肚」，實行三個就夠晒數！
鍾嘉欣先後誕下大女Kelly和二仔Jared，今年再懷第三胎，她在直播中自言心情緊張：「可能第一胎咩都唔識，好勇敢，反而第三胎有少少緊張，而Kelly同Jared非常興奮，兩個小朋友討論緊邊個幫妹妹換片，邊個負責餵奶，邊個嚟幫我，佢哋好期待同妹妹玩。我哋好期待一家五口嘅生活，冇諗過咁快由一家四口變成五口，要重新適應新成員加入。」
鍾嘉欣續說第三胎跟以往一樣都是選擇順產、在家中自然分娩，認為此方法是最安全、最自信、最自然，同時她亦宣布生完第三胎後「封肚」，故此今次懷孕她特別影家庭照留念。而鍾嘉欣又指最近每日都十分忙碌，一邊廂要為新成員準備所需用品，另一邊廂又要安排Kelly和Jared返學所需東西，但她指一切都值得。此外，鍾嘉欣又表示今次直播之後，她會專心照顧三名子女，因為要照顧兩個小朋友已經不易，要照顧三個小朋友，對她來說是新挑戰，預計「生命又再翻轉一次」，所以要過一段時間後才再跟大家見面。
鍾嘉欣2015年閃嫁脊醫老公Jeremy，育有大女Kelly和二仔Jared，鍾嘉欣昨日38歲生日，今日就在社交平台宣布第三度懷孕：「我們很高興地宣布，我們期待今年會有一個小虎。🐯非常感謝大家的生日祝福。我的心和手現在都滿了。❤️✋而且，我真的很餓……🤰🏻🍩🎂🍰#happybirthday #38yearsyoung #april9」令粉絲相當驚喜！嘉欣沒有透露今胎是兒子還是女兒，不過她貼出BB超聲波相，和一對子女親吻腹中BB的相，幸福滿瀉！
「萬千星輝頒獎典禮2021」今晚在電視城舉行，結果狄龍兒子譚俊彥憑《換命真相》，擊敗馬國明和張振朗，首奪最佳男主角，加上他同時奪得「馬來西亞最喜愛TVB男主角」，成為雙料視帝！譚俊彥爆喊講感言：「多謝TVB、多謝樂小姐，多謝志偉哥，我想同媽咪講聲對唔住，呢幾年我一直好少打電話俾你，唔係我唔愛你，係因為姓譚嘅男人所有嘢都會擺喺心度，媽咪I love you！爸爸，上個禮拜我個仔比賽攞咗個獎，我開心過自己攞獎，我今日好榮幸將呢份喜悅帶俾你，多謝你！最後我想多謝我太太， I love you，老婆你係我嘅全部，冇咗你，我唔會攞到呢個獎，我愛你！」
鍾嘉欣奪馬來西亞視后
至於林夏薇就憑《七公主》擊敗大熱鍾嘉欣，首奪最佳女主角，她講感言時說：「首先我要多謝投票俾我嘅觀眾，多謝TVB，我由零四年開始讀戲劇學院，直到今日我有機會喺呢個台度攞呢個獎，大家都話台上一分鐘台下十年功，我資質唔夠好，我用咗17年，好多謝公司俾咗好多機會我。我記得戲劇老師第一日同我講，要學做戲先學做人，要堅定自己嘅初心堅持落去，好彩我冇放棄，多謝我嘅老師。多謝《七公主》台前幕後兄弟姊妹，多謝其他六個公主，多謝所有用過我嘅監製，最後多謝我fans同埋屋企人，多謝你俾我無條件嘅愛，特別係媽咪！ 」
而失落「最佳女主角 」的鍾嘉欣則奪「馬來西亞最喜愛TVB女主角」，她說：「我好耐冇返嚟，長大咗啦，多謝所有有份投票嘅觀眾、馬來西亞嘅粉絲，我唔知將來有冇機會上到呢個台，眨吓眼已經入行17年，真係好快，除咗幕前風光，其實我哋喺電視圈要站穩一個好嘅位置，需要付出同汗水。我好多謝TVB呢個母校，我衷心祝福TVB繼續做好啲，用心對待演員，多謝大家，多謝TVB，多謝馬來西亞！」
馬明奪「最受歡迎電視男角色」O嘴
馬國明憑《星空下的仁醫》況叢昕一角，第四度奪得「最受歡迎電視男角色」，他再現經典O嘴樣說：「嚇親！冇諗過攞到獎，多謝每位工作人員，多謝大家繼續支持我，thank you！」十分搞笑！而「最受歡迎電視女角色」由李佳芯奪得，她講感言時說：「我對上一次攞獎係三年前，今年我覺得個氣氛好好，多謝你哋，呢個獎係我最想攞嘅，多謝一班無條件愛我嘅人，我屋企人，身邊一直好錫我嘅人，每次拍劇我都爛面，每次都要求攝影師打燈，打返滑啲皮膚，可能呢啲係份內事，但每日都拍到朝早先收工，做多做少我看在眼裏。多謝每個角色喺你哋心裏面，希望我會繼續學習繼續蛻變！」
陳自瑤大熱奪「最佳女配角」
「最佳女配角」由大熱陳自瑤憑《寶寶大過天》奪得，她激動說：「我入咗公司17年，我終於有機會喺呢個台上面，真係好唔容易，多謝公司咁多年對我栽培，我好多謝珍姐，呢個角色係你俾我嘅，我冇令你失望，多謝樂小姐，每一次我想放棄嘅時候，我好記得你同我講，留喺度仲有機會，我今日終於等到呢個機會。好多謝志偉哥、祖藍俾咗好多嘗試我，好多謝我partner張頴康，多謝《寶寶大過天》台前幕後所有工作人員，辛苦大家！多謝咁多年俾個我機會嘅每一位監製，我想特別多謝Liza姐，佢俾咗好多鼓勵我，你永遠係我嘅榜樣。我多謝所有錫我嘅朋友，同埋一路支持我嘅朋友，最後我要多謝屋企人，多謝所有屋企人，同埋好愛惜我嘅朋友！」
多謝所有家人，明顯包括老公王浩信，王浩信得知老婆得獎後，立即在IG story恭喜老婆說：「Congratulations！」兩公婆明顯破冰！去年老公王浩信奪視帝公開感謝她時，陳自瑤被指「黑面」，但早前她在社交網上載入圍名單時，老公王浩信便罕有點讚加持，而王浩信拍內地電影《兵王之絕境狙殺》，陳自瑤亦有留言：「支持！」隔空傳愛！
而「最佳男配角」則由朱敏瀚憑《換命真相》奪得，他說：「多謝珍姐，我平時唔係好識表達自己，所以希望俾多啲唔同嘅角色我，多謝樂小姐，多謝志偉哥，多謝張振朗，我會繼續努力！ 」唯獨沒有多謝女友余思霆。
《七公主》爆冷奪「最佳劇集」
「最佳劇集」由《愛美麗狂想曲》、《逆天奇案》、《七公主》、《換命真相》和《星空下的仁醫》爭獎，其中《逆天奇案》是無綫全年最高收視劇集，平均收視26點，大結局最高收視更有30.2點，成們全年唯一衝破30點的劇集。而《星空下的仁醫》實地取景，拍攝認真，演員陣容鼎盛，亦是大熱之一，結果由《七公主》爆冷奪得，而《星空下的仁醫》只能拿下「馬來西亞最喜愛TVB電視劇集」。
上月播完的電視劇《星空下的仁醫》，劇情描述鍾嘉欣飾演的章以芯懷孕，盼望着BB出世，然而因出現併發症而須緊急接受剖腹產，BB出生後並無顯示生命跡象，經鄭嘉穎飾演的兒科醫生努力搶救後依然返魂乏術，宣告死亡，令鍾嘉欣極度悲傷。
劇中值得一讚的是，那個BB道具實在造得太像真，連我們一衆醫護同事也大感驚奇，令我們容易投入劇情，真想去參與急救BB呢！然而劇情中形容這個是「流產」狀況，就不正確了；當胎兒少於24週而再沒有心跳，我們才稱之為「流產」，而劇中的鍾嘉欣腹大便便地工作，BB被救出時又有相當重量，應稱之為「胎死腹中」。
另外，劇情提及到鄭嘉穎特意隱瞞BB「胎死腹中」的真相，而向鍾嘉欣撒謊說BB出世時還有心跳，只是他本人急救做得不夠好，以致BB救不活；在現實的臨牀環境中實在難以竄改病歷，因急救BB牽涉多個醫護人員，各自都會對實況作出記錄，但終歸是戲劇，相信觀眾都明白其用意，希望悲傷中的產後媽媽不要對自己未能「養活」胎兒到最後一秒而感內疚，於是將「胎死腹中」改為「新生嬰兒死亡」。
在Peg姑的助產生涯中，也有經歷上述不幸事件。記得有位第二胎媽媽帶着強烈陣痛入院，進產房不夠五分鐘BB就出生了！BB沒有任何生命跡象，經過一輪搶救後，最終宣告死亡。由於媽媽入院時痛到一直掙扎，駁上胎兒心跳儀器時未能成功偵測到BB心跳，他便已出世了，於是未有證據顯示胎兒入院時仍存活着，因此最終被診斷為「胎死腹中」。
面對胎兒或嬰兒離世的父母，實在悲痛慾絕，需要適切的處理及關愛，下期詳談。
近日大家經常見到我們，猜猜我們是誰！
左邊開估：鍾嘉欣
鍾嘉欣和鄭嘉穎、馬國明主演的台慶劇《星空下的仁醫》正在熱播，無綫早前發布劇中演員的「限量珍藏Solo Poster」，最大亮點是每位主角身上的醫生證，都隱藏了他們的童年照，被網民大讚有心思。而飾演醫生的鍾嘉欣更被網民大讚喊功一流。其中一集講述章以芯（鍾嘉欣飾）為何太（姜麗文飾）的女兒睿睿做手術，但手術期間波折重重，令章以芯非常難受，向許甘楓（鄭嘉穎飾）哭訴：「可能因為我就嚟做媽咪，所以感覺到原來面對死亡係幾咁難受。」幸好最後章以芯想出方法，成功做手術救回睿睿。不少網民讚嘉欣演技大爆發，支持她拿視后：「 今年嘉欣冇獎冇天理！」
右邊開估：羅子溢（前名：羅仲謙）
曾有大隻謙稱號的羅子溢小時眼仔碌碌，相當可愛。他在《星空下的仁醫》飾演兒科醫生，現實中他和楊茜堯（前名楊怡）育有女兒羅翊心，一家三口樂也融融。兩人由拍拖到結婚相識十年，月初兩人踏入結婚5周年，楊茜堯在IG貼出兩人甜蜜合照放閃，相中寫着：「Love You，那就在一起，晨曦與落日！」更留言：「Happy anniversary，thanks for being in my life，兩個人相愛，不是因為你多喜歡對方的優點，而是你能否容忍對方的缺點，夫婦相處之道。不經不覺又一年，5周年快樂，相識至今10年，我們都要身體健康喔！」最浪漫是羅子溢的IG只follow老婆一個，難怪楊茜堯冧爆！
