標籤: 鏡中鏡

娛樂

姜濤 孖湯令山、Tyson Yoshi排舞 姜糖興奮:好鐘意呢個組合

姜濤今年蟬聯「叱咤我最喜愛的男歌手」,又憑《Dear My Friend,》奪得「叱咤樂壇我最喜愛的歌曲」,他講得獎感言時說:「今年好多人覺得我唔知自己講緊啲乜,我喺呢個地方我有信心講,我哋香港一定係亞洲第一!」之後他在IG大讚22歲的創作男歌手湯令山:「特別多謝今年我最喜愛新世代音樂人及合作夥伴Gareth @gareth_tong(#湯令山) ,令我在頒獎禮上『口出狂言』的其中一個原因是見到你,好欣賞你的才華,希望可以繼續合作,發掘廣東歌更多可能性。我會努力,希望有一日可以做到對得住『歌手』這個身份和獲得的所有榮譽。」而姜濤新歌《鏡中鏡》,湯令山就有份作曲、編曲和監製,可見他甚有才華。

姜濤
姜濤今日在IG貼出新相,並留言:「開工大吉!」
姜濤
姜濤手執的利是封上印有「姜喜發財」字眼,相當特別!
姜濤
姜濤大讚湯令山有才華。

昨日姜濤上載他和湯令山,以及Tyson Yoshi一起排舞的片段,並留言:「 Dance for the first time you guys!」Tyson Yoshi亦是姜Man好欣賞的歌手,三人一起跟跳舞老師Rock Sir練舞,有板有眼,雖然湯令山在IG留言:「難!」Tyson Yoshi說:「 很赤裸!」但已經令姜糖超興奮,猜測三人合作出新歌,並留言表示期待:「 難道三位合作跳唱歌?」、「姜濤的天空愈來愈廣,喜見他交了新朋友,而且志同道合,一起合作,一起推動樂壇,帶入新元素,期待合著的誕生。」、「好鐘意呢個組合,希望姜濤同佢哋多啲一齊合作,一齊創作多啲音樂,一齊衝出亞洲!」、「最緊要姜濤開心!」、「期待第十胎!」

姜濤
姜濤上載他和湯令山,以及Tyson Yoshi一起排舞的片段,並留言:「 Dance for the first time you guys!」
姜濤
湯令山在IG留言:「難!」
姜濤
Tyson Yoshi說:「 很赤裸!」
姜濤
Tyson Yoshi都是姜濤欣賞的音樂人。
姜濤
姜糖看後超興奮,猜測三人合作出新歌:「 難道三位合作跳唱歌?」
姜濤
有姜糖留言表示:「好鐘意呢個組合,希望姜濤同佢哋多啲一齊合作,一齊創作多啲音樂,一齊衝出亞洲!」
娛樂

《答案 最終章》回母校面對過去 姜濤:人哋睇我好高峰嘅位置,其實我跌得好低

姜濤 紀錄片最後一集《答案 最終章》今晚播出,片段一開始就播出姜濤接受網紅加蔥訪問,姜濤指自己不喜歡姜B這個名,連姜濤這個名字都不喜歡,入行想改時已經太遲。之後就播出姜濤憑《Dear My Friend,》奪得「叱咤樂壇我最喜愛的歌曲」的片段。此時姜濤表白感受:「可能人哋睇我好高峰嘅位置,但其實我真係跌得好低,可能你睇嘅嘢係相反,可能你睇到嗰個人同嗰個人真心諗嘅嘢係完全相反,所以千萬唔好太容易去定義一個人,冇人能夠定義到!我入行一兩年可能仍然有比賽光環,但係漸漸到咗第三年,攞埋個獎之後,自己俾自己嘅感覺開始唔同,自己care嘅嘢多咗,每個人講一樣我唔好嘅嘢,我都會好執着,喺度諗一啲好無謂嘅嘢,跟住愈嚟愈唔開心。」

姜濤
姜濤紀錄片最後一集《答案 最終章》今晚播出,片段一開始就播出姜濤接受網紅加蔥訪問,姜濤指自己不喜歡姜B這個名,連姜濤這個名字都不喜歡,入行想改時已經太遲。
姜濤
姜濤表白感受:「可能人哋睇我好高峰嘅位置,但其實我真係跌得好低!」
姜濤
姜濤說:「可能你睇到嗰個人同嗰個人真心諗嘅嘢係完全相反。」

之後姜濤去咗商場,他很開心說:「好開心呀,我好耐冇嚟商場!我噚日特登睇咗條片,話點樣將自己嘅存在感降到最低,就係為咗今日做準備,只要有呢個手勢,就會有存在感低嘅訊號俾人知!關於今年第三隻歌嘅solo,新歌係希望用自己嘅故事同經歷作為背景,展現自己成年之後面對外界一切嘅聲音,從對抗逃避敢於反駁,到反省領悟!」之後姜濤返回母校青年學院(邱子文)懷緬一番,他在禮堂回憶說:「冇呀,嚟返呢間學校探番以前嘅人,呢度算係我第一次表演嘅舞台,嗰陣時同啲朋友,參加一啲表演同歌唱比賽,嗰時上呢個台好緊張,都唔知點解咁緊張!」

姜濤
姜濤 說:「我噚日特登睇咗條片,話點樣將自己嘅存在感降到最低。」
姜濤
姜濤說:「只要有呢個手勢,就會有存在感低嘅訊號俾人知!」
姜濤
之後姜濤返回母校青年學院(邱子文)懷緬一番。
姜濤
他在禮堂回憶說:「呢度算係我第一次表演嘅舞台。」
姜濤
他在回憶說:「嗰陣時同啲朋友,參加一啲表演同歌唱比賽!」
姜濤
他說:「嗰時上呢個台好緊張,都唔知點解咁緊張!」
姜濤
姜濤曾經參加學校的歌唱比賽。

之後姜濤回到從前令他自卑的學校:「我所有嘅自卑、童年嘅唔自信,都係來自呢間學校,我唔係話呢間學校唔好,純粹係我喺呢度經歷嘅所有嘢,喺呢度愈自卑、愈唔懂事,大個先愈嚟愈變得懂事,我嗰陣太肥,每次學校有游水堂,我都會企喺泳池隔離,唔會除衫,嗰陣時每日跑步都會望住啲學生,跟住覺得好自卑,以前我就成日喺度射波(打籃球)!」

姜濤
之後姜濤回到從前令他自卑的學校:「我所有嘅自卑、童年嘅唔自信,都係來自呢間學校。」
姜濤
姜濤:「我唔係話呢間學校唔好,純粹係我喺呢度經歷嘅所有嘢,喺呢度愈自卑、愈唔懂事,大個先愈嚟愈變得懂事!」

之後他解構新歌《鏡中鏡》:「開頭我做呢隻歌係想講我逃避同反抗,本身想反擊人,想啲人唔好再咁樣睇我,但諗諗吓又覺得冇乜嘢意義,我出完又點呢,要搵個方法令自己堅強啲,承認自己有呢啲唔好嘅聲音喺內心,諗方法同佢一齊行,其實個答案已經知係乜嘢,好似好多道理大家都知,但真正做到個道理要你做嘅事,都要經歷好長嘅時間,起碼我搵到個方向,知道邊條係啱嘅路,拍完呢個紀錄片,出完呢隻歌,都會有唔開心嘅時候,但起碼我知道有個方法,我希望大家聽完一次,你搵到自己嘅答案就唔使再聽,你聽多兩次,你搵唔到答案就繼續聽落去,咁就最好,哈哈哈!」

姜濤
之後他解構新歌《鏡中鏡》。

他又說:「其實每個作品幾乎都有自己嘅意見, 第一年自己話事權少啲,做藝人好神奇,因為你可以將自己內心嘅情境一步一步咁實現出嚟,有咁多人幫自己,只可以講好難得,自己可以再開放啲,因為我一直以來我冇乜講自己太多嘢俾大家聽,我只可以講喺呢個團隊入邊經歷嘅嘢,我唔會講太多自己過往嘅嘢。」之後場景去返商場:「依家好開心!大佬,行商場係一件幾奢侈嘅事,冇錯,呢個就係我想拍呢條片嘅原因,我點樣走出呢一排嘅低潮! 」

姜濤
姜濤說:「你搵到自己嘅答案就唔使再聽,你聽多兩次,你搵唔到答案就繼續聽落去,咁就最好,哈哈哈!」

但姜濤說不會忽略外界的聲音:「當我之後有低潮或者其他人有低潮嘅時候,睇吓呢條片,你會唔會唞吓先,會唔會返去你以前先,希望大家睇完之後俾啲意見,我覺得唔同嘅人睇完都有唔同嘅意見,雖然呢個MV係對抗內心嘅過程,但我唔會忽略外界嘅聲音,我會更加勇敢去接受外界嘅聲音,希望大家可以繼續督促我哋!」最後片段播出他說過的宏願作結:「今年好多人會覺得我喺度唔知自己講緊啲乜,但我喺呢個地方,我可以好有信心講,我哋一定會係亞洲第一!」

娛樂

親解《鏡中鏡》 想默默做義工 姜濤希望退休時:大家覺得我係一個幾好嘅藝人

姜濤 在《2021年度叱咤樂壇流行榜頒獎典禮》蟬聯「我最喜愛的男歌手」,又憑《Dear My Friend,》奪得「我最喜愛的歌曲」,他今日到商台節目《叱咤樂壇》接受謝茜嘉訪問,問到如何慶祝,姜濤說:「 完咗頒獎典禮,第二日就係MIRROR MV嘅拍攝日,嗰日難得食足三餐,我當慶祝咗!平日會計住計住,嗰日花姐都覺得我好誇張,對我嚟講,人生除咗音樂之外,第二重要嘅係食嘢。」

姜濤
姜濤蟬聯「我最喜愛的男歌手」,他說:「 完咗頒獎典禮,第二日係MIRROR MV嘅拍攝日,嗰日難得食足三餐,我當慶祝咗!」
姜濤
姜濤今日到商台節目《叱咤樂壇》接受謝茜嘉訪問。

之後姜濤親述第9胎《鏡中鏡》誕生過程,他說:「其實入咗行冇耐,就漸漸擔心日後嘅路,除咗可愛或者得意形象之外,我仲有好多面未俾大家睇到,尤其是過去呢一年,慢慢質疑自己,因為外界都有好多質疑,尢其是上年攞咗『我最喜愛的男歌手』之後,更加多外界質疑,連自己都開始懷疑自己,到底我有乜嘢可以俾到觀眾呢?上年年頭,情緒一度好差,外界嘅聲音啦,自己內心對自己嘅聲音,身邊又發生好多事情,令自己覺得好似唔知自己做緊啲咩,我第一步解決嘅問題係,希望將真實嘅自己話俾大家聽,我係個咩人,將呢個攞出嚟之後,無論大家鍾意唔鍾意都好,起碼自己問心無愧!」

姜濤
姜濤親述第9胎《鏡中鏡》誕生過程。

姜濤指《Master Class》這首歌是一種反擊:「其實由年頭做咗《Master Class》之後,呢首歌係講反抗同反擊,比較衝動去做呢首歌,呢隻亦係攞完『我最喜愛的男歌手』之後出嘅第一首歌,有少少衝動同埋唔成熟,因為有太多個人嘅情緒,本身《鏡中鏡》呢首歌本來諗住喺《Master Class》出咗之後第二首歌,但當時冇咁完整嘅概念,因為想用更強硬嘅字眼去攻擊人,攻擊番攻擊我嘅人,第一想解釋,第二想反擊,冇咗第三共存嘅階段、其實《鏡中鏡》仲有一個階段係,係希望同呢啲嘢去共存,經過一年之後發覺,呢啲嘢係無止境,所有嘅聲音咩都好,只要你喺呢行就一定受到質疑,呢個係必然,所以你冇辦法同大家對抗,不如嘗試帶住呢啲聲音行落去!」

姜濤
《鏡中鏡》MV。

謝茜嘉問:「你最介意人哋話你咩?」姜濤話:「冇話最介意人哋話乜嘢,話乜嘢都有,會話:『你成日拍咁多廣告,你都唔係歌手嚟嘅!』類似種種嘅聲音都會令自己開始質疑自己,好彩後來內心另一個自己同自己講:『你冷靜啲先,一定仲有解決嘅方法!」姜濤之後寫了千字文給填詞人小克,訴說自己的感受:「嗰排有睇小克嘅書,都了解到小克老師嘅詞,佢所描述嘅嘢唔單只係市面上情歌咁簡單,佢可能係追尋緊人生更加多嘅意義,佢厲害到會解釋埋宇宙嘅定義,其實人生仲有好多事情去發掘,唔需要停留喺呢啲咁小嘅事情入面,所以我睇咗個本書之後,就覺得下一隻歌就搵佢寫。」他又說:「 呢隻歌雖然話係答案,準確啲來講係俾咗方向,唔會出咗呢隻歌之後,大家嘅抨擊會停止,但要自己內心嘅聲音嘗試同佢哋共存,我再次面對呢啲聲音嘅時候到,都會一笑置之!」

姜濤
姜濤之後寫了千字文給填詞人小克,訴說自己的感受。

小克的書牽涉很多因果、前世今生,問姜濤相不相信前世今生,他說:「 我以前唔信嘅,但最近都研究好多佛學嘅嘢,自己無啦啦會睇吓《莊子》、《老子》,所有一切嘅嘢,因為人與人之間都有一種緣份,我今日行到呢一步,都唔係淨係靠自己嘅努力,冥冥中都有啲力量幫我。我都好想知我前世係咩,其實我喺呢一世都有好多莫名其妙嘅記憶,唔知點解我心目中有個密碼,我所有嘅銀行帳戶都係用呢個Password,但嗰個密碼唔係有意義,唔係我嘅生日,我估係前世用開嘅密碼,真係好神奇!」

姜濤
姜濤很想知自己的前世是甚麼。

現在如何看藝人這身份呢?「三年後我覺得對artist有更加多嘅責任,不但喺唱歌方面邊,你嘅生活都要帶俾人哋更加多嘅訊息,例如其實我哋嘅粉絲一直以來幫我哋做好多善事,我哋當然都呼籲粉絲做善事,但我哋本身都要做多啲善事,我都有同花姐講話嚟緊俾我默默地去試吓做義工,希望用自己嘅力量去影響更多人!」

至於人生目標,他說:「之前話25歲退休誇張咗,依家冇話諗住幾多歲退休,一切順其自然,人生冇話一定嘅,可能下年,講笑,其實依家嘅我唔夠膽講有咩追求,我希望我嘅價值係離開呢行之後,大家覺得姜濤係一個幾好嘅藝人,希望離開嘅時候,大家記得我係姜濤,唔係姜B!」

監製Edward Chan大讚有親和力

今年奪得「叱咤樂壇監製大獎」的Edward Chan, 由姜濤第1胎《一號種籽》到第9《鏡中鏡》都有份監製,對姜濤有一定了解,Edward Chan昨日接受同一節目訪問。

今年奪得「叱咤樂壇監製大獎」的Edward Chan, 由姜濤第1胎《一號種籽》到第9《鏡中鏡》都有份監製,對姜濤有一定了解,Edward Chan昨日接受同一節目訪問,就大讚姜濤是一個好特別的藝人,而且很成熟:「好似 《Dear my friend,》呢件事,我係知個不幸,佢本來要錄音,但佢經理人通知錄唔到,一路我都唔知咩事,後來佢返嚟錄音都冇講過,好成熟咁處理。喺個部分完結嘅時候,佢就同我講想做首歌送俾朋友,佢問我好唔好,我話諗吓先,後來我哋擺低咗呢件事,但係大家感覺都係不如都做啦,我嘗試幫佢搵旋律,冇Official confirm過做,我之後send咗啲旋律俾佢聽,姜濤話幾好喎,不如就講呢個topic啦,好自然咁做咗出嚟,我會感覺到喺呢件事上面,佢處理緊個傷痛,係一個好成熟嘅做法,我覺得以一個二十幾歲嘅後生仔來講好難得!」

姜濤
監製Edward Chan大讚姜濤有親和力。

Edward又說:「其實阿姜都幾容易捉嘅,佢唔會修飾自己嘅情緒,但佢會好專業咁完成佢要完成嘅嘢。」謝茜嘉問:「作為監製嘅你有冇俾人姜濤電過?」Edward說:「其實佢確實好吸引人,佢嘅吸引來自佢嘅親和力,我覺得佢入面好大,佢藏咗好多嘢,佢有好強烈嘅親和力,我嘅family ,佢有時會喺studio見到,佢會對佢哋好好,而我嘅family覺得佢好吸引,想同佢傾偈,佢都好好。喺演藝方面,佢好清楚自己想點,同一時間佢好有決心去做嗰件事,你只會想盡自己嘅能力,幫佢達成心目中嗰件事。」

娛樂

MIRROR六子開騷驚喜位 姜濤首唱《鏡中鏡》超正 教主跳舞「老婆」欣宜瘋狂

MIRROR六子姜濤、盧瀚霆(Anson Lo)、呂爵安(Edan)、陳卓賢(Ian)、江𤒹生(Anson Kong)及柳應廷(Jer)的《Music On The Road》音樂會,昨日在會展開騷。音樂會全晚有不少驚喜,包括姜濤首唱第九胎新歌《鏡中鏡》,連花姐都讚好聽!Anson Lo就自彈自唱《不可愛教主》,又大騷舞技,搞到叫教主做「老公」的欣宜不停尖叫,還在IG短片留言:「老公好叻呀!」陷入瘋狂狀態,超爆笑!

短片來源:moov_music、彭秀慧、鄭欣宜、Rock Sir、林欣彤 IG