標籤: 鏡粉

娛樂

對MIRROR演唱會安排極度不滿  「我老婆嫁左比Mirror導致婚姻破裂關注組」宣布永久關閉

MIRROR 於7月至8月舉行12場紅館演唱會，不過門票一票難求，就算以實名制在城市售票網公開發售，很多鏡粉苦等近10小時都入不到網站，可謂身心疲累！去年7月由「前夫」建立的「我老婆嫁左比Mirror導致婚姻破裂關注組」，至今有逾35.6萬成員，其發起人兼管理員RC昨晚（2日）在群組發聲明表示，因為對今次 MIRROR演唱會之安排感到極度不滿，決定將會於MIRROR演唱會後，永久關閉此關注組。

MIRROR
MIRROR於7月至8月舉行12場紅館演唱會，不過門票一票難求！

RC寫道：「我對今次Mirror演唱會嘅安排感到極度不滿，為此，我宣布將會於Mirror演唱會後永久關閉『我老婆嫁左比Mirror導致婚姻破裂關注組』。感謝各位喺呢一年時間嘅關注及支持，同埋我兩位有咩事都撐我嘅Admin。Mirror賣廣告，鏡粉衝住買哂佢，有Mirror卡抽，鏡粉一日三餐食老麥，Mirror出席活動，鏡粉早一日去排隊霸位，Mirror出新MV，鏡粉人肉loop到幾百萬view唔知為乜，Mirror出新歌，唔使你俾錢宣傳，佢哋自己出錢出力搞應援。好喇，首個紅館演唱會，難買飛就預咗啦，咁多人想睇，一睇個floor plan，喂黑洞咁嘅樣嘅？俾我嘅感覺係：你眠乾睡濕養大個仔，想參加佢嘅畢業典禮，但，你要睇下好唔好彩先買到飛！」

MIRROR
MIRROR
「我老婆嫁左比Mirror導致婚姻破裂關注組」發起人兼管理員RC，昨晚在群組表示，因為對今次 MIRROR演唱會之安排感到極度不滿，決定將會於MIRROR演唱會後，永久關閉此關注組。

RC又話：「一係你就幫襯校長個fd買份保險，一係就係canteen買24個月餐券，想坐靚位？買兩set吖！你哋而加係將鏡粉對Mirror嘅愛綁架，你當鏡粉係ATM係水魚，錢係要賺，但食相唔係咁難睇掛！各位演唱會嘅主辦單位，你哋係咪真係以為啲鏡粉個個都幾億身家？我哋成日鬧黃牛，你哋就自己做大黃牛，唔使驚，今次實有人睇㗎，下次？唔知嚕！買唔到飛我無乜所謂，反正又唔係我睇，如果你唔知我嬲乜，你試下將上面『鏡粉』呢兩個字換做我老婆/我老母/我個女，咁可能會投入啲！」

MIRROR
有網民看完留言支持：「 講得好好……支持你關站！」

很多網民看完留言支持：「 講得好好……支持你關站！」、「版主講出好多粉絲心聲……真係好嬲好嬲！」、「真係7部機 11個鐘都load唔到入去，廁所都唔敢去，但都買唔到：上兩次信用卡又係咁，今次實名又係咁 。 魯生，你真無（係）使好多人傷了心！」、「版主真係要有骨氣，唔好俾公關收買到，今次真係要為所有鏡粉討公道！」、「申請MOX，為演唱會，最後等咗四個鐘，乜都冇。俾錢做Miro會員，得個吉。實名制公售，坐喺電腦面前10個鐘，買唔到，而家仲要我HKT 課唔知幾多金…我真係覺得好攰，過埋今次紅館，真係想放棄！」、「我都好唔捨得個group ，不過我尊重版主嘅決定同感謝所有係到分享故事嘅各位。」不過亦有網民說：「我明白你心聲，但你連個谷都執埋，以後大家有冤冇路訴喎，你又冇咗開谷嘅初心，何必呢？」

娛樂

MIRROR 宣布演唱會以實名制發售 加開2場MIRO特別場 鏡粉：好感動好想喊

MIRROR 7月至8月首個紅館演唱會《MIRROR.WE.ARE LIVE CONCERT 2022》，一票難求，最誇張門票炒到接近44萬一張，鏡粉們紛紛要求加開粉絲特別場和以實名制售票，今日終於傳來好消息，MIRROR官方fb宣布加開8月5-6日2場MIRO特別場，經城市售票網公開發售的門票（12場）將以實名制形式發售，鏡粉知道後紛紛開心留言：「真心想入場支持嘅Miro終於有希望！」、「好想喊！」、「終於等到，好感動，希望今次真係可以買到飛啦！」、「太好了！只要肯做，無嘢係唔得嘅！」、「多謝你哋聽到我哋無助嘅聲音！」

MIRROR
MIRROR 7月至8月首個紅館演唱會《MIRROR.WE.ARE LIVE CONCERT 2022》，一票難求，最誇張門票炒到接近44萬一張。
MIRROR
今日終於傳來好消息，MIRROR官方fb宣布加開8月5-6日2場MIRO特別場，經城市售票網公開發售的門票（12場）將以實名制形式發售。

MIRROR官方fb公布如下：

【聽到大家嘅聲音喇！！！】
感謝大家陪伴MIRROR走到今日。縱使面對重重困難，我哋都一定盡力做，希望更多鏡粉可以嚟支持MIRROR！！
大家對演唱會嘅反應十分熱烈，加上知道咁多位鏡粉為咗支持MIRROR，左撲右撲買飛好辛苦。所以……
正式宣布2件事！！！

  1. 加開2場MIRO特別場*^（8月5-6日）
  2. 經城市售票網公開發售的門票（12場）將以實名制形式發售

點樣買？幾時買？邊度買？要準備啲咩？
我哋努力準備緊，詳情將稍後公布。

*合資格之MIRO須以實名制購買MIRO特別場之門票。門票數量有限，售完即止。詳情將稍後公布。
^MIRO特別場部份門票將以實名制經城市售票網公開發售。

MIRROR
鏡粉知道後紛紛開心留言：「終於等到，好感動，希望今次真係可以買到飛啦！」
娛樂

MIRROR 官方Fan Club面世 會費一年$440 鏡粉Join完求魯生：實名登記買演唱會飛

MIRROR 早前宣布5月成立MIRROR官方歌迷會（Fan Club），會員可獲得會員專屬迎新禮盒，有訂購演唱會、粉絲見面會，和會員專屬商品的機會，今日MakerVille行政總裁魯庭暉宣布FC正式面世，會費一年$440，魯生寫道：「呢單嘢，係要戴定個頭盔先嘅。Mirror official fan club, 同事研究咗好耐好耐。真係好耐。背後嘅所有嘢，太多太多細節。太多太多嘢我哋左諗右諗，太多嘢要平衡。『如果咁咁咁就好啦』…好喇，但如果咁咁咁，又會導致另外一啲問題出現。因為呢個project同搞其他project好唔同。因為係粉絲，因為佢哋係Mirror 嘅一部分。呢件事，有血有肉。我幾乎肯定，一路做一路會發現有好多超唔完美嘅地方。每個部門同事都好擔心。我睇見都戥佢哋辛苦。」

MIRROR
早前MIRROR宣布5月成立MIRROR官方歌迷會，會員可獲得會員專屬迎新禮盒，有訂購演唱會、粉絲見面會，和會員專屬商品的機會。
MIRROR
今日FC正式面世，會費一年$440。
MIRROR
MakerVille行政總裁魯庭暉在IG寫道：「 今日終於launch。我哋會盡力一步一步改善進步。」

魯生又說：「今日終於launch。我哋會盡力一步一步改善進步。而喺成個過程裡邊，我唯一輕鬆少少果個moment，就係聽到啲同事講話收到個welcome pack 嘅樣板..佢哋一致覺得都幾靚。我心諗，喂呀，咁係因為我哋做過類似嘅嘢呀嘛。最難嗰啲logistic / expectation 都未嚟料呀…」之後鏡粉紛紛留言希望買到演唱會飛：「即刻joined! 真係有頭家🏡的感覺（好似嫁咗人有名份咁omg)! 希望演唱會如果加場，可以做到一至兩場俾FC only, 實名，俾到我哋每一個真fans睇演唱會嘅機會，相信到時一定好震撼好感動！」、「作為鏡粉，最想其實係買到張演唱會飛🙏🏼第一次演唱會睇唔到、第二次買唔到飛，第三次 #求求魯生實名登記買飛！」

MIRROR
鏡粉紛紛留言希望買到演唱會飛：「求求魯生實名登記買飛！」

而MIRROR官方IG亦公布入會詳情，還幫鏡粉改了英文名MIRO，只要成為MIRO，就可以享受多項專屬福利，詳情如下：

【點樣成為MIRO？】

  1. 馬上進入網站 mirrorweare.com
  2. 點擊「立即成為MIRO」進入註冊頁面
  3. 填寫會籍申請表格後，請確保資料正確無誤
  4. 然後前往付款
  5. 付款成功後您就即時成為MIRO，並可享MIRO專屬福利*

【MIRO 4大專屬福利】

  • MIRO會員迎新禮盒
  • 訂購MIRROR演唱會門票的機會**
  • 訂購MIRROR粉絲見面會門票的機會**
  • 網上訂購MIRO會員專屬商品的機會***

*會員號碼將由MIRROR Official Fan Club分配
**視乎主辦方分發給Fan Club的門票數量而定
***視乎供應而定

MIRROR
MIRROR官方IG公布入會詳情，只要成為MIRO，就可以享受多項專屬福利。
MIRROR
MIRO會員迎新禮盒很吸引。
MIRROR
入會時可選自己支持的成員。
MIRROR
娛樂

MIRROR 首個紅館演唱會開10場 姜糖賀姜濤誕 以偶像名義助養6位小朋友

MIRROR 2022年第一首團歌《Innerspace》昨日推出，為即將舉行的首個紅館演唱會《MIRROR.WE.ARE LIVE CONCERT 2022》揭開序幕，今日MIRROR12子開記招正式宣布，將於今年7月25至31日、8月2日至4日舉行一共10場演唱會，票價為480、880及1,280港元，門票優先訂購及公開發售詳情將會稍後公布。不少鏡粉已經擔心搶不到飛，紛紛留言希望以實名制登記：「希望買到飛，唔好益黃牛黨！」、「希望可以正常地買到飛！」、「實名購買！」、「希望正常地買到票，最好實名制，冇理由將大家嘅努力去益黃牛！」

MIRROR
MIRROR12子今日開記招正式宣布，將於今年7月25至31日、8月2日至4日舉行一共10場演唱會。
MIRROR
12子和現場粉絲影大合照。
MIRROR
演唱會海報十分有型！

另外姜濤本週六（4月30日）23歲生日，姜糖為賀「姜濤誕」，紛紛響應偶像呼籲，不停做善事。最近有姜糖以姜濤名義助養六位小朋友，香港國際培幼會在fb專頁寫道：「姜濤喺音樂道路上努力不懈，力求創新，用作品說話。私底下姜濤係一位充滿愛心嘅年青人，而姜濤嘅Fans亦紛紛以姜濤為榜樣，以愛回饋社會！因應姜濤呼籲，一位姜糖為慶祝姜濤23歲生日，以姜濤名義助養六位在發展中國家嘅孩子（為期一年）。呢位姜糖希望可以為孩子及其家庭帶來溫暖同曙光，以實際行動響應同支持偶像嘅意願！在此，國際培幼會感謝姜濤同呢位姜糖嘅愛心。希望無論係咪姜糖，社會人士都可以將愛心延續下去，讓更多孩子得到溫飽、教育同美好嘅將來，令世界變得更美好！」令人動容！

MIRROR
姜濤本週六（4月30日）23歲生日，姜糖為賀「姜濤誕」，紛紛響應偶像呼籲，不停做善事。
MIRROR
最近有姜糖以姜濤名義助養六位小朋友。
MIRROR
香港國際培幼會在fb專頁感謝姜濤和該位善心姜糖。
娛樂

MIRROR 出聖誕團歌《12》超好聽 姜濤、Anson Lo搞鬼伸脷冧鏡粉

人氣男團MIRROR今年爆紅，工作不斷，開演唱會又狂拍廣告，成績亮麗。為答謝鏡粉，MIRROR今日送上驚喜聖誕禮物，推出團歌《12》。MIRROR在官方IG上載新歌宣傳照，12子着住色彩繽紛的冬日服裝，勁有聖誕feel。大表哥Stanley（邱士縉），還在IG貼出和姜濤、Anson Lo（盧瀚霆）、Jer（柳應廷）的合照，當中姜B、Anson Lo搞鬼伸脷，Jer嘟嘴，齊齊冧鏡粉！

MIRROR
MIRROR今日送上驚喜聖誕禮物，推出團歌《12》。
MIRROR
經理人花姐在IG感性留言。

經理人花姐在IG感性留言：「一首有意義嘅聖誕歌《12》，希望未來10年20年30年，你哋都會唱這首聖誔歌！」新歌《12》中午12時在商台叱咤樂壇首播，MV今晚9點在MIRROR YouTube頻道播放，鏡粉聽完新歌大讚好聽：「好聽到癡線！」、「首歌好好聽，大家都識唱，好有意思！」、「一份最好的聖誕禮物！」、「So Sweet！」、「2021完美！」、「lan  同 Jer 把聲真係好靚，兩位冇得輸！」有鏡粉還說：「繼續支持MIRROR，因為有你們才有新一代香港樂壇！」

MIRROR
大表哥Stanley，還在IG貼出和姜濤、Anson Lo、Jer的合照，當中姜B、Anson Lo搞鬼伸脷，Jer嘟嘴，齊齊冧鏡粉！
MIRROR
鏡粉聽完新歌大讚：「一份最好的聖誕禮物！」
MIRROR
有鏡粉說：「好聽到癡線！」
MIRROR
有鏡粉還說：「繼續支持MIRROR，因為有你們才有新一代香港樂壇！」
娛樂

姜濤 擔心鏡粉冒冷鋒通宵霸位 Man爆呼籲：不舒服的趕緊給我回家

MIRROR、ERROR人氣高企，每逢有成員出活動，鏡粉和404（ERROR粉絲稱呼）都會提早到場霸靚位見偶像，商台今日下午4時在東涌昂坪市集，舉行2021年度「叱咤樂壇流行榜頒獎典禮」記者會，大批歌手將會出席，怎料MIRROR和ERROR粉絲天未光已經通宵到場等候，由於今日冷鋒殺到，氣溫急跌至少10度，現場凍上加凍，令經理人花姐和姜濤相當擔心！

花姐在IG story連出兩個post呼籲：「多謝你們支持MIRROR，但你們也要小心，不要讓我擔心，PLEASE！」、「原來還有ERROR fans也在山上，你們要立刻搵安全地方休息，PLEASE！」姜濤一早起牀看見粉絲霸位影片已經睡不着，他心痛留言：「看到某些粉絲的影片，真的讓我很擔心，下次這種天氣真的不要勉強，我們希望見到大家，但我們更希望大家平平安安的！我的天！不同群组的粉絲們希望大家能夠互相照顧一下，早上起來看到這個影片已經睡不着了！」還Man爆說：「如果有不舒服的趕緊給我回家！」相當寵粉！

姜涛
MIRROR人氣高企，每逢有成員出活動，鏡粉都會提早到場霸靚位見偶像。
姜濤
ERROR亦相當受歡迎。
姜濤
商台今日下午4時在東涌昂坪市集，舉行2021年度「叱咤樂壇流行榜頒獎典禮」記者會，大批歌手將會出席。
姜涛
怎料MIRROR和ERROR粉絲天未光已經，由於今日冷鋒殺到，氣溫急跌至少10度，令經理人花姐相當擔心！
姜涛
花姐在IG story連出兩個post呼籲：「多謝你們支持MIRROR，但你們也要小心，不要讓我擔心，PLEASE！」
還說：「原來還有ERROR fans也在山上，你們要立刻搵安全地方休息，PLEASE！」
姜B亦非常擔心粉絲情況。
之後姜B亦心痛留言：「看到某些粉絲的影片，真的讓我很擔心，下次這種天氣真的不要勉強。」
姜B又說：「我的天！不同群组的粉絲們希望大家能夠互相照顧一下，早上起來看到這個影片已經睡不着了！」
他更Man爆說：「如果有不舒服的趕緊給我回家！」

娛樂

【MIRROR x ERROR襲屯門】5000粉絲迫爆商場 Anson Lo獲神徒打氣心情大靚

人氣男團MIRROR和ERROR，今日出席屯門市廣場的ViuTV《夏日電視賞》記者會，很多鏡粉和「404」（ERROR粉絲的專稱）通宵等待，今日屯門出現多部印有MIRROR和ERROR成員的應援巴士，讓粉絲打卡。到16子到達商場時，一眾粉絲隨即尖叫陷入瘋狂狀態，現場約5,000粉絲迫爆商場，超級墟冚！近日獲神徒力撐五年前勇敢出櫃的Anson Lo，心情大靚，不時主動向神徒揮手，而神徒則高呼「盧瀚霆」為他打氣！

之後16子分組介紹不同奧運項目，Anson Lo、Edan「大叔CP」一起介紹馬術項目。田田和阿牧很冤氣，雖然兩人今日見面，但昨晚已經忍不住在社交平台「打情罵俏」。Anson Lo昨晚在社交平台貼相留言：「Look me in the eyes and tell me what you see？（ 看着我的眼睛告訴我你看到甚麼？ ）」怎料Edan鬼馬回應：「Me（我）！」接着Anson Lo回應：「 I see someone miss me too much（我見有人很掛念我）！」喂呀，閃死人了！

活動後眾人接受訪問，對於出櫃舊聞被翻炒，Anson Lo說：「呢幾日收到唔少留言支持，現時我專心工作，今日見到好多fans，自己都很開心。（會唔會澄清？）唔回應啦！」有報道指姜濤被導演彭秀慧我中，夥拍毛舜筠演出英皇電電影，姜B直認8月中會開工，現時積極上戲劇堂，問到女角是否《聲夢傳奇》爆紅的「國民初戀」Chantel？他說未有定案。Edan坦言正為ViuTV青春游水劇《i.SWIM》密密練水操肌，但否認新劇和Anson Lo再做CP：「私底下約佢游水算啦！」

人氣男團MIRROR和ERROR，今日出席屯門市廣場的ViuTV《夏日電視賞》記者會，很多鏡粉和「404」（ERROR粉絲的專稱）通宵等待。
MIRROR和ERROR十六子難得同場。
十六子進場時令粉絲瘋狂。
現場約5,000粉絲迫爆商場，超級墟冚！
有粉絲擔櫈仔見偶像。（網上圖片）
粉絲們各佔有利位置。（網上圖片）
Anson Lo心情大靚，不時主動向神徒揮手，而神徒則高呼「盧瀚霆」為他打氣！
Anson Lo、Edan「大叔CP」一起介紹馬術項目。
有報道指姜濤被導演彭秀慧我中，夥拍毛舜筠演出英皇電電影，姜B直認8月中會開工。
Anson Lo昨晚在社交平台貼相留言：「Look me in the eyes and tell me what you see？」
怎料Edan鬼馬回應：「Me！」接着Anson Lo回應：「 I see someone miss me too much！」閃死人！
娛樂

  【超爆笑】「MIRROR導致婚姻破裂關注組」3日吸超過10萬「苦主」 鏡粉老公：強烈要求MIRROR公開道歉

ViuTV人氣男團MIRROR吸粉力超強，他們所到之處必定引來大批「鏡粉」支持，加上組合ERROR四子發力追上，16子掀起近年難得的追星熱！不過因為「鏡嫂」晚晚狂煲偶像劇集、課金慶祝偶像生日，買鏡仔代言產品，令她們的老公和男友被忽略，身心受創，於是有「鏡佬」前日（3日）在fb開了一個「我老婆嫁咗比Mirror導致婚姻破裂關注組」，短短三日，加入人數竟超過10萬，「受害人」紛紛留言講述自己的「慘痛經驗」，相當爆笑，連MIRROR經理人花姐都有留意這個群組：「其實啲老公、男朋友們都好可愛，睇啲post睇到唔捨得瞓！」

「鏡佬」的爆笑留言包括：「有日見到姜濤行過，我老婆即刻追咗出去，剩低我同兩個女企喺度，我個女問：『媽咪去咗邊？』我唔識答。」、「你哋夠我激？我瞓喺個男人（Ian攬枕）隔籬！」、「我老婆話我排名係17位。mirror 12 + error 4。」、「各位人哋老公申請咗消費券未？你哋預咗嗰5000蚊唔屬於你哋，係屬於MIRROR。」、「姜濤一出post，我就算開緊會，老婆都call爆我，要我like and comment！」這些「鏡佬」是否很慘呢？所以有「受害人」總結：「強烈要求MIRROR同ERROR集體出嚟公開道歉！」看完笑到流眼淚！而姜B今日出席活動時向「苦主」道歉：「最重要唔好影響夫妻關係，我哋要講對唔住，希望眾老公可以同老婆一齊聽我哋嘅歌。」難怪姜B這麼受歡迎！

ViuTV人氣男團MIRROR極受歡迎，「鏡嫂」晚晚狂煲偶像劇集、課金慶祝偶像生日，買鏡仔代言產品，令她們的老公和男友被忽略，身心受創。
組合ERROR四子發力追上，跟MIRROR一樣受歡迎。！
有「鏡佬」前日（3日）在fb開了一個「我老婆嫁咗比Mirror導致婚姻破裂關注組」，短短三日，加入人數竟超過10萬。
「受害人」紛紛留言講述自己的「慘痛經驗」，相當爆笑！
連消費券都屬於MIRROR？慘！
193魅力無窮。
193的粉絲稱為「老婆」。
Ian攬枕令老公頭痕！
這個貼文很搞笑！
姜B令老公也瘋狂？
姜濤的確迷人。
2021 Copyrights Ⓒ Metro Daily Limited. All Rights Reserved.
Address: 12/F., Tern Centre, Tower 1, 237 Queen’s Road Central, Hong Kong.