標籤: 闔家辣

娛樂

《明日戰記》開畫半日勁收144萬 超越Edan《闔家辣》直迫姜濤《阿媽》

古天樂斥資4.5億投資和主演的科幻大製作《明日戰記》,卡士強勁, 除了古仔,還有劉青雲、劉嘉玲、張家輝、姜皓文和謝君豪等主演,不過電影月初在內地上畫,成績未如理想,之後杜汶澤、張堅庭都在社交網發文力撐古仔。上星期《明日戰記》率先放映3日優先場,總場數達125場,銷售情況理想,而古仔亦落力奔走宣傳,現身優先場謝票。

明日戰記
古天樂斥資4.5億投資和主演的科幻大製作《明日戰記》,卡士強勁, 除了古仔,還有劉青雲、劉嘉玲、張家輝等主演。
上星期《明日戰記》率先放映3日優先場,總場數達125場,古仔亦落力奔走宣傳,現身優先場謝票。

今日《明日戰記》正式上畫即傳來好消息,截止下午1點,上畫半日票房已高達144萬,率先超過由呂爵安(Edan)、吳君如、鄭中基、梁詠琪主演的《闔家辣》,《闔家辣》開畫日票房報133萬。

明日戰記
今日《明日戰記》正式上畫,截止下午1點,上畫半日票房已高達144萬,率先超越由呂爵安、吳君如主演的《闔家辣》。

由彭秀慧編劇和執導、毛舜筠、姜濤、柳應廷(Jer)主演的電影《阿媽有咗第二個》,是本年度以最短時間超越2000萬的港產片,電影開畫日報176萬。《明日戰記》還有大半日時間追,大有機會超越《阿媽有咗第二個》,成為今年香港華語片開畫票房冠軍。而《明日戰記》的內地票房,在古仔不斷宣傳下,近日奇蹟逆轉,突破5億人民幣,還獲院商支持放映到10月,古仔應該飲得杯落!

明日戰記
由毛舜筠、姜濤、柳應廷主演的《阿媽有咗第二個》,是本年度以最短時間超越2千萬的港產片,電影開畫日報176萬。
明日戰記
《明日戰記》還有大半日時間追,大有機會超越《阿媽有咗第二個》,成為今年香港華語片開畫票房冠軍。
明日戰記
部分戲院場次滿座,成續突出。
有些場次只餘少量座位。
娛樂

Edan新歌首次挑戰跳唱多驚喜 爵屎:MV有教主、Jer、小儀好正

Edan(呂爵安)今天愚人節推出首支個人跳唱單曲,令爵屎超期待!他之前在IG叫大家估歌名,怎料轉頭被大表哥Stanley(邱士縉)以升降機符號劇透歌名,Jeremy(李駿傑)又說:「 見到都想唱個chorus(同E先生一樣的E字頭)。」令Edan無奈揭曉歌名《Elevator》:「Bala Bala Ba Bala Ba Ba,Elevator!Elevator!心愈急愈煩問題愈難拆~冇錯,出個post叫大家估歌名,然後6分鐘就俾姓邱 PK劇透 。」Stanley即解釋:「我有兜㗎 ,點知大家估得咁快,最衰係Jeremy(李駿傑)!」相當搞笑!

Edan
Edan今天愚人節推出首支個人跳唱單曲。

昨日Edan在IG上載新歌預告片說:「應該係最多surprise嘅MV,希望大家睇得開心!」新歌MV今晚8時在YouTube播出,結果畫面走了一隻鬼出來說:「愚人節快樂,八點三再返嚟睇啦,哈哈哈! 」搞到全部爵屎中伏大叫:「好衰㗎!」、「真係俾隻鬼嚇一嚇!」、「會唔會出MV都係假㗎?」、「Crazy Edan!」到8:15pm ,Edan終於出現,不過他又大笑說:「愚人節快樂,八點半再返嚟啦,哈哈哈!」有爵屎好冷靜說:「預咗啦!」有些忍不住叫「呂PK」,超爆笑!

Edan
《Elevator》MV今晚8時在YouTube播出,結果畫面走了一隻鬼出來說:「愚人節快樂,八點三再返嚟睇啦,哈哈哈! 」
Edan
到8:15pm ,Edan終於出現,不過他又大笑說:「愚人節快樂,八點半再返嚟啦,哈哈哈!」

幸好MV最後在8:30pm播出,Edan不但扮鬼扮馬,一時做自己,一時變身保安員、Model,期間又要吊威吔在升降機內被揈來揈去,絕對瞓身演出。此外,今次MV請來多位嘉賓客串,包括MIRROR隊友Anson Lo(盧瀚霆)和Jer(柳應廷)做維修員、正印小儀做鬼新娘,羅家英做的士司機,《闔家辣》導演Coby 做外賣員,令人驚喜!而Edan第一次挑戰跳唱和Rap同樣驚喜,爵屎看完紛紛留言大讚:​「超正,可以loop歌啦!」、「跳唱兒登世一!」、「​Dance嗰part,個髮型好jeng!」、「好多驚喜,勁多fd!」、「MV有教主同Jer及小儀好正!」、「你威啦你, 正印,官配,大叔配 都齊晒,有埋家英哥添!」、「真心多謝Lo Lo同Jer見證爵安第一首跳唱 !」

Edan
Edan新歌首次挑戰跳唱,爵屎看完紛紛留言大讚:​「超正,可以loop歌啦!」、「跳唱兒登世一!」
Edan
今次MV請來多位嘉賓客串,包括MIRROR隊友Anson Lo(盧瀚霆)和Jer(柳應廷)做維修員。

問Edan《Elevator》歌詞是否自己嘅寫照,Edan坦言對很多時都順其自然,因為覺得這種價值觀很舒服,能夠自我安慰同時又夠positive,所以很多時候都只想做好本份,不過Edan都有心急一面:「唱歌阿Sir成日話我好急,例如佢教我一個Exercise,我就會係咁做,我個人係鍾意用死力,死衝爛衝,但喺其他處事方面,我又唔係咁急嘅!」

Edan
正印小儀做鬼新娘。
Edan
羅家英做的士司機。
Edan
《闔家辣》導演Coby 做外賣員。
Edan
今次Edan找來肥仔排舞。
娛樂

Edan 自爆鍾意食粉絲  講同女演員拍鴛鴦浴耳都紅晒 吳君如:代表你係「直」人

谷德昭主持的ViuTV節目《爆谷一周》昨晚首播,首集就請來吳君如、MIRROR成員Edan(呂爵安)和新晉導演鄭晉軒大談拍賀歲片《闔家辣》的趣事。吳君如大爆為何看中Edan:「當時佢哋(MIRROR)已經好紅,我同花姐講,叫佢哋嚟試鏡得唔得㗎?好多人好怕casting,怕瘀嘛!明知有casting你唔揀我,咁咪好失落囉,花姐就話:『得,咩唔得呀!』Edan就嚟咗casting。當時我哋試鏡見咗唔少人,但未搵到一個中,見到Edan係佢喇!試鏡當日我唔喺度,但係睇返片,覺得Edan做得好自然。」

Edan
谷德昭主持的ViuTV節目《爆谷一周》昨晚首播,首集就請來吳君如、MIRROR成員Edan和新晉導演鄭晉軒大談拍賀歲片《闔家辣》的趣事。

Edan說:「當時拍完《大叔的愛》都未上,從來冇拍過電影,得知有電影試鏡機會,無論咩角色都好想試,於是膽粗粗行去試鏡,我覺得係個經驗,冇諗過得唔得!」吳君如指有人讚她選擇Edan有先見之明:「拍緊嘅時候,《大叔的愛》上緊,最搞笑係啲人就話:『嘩,君如,你真係有先見之明,趁低吸納,低價入市,其實港產片嚟,都唔係好低價,但真係好幫手!」

Edan
Edan說:「當時拍完《大叔的愛》都未上,從來冇拍過電影,得知有電影試鏡機會,無論咩角色都好想試,於是膽粗粗行去試鏡!」

谷德昭問Edan和這麼多好戲之人拍戲,有甚麼感覺? Edan說:「其實真係好幸運,當初casting嘅時候,我唔知道演員陣容咁勁,我好記得花姐喺架車度同我講:『你知唔知你套戲有邊個呀?佢同我講有君如、中基同Gigi(梁詠琪),我好驚訝!我真係覺得好好彩,但同時都擔心,好大壓力,因為自己戲份都唔輕,再加上同咁多前輩一齊演,好驚自己會唔會演得唔好,但佢哋每一位都好錫我!」

Edan
《闔家辣》由吳君如、鄭中基、Gigi(梁詠琪)和Edan主演。

谷德昭大爆Edan第一次拍電影就有鴛鴦浴戲份,問他有甚麼保護措施, Edan說:「我有着褲嘅,有操肌肉嘅,都有做掌上壓!」又指:「坦白講有啲尷尬同緊張,始終第一次,講到耳仔都紅埋!我係演員,故事背景講我哋一齊咗好耐,做呢件事係好平常,但因為未試過,所以好驚!」君如問今次是否銀幕初吻?Edan說:「我嘅銀幕初吻係男仔嚟嘅!」現場觀眾即爆笑拍掌,導演便說:「都係鴛鴦浴,企缸嚟嘅!」 Edan接着說:「係《大叔的愛》Anson Lo,今次呢個係銀幕異性初吻,我同浴缸好有緣份!」吳君如就搞笑話:「咁代表咩呢?代表Edan真係好『直』,係一個『直』人,佢同一個男人冇乜事,但同女演員就尷尬,即係代表……你明啦!」Edan即刻爆笑說:「明!」

Edan
谷德昭大爆Edan第一次拍電影就有鴛鴦浴戲份,Edan說:「坦白講有啲尷尬同緊張,始終第一次,講到耳仔都紅埋!」
Edan
Edan的耳仔真的紅了。
Edan
君如問今次是否銀幕初吻?Edan說:「我嘅銀幕初吻係男仔嚟嘅!」現場觀眾即爆笑拍掌!
Edan
對手正是《大叔的愛》的Anson Lo!
Edan
吳君如搞笑話:「代表Edan真係好『直』,係一個『直』人,佢同一個男人冇乜事,但同女演員就尷尬,即係代表……你明啦!」
Edan
Edan即刻爆笑說:「明!」

之後,谷德昭透露Edan戲中對白「粉絲好食」爆笑又自然,令Edan非常驚訝:「冇諗過導演會剪落去!」 Edan透露:「呢句對白唔係我諗嘅,係撞出嚟!」又說:「粉絲真係係好食,我係好鍾意食粉絲嘅!」說完自己都忍不住笑!吳君如補充:「好笑嘅,因為我哋戲裏面有個演員係食齋,我哋成日大魚大肉,我成日萬歲,佢啲Fans又成日攞嘢食嚟,但嗰位演員就偏偏成日叫人買粉絲食,我每日見到佢都係食米粉同粉絲,我話『你又食粉絲』,Edan就話:『粉絲好食呀!』跟住佢突然間講『死喇,講漏咗嘴,咁敏感,唔講喇』。」君如覺得這一句很好笑,所以加入電影之中,而飾演Edan媽媽的梁詠琪是素食者,難道說她?

Edan
谷德昭透露Edan戲中對白「粉絲好食」爆笑又自然,Edan說:「粉絲真係係好食,我係好鍾意食粉絲嘅!」