「荃灣鮮肉威威」 劉宋威（阿威）早前爆紅，5月19日正式出道便狂接廣告，還不時拍教煮食片放上自己的YouTube頻道「威威劉宋威Samuel」，他的「威威豬」（阿威粉絲名稱）還幫他在荃新天地舉辦「威威生日見面會」，認真威威！不過之後fb出現反威威群組，有網民大爆威威舊照和過去，還聲稱威威有「黑社會」背景和吸毒習慣，威威深感委屈，哭着拍片澄清：「點解有紋身嘅人就唔係好人，就要俾人歧視！」又自費驗毒力證自己清白。
雖然網民不時發放威威見樣舊照，不過他一直堅持戴口罩，連拍廣告都不例外，不過威威近日終於豁出去，除罩接拍益生菌廣告，並在無綫播放。片中一群靚太到豬肉檔找威威，鏡頭close up他一雙電眼，之後就見威威以真面目示人。有網民睇完威威真面目大讚：「終於見到他不戴mask的樣子，十分OK！」、「自然🧡不造作！」、「除罩都好靚仔！」、「威威其實好正面，一定支持你！」不過亦有網民表示：「威威個鼻好大個呀！」、「點解去街市望，唔係咁樣嘅？」你又覺得呢？
「荃灣鮮肉威威」 劉宋威火速爆紅，5月19日正式出道，短短一最期就狂接三個廣告，他的粉絲「威威豬」除了幫他開設「荃灣鮮肉威威應援團」fb群組，6月5日還為他在荃新天地舉行生日見面會，預祝威威今日（8日）35歲生日，現場過百威威豬高呼：「我愛你！」令阿感動落淚！威威，生日快樂！
威威接受《都市日報》專訪，除衷心多謝威威豬支持外，又坦言如有機會，都想嘗試唱歌和拍劇。威威大受歡迎，每日都有不少師奶靚太排隊買豬肉和打卡，但老婆對他無限信任：「我哋大家相信大家，冇任何嘢影響到！」威威放假時還會親自下廚：「唔俾屋企人做，因為佢哋日日照顧小朋友，已經好辛苦！」絕對是超級暖男！
「荃灣鮮肉威威」 劉宋威（阿威）近日爆紅，5月19日正式出道的他，除了開設自己的IG、fb和YouTube頻道「威威劉宋威Samuel」外，還在出道短短一個星期，狂接工作鞋、保鮮紙和香港中華煤氣三個廣告，認真厲害！
6月8日是阿威生日，「威威豬」（阿威粉絲名稱）幫他開設的fb群組「荃灣鮮肉威威應援團」，今日宣布6月5日3pm和阿威在荃新天地1期花園廣場，搞「威威生日見面會」，認真威威！該fb群組出Post寫道：「終於可以公布啦，其實早幾日已經收到商場PM，話見到我哋成班威威豬想喺6月5日搞生日會，即刻贊助場地俾我地！地方大啲，等大家都可以一齊參與！」而荃新天地亦在官方fb公布消息！
「威威豬」興奮留言說：「好開心！我們可以一起唱生日歌！」、「一定來！」、「好嘢，6月5號到時見大家！」、「到時帶埋阿女去見識吓咩叫暖男爸爸先！」不過阿威喺外地嘅粉絲就參與唔到：「唉！我冇份參加我在外國，在此祝威威生日快樂，永遠幸福！」
「荃灣豬肉檔AK」 劉宋威（阿威）近日爆紅，每日都有不少師奶靚太排隊買豬肉和打卡，「威威豬」（阿威粉絲名稱）幫他開的fb群組「荃灣鮮肉威威應援團」，現時粉絲人數已超過1.6萬。上星期四（19日）阿威正式出道，還開設自己的IG、fb和YouTube頻道「威威劉宋威Samuel」，拍片教大家煲湯煮餸和分享日常生活，阿威出道短短一個星期，就狂接三個廣告，吸金力驚人！
阿威繼工作鞋廣告、保鮮紙廣告，還與香港中華煤氣合作，今日阿威在自己的YouTube頻道上載第一條煮食片《威威暖男教煮 x Towngas：中式洋蔥炒柳梅 節瓜粉絲排骨湯》，片中他親身教觀眾煮中式洋蔥炒柳梅和節瓜粉絲排骨湯，身為豬肉切割員的他還教大家豬肉知識：「一隻豬入面只有兩條柳梅，佔一隻豬大約1%左右，肉質嫩滑，識落口感好滑身！」煮完阿威還派心心給觀眾，加上識笑電眼，難怪網友冧爆留言：「真係攞命！片尾又嚟威力無窮嘅心心！Omg！」、「把聲好溫柔好好聽！」、「真係有啲暈！」
「荃灣豬肉檔AK」 劉宋威（阿威）近日爆紅，每日都有不少靚太排隊買豬肉和打卡，「威威豬」（阿威粉絲名稱）幫他開的fb群組「荃灣鮮肉威威應援團」，現時粉絲人數已超過1.5萬，阿威還火速為SKECHERS拍攝工作鞋系列廣告。上星期四（19日）阿威正式出道，以「威威劉宋威Samuel」之名開設三個社交平台，拍片教大家煲湯煮餸和分享日常生活，直至截稿前阿威IG有13.1K 人follow，fb有8,131人追縱，YouTube有4,320人訂閱，成績不俗！
不過阿威最近出現勁敵，近日有網民在「荃灣人」FB群組轉載「葵盛海鮮檔Alton」的靚仔相說：「海鮮仔，靚仔過豬肉威多多聲啦！」有網民在抖音搵到原片段，拍片的女網民透露「葵盛海鮮檔Alton」今年28歲，在葵盛街市工作，又讚他靚仔很多，每次光顧對方都會送海鮮給她！有網民指他貌似MIRROR成員Alton、MC張天賦 和陳柏宇：「青靚白淨C9一定like，之前嗰個太粗獷！」、「今次呢個堅靚仔，起碼青靚白淨，一定好過豬肉榮！」、「唔知除罩咩樣，但暫時睇取代MIRROR下弦係冇問題！」
早前有網民提議一班街市靚仔可以組成組合「Supermarket」，因此有網民說：「Supermarket就快齊章！」、「想入娛樂圈可以去街市見工！」不過有「威威豬」反擊說：「威威對blink blink眼，識得笑咁㗎，全勝！佢嘅親和力先至係最殺食，型又得，可愛又得！」
「荃灣豬肉檔AK」劉宋威（阿威），因貌似MIRROR副隊長AK（江𤒹生）、MC張天賦、小豬羅志祥等而受網民追捧，每日都有不少靚太排隊買豬肉和打卡，他的「威威豬」（阿威粉絲名稱）在5月4日幫他開的fb群組「荃灣鮮肉威威應援團」，現時粉絲人數已超過1.4萬，除了淘寶有阿威攬枕出售，日前有粉絲為阿威製作了一系列Whatsapp Stickers，短短幾日已超過13,000人下載，還有「威威豬」在家中自製阿威超靚拉花Coffee放上fb群組開心Share，又有粉絲將阿威的相印落咕𠱸，帶返公司陪坐，可見阿威魅力沒法擋！
為SKECHERS拍工作鞋廣告
阿威成為話題人物後，還紅到去加拿大，日前身在加拿大的李婉華就越洋訪問他，想不到阿威還火速拍了首個品牌廣告，認真威威！身為豬肉檔店長的阿威在工作的「鮮味」為SKECHERS拍攝工作鞋系列廣告，他坦言：「長時間站立雙腳有時都會倦，始終街市地面有時會比較濕滑，所以揀選工作鞋時，舒適和抗滑是首要條件。前排有粉絲擔心我企得攰送咗啲足貼俾我，而家有咗SKECHERS工作鞋，佢地可以放心喇！SKECHERS都送咗波鞋俾我一家大細，我同屋企人都好開心。」得到廣告商垂青，阿威指是粉絲功勞：「好開心，全靠『威威豬』的支持！我相信用心去做就係專業，喺街市嘅行業都唔例外！」很懂得冧粉！
阿威除了得到廣告商支持，連香港開電視《疫境中的餐桌》監製張志明亦關注他，有興趣約見商談合作機會。監製張志明接受傳媒訪問時說：「咁啱我都有朋友認識阿威，知道佢靚仔又煮得，但聽講較少說話，所以要先見面才知是否有合作機會。」張志明指《餐桌》剛剛拍完，新節目《煮題Cook》是名廚Jacky（余健志）和Ricky（張錦祥）主持：「依家我嘅幕後係最強嘅烹飪節目團隊，未來節目發展有很多可能，有不同合作機會。」
阿威已開設YouTube頻道
而森美亦喺專欄提及阿威：「疫情期間大家都太悶了，難得有事情令大家開心，希望『街市AK』帶起的風潮，能令一班在街市工作的俊男組成新組合，網民更稱隊名為Supermarket，希望他們快點推出新歌，屆時我第一個為他們播放！」阿威將來會否出歌真的不知道，但他今日已經開設了自己的IG、fb和YouTube頻道「威威劉宋威Samuel」，將會拍片教大家煲湯煮餸和分享日常生活，認真快手！6月8日是他36歲生日，有粉絲計劃慈善應援，買豬肉給食店，為有需要人士提供免費餐，相當有善心，阿威對此很支持，表示做善事任何時候都可以。
繼鏡仔之後，最近令香港出現一批「新前夫」的荃灣楊屋道街市豬肉檔AK（原名：阿威），深得男女老幼喜愛，有粉絲甚至為他在Facebook開了「荃灣鮮肉威威應援團」群組，至今已經吸引逾12,000名粉絲入內。
阿威早前接受傳媒專訪，指每日有200-300名街坊找他合照，除了女粉絲，也有男士、中學生或一家大小，可見人氣高企！有粉絲得知阿威6月8日生日，打算為他舉辦巴士和電車應援，還用心地製作預覽圖，亦有人建議當日全日免費搭電車或者免費送豬肉，有粉絲搞笑表示：「會唔會威威在上層車頭拋豬肉落黎先，諗起都興奮🤣」。不過都有人指阿威是素人，應該先問主角意願，以免造成尷尬。
近日有女網民在「荃灣人」FB群組，上載和靚仔豬肉檔員工嘅合照，網民看完相大讚靚仔貌似MIRROR副隊長 AK（江𤒹生）、MC張天賦、台灣藝人小豬羅志祥等，一眾靚太爭相前往影合照，相當墟冚！「荃灣豬肉檔AK」被傳媒廣泛報道後爆紅，他接受訪問時透露現年36歲，名叫阿威，入行6年，阿威表示：「新聞多咗嘅時候就多咗人嚟打卡，尷尬，怕醜呀嘛。做緊嘢時要擺低嘢同人影相，平時自己都唔係咁鍾意同人影相。」不過阿威相當樂意教街坊煮飯煲湯，又坦言不覺得自己似AK，但很多人說他似羅志祥、沈震軒，他自評樣貌只有6分左右，亦已有另一半，有網民更爆他已婚和有小朋友！
阿威爆紅後，有粉絲立即開設「荃灣鮮肉AK應援團」Fb群組，現時已有超過6.6千粉絲，相當厲害！當中有網友貼出疑似阿威的除罩相，相中人有深邃眼神，上身和手都有紋身，相當有型，而另外一張黑白側面相就激似沈震軒！有網民留言指沒有失望：「係靚仔㗎，除咗（罩）都係靚仔！」、「憂鬱嘅眼神，唏噓嘅鬚根：百份百係肉類分割員嘅表表者👍🏻型，英，帥，靚，正！」、「一啲娘炮都無，似番個男人！」不過亦有網友說：「唔係好靚仔！」不過阿威已火速簽了經理人，有自稱文哥向記者交出卡片，指訪問事宜會代阿威安排，難道想鋪路出道？
不過記者問文哥除罩相是否阿威本人，文哥就未回覆。有女網民還爆經理人文哥疑是豬肉店高層：「 以我所知個經理人文哥，就係豬肉店建華集團地區經理！」有網友就回覆說：「豬肉店經理做埋經理人！」、「其實唔知係咪建華嘅marketing campaign嚟，即管睇下之後會點！」亦有網民指想請阿威出活動，十足明星一樣，真是魅力沒法擋！
