標籤: 陳卓賢

娛樂

2022年度叱咤樂壇流行榜頒獎典禮|我最喜愛的歌曲最後5強 MIRROR佔4席撼MC

2022年度叱咤樂壇流行榜頒獎典禮將於2023年1月1日在亞洲國際博覽館舉行,最近叱咤903在網上舉辦「我最喜愛的男歌手」、「我最愛的女歌手」、「我最喜愛的組合」及「我最喜愛的歌曲」投票。今日(12月23日)中午時分,「我最喜愛的歌曲」最後5強終於誕生,入圍作品有Anson Lo盧瀚霆《Mr.Stranger》、Ian陳卓賢《留一天與你喘息》、MC張天賦《老派約會之必要》、MIRROR《We All Are》以及姜濤《作品的說話》。換言之之前有份入選最後10強的Dear Jane、Edan呂爵安、Jer柳應廷、張敬軒同林家謙都相繼出局。至於最終那個單位可以奪得「我最愛的歌曲」獎項,就於頒獎禮中再由現場觀眾即場投票。

MIRROR《We All Are》
Anson Lo盧瀚霆《Mr.Stranger》
Ian陳卓賢《留一天與你喘息》
MC張天賦《老派約會之必要》
姜濤《作品的說話》

娛樂

Spotify 2022音樂排行榜 姜濤榮登香港最高串流量歌手

Spotify今日公佈2022年度回顧 (Wrapped),國際級歌手Bad Bunny、Taylor Swift和Drake在Spotify全球最高串流量專輯、歌曲及歌手等榜單中名列前茅。來自波多黎各的饒舌歌手Bad Bunny今年創下超過185億的串流量,連續三年蟬聯全球最高串流量歌手的第一名寶座。

至於本地方面,廣東歌歌手繼續大放異彩,MIRROR成員姜濤除了榮登香港最高串流量歌手榜首外,更在「香港最高串流量歌曲」的頭五位包辦了其中四首;至於「香港最高串流量專輯」,則由林家謙的《SEVEN》榮登榜首。馬上看看各個排行榜:

Spotify香港最高串流量歌手

Spotify
  1. 姜濤
  2. 陳卓賢 Ian
  3. MC 張天賦
  4. 張敬軒
  5. 盧瀚霆

Spotify香港最高串流量女歌手

Spotify
  1. Taylor Swift
  2. 衛蘭
  3. 容祖兒
  4. Ariana Grande
  5. 鄧紫棋

Spotify香港最高串流量男歌手

Spotify
  1. 姜濤
  2. 陳卓賢 Ian
  3. MC 張天賦
  4. 張敬軒
  5. 盧瀚霆

Spotify香港最高串流量組合

Spotify
  1. BTS
  2. Dear Jane
  3. BLACKPINK
  4. YOASOBI
  5. my little airport

Spotify香港最高串流量專輯

Spotify
  1. 林家謙 – 《SEVEN》
  2. BTS – 《Proof》
  3. 洪嘉豪 -《Learning Curve》
  4. Ed Sheeran – 《=》
  5. Gareth T. -《to be honest》

Spotify香港最高串流量歌曲

Spotify
  1. 姜濤 – 《鏡中鏡》
  2. 姜濤 – 《Dear My Friend》
  3. 姜濤 – 《作品的說話》
  4. 陳卓賢 Ian – 《留一天與你喘息》
  5. 姜濤 – 《Master Class》

香港最高串流量 K-pop 歌手

  1. BTS
  2. BLACKPINK
  3. TWICE
  4. IU
  5. SEVENTEEN

香港最高串流量 K-Pop 歌曲

  1. BLACKPINK – 《Pink Venom》
  2. IVE – 《LOVE DIVE》
  3. (G)I-DLE – 《TOMBOY》
  4. IVE – 《After LIKE》
  5. V – 《Christmas Tree》

香港最受歡迎 Spotify 播放清單

  1. 最 Hit 粵語榜
  2. 香港流行樂
  3. Baby Sleep
  4. Sleep
  5. 唱K熱榜

香港最受歡迎播客

  1. 好青年荼毒室(哲學部)
  2. The Joe Rogan Experience
  3. 五分鐘心理學 – 樹洞香港 Podcast
  4. TED Talks Daily
  5. Global News Podcast

Spotify 2022 全球總回顧清單

全球最高串流量歌手

  1. Bad Bunny
  2. Taylor Swift
  3. Drake
  4. The Weeknd
  5. BTS

全球最高串流量歌曲

  1. Harry Styles – 《As It Was》
  2. Glass Animals -《Heat Waves》
  3. The Kid LAROI – 《STAY (with Justin Bieber)》
  4. Bad Bunny feat. Chencho Corleone – 《Me Porto Bonito》
  5. Bad Bunny – 《Tití Me Preguntó》

全球最高串流量專輯

  1. Bad Bunny – 《Un Verano Sin Ti》
  2. Harry Styles- 《Harry’s House》
  3. Olivia Rodrigo – 《SOUR》
  4. Ed Sheeran – 《=》
  5. Doja Cat -《Planet Her》

全球最受歡迎播客

  1. The Joe Rogan Experience
  2. Call Her Daddy
  3. Anything Goes with Emma Chamberlain
  4. Caso 63 (全語言)
  5. Crime Junkie

全球最高流量歌手

  1. Taylor Swift
  2. The Weeknd
  3. Bad Bunny
  4. BTS
  5. Lana Del Rey

全球最高分享歌詞

  1. Glass Animals -《Heat Waves》
  2. Conan Gray -《Heather》
  3. The Walters -《I Love You So》
  4. Lana Del Rey -《Summertime Sadness》
  5. Keane -《Somewhere Only We Know》
娛樂

Ian陳卓賢是「暖男師兄」! 為母校排球隊師弟添運動裝飾

MIRROR成員陳卓賢 (Ian) 向來熱愛運動,就讀中學時是排球、田徑及籃球校隊隊員,曾於全港學界精英排球賽入選明星隊,亦曾是香港男子排球代表隊成員。不過即使離開排球圈後,Ian對母校排球隊師弟依然愛護有加,難怪被稱為「暖男師兄」!

Ian
Ian在前年在ViuTV劇集《男排女將》飾演余俊賢一角,現實中同樣是排球好手!

Ian為母校師弟添運動裝備

日前Ian在IG限時動態,分享了一張裝滿運動服飾的相片,當中包括衫﹑鞋和運動襪等,他寫道:「有日突然有個諗法,就係想買啲運動裝備,整啲衫畀中學排球隊嘅師弟,因為自己以前細個都會為咗買sports gear而儲好耐好耐錢,而家就想盡自己嘅少少能力,送畀佢哋。」

Ian坦言自己比較怕去門市購物,而且他又不太肯定是否齊碼,所以他找來一位對球鞋熟悉的朋友幫忙,向對方說出他想做的事。然後該朋友替他找了一個運動品牌,Ian感謝該品牌幫忙:「溝通完後,mizuno嘅同事好好,話唔需要我買,佢哋會送畀大家,所以喺度衷心多謝mizuno。」

Ian
Ian為排球隊師弟添置裝備!
Ian
Ian上月亦有回到母校長沙灣天主教Ian英文中學,為一眾師弟打打氣!
Ian
暖男師兄大受歡迎!
食玩

季前賽|麥當勞季前賽籃神卡活動最後一周 姜濤/Ian/痴漢隊隊卡壓軸登場

ViuTV原創劇《季前賽》故事來到中後段,昨晚(11月3日)劇情主要講述由MIRROR成員陳卓賢(Ian)飾演的卓立鋒,與瀚林大學籃球隊隊友產生矛盾,而姜濤飾演的高家孝則與4年前拋低自己和弟弟的媽媽(童愛玲 飾)破鏡重圓。

麥當勞派發的「 季前賽 籃神卡」於下周一(11月7日)來到最後一周,壓軸登場的除了姜濤和陳卓賢外,更有「痴漢隊」的隊照卡。麥當勞App用戶憑不同電子優惠券包括「$33歎巨無霸或脆雞巨無霸套餐」或「$42歎巨無霸系列四道菜」,即可獲得隨機派發的第三週「季前賽籃神卡」。假如大家儲齊全套9張「籃神卡」後,就可以將其反轉再拼湊,劇集海報會隨即出現。想帶各位「籃神」回家,就要把握時間到麥當勞換領!(數量有限,送完即止。)

季前賽
姜濤籃神卡
季前賽
陳卓賢籃神卡
季前賽
痴漢隊隊卡
集齊一套9張籃神卡可拼湊出A4 Size海報
即日起至11月13日晚上11時59分或之前,成功登記成為麥當勞App用戶並於手機或餐廳內的點餐機掃瞄App內之指定捐款券,捐款$99予麥當勞叔叔之家慈善基金幫助有需要的病童及其家人,即有機會獲得限量版Big Mac籃球乙個(名額上限100名)!
娛樂

Ian 新歌《地球上的最後一朵花》 盼喚起大家愛惜環境 包辦曲詞編監唱勁叻仔

Ian(陳卓賢)除了有主演的《季前賽》熱播外,今日還推出新歌《地球上的最後一朵花》。今次Ian首次一人分飾五角,一手包辦作曲、填詞、編曲、監製和主唱,製作過程雖然十分辛苦,更一度感到迷失,但看到成品那份滿足感,令Ian難以用筆墨去形容。

Ian
Ian今日還推出新歌《地球上的最後一朵花》。

有一日Ian臨睡前,剛合上雙眼,腦內就突然跳出了一個畫面:地球上唯獨剩下剛生長出來的一朵花,這會是一個怎樣的狀態?Ian代入了那朵小花的生命說:「呢朵花唔知原本個世界會係點,以為本來就只有佢自己一朵花!但慢慢花開始覺得,世界一定有其他花。而只要好似花,改變到自己心態,所有嘢就會變好。」Ian更希望透過歌曲喚起大家環保愛地球訊息,真的不要剩下一朵花才學會珍惜不捨。

Ian
Ian希望透過歌曲喚起大家環保愛地球訊息,不要剩下一朵花才學會珍惜不捨。

今次Ian繼續向全能唱作人的方向進發,為《地球上的最後一朵花》一手包辦曲、詞、編、監,他鉅細無遺地說起這次錄製歌曲的經過:「今次《地球上的最後一朵花》錄咗兩個Session,要兼顧好多嘢,除咗前期創作,仲有一啲後期嘅嘢,用好多時間同精力,亦因為準備時間唔算好充足,錄完後即時做好多Tuning (調音)嘅工作,喺製作時會有一兩個Moment(時刻)自己陷入咗迷宮之中,因為自己監製,又要判斷每個Vocal要點樣處理,又要揀Take,再作調整,長期喺錄音室時,會有一兩個短暫Moment迷失方向。」雖然Ian要搞盡腦汁瞓身做歌,但他坦言十分享受整個製作過程。他續道:「一路錄一路跟住揀Take再Edit(編輯),但見到首歌一步一步咁出嚟,過程雖然辛苦,但係係幾開心!」

Ian
今次Ian繼續向全能唱作人的方向進發,為《地球上的最後一朵花》一手包辦曲、詞、編、監。

Ian身兼數職,但幸好還有黃兆銘(Nick)參與了編曲的部分,對方彷如成為Ian的定心丸。Ian說:「一開始決定做《地球上的最後一朵花》時,心入面已經好明確要搵Nick一齊合作編曲部分,因為以前聽過好多好鍾意嘅作品,入面有好多好多弦樂嘅部份,都係出自佢嘅手筆。其實一開始寫好旋律、有個畫面時,就覺得呢隻歌係好需要一啲好好聽嘅弦樂放入歌入面,所以自己就即刻聯絡佢,問佢有冇興趣一齊做呢隻歌。過程中Nick俾咗好多意見,我成日不斷轟炸,日以繼夜問佢意見,但佢依然好樂意逐一解答我所有問佢嘅意見同睇法,所以好多謝佢嘅幫忙。」

Ian
Ian身兼數職,但幸好還有黃兆銘(Nick)參與了編曲的部分。

《地球上的最後一朵花》中午在《叱咤樂壇》首播,Hellosss(Ian粉絲名稱)聽完紛紛大讚:「曲詞編監全包辦!咁叻得唔得㗎!」、「終於等到!」、「我最喜愛唱作男歌手陳卓賢!」、「全能陳好叻!」、「我哋的小王子🤴陳卓賢🤴!」

娛樂

Ian為《Got U》兼做樂手 向全能唱作人進發 預告演唱會前再出新歌:我好鍾意嘅作品

陳卓賢(Ian)於新歌《Got U》除了和T-Ma攜手作曲外,歌詞、編曲部分都參與很多,除此之外,他還兼任樂手,向全能唱作人方位進發。今次是Ian首度和填詞人T-Rexx合作,但原來二人的創作過程,多以英文歌作主導。Ian說:「我平時聽英文歌佔好大比重,聽到某隻英文歌嘅歌詞好啱《Got U》,就會成隻歌Share俾T-Rexx,跟住佢就會用佢嘅方法,消化下,再睇下可唔可以轉返做廣東話歌詞,放喺歌入面,《Got U》就有呢個元素喺入面。呢個係一個幾得意嘅溝通方式,咁當然,我亦有話佢聽想要乜嘢主題、感覺,但用唔同語言嘅歌曲嚟做reference都得意。」

Ian
Ian於新歌《Got U》兼任樂手,向全能唱作人方位進發。

作曲方面,繼《DWBF》和《搞不懂》後,Ian再次和T-Ma合作。有了上兩次嘅經驗,二人都很了解對方的喜好,創作上亦有了一定的默契,因而成就了《Got U》的誕生。Ian回憶道:「喺錄緊《留一天與你喘息》時,我哋已經決定咗用《Got U》嘅旋律,然後我哋上網聽下歌,聽完我就有啲諗法,T-Ma就話『Try it』,跟住就遞咗支結他俾我彈出嚟,錄咗入電腦,然後佢再砌啲嘢上去。T-Ma係好厲害亦好擅長呢一類曲風,所以我哋好快就完成新歌製作,呢首係幾隨心但唔輕率嘅作品,喺好自然環境下發生,然後有個Magic Moment促成呢個作品出現。」亦因為這次忽然靈感到,Ian多了編曲人身份,向全能唱作人方位進發。

Ian
作曲方面,繼《DWBF》和《搞不懂》後,Ian再次和T-Ma合作。

Ian透露《Got U》過後,《MIRROR.WE.ARE LIVE CONCERT 2022》之前,將會推出多一首個人作品:「今年嘅第3首歌喺拍攝《Got U》MV期間已經開始錄音,所以如無意外會喺演唱會前會有多一隻歌出現。新歌係我好鍾意嘅作品,寫完新歌嗰日都幾興奮,返到屋企沖涼又聽,臨瞓前又聽,我好期待,希望大家都期待。」Ian表示新歌跟《留一天與你喘息》和《Got U》截然不同,除了作曲以外,他亦有參與填詞和其他部分,詳情將會稍後慢慢揭曉。

Ian透露:「如無意外會喺演唱會前會有多一隻歌出現。新歌係我好鍾意嘅作品。」
Ian
Ian表示新歌跟《留一天與你喘息》和《Got U》截然不同!
娛樂

Ian、Jer做尾場嘉賓好驚喜  王菀之約定下世再見  張敬軒感動爆喊

張敬軒 紅館演唱會昨晚(29日)尾場,MIRROR成員Edan(呂爵安)、193(郭嘉駿)、谷德昭等前往捧場,昨晚皇上破天荒請了三位嘉賓,包括「皇后」王菀之,MIRROR成員Ian(陳卓賢)和Jer(柳應廷),令觀眾超驚喜!

張敬軒
張敬軒紅館演唱會昨晚尾場,昨晚皇上破天荒請了三位嘉賓,王菀之第一個出場。

王菀之第一個出場,她讀出寫給皇上的信:「張敬軒,你過得好嘛?沒見面的日子,我同你同好多人一樣,都係好努力咁追尋自己夢想,有時好困難,但冇放棄,因為放棄咗成為定局,但唔放棄一直行落去仲有希望,所以我哋彼此努力啦,無論將來點,我都祝福你未來有更多個廿年做你夢想嘅事,生活開心自在;幾年前我哋喺同一地方你問我,如果下一世遇唔番我點算呢?」此時皇上忍不住爆喊,王菀之說:「我會搵番你!」皇上回應:「多謝皇后!」兩人相擁,場面催淚感人!

張敬軒
王菀之讀出寫給皇上的信,約定下世相見,皇上忍不住爆喊!
張敬軒
兩人相擁,場面催淚感人!

第2位嘉賓是Ian,他送上自己第一架擁有的模型車:「皇上好好,教我好多嘢,銘記於心,做人一定要有目標,我將模型車送俾你先,他日我有真車,第一時間車你遊車河。」皇上勁冧:「阿叔我心都融晒呀,陰公!好珍貴,有歲月痕跡!」皇上知道Ian 6月生日,又說:「我好老實,特別而家收入唔多,廣告又唔夠你哋多,我啲廣告賣咗幾年都俾你哋搶咗,我見到你拍銀行廣告好開心,開心見到你哋喺樂壇有成績,好多人支持你哋,接受長輩祝福,我同你唱隻生日歌。」

張敬軒
第2位嘉賓是Ian。
張敬軒
Ian送上自己第一架擁有的模型車,皇上勁冧:「阿叔我心都融晒呀,陰公!」

至於壓軸出場的Jer收工趕到紅館做嘉賓,Jer送禮時拿出自己珍藏多年的《酷愛》CD說:「今次禮物我有少少私心,係隻CD,呢隻係我人生第一次買嘅CD,所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝,佢人生買嘅第一隻CD,就係我嘅碟,所以你送隻碟俾我幫你簽名。」見到皇上簽名,Jer即開心大叫︰「Yeah!多謝你呀!」場面搞笑!

張敬軒
Jer收工趕到紅館做嘉賓。
張敬軒
Jer送禮時拿出自己珍藏多年的《酷愛》CD請皇上簽名。
娛樂

預告最快4月出情歌  大爆《留一天與你喘息》原本寫俾婆婆  Ian:佢湊大我好縱我,所以細個好肥

Ian(陳卓賢)在情人節推出新歌《留一天與你喘息》,MV在YouTube上架20小時內已破百萬點擊,至今已累積超過453萬觀看次數,成績亮麗!Ian 今日接受商台節目《叱咤樂壇》主持謝茜嘉訪問,Ian率先預告下一首係情歌:「我下一隻嘅派台歌其實仲啱情人節,我安排咗情人節係2022年第一隻派台作品,但諗諗吓《留一天與你喘息》都適合喺情人節出,雖然我本身諗住呢隻歌唔係好愛情,唔係淨係講情人嘅,但係其實大家嘅切入點都可以係情人節嘅,都幾啱,所以都出咗《留一天與你喘息》先。」

Ian
Ian在情人節推出新歌《留一天與你喘息》,MV在YouTube上架至今已累積超過453萬觀看次數,成績亮麗!

Ian透露首歌是數個月前寫的,原本想寫親情:「原本想寫親情,我好思念一位親人,有一份思念喺當中嘅,當我send俾填詞人Oscar嘅時候,我同佢講寫旋律時有份思念喺入面,但係大家討論完之後,希望隱晦啲,唔會話好鍾意你、好直白咁去表達情感,但當中有溫暖喺入面!」

Ian
Ian 今日接受商台節目《叱咤樂壇》主持謝茜嘉訪問,Ian率先預告下一首是情歌。

主持問既然首歌是寫給親人,有否將歌新給當事人聽呢?Ian說:「我當初寫呢首歌嘅時候係諗住婆婆,佢有聽呢隻歌,但我冇同佢講呢隻歌當初寫嘅時候係諗起佢,因為我由細到大都係婆婆湊大,包括以前返學放學、學跆拳道呀,我有個好深刻嘅畫面就係,每次學完跆拳道就係婆婆接我走,佢好錫我好縱我,我話想食嘢佢就一定會買俾我,所以我細個好肥,我哋會一齊去買碗仔翅嗰啲返屋企食,嗰種感覺好暖。因為嗰陣時我好矮,婆婆高啲,我會搭住佢膊頭,婆婆依家成日都會講番:『你嗰陣時好細粒,你夾硬搭住我膊頭,成日好似壓住我咁,好唔舒服,而家已經咁高啦!』依家我會繼續搭住佢膊頭,好似半攬咁樣,而佢就啱啱攬住我條腰!」超Sweet!

Ian
Ian說是婆婆湊大他:「我當初寫呢首歌嘅時候係諗住婆婆,佢有聽呢隻歌,但我冇同佢講呢隻歌當初寫嘅時候係諗起佢。」
Ian
Ian指婆婆很錫、很縱他:「我話想食嘢佢就一定會買俾我,所以我細個好肥。」

Ian又透露出歌大計:「希望可以4月出到新歌,手頭上都有兩三隻歌進行緊,睇吓今年盡可能出到幾多隻。(會不會全部都是情歌?)應該都唔會,依家手上面嘅素材唔係全部都係情歌,但係全部都係自己寫嘅!」對於粉絲Hellosss的支持,Ian說:「好似每次都係講多謝、thank you,好似好客套說話,但其實係真心嘅,好需要真心講一句:『多謝大家!』因為都好艱難嘅,所以多謝大家支持!」

Ian
對於粉絲Hellosss的支持,Ian說:「好需要真心講一句:『多謝大家!』因為都好艱難嘅,所以多謝大家支持!」
娛樂

Ian 獲提名TC Candler百大型男 Hellosss大讚新歌《留一天與你喘息》好聽

美國網站TC Candler每年都會舉行「全球百大型男」(The 100 Most Handsome Faces)選舉,繼早前提名完MIRROR 4位成員姜濤、Anson Lo(盧瀚霆)、Edan(呂爵安)和AK(江𤒹生)後,再有一位MIRROR 成員入圍,就是今日推出新歌《留一天與你喘息》的Ian(陳卓賢),至今已有5位MIRROR成員代表香港衝出國際力爭取型男殊榮,恭喜!TC Candler的簡介形容Ian是歌手、唱作人、演員、Model,又盛讚Ian多才多藝,既識彈結他,又是前香港男子排球代表隊,還創立個人時裝品牌iNDIPANDANT,令Ian粉絲Hellosss興奮留言:「Yeah 成功喇!」相信是Ian和Hellosss最好的情人節禮物!

Ian
Ian入圍美國網站TC Candler舉行的「全球百大型男」選舉。
Ian
TC Candler的簡介形容Ian是歌手、唱作人、演員、Model。
Ian
TC Candler又盛讚Ian多才多藝,既識彈結他,又是前香港男子排球代表隊,還創立個人時裝品牌iNDIPANDANT!

而Ian新歌《留一天與你喘息》今日下午1時已在各大音樂平台上架,雖然MV今晚才有得看,但Ian早前已上載部分MV片段,Ian吃着蘋果和女主角對話,被Hellosss讚:「食蘋果都咁有戲!」新歌由Ian親自作曲,Oscar Lee填詞,其中歌詞:「無數錯或對嘲笑和對比,談哀說痛不過心死,唯獨有一剎把我救起,這一種永遠的你,唯一想,留一天與你喘息,由衷的,真心的!」很浪漫!有Hellosss聽後大讚:「好好好好聽,加油呀Ian !」、「卓賢依首好好聽!」對於Ian相半隔年出新歌,Hellosss相當開心:「等到啦!情人節無另一半,等聽新歌一樣咁sweet!」還有加國小粉絲留言:「Ian哥哥,今個情人節會係Hellosss最sweet嘅情人節!From 加國小鏡粉!」

Ian
Ian今日推出新歌《留一天與你喘息》,獲Hellosss大讚好聽!
Ian
新歌MV今晚才有得看,但Ian早前已上載部分MV片段,Ian吃着蘋果和女主角對話,被Hellosss讚:「食蘋果都咁有戲!」
娛樂

姜濤 孖MIRROR兄弟 為29歲末期癌症青年出post:希望平安

MIRROR 成員除了努力工作,亦很關心有需要的人,好像早前有網民「我老婆嫁左比Mirror導致婚姻破裂關注組」求助,表示27歲的女友是姜糖,7歲患一型糖尿病,今年因糖尿病致腎衰竭,要接受洗腎,以及做手術加人工血管,希望姜濤和網民為她打氣。之後姜濤在IG轉載貼文留言鼓勵:「沒甚麼能幫忙的,告訴他,我等她好起來,加油!」

姜濤
姜濤一向關心有需要的人,早前便為27歲、患糖尿病的姜糖打氣。

又好像Ian(陳卓賢),他有個28歲玻璃骨Hellosss(Ian粉絲名稱)斌琳,斌琳的好友Cami為了完成她見偶像的心願,於是找ViuTV節目《幫緊你應援團》幫忙,Ian二話不說和斌琳驚喜見面,還寫心意卡鼓勵斌琳,早前MIRROR六子舉行《Music On The Road》音樂會,斌琳獲神秘鏡仔留飛,當日斌琳到後台和六子影相,Ian還單膝跪地,將手托在斌琳的輪椅上,超細心。

姜濤
28歲玻璃骨Hellosss斌琳想見Ian,她的好友Cami於是找《幫緊你應援團》幫忙,Ian二話不說和斌琳驚喜見面。
姜濤
Ian還寫心意卡鼓勵斌琳。

今日姜濤和一班MIRROR兄弟,紛紛在IG Story轉發一張相,相中表示一位29歲青年患上罕有末期癌症,急需籌款用新藥療法,文中寫道:「29歲的他堅強地捱過了化療電療,多次針剌和插喉痛苦,可是失效和惡化。醫生說需到私家自費使用未入藥物名冊的新藥才有轉機。沒有藥,等於任由癌細胞侵蝕這個年輕的身體。病情危急,無計可施之下,盼望眾籌來應付新藥治療費,延續這個抗癌奇蹟,讓他活下去。請求善心人的慷慨解囊和幫助,衷心感謝大家。 」其實早在剛過去嘅平安夜,姜濤已轉發過同一張相,當時他寫道:「平安夜,除了我們自己和家人的平安,也希望那些我們不認識的人都可以平安! 」不過今日這張相更新了青年的狀況:「 現情況危急,求集氣為他打氣和祝福!」相信姜濤和MIRROR兄弟特意轉發,為青年打氣! 希望青年能渡過難關,祝福!

姜濤
姜濤在今年的平安夜,轉發一張相,相中表示一位29歲青年患上罕有末期癌症,急需籌款用新藥療法,當時他寫道:「平安夜,除了我們自己和家人的平安,也希望那些我們不認識的人都可以平安! 」
姜濤
今日姜濤在IG Story轉發同一張相,不過今日這張相更新了青年的狀況:「 現情況危急,求集氣為他打氣和祝福!」相信姜濤特意轉發,為青年打氣!
姜濤
MIRROR兄弟亦有紛紛轉發該相片,為青年打氣!
View More