標籤: 陳豪

娛樂

陳豪注重健康源自張繼聰  同老婆陳茵媺拍劇唔舒服

陳豪 、孔德賢、阮嘉敏日前出席保健品牌永恆生活產品「Forever香港年會2022」活動,與大中華區總經理Erwin Lai及現場嘉賓分享健康心得;「愛妻號」陳豪魅力驚人,一出場即吸引大批在場人士蜂擁台前拍照,他分享健康心得時,透露與太太陳茵媺同樣注重飲食,不過他對健康的注重,竟然是源自張繼聰。

陳豪
陳豪、孔德賢、阮嘉敏日前出席保健品牌永恆生活產品「Forever香港年會2022」活動。

向來予人健康之感的陳豪,指太太跟他同樣注重健康,他更大讚太太對小朋友的飲食餐單、均衡營養做得非常出色,而問到他何時開始意會到對健康注重?陳豪竟表示自跟張繼聰合作拍攝劇集《誇世代》時:「當時見到張繼聰練到一身肌肉,於是向佢請教,自己開始做gym,但方法及飲食全部都唔正確,經佢介紹後,再次健身,原來想要再大啲嘅肌肉,除咗研究健身方向,要再注重飲食、餐單配合,亦因為咁開始注重營養問題,就係呢一個開始,令自己對健身、對心臟健康、內臟健康嘅注重。」

陳豪
陳豪讚太太對小朋友的飲食餐單、均衡營養做得非常出色。

跟太太同框拍劇「唔舒服」

此外,陳豪正跟太太陳茵媺合作為新劇《羅密歐與祝英台》開工,相隔多年再跟太太同框演出,陳豪笑言有點「唔舒服」,他謂:「未試過用演戲身份對待大家,就算《天梯》時合作都唔係直接對手,未試過銀幕上呢種嘅角色同面對,呢種相處,我哋都要適應吓,但都OK嘅!」提到陳茵媺濶別熒幕10年,陳豪透露太太亦有不習慣:「今次佢嘅挑戰好大,10年冇拍劇、好多劇本、好多rundown、好多對白需要出力記,另外同我一齊拍,亦係一個挑戰。」對於太太在劇中剷青的霸氣造型,陳豪就發揮「愛妻號」本色指:「我係欣賞嘅,今次佢角色女扮男裝,對佢係幾好挑戰,令人眼前一亮。」

陳豪
陳豪正跟太太陳茵媺合作為新劇《羅密歐與祝英台》開工,相隔多年再跟太太同框演出,陳豪笑言有點「唔舒服」。

阮嘉敏難忘農曆七月探靈

同場的孔德賢在活動中大開金口唱出三首歌,他指今次是第二次在台上獻唱,心情興奮;正忙於拍攝民初劇《本尊就位》的他,透露為趕劇已超過40小時沒有睡眠,難怪一個月瘦了10公斤。問到孔德賢首次跟「大師兄」陳豪出席活動,可有向對方請教台上心得?他說:「連日拍劇,喺化妝間都有見到對方,望住對方嘅淡定、風度、親民,已經係好好學習對象。」此外,阮嘉敏離開了《東張西望》後,她近日完成了新劇《靈戲逼人》拍攝,她表示難忘農曆七月時拍攝探靈戲份,幸好一切順利。

孔德賢為拍劇,一個月瘦了十公斤。
阮嘉敏剛完成新劇《靈戲逼人》拍攝。
娛樂

細女中招全家隔離 陳豪陳茵媺新劇停工

陳豪 和陳茵媺(Aimee)2013年結婚後育有兩子一女,之後Aimee淡出娛樂圈,近日她復出接拍監製陳維冠新劇《羅密歐與祝英台》(暫名),和老公相隔12年再合作,新劇已於日前正式開拍。不過近日疫情轉趨嚴重,一向罩不離口保護家人的陳豪,近日因傭人染疫,細女Camilla亦確診,兩夫婦擔心之餘,更要貼身照顧細女,加上兩人成為密切接觸者,需要隔離,所以兩人亦要停工。

陳豪
陳豪和陳茵媺2013年結婚後育有兩子一女,之後Aimee淡出娛樂圈。
近日Aimee復出接拍監製陳維冠新劇《羅密歐與祝英台》(暫名),和老公相隔12年再合作。

該劇監製陳維冠接受傳媒訪問時,承認陳豪夫婦是密切接觸者,指劇組昨日開拍其他人戲份,之後休息四日,等兩夫婦康復就會開工,陳維冠指整個劇組非常小心,台前幕後每日都會做快測,確保劇組安全。

陳豪
近日疫情轉趨嚴重,一向罩不離口保護家人的陳豪,近日因傭人染疫,細女Camilla亦確診。
兩夫婦要貼身照顧細女,加上兩人成為密切接觸者,需要隔離,所以兩人亦要停工。
娛樂

李佳芯自爆曾戲假情真   激讚陳豪好男人:如果佢未結婚,真係會中

李佳芯(Ali)去年初和拍拖7年的陳炳銓分手,昨晚她為網上節目《絲打圍爐》做嘉賓,和主持楊詩敏(蝦頭)、連詩雅(Shiga)討論「10大最易撻着的情景」。蝦頭指拍對手戲很易戲假情真,很危險,她問Ali有沒有試過很接近的情況,Ali坦言:「有呀,阿Mo(陳豪)囉,我好多套劇都同佢一齊拍,《潮流教主》嗰時係敵對,其實我好慢熱,大家好唔熟,之後《誇世代》開始熟絡,劇中我哋係一pair,我開始好投入,因為阿Mo真係一個好Nice嘅人,無論戲內戲外都好照顧你,佢係一個好好爸爸、好老公。」

李佳芯
李佳芯是很多人心目中的女神!
李佳芯
李佳芯去年初和拍拖7年的陳炳銓(右二)分手!

Ali指拍《誇世代》時會問陳豪意見:「我作為一個後輩有時會問佢意見,佢又好樂於解答後輩嘅嘢,開始《殺手》,然後再拍《愛美麗狂想曲》,我諗去到《誇世代》同《殺手》之間,真係有一刻會諗,嘩,呢個男人,如果我早幾年入行,如果佢未結婚,真係會中,因為佢真係一個太好嘅男人。佢同我開劇時,真係晚晚同老婆Aimee (陳茵媺) FaceTime,好sweet,呢個男人做老公一流,你會有種呢種感覺,呢種男人喺邊度搵!」

李佳芯
李佳芯為網上節目《絲打圍爐》做嘉賓,蝦頭指拍對手戲很易戲假情真,問Ali有沒有試過很接近的情況,Ali坦言:「有呀,阿Mo(陳豪)囉!」
李佳芯
Ali指和陳豪合作多次,拍《潮流教主》時並不熟絡,之後拍《誇世代》開始熟絡,劇中飾演情侶。
李佳芯
Ali激讚陳豪好男人。
陳豪做老公一流!
Ali說:「我諗去到《誇世代》同《殺手》之間,真係有一刻會諗,嘩,呢個男人,如果我早幾年入行,如果佢未結婚……」
Ali續說:「真係會中!」

當蝦頭和連詩雅討論「有難雪中送炭」時,Ali就指自己有困難不會主動求救,令人覺得她很獨立,其實心底渴望被愛,拍拖時男友感受不到被需要:「我冇俾到對方我好需要照顧嘅感覺,佢成日覺得我可以自己搞掂,我會覺得唔好煩,自己做到就做,其實好蝕底。」Ali指要學會坦白表達自己感受:「譬如撒嬌可以當係情趣,用一啲方法令對方覺得,原來我係需要關心、需要你!」

李佳芯
Ali指:「阿Mo同我開劇時,真係晚晚同老婆Aimee (陳茵媺) FaceTime,好sweet!」
娛樂

為老婆陳茵媺沖專屬咖啡 陳豪:甜到日日都有

陳豪所創立的咖啡品牌Blooms Coffee,日前於富衛尊尚商務中心舉辦「手沖咖啡品嚐工作坊」,並邀請兩位在活動前已接受基本手沖咖啡培訓的香港特殊奧運會(特奧)運動員擔任小助手,陳豪除了親手炮製「Moses Style」咖啡給大家品嚐,更分享夫妻情趣,問他沖給太太陳茵媺的咖啡會否特別香甜?他笑言:「甜到日日都有,時時刻刻都有。」

陳豪與陳茵媺同樣熱愛咖啡,他每日都會為太太沖一杯專屬咖啡,味道偏香及有朱古力味,他說:「飲咖啡絕對是我和太太之間的小情趣!以前Aimee喜歡去不同的coffee shop,如今有我每日沖專屬咖啡,既可慳回不少錢,最重要是撐老公品牌,不用幫襯其他公司!」陳豪又自爆暑假將至,勢將全力陪子女盡情去玩,他說:「之前從外地拍完劇回港,撞正子女考試在即,需要不斷跟他們補習,自己雖然頭都暈,幸好成績出來不錯,始終小朋友有家長跟緊些,成績也會好些,暑假當然要獎勵一番。」

陳豪化身咖啡師,一臉專業。
陳豪出動私伙器具炮製「Moses Style」咖啡給大家品嚐。
陳豪透露每日為太太陳茵媺沖一杯味道偏香及有朱古力味的專屬咖啡,sweet到爆。