天王黎明一連9場嘅紅館演唱會，頭3場都有嘉賓，第4和第5場沒有請，有網上專頁就出Post要求網民集氣，希望尾場可以請人氣組合MIRROR做嘉賓，如果成事就是「完美交棒」，又說：「冇嘉賓就淨係睇明仔，有嘉賓就either大家開心吓or廁所位！」怎料辣㷫雙方粉絲。Leon粉絲鬧爆：「呢個係黎明演唱會，點解要集氣請咩鏡仔？更加唔明交咩棒？」鏡粉就鬧：「用鏡仔做廁所位，識唔識得尊重人？」到底MIRROR會不會做尾場嘉賓，真的不知道，但昨晚第6場的嘉賓是鄭伊健。

昨晚Leon化身「手勢王」自創示愛手勢，用手指做圓圈動作放在眼前，表示「人群之中我只看到你」，怎料伊健一出來就做Leon這個手勢，全場冧爆！伊健提起二人在2003年合作電影《雙雄》：「你記唔記有一場戲喺條好靚嘅隧道拍？嗰度係化糞池，當時沙士好犀利，喺咁嘅環境拍攝我好驚，但你好淡定，嚟到仲笑住同我打招呼。當時我心諗：我哋一齊拍戲，佢都唔驚，我唔使驚。」Leon笑着說：「其實我唔知嗰度係化糞池，拍晒返屋企先知道。」全場爆笑！之後他們背對背合唱《友情歲月》，全場揮動螢光棒大合唱！