今年港姐面試因為有「東涌羅浩楷」Kirsten參與而令大家開懷大笑，林作就自稱是她的提名人，指Kirsten19歲，中文名叫霍韻璇，又大讚Kirsten有佛相，看好她拿冠軍，原來全部是大話。Kirsten接受傳媒訪問時踢爆一直被林作消費，她澄清並不認識對方，自己真名叫利愛安，今年22歲，是中國、菲律賓和西班牙混血兒，是土生土長嘅香港人，只是不懂廣東話，她說自己的提名人是陪她面試的哥哥Lenar。
近日林作在網上呼籲每人籌100元，籌100萬給大會，令Kirsten成功入決賽，已經落選港姐的Kirsten就叫大家不要相信：「我冇憎佢，但我唔喜歡有人利用我個名敲詐別人金錢。」被踢爆的林作就解釋自己一分錢都沒有收過，亦無惡意，是真心支持:「我歡迎網友指正，本人從來都係玩得好大嘅，但從來無傷大雅，佢得到名氣、榮譽、關注、愛戴，毫無損失！」認真厚面皮！
今年港姐面試因為林作提名19歲「東涌羅浩楷」霍韻璇（Kirsten）而被炒熱，他大讚Kirsten有佛相，看好她拿冠軍。之後又在fb留言：「霍小姐成功打入第二輪！你係東涌之光！」令網友以為Kirsten進入第二輪面試。但原來他並不認識Kirsten：「我未見過佢，只係有網民託我提名佢。」他所指的霍小姐原來是林母提名的契女霍穎璇（Bronte），而一直嫌棄裕美的林母大讚契女有冠軍相：「佢好甜又清純，希望佢做我新抱，我喜歡港姐多啲！」
今天港姐進入次輪面試，林作又在IG貼出「東涌羅浩楷」私密照爆笑留言：「東涌佛祖，史上最強港姐。Kirsten 第二輪的造型，我已經幫她準備好了。」原來Kirsten是中、菲、西班牙混血兒，自稱是音樂家，在YouTube開設頻道分享音樂， 不過只有27人訂閱。雖然今天未見「東涌羅浩楷」，不過林作女友裕美竟然陪19歲「情敵」Bronte面試：「我依家係林母嘅奴隸，任佢差遣，佢叫我陪，我就陪佢契女過嚟。」提到林母想Bronte做新抱，裕美說：「我個人好大方，做佢新抱都唔係咁容易！」不過Bronte就說不是想爭林作，港姐面試被林家玩謝！
