標籤: 青年學院(邱子文)

娛樂

《答案 最終章》回母校面對過去 姜濤:人哋睇我好高峰嘅位置,其實我跌得好低

姜濤 紀錄片最後一集《答案 最終章》今晚播出,片段一開始就播出姜濤接受網紅加蔥訪問,姜濤指自己不喜歡姜B這個名,連姜濤這個名字都不喜歡,入行想改時已經太遲。之後就播出姜濤憑《Dear My Friend,》奪得「叱咤樂壇我最喜愛的歌曲」的片段。此時姜濤表白感受:「可能人哋睇我好高峰嘅位置,但其實我真係跌得好低,可能你睇嘅嘢係相反,可能你睇到嗰個人同嗰個人真心諗嘅嘢係完全相反,所以千萬唔好太容易去定義一個人,冇人能夠定義到!我入行一兩年可能仍然有比賽光環,但係漸漸到咗第三年,攞埋個獎之後,自己俾自己嘅感覺開始唔同,自己care嘅嘢多咗,每個人講一樣我唔好嘅嘢,我都會好執着,喺度諗一啲好無謂嘅嘢,跟住愈嚟愈唔開心。」

姜濤
姜濤紀錄片最後一集《答案 最終章》今晚播出,片段一開始就播出姜濤接受網紅加蔥訪問,姜濤指自己不喜歡姜B這個名,連姜濤這個名字都不喜歡,入行想改時已經太遲。
姜濤
姜濤表白感受:「可能人哋睇我好高峰嘅位置,但其實我真係跌得好低!」
姜濤
姜濤說:「可能你睇到嗰個人同嗰個人真心諗嘅嘢係完全相反。」

之後姜濤去咗商場,他很開心說:「好開心呀,我好耐冇嚟商場!我噚日特登睇咗條片,話點樣將自己嘅存在感降到最低,就係為咗今日做準備,只要有呢個手勢,就會有存在感低嘅訊號俾人知!關於今年第三隻歌嘅solo,新歌係希望用自己嘅故事同經歷作為背景,展現自己成年之後面對外界一切嘅聲音,從對抗逃避敢於反駁,到反省領悟!」之後姜濤返回母校青年學院(邱子文)懷緬一番,他在禮堂回憶說:「冇呀,嚟返呢間學校探番以前嘅人,呢度算係我第一次表演嘅舞台,嗰陣時同啲朋友,參加一啲表演同歌唱比賽,嗰時上呢個台好緊張,都唔知點解咁緊張!」

姜濤
姜濤 說:「我噚日特登睇咗條片,話點樣將自己嘅存在感降到最低。」
姜濤
姜濤說:「只要有呢個手勢,就會有存在感低嘅訊號俾人知!」
姜濤
之後姜濤返回母校青年學院(邱子文)懷緬一番。
姜濤
他在禮堂回憶說:「呢度算係我第一次表演嘅舞台。」
姜濤
他在回憶說:「嗰陣時同啲朋友,參加一啲表演同歌唱比賽!」
姜濤
他說:「嗰時上呢個台好緊張,都唔知點解咁緊張!」
姜濤
姜濤曾經參加學校的歌唱比賽。

之後姜濤回到從前令他自卑的學校:「我所有嘅自卑、童年嘅唔自信,都係來自呢間學校,我唔係話呢間學校唔好,純粹係我喺呢度經歷嘅所有嘢,喺呢度愈自卑、愈唔懂事,大個先愈嚟愈變得懂事,我嗰陣太肥,每次學校有游水堂,我都會企喺泳池隔離,唔會除衫,嗰陣時每日跑步都會望住啲學生,跟住覺得好自卑,以前我就成日喺度射波(打籃球)!」

姜濤
之後姜濤回到從前令他自卑的學校:「我所有嘅自卑、童年嘅唔自信,都係來自呢間學校。」
姜濤
姜濤:「我唔係話呢間學校唔好,純粹係我喺呢度經歷嘅所有嘢,喺呢度愈自卑、愈唔懂事,大個先愈嚟愈變得懂事!」

之後他解構新歌《鏡中鏡》:「開頭我做呢隻歌係想講我逃避同反抗,本身想反擊人,想啲人唔好再咁樣睇我,但諗諗吓又覺得冇乜嘢意義,我出完又點呢,要搵個方法令自己堅強啲,承認自己有呢啲唔好嘅聲音喺內心,諗方法同佢一齊行,其實個答案已經知係乜嘢,好似好多道理大家都知,但真正做到個道理要你做嘅事,都要經歷好長嘅時間,起碼我搵到個方向,知道邊條係啱嘅路,拍完呢個紀錄片,出完呢隻歌,都會有唔開心嘅時候,但起碼我知道有個方法,我希望大家聽完一次,你搵到自己嘅答案就唔使再聽,你聽多兩次,你搵唔到答案就繼續聽落去,咁就最好,哈哈哈!」

姜濤
之後他解構新歌《鏡中鏡》。

他又說:「其實每個作品幾乎都有自己嘅意見, 第一年自己話事權少啲,做藝人好神奇,因為你可以將自己內心嘅情境一步一步咁實現出嚟,有咁多人幫自己,只可以講好難得,自己可以再開放啲,因為我一直以來我冇乜講自己太多嘢俾大家聽,我只可以講喺呢個團隊入邊經歷嘅嘢,我唔會講太多自己過往嘅嘢。」之後場景去返商場:「依家好開心!大佬,行商場係一件幾奢侈嘅事,冇錯,呢個就係我想拍呢條片嘅原因,我點樣走出呢一排嘅低潮! 」

姜濤
姜濤說:「你搵到自己嘅答案就唔使再聽,你聽多兩次,你搵唔到答案就繼續聽落去,咁就最好,哈哈哈!」

但姜濤說不會忽略外界的聲音:「當我之後有低潮或者其他人有低潮嘅時候,睇吓呢條片,你會唔會唞吓先,會唔會返去你以前先,希望大家睇完之後俾啲意見,我覺得唔同嘅人睇完都有唔同嘅意見,雖然呢個MV係對抗內心嘅過程,但我唔會忽略外界嘅聲音,我會更加勇敢去接受外界嘅聲音,希望大家可以繼續督促我哋!」最後片段播出他說過的宏願作結:「今年好多人會覺得我喺度唔知自己講緊啲乜,但我喺呢個地方,我可以好有信心講,我哋一定會係亞洲第一!」

娛樂

姜濤剖白自覺有抑鬱症後秘返母校探老師:非常開心的一天

姜濤日前推出紀錄片《答案》,希望大家了解真實的他,他在週二(9日)首集,便剖白早前在IG post出「I’m tired of everything」的原因:「其實嗰日好哋哋,但唔知點解情緒突然好低落,好似突然之間唔知自己做緊啲乜,好似突然覺得自己有抑鬱症咁。」令姜糖好擔心!不過原來他昨日秘密返回將軍澳母校青年學院(邱子文)找老師聊天。一位就讀該校的17歲女學生,昨日就在粉絲群組貼出和師兄姜濤合照並留言:「唔講咁多,同姜B同一間學校,只係姜B已經畢業!」即時令其他姜糖起哄說:「難過中六合彩!」、「羨慕死人啦!」  、「姜B真係好有心, 紅咗都不忘探老師,證明份人好念舊,乖仔,抵錫!」

姜糖紛紛問師妹姜B為何返母校,師妹說:「探老師同拍嘢 ,有隨行攝影師可能係拍片。」有姜糖追問姜B是否拍紀錄片《答案》第2集,師妹便說:「係咪拍Ep2我其實都唔知,不過探老師一定係!」師妹還大讚姜師兄:「好nice !」有姜糖搞笑問師妹:「妹妹你係咪拖過一千個呀婆過馬路?」示意她積福換到和姜B合照,師妹貼出大笑Emoji話:「冇!」而同日有網友影到姜B搭港鐵,相當貼地。姜B探完母校,便在IG Story留言:「尋找答案的一天,非常開心的一天,謝謝你們!」看來姜B探完老師之後很有得着,希望他找到想找的答案!

姜濤
姜濤日前推出紀錄片《答案》,希望大家了解真實的他。
姜濤
他剖白早前在IG post出「I’m tired of everything」的原因。
姜濤
他说:「其實嗰日好哋哋,但唔知點解情緒突然好低落,好似突然覺得自己有抑鬱症咁。」
一位就讀該校的17歲女學生,昨日就在粉絲群組貼出和師兄姜濤合照。(粉絲群組圖片)
姜濤
師妹大讚師兄姜濤好nice。(粉絲群組圖片)
師兄妹合照即時令其他姜糖起哄說:「羨慕死人啦!」 (粉絲群組圖片)
姜糖紛紛問師妹姜B為何返母校,師妹說:「探老師同拍嘢 。」
有姜糖追問姜B是否拍紀錄片《答案》第2集,師妹便說:「係咪拍Ep2我其實都唔知,不過探老師一定係!」
同日有網友影到姜B搭港鐵,相當貼地。(網上圖片)
姜B探完母校,便在IG Story留言:「尋找答案的一天,非常開心的一天,謝謝你們!」