標籤: 馬國明

娛樂

譚俊彥林夏薇奪視帝視后 陳自瑤奪最佳女配角:多謝所有屋企人 王浩信恭喜老婆:Congratulations

萬千星輝頒獎典禮2021」今晚在電視城舉行,結果狄龍兒子譚俊彥憑《換命真相》,擊敗馬國明和張振朗,首奪最佳男主角,加上他同時奪得「馬來西亞最喜愛TVB男主角」,成為雙料視帝!譚俊彥爆喊講感言:「多謝TVB、多謝樂小姐,多謝志偉哥,我想同媽咪講聲對唔住,呢幾年我一直好少打電話俾你,唔係我唔愛你,係因為姓譚嘅男人所有嘢都會擺喺心度,媽咪I love you!爸爸,上個禮拜我個仔比賽攞咗個獎,我開心過自己攞獎,我今日好榮幸將呢份喜悅帶俾你,多謝你!最後我想多謝我太太, I love you,老婆你係我嘅全部,冇咗你,我唔會攞到呢個獎,我愛你!」

陳自瑤
狄龍兒子譚俊彥憑《換命真相》,首奪最佳男主角,加上他同時奪得「馬來西亞最喜愛TVB男主角」,成為雙料視帝!
陳自瑤
譚俊彥之後和爸爸媽媽影合照。

鍾嘉欣奪馬來西亞視后

至於林夏薇就憑《七公主》擊敗大熱鍾嘉欣,首奪最佳女主角,她講感言時說:「首先我要多謝投票俾我嘅觀眾,多謝TVB,我由零四年開始讀戲劇學院,直到今日我有機會喺呢個台度攞呢個獎,大家都話台上一分鐘台下十年功,我資質唔夠好,我用咗17年,好多謝公司俾咗好多機會我。我記得戲劇老師第一日同我講,要學做戲先學做人,要堅定自己嘅初心堅持落去,好彩我冇放棄,多謝我嘅老師。多謝《七公主》台前幕後兄弟姊妹,多謝其他六個公主,多謝所有用過我嘅監製,最後多謝我fans同埋屋企人,多謝你俾我無條件嘅愛,特別係媽咪! 」

陳自瑤
林夏薇憑《七公主》擊敗大熱鍾嘉欣,首奪最佳女主角,由吳卓曦拖她上台。
陳自瑤
她講感言時說:「多謝我fans同埋屋企人,多謝你俾我無條件嘅愛,特別係媽咪! 」

而失落「最佳女主角 」的鍾嘉欣則奪「馬來西亞最喜愛TVB女主角」,她說:「我好耐冇返嚟,長大咗啦,多謝所有有份投票嘅觀眾、馬來西亞嘅粉絲,我唔知將來有冇機會上到呢個台,眨吓眼已經入行17年,真係好快,除咗幕前風光,其實我哋喺電視圈要站穩一個好嘅位置,需要付出同汗水。我好多謝TVB呢個母校,我衷心祝福TVB繼續做好啲,用心對待演員,多謝大家,多謝TVB,多謝馬來西亞!」

陳自瑤
失落「最佳女主角 」的鍾嘉欣,則奪「馬來西亞最喜愛TVB女主角」!

馬明奪「最受歡迎電視男角色」O嘴

馬國明憑《星空下的仁醫》況叢昕一角,第四度奪得「最受歡迎電視男角色」,他再現經典O嘴樣說:「嚇親!冇諗過攞到獎,多謝每位工作人員,多謝大家繼續支持我,thank you!」十分搞笑!而「最受歡迎電視女角色」由李佳芯奪得,她講感言時說:「我對上一次攞獎係三年前,今年我覺得個氣氛好好,多謝你哋,呢個獎係我最想攞嘅,多謝一班無條件愛我嘅人,我屋企人,身邊一直好錫我嘅人,每次拍劇我都爛面,每次都要求攝影師打燈,打返滑啲皮膚,可能呢啲係份內事,但每日都拍到朝早先收工,做多做少我看在眼裏。多謝每個角色喺你哋心裏面,希望我會繼續學習繼續蛻變!」

陳自瑤
馬國明憑《星空下的仁醫》況叢昕一角,第四度奪得「最受歡迎電視男角色」,他再現經典O嘴樣。
陳自瑤
馬明表情趣怪!
陳自瑤
「最受歡迎電視女角色」由李佳芯奪得。

陳自瑤大熱奪「最佳女配角」

「最佳女配角」由大熱陳自瑤憑《寶寶大過天》奪得,她激動說:「我入咗公司17年,我終於有機會喺呢個台上面,真係好唔容易,多謝公司咁多年對我栽培,我好多謝珍姐,呢個角色係你俾我嘅,我冇令你失望,多謝樂小姐,每一次我想放棄嘅時候,我好記得你同我講,留喺度仲有機會,我今日終於等到呢個機會。好多謝志偉哥、祖藍俾咗好多嘗試我,好多謝我partner張頴康,多謝《寶寶大過天》台前幕後所有工作人員,辛苦大家!多謝咁多年俾個我機會嘅每一位監製,我想特別多謝Liza姐,佢俾咗好多鼓勵我,你永遠係我嘅榜樣。我多謝所有錫我嘅朋友,同埋一路支持我嘅朋友,最後我要多謝屋企人,多謝所有屋企人,同埋好愛惜我嘅朋友!」

陳自瑤
「最佳女配角」由大熱陳自瑤憑《寶寶大過天》奪得,她說:「我要多謝屋企人,多謝所有屋企人!」

多謝所有家人,明顯包括老公王浩信,王浩信得知老婆得獎後,立即在IG story恭喜老婆說:「Congratulations!」兩公婆明顯破冰!去年老公王浩信奪視帝公開感謝她時,陳自瑤被指「黑面」,但早前她在社交網上載入圍名單時,老公王浩信便罕有點讚加持,而王浩信拍內地電影《兵王之絕境狙殺》,陳自瑤亦有留言:「支持!」隔空傳愛!

陳自瑤
王浩信得知老婆得獎後,立即在IG story恭喜老婆說:「Congratulations!」
陳自瑤
去年王浩信奪視帝,公開感謝老婆陳自瑤。
陳自瑤
陳自瑤以「黑面」回應,成一時熱話!

而「最佳男配角」則由朱敏瀚憑《換命真相》奪得,他說:「多謝珍姐,我平時唔係好識表達自己,所以希望俾多啲唔同嘅角色我,多謝樂小姐,多謝志偉哥,多謝張振朗,我會繼續努力! 」唯獨沒有多謝女友余思霆。

陳自瑤
「最佳男配角」由朱敏瀚憑《換命真相》奪得。

《七公主》爆冷奪「最佳劇集」

「最佳劇集」由《愛美麗狂想曲》、《逆天奇案》、《七公主》、《換命真相》和《星空下的仁醫》爭獎,其中《逆天奇案》是無綫全年最高收視劇集,平均收視26點,大結局最高收視更有30.2點,成們全年唯一衝破30點的劇集。而《星空下的仁醫》實地取景,拍攝認真,演員陣容鼎盛,亦是大熱之一,結果由《七公主》爆冷奪得,而《星空下的仁醫》只能拿下「馬來西亞最喜愛TVB電視劇集」。

陳自瑤
「最佳劇集」由《七公主》爆冷奪得。
娛樂

【估吓我係邊個星?】 一個司儀一個視帝

這兩個男孩又帥又可愛,是誰呢?

估吓我係邊個星
我是BoB,你猜得對嗎?

左邊開估:BoB林盛斌

沒錯,這個面尖尖的男孩正是阿BoB(林盛斌),BoB小時候又瘦又靚仔,跟現在圓潤身形有很大分別。他在2017年將童年照放上社交平台時寫道:「到底我個青春期發生咗咩事?點解細細個成個張國榮咁款,大個咗會變咗做豬肉榮㗎呢?」相當爆笑!當時網友問他:「 點解Bob細個咁瘦?點解細個咁多頭髮? 」

阿Bob有「金牌司儀」之稱,他曾被C君大爆年賺2千萬,難怪可以和太太黃乙頤(Pearl)、三名子女搬去九龍塘四層獨立屋,愈住愈富貴。近日他還在個人YouTube頻道「Bobtivation 林盛斌」拍片分享致富心得,好像「如果你有100萬,你會點使」,相當實用。

估吓我係邊個星
BoB現時身形圓潤。
估吓我係邊個星
阿Bob有「金牌司儀」之稱,他曾被C君大爆年賺2千萬。
BoB和太太黃乙頤、三名子女搬去九龍塘四層獨立屋,愈住愈富貴。
估吓我係邊個星
近日BoB還在個人YouTube頻道「Bobtivation 林盛斌」拍片分享致富心得。

右邊開估:陳展鵬

估吓我係邊個星
我是陳展鵬。

這位雙手插袋的小朋友便是陳展鵬,想不到他小時候已經懂得擺pose!陳展鵬是視帝級人馬,2016年便憑 《城寨英雄》勇奪《萬千星輝頒獎典禮》最佳男主角。今年展鵬氣勢強勁,他主演的《逆天奇案》暫時成為今年無綫最高收視劇集。

不過馬國明、鄭嘉穎主演的《星空下的仁醫》,以及譚俊彥主演的《換命真相》正在熱播,視帝結果難料。展鵬坦言已兩年沒有出席台慶頒獎禮:「今次如果同兄弟馬國明、嘉穎一齊玩都好開心,因為大家一齊成長。」還說由觀眾選擇!

估吓我係邊個星
陳展鵬2016年憑 《城寨英雄》勇奪《萬千星輝頒獎典禮》最佳男主角。
估吓我係邊個星
今年展鵬氣勢強勁,他主演的《逆天奇案》暫時成為今年無綫最高收視劇集。
不過馬國明、鄭嘉穎主演的《星空下的仁醫》正在熱播。
譚俊彥主演的《換命真相》亦在播映中。
視帝結果難料。
娛樂

【估吓我係邊個星?】我哋做過拍檔

這一男一女是誰呢?

估吓我係邊個星
我是馬國明。

左邊開估:馬國明

估吓我係邊個星?》今次主角是馬國明。下周一(18日)首播的《星空下的仁醫》,馬明再演醫生。馬明一向都是乖乖仔,最近黃智雯(Mandy)為自己開設的YouTube頻道拍片,題為《突擊搜包包|小馬芷若再合體|趙希洛揭發我係接吻高手!?》,片中黃智雯演突擊搜查《降魔的》拍檔馬明包包,發現包內有筆記簿、雜誌、防疫袋等,原來馬明有個花名叫「簿仔明」:「唔記得邊個改,但話你做晒功課,每集每個分場都會用寫低。」為何不用電話?馬國明說:「點解我仲用記事簿?如果電話冇電點算呀!」

估吓我係邊個星
下周一首播的《星空下的仁醫》,馬明再演醫生。
估吓我係邊個星
馬明一向都是乖乖仔。
估吓我係邊個星
最近黃智雯為自己開設的YouTube頻道拍片,突擊搜查馬明包包。
估吓我係邊個星
黃智雯發現包內有筆記簿、雜誌第,原來馬明有個花名叫「簿仔明」。

右邊開估:黃智雯

黃智雯小時候已經很漂亮。

黃智雯如很多藝人一樣,開設自己YouTube頻道,另覓錢途,現時頻道有近2萬訂閱。她拍片搜完馬明包包後,就被趙希洛反搜包包,發現袋內有香水、香口膠、漱口水,全部都用來除臭,趙希洛即好奇問對方:「你好臭咩?」、「你拍好多咀戲呀?」黃智雯立即解釋:「因為我驚同我拍戲嘅人有臭汗味,我就用香水嚟噴佢哋!」未知哪個拍檔最臭呢?

黃智雯如很多藝人一樣,開設自己YouTube頻道,另覓錢途。
黃智雯被趙希洛搜包包,發現有香水、漱口水,智雯解释:「因為我驚同我拍戲嘅人有臭汗味,我就用香水嚟噴佢哋!」
趙希洛還問智雯:「你拍好多咀戲呀?」笑爆嘴!