馮允謙 Archives - METRODAILY

娛樂

新城台慶音樂會2023 雲集張敬軒/林家謙/馮允謙/林奕匡/李幸倪等歌手｜訂閱新城會籍可獲線上直播通行證及Meta 12元宇宙會員禮遇

為慶祝新城知訊台成立15週年， COOL清涼水呈獻《新城台慶Music Fantasia音樂會2023》將於8月26日(星期六) 在香港會議展覽中心Hall 5BC舉行，這場音樂盛會邀請了張敬軒、林家謙、馮允謙、林奕匡，還有特邀歌手李幸倪、特別嘉賓雲浩影和區子琳參與演出。現時只要訂閱新城會籍，即可獲贈音樂會的線上直播通行證，以及 Meta 12 元宇宙會員禮遇！

新城台慶音樂會2023 歌手雲集星光熠熠

這次音樂會請來四位唱作人張敬軒、林家謙、馮允謙及林奕匡首次合唱多首經典唱作歌曲，他們四位亦會在音樂會上演唱他們各自的第一首唱作歌曲，機會份外難得！

新城知訊台已於6月24日舉行記者會，搶先為台慶音樂會造勢，預告活動當日的精彩內容。當日表演嘉賓張敬軒、馮允謙、林奕匡及李幸倪出席，分享在新城知訊台過去15年裡，他們見證過的最難忘大事。

記者會當日﹐司儀黎莉帶領著一眾嘉賓，和新城知訊台執行總監程凱欣小姐、冠名贊助屈臣氏實業商務總監劉翠鳯女士，舉行了簡單而隆重的啟動儀式，預祝新城台慶音樂會順利舉行。

線上看台慶音樂會直播

現在只要訂閱3個月「新城會員節目重温計劃」，即送你是次台慶音樂會的線上直播通行證1張，以及 Meta 12 元宇宙會員禮遇！透過直播畫面，無論身在何方，也能遙距欣賞到心愛的歌手們表演，仿佛置身於音樂會現場！

至於內地朋友們，新城知訊台也貼心地提供了線上觀賞的機會，只要以台慶優惠價¥126*訂閱新城會籍（內地版），更可享受會員專屬福利，包括「新城台慶音樂會2023幻相集」的電子版（含音樂會花絮照片）、《新城台慶Music Fantasia音樂會2023》線上直播通行證1張，以及「Meta 12 元宇宙會員禮遇」。

*付款系統以港元$138結算，折合人民幣約RMB126，唯因實際匯率會不斷浮動，實際結算價有可能出現差異。

COOL清涼水呈獻 —「新城台慶Music Fantasia音樂會2023」

日期：2023年8月26日(星期六)
時間：晚上8時
表演歌手：張敬軒、林家謙、馮允謙、林奕匡 & 特邀歌手Gin Lee李幸倪
特別嘉賓：雲浩影、區子琳
主辦：新城知訊台
冠名贊助：COOL清涼水
主力贊助：中銀Chill Card
指定贊助：Circle K、聚大金鳳、領展、MOKO、SUPREME
聯合贊助：V Simple
技術支援：Meta 12

2023 年 8 月 8 日2023 年 8 月 8 日

娛樂

馮允謙演唱會尾場〡獲張敬軒送珍藏手表好感動 Jay回贈啷啷皇上：依家我無啷啷咩

馮允謙（ Jay）一連四場「Have a JAY Time 2022 演唱會」，昨晚在StarHall圓滿落幕。尾場表演嘉賓張敬軒，與Jay台上交換禮物，大玩食字，引爆連場笑聲。好友許廷鏗、王灝兒（JW）、陳健安、梁釗峰、Nowhere Boys主音陳維諾（Van）、RubberBand鼓手泥鯭和Mirror的柳應廷（Jer）等捧場，觀眾席上嗌Encore超興奮。而演唱會尾聲，全場突然一齊高舉「下次紅館見」手幅大合唱《山旮旯》，場面壯觀，Jay非常感動，承諾盡力盡快踏上紅館舞台。

早前Jay擔任軒仔紅館個唱嘉賓時，送他兩張手繪門票，昨晚軒仔上台與他合唱《愛斯基摩人之吻》後，笑言未能憑票入場。而軒仔送他一份很有紀念價值的禮物，令他又驚又喜。軒仔邊除手表邊說：「2008年我首次踏足紅館，之後出糧，人生第一次收到咁大份收入，所以買咗一隻好出名嘅手表送畀自己，今晚我決定送呢隻手表畀你。」Jay不敢相信，軒仔親自為他戴上說：「希望你唔好介意係二手，呢隻手表陪伴我開過好多演唱會，每次綵排都會戴住佢，當時有一段好長嘅時候，呢隻手表係我人生最貴嘅手表。」他語重深長：「希望藉著呢隻手表話你知，我哋呢行好現實，長江後浪推前浪，珍惜時間，把握機會，我哋紅館見！」Jay感動得攬實軒仔說：「我一定會加油！」

然後，Jay自言回禮不及其手表珍貴，軒仔笑說：「封返封老毛畀我得啦！」Jay不明白，軒仔笑說：「即係利是，真係廣東話黑洞！」Jay送上一個金色的球體，軒仔笑說：「呢個形狀好引人遐想喎！」Jay解說：「好似一粒栗子，好得意。（有幾得意？）搖吓有聲，佢有個啷啷㗎！」軒仔秒回：「依家我無啷啷咩？）」全場爆笑，Jay忍笑續說：「係Church Bell⋯⋯（春咩話？）Church Bell，啲聲係咪好舒服呢？」軒仔說：「你好舒服咩？我通常揸住呢啲嘢喺手唔係好舒服，人哋揸就唔知！」Jay笑到接不上咀，軒仔說：「你自己中文唔好，做乜搞呢啲gag呢？！」

Jay返後台換衫，軒仔在台上讚他是充滿正能量的樂觀男孩，就算被欺負亦會替對方找籍口，並原諒對方。笑言在自己的歌曲中，終於找到Jay討厭的東西，他說：「我呢首歌叫做《JayFung憎的孩子》（《追風箏的孩子》）！」全場掌聲，軒仔還將歌詞「追風」刻意唱成「JayFung」，觀眾爆笑。

Jay返後台換衫，軒仔唱《JayFung憎的孩子》（《追風箏的孩子》），全場爆笑！

2022 年 7 月 6 日2022 年 7 月 6 日

娛樂

馮允謙感激低潮期獲AGA支持：畀咗好多鼓勵我

馮允謙（Jay）「Have a JAY Time 2022 演唱會」，昨晚在九展StarHall舉行第二場演出，「寰亞孻女」黃淑蔓（Feanna）、「軟骨BEN」趙祥誠、龔慈恩囡囡林愷鈴（Ashley）和時尚達人林皓霆（Charles）等捧場，Feanna和BEN還揮動應援燈和汽球跳舞，非常投入。

昨晚Jay邀請「唱作才女」江海迦（AGA）擔任表演嘉賓，介紹她出場時，Jay說：「彈琴非常之好聽，佢寫每一首歌、每一個作品，我都會畀錢去買嚟聽，因為佢好值得欣賞，去年我哋仲喺一個音樂活動合作過。」然後Jay親自落台迎接AGA，手拖手合唱AGA的人氣作品《3AM》，全場歡呼並大合唱。

昨晚Jay邀請AGA擔任表演嘉賓，兩人手拖手合唱AGA的人氣作品《3AM》，全場歡呼並大合唱。

之後，Jay對AGA說：「我哋曾經一齊去上海參加馬拉松，當時係我事業低潮期，寫咗好多歌，喺嗰程飛機我畀咗AGA聽，其中一首係『Sorry for the last time』（《一步一悔過》歌詞），當時只有我另一半聽過，AGA係第二個人聽呢首歌。」AGA受寵若驚，說：「噢，我好開心！最記得嗰次去跑馬拉松，起跑前Jay話自己無練習，點知一起步就快到唔見咗。」觀眾爆笑，她續說：「嗰程飛機本來好攰但無瞓覺，因為Jay畀咗好多歌我聽。印象最深刻係佢問我：『係咪我啲歌唔夠好？』但我覺得啲歌好好聽，雖然係當時唯一嘅聽眾，但覺得將來會變更強大」

她對Jay說：「今日真係好開心，你請我嚟做嘉賓，多謝你同我分享舞台，你係值得！」Jay感激AGA當年的鼓勵，他說：「當時以為無人要呢首歌，但你話鍾意，畀咗好多鼓勵我，所以我同自己講，有朝一日我一定要將呢首歌派台。」結果《一步一悔過》成為2020年度流行榜冠軍歌。之後Jay退場，AGA獨唱《Superman》，全場氣氛高漲。

昨晚Jay媽咪和親友台下捧場，Jay說：「多謝媽咪專登喺加拿大飛返嚟，佢要隔離七日，就係為咗支持我，非常感激佢喺我低潮時，一句都無叫我放棄，無論我點都支持我，Love You Mom。」媽咪以心心手勢回應。然後Jay爆料，笑指爸爸前晚完騷後嗌攰，昨晚留在家休息煲劇。至於兩位親兄弟，Jay說：「哥哥喺加拿大讀書考試嚟唔到，但細佬就去咗旅行，拍拖都唔嚟呀！」他扮嬲，突然在觀眾席發現孖生細佬Tim的肖像紙牌，原來Fans特別製作氹Jay開心，Jay笑說：「我今次唔嬲佢，但如果將來我有機會去更大嘅舞台，佢唔嚟我實鍊死佢！」台下觀眾起哄大叫「紅館」。之後Jay唱出為紀念已故祖母而寫的新歌《給缺席的人唱首歌》，完騷後Fans大叫Encore不散場，Jay換了tee與樂隊再次出場唱《我好想你》後，第二場演唱會圓滿結束。

2022 年 7 月 4 日2022 年 7 月 4 日

娛樂

馮允謙演唱會〡MIRROR江𤒹生做嘉賓全場驚喜 Jay讚AK：超級謙虛同友善

馮允謙（Jay）一連四場「Have a JAY Time 2022 演唱會」，昨晚（2日）在九龍灣國際展貿中心StarHall開鑼。期待十年的演唱會卻遇上颱風襲港，幸好下午改掛三號風球，如常開騷。Jay孭住一支結他穿過觀眾席走上舞台，以《A New Day》和《今天開始》為演唱會揭開序幕。而舞台設計成英文字母J字，寓意他帶著音樂一步一步擁有自己舞台。他在台上感謝台前幕後，以及歌迷風雨不改支持他，令他非常感動。

昨晚Jay的父母及一眾親友、好友梁釗峰、林奕匡、蔡一傑、Mirror的江𤒹生（AK）、林德信，還有同門師弟妹ANSONBEAN和雲浩影（Cloud）等捧場支持。Jay感謝父母來港支持，但湊大他的嫲嫲缺席令他傷心落淚，說：「有一個人，今晚我好想佢嚟睇我嘅演唱會，但係嚟唔到，係我嫲嫲。我哋關係好密切，細個爸爸喺香港工作，媽咪同嫲嫲喺加拿大湊我哋3兄弟，媽咪要返工，所以我大部份時間同嫲嫲一齊。我返嚟香港之後，打電話畀嫲嫲，佢成日都話我好叻仔，喺電視見到我唱歌，其實嗰段時間我無公司，無嘢做。我同佢講，將來開到演唱會，要請嫲嫲嚟睇，唱歌畀佢聽。好可惜兩年前因為疫情佢離開咗，為咗佢我寫咗首歌《給缺席的人唱首歌》。」

為了今次演唱會，Jay秘密練舞，台上表演有板有眼。他與徐㴓喬（Asha）合演吸血鬼三步曲環節，又唱又跳又演，延續《一步一悔過》MV吸血鬼愛情故事，觀眾亦看得投入。之後Jay換上黑色西裝疑似真空上陣，跳舞時更胸肌乍現，觀眾興奮歡呼。當介紹表演嘉賓出場時，Jay說：「呢位嘉賓好大隻，跳舞好叻，請到佢嚟做嘉賓係Mir⋯⋯acle（奇績）」觀眾起哄。他們合唱《開始倒數》後，Jay笑問AK：「我幫佢哋（指觀眾）問，你會唔會除衫？」AK稱：「依家？」全場尖叫，他賣關子稱買演唱會票入場就知道有否除衫。Jay稱買不到票，AK立即說：「放心，你有票㗎啦，一定！」Jay讚AK說：「佢超級謙虛和友善，我哋第一次合作就係兩年前，結他彈得好但好少表演，點解呢個人又彈得又跳得個人又咁好嘅呢？」AK說：「似你囉，你剛才跳舞都好掂喎！」還透露將有新合作，說：「我好開心，大家都知Jay係我偶像，我好鍾意聽佢唱歌，嚟緊我哋會有新合作，係咩？到時大家就知。」豈料Jay竟說：「我知道未架？」AK拖住他的手說：「你知，我哋錄咗㗎啦！」Jay才恍然大悟，全場爆笑。之後AK獨唱《黑之呼吸》，觀眾站起來跟住跳。

2022 年 7 月 3 日2022 年 7 月 3 日

娛樂

欣宜演唱會第2場秋官現身湯令山跪地送戒指 Joyce：你好大膽，你喺我阿爸面前俾戒指我

鄭欣宜（ Joyce）《Between Us 鄭欣宜演唱會2022》今晚第二場，欣宜請了馮允謙和湯令山做嘉賓。湯令山和欣宜合唱《Boyfriend material》，馮允謙和欣宜合唱《思念即地獄》，現場歡呼聲不斷！馮允謙唱完便跟欣宣說：「我鍾意咗你好耐！」又讚欣宜很Sexy，欣宜很冧地說：「頭先你對住我唱歌，我望住你呢，你不斷放電俾我，我見到你個頭開緊花，你飲咩奶大，點解唱歌咁好聽！」

至於湯令山更爆：「淨係今晚，我係你嘅Boyfriend material！」隨即跪地送上戒指，欣宜立即說：「Oh My God！This is so cute！你好大膽，我老竇（鄭少秋）坐喺度，你喺我阿爸面前俾戒指我！」而75歲的秋官鄭少秋在觀眾席上伸手給like，相當搞笑！

2022 年 6 月 12 日2022 年 6 月 12 日

娛樂

《CHILL CLUB Keep Going》演唱會許廷鏗：嚟緊第六波都要keep Going 教主：愈工作耐愈覺多問題，一定要堅持

《CHILL CLUB推介榜年度推介21/22》頒獎典禮早前舉行，但因發生播放事故，令部分歌手演出受到影響。CHILL CLUB的製作團隊未有氣餒，今晚8時在同一個舞台舉行《CHILL CLUB Keep Going》演唱會「覆桌」，參與歌手包括Anson Lo（盧瀚霆）、許廷鏗、馮允謙、MC張天賦、陳蕾、Serrini、Dear Jane。早前電訊盈科媒體集團旗下全新網上串流直播平台MakeALive邀各位觀眾登記試玩，在應用程式內領取免費門票觀看直播，而演唱會將於6月11日晚9時30分喺ViuTV播出。

演唱會開始由Anson Lo打頭陣，教主唱出《Ego》、《Mr. Stranger》，之後教主冧現場觀眾說：「我好想嘗試逐個望吓大家！」令台下超興奮！接着他說：「今次CHILL CLUB嘅主題叫 Keep Going，對我自己嚟講係好有關嘅topic，因為過去4年，尤其上年，俾我好深感受係愈工作得耐，愈覺得人生每一日有好多唔同嘅問題出現，但你都一定要堅持，呢個課題永遠都唔會完，你要堅持先可以向前望，大家一齊努力！」

教主又說：「學Keep Going呢個課題，其實自己有個好深刻嘅課題，就係溝通！」之後同觀眾做《Megahit》Uh-oh uh-oh uh-oh 手勢，之後他繼續說：「呢首歌係上年到今年學習嘅最大嘅課題，我同屋企人、同身邊工作人員，同我隊友，根本每日都學緊呢個課題，包括同你哋！」最後唱出《Megahit》，之後教主在IG留言：「希望大家喜歡今晚的表演，辛苦Rock Sir @rockinair 和dancer朋友們了，一連3首快歌實在好有挑戰性！現在要趕回去拍劇做『燈仔』跟自己說聲～奸巴爺！」

許廷鏗上次在《Chill Club 推介榜年度推介21/22》演唱《修羅場》時，懷疑工作人員忘記關咪，因此有一男聲在背景說：「睇整體」、「成件事好正」、「Keep going」，事後他在IG寫感言：「睇返演出的直播，容許我真係有小小唔開心，唔係想怪責，但係花心機時間彩排演出，就係希望盡善盡美！」

今次許廷鏗搞笑說：「其實我覺得今次自己接呢個騷呢，一聽到個名，係輕輕有啲陰影嘅！」令台下觀眾大笑！他又說：「Keep Going呢個字可圈可點，但對於我來講呢個除咗Gimmick之外，其實都好實在，希望可以用我哋嘅歌曲，用唔同歌手嘅精心揀俾大家嘅song list，去講一個道理，譬如話嚟緊第六波，唔知會唔會發生，就算會發生都好，我哋都要繼續keep Going！」台下拍掌！至於陳蕾就說：「估唔到距離上次嘅頒獎禮，我講過話想『覆桌』，咁快就俾機會我『覆桌』，我想講今晚成件事都好正，整體都好正，好Perfect！」