標籤: 魏浚笙

娛樂

海洋主題珠寶概念店開張 郭富城 鄭秀文籲關注海洋生態

郭富城 (Aaron) 與鄭秀文(Sammi)、今日聯同魏浚笙 (Jeffrey)、廖子妤、洪嘉豪、陳毅燊 (ANSONBEAN)、李靖筠及雲浩影,出席「周生生」海洋主題珠寶概念店揭幕活動。周生生是次特別推展「Harbour of Love」人工復育珊瑚計劃,喚起大家關注海洋生態。

Aaron對此表示:「每次出海我都會提醒自己及身邊朋友要注意保護海洋生態,其實很多防曬用品會污染海洋,大家可以選用些海洋友善的防曬產品,或者於離開時自己清理好垃圾,一些微細舉動已經可以為保育出一分力。」Aaron透露他亦會教導女兒要好好保護海洋,不可將垃圾亂拋入海中,而Sammi則補充:「塑膠對海洋生態有很大的影響,所以我於日常生活中會盡量減少使用塑膠製品,希望自己都能夠為海洋盡一分力。」

郭富城、鄭秀文、魏浚笙、廖子妤、洪嘉豪、陳毅燊、李靖筠及雲浩影出席海洋主題珠寶概念店揭幕活動

郭富城 愛扮聖誕老人逗女兒開心

聖誕節將至,Aaron與Sammi被問到可有揀選珠寶作為聖誕禮物?Sammi笑言會買珠寶送給最愛的媽媽,而Aaron就指每年聖誕節,他都會扮聖誕老人逗女兒開心,而且聖誕老人打扮絕不欺場!除了穿上聖誕老人衫外,亦會癡上假鬍鬚及戴假肚,他笑說「變身」後,女兒通常都認不出他。

至於,早前受邀潛進香港海域種植珊瑚的Jeffrey就開心分享:「今次潛水種植珊瑚是人生以來最有使命感的一次,不但要為珊瑚BB建立美好家園,更要親手安置牠們於人工珊瑚礁盤,希望大家一起認養珊瑚BB!」

廖子妤與海洋的關係密切

而Fish也自爆與海洋的關係密切:「我小時候家中是經營一家海邊餐廳的,所以我也說得上是在海邊長大的孩子。」Gladys則非常羨慕Jeffrey能夠潛進香港水域,更指希望未來有機會可以學潛水為海洋出一分力,人氣急升的Cloud則考慮揀選心水珠寶首飾,連同珊瑚認養證書送給家人作聖誕禮物。

原來廖子妤小時候家中是經營海邊餐廳的!可說是海邊長大的孩子。
娛樂

Tyson Yoshi 個唱  張敬軒衝入後台提點  TY:佢對我就係咁貼心

人氣歌手Tyson Yoshi (程浚彥)一連四場九展演唱會《MY NEW WORLD ORDER》,昨晚(7日)去到第3場,吸引皇上張敬軒、 魏浚笙(Jeffrey)和女友,以及903DJ 阿正(黃正宜)等入場支持。 Tyson Yoshi多謝皇上一直非常支持樂壇後輩,演唱會前夕還多次教授唱歌和運氣技巧, 還在演唱會前一晚的Full Dress Rehearsal中驚喜現身,給予很多舞台上的意見,無私地分享演出經驗,令TY非常感動!

Tyson Yoshi
人氣歌手Tyson Yoshi (程浚彥)一連四場九展演唱會《MY NEW WORLD ORDER》,昨晚(7日)去到第3場。
Tyson Yoshi
Tyson Yoshi 個唱第3場吸引魏浚笙和女友,以及903DJ 阿正(黃正宜)入場支持。
Tyson Yoshi
Tyson Yoshi多謝皇上一直非常支持樂壇後輩,演唱會前夕還多次教授唱歌和運氣技巧。

昨晚皇上駕親征,TY在台上說:「你嚟咗, 我反而唔知講咩好!」又說:「有師父嚟咗嘅感覺!」皇上不但投入演唱會,還細心發現TY 耳機有問題,之後立即衝去後台提醒他,令TY冧爆說:「佢對我就係咁貼心!」皇上即在台下用手派心心回應!

Tyson Yoshi
昨晚皇上駕親征,TY在台上說:「你嚟咗, 我反而唔知講咩好!」
Tyson Yoshi
皇上不但投入演唱會,還細心發現TY 耳機有問題,之後立即衝去後台提醒他,令TY冧爆說:「佢對我就係咁貼心!」
Tyson Yoshi
皇上在台下用手派飛吻!
Tyson Yoshi
現場超有氣氛!
Tyson Yoshi
大批粉絲迫爆會場!
娛樂

Jeffrey 向袁澧林獻螢幕初吻 女友大方轉發獲激讚:女友典範 Stanley傷腳原來關Edan事

ViuTV原創劇《I SWIM》雖然被部分網民指近日劇情大暴走,但昨晚第八集亦有亮點。劇情講到就讀冠中書院的校園記者施詠(袁澧林飾),要採訪「天材學生」鄭同學(ERROR肥仔客串),正追求施詠的余浪沖( 魏浚笙飾)前來幫忙,最後鄭同學的絕技全部被余浪沖KO敗走,兩人在鋼琴前甜蜜互吻,之後還雙雙落水,獲網民大讚畫面唯美。Jeffrey昨晚在IG貼出接吻劇照留言:「甜蜜的時刻。記錄低我的螢幕初吻。我的施詠 @angela.yuen!」Jeffrey女友兼經理人Evelyn沒有呷醋之餘,還在IG Story大方轉發男友螢幕初吻照寫道:「太可愛了,余浪沖和施詠,是青蔥是初戀!」不少網民大讚Evelyn大方,是「女友典範」!

Jeffrey
昨晚劇情講到施詠,要採訪「天材學生」鄭同學(ERROR肥仔客串),正追求施詠的余浪沖前來幫忙,最後鄭同學的絕技全部被余浪沖KO敗走。
Jeffrey
兩人彈琴好浪漫。
Jeffrey
之後兩人甜蜜互吻。
Jeffrey
之後還雙雙落水,獲網民大讚畫面唯美。
Jeffrey
Jeffrey女友兼經理人Evelyn(左)沒有呷醋之餘,還在IG Story大方轉發男友螢幕初吻照寫道:「太可愛了,余浪沖和施詠,是青蔥是初戀!」
Jeffrey
不少網民大讚Evelyn大方,是「女友典範」!

Stanley傷腳原來關Edan事

另外《I SWIM》第7集講述冠中書院為慶祝80周年校慶,邀請啟賢中學泳隊舉行友誼賽,不過冠中書院同學出嗱喳招,用板車衝撞傷黃亞樂(Stanley)的腳。昨晚Stanley在IG貼相公開「真相」,Stanley寫道:「其實大家都誤會咗 #lock天佑 ! 其實我係…俾 #李馬榮 整傷!」相中見飾演李馬榮的Edan(呂爵安)踩着Stanley其中一隻腳繼續做戲,對自己的舉動懵然不知!Edan之後回應說:「笑死,太激動一嘢踩落去!」有幕後亦留言說:「諗諗吓現場目擊嘅我哋,其實都幾過分,第一個反應係焗蟹笑到肚痛,下個反應先係問Stanley有冇事!」Stanley就回應:「係囉!」相當爆笑!

Jeffrey
《I SWIM》第7集講述冠中書院邀請啟賢中學泳隊舉行友誼賽,不過冠中書院同學用板車衝撞傷黃亞樂(Stanley)的腳。
Jeffrey
昨晚Stanley在IG貼相公開「真相」,Stanley寫道:「其實我係…俾 #李馬榮 整傷!」
Jeffrey
Edan之後回應說:「笑死,太激動一嘢踩落去!」
Jeffrey
有幕後亦留言說:「第一個反應係焗蟹笑到肚痛,下個反應先係問Stanley有冇事!」Stanley就回應:「係囉!」

今晚劇情預告:神秘泳手出場

在今晚(21日)播出的第九集,陳毅燊(ANSONBEAN)飾演的神秘泳手章浩將會出場,與邱士縉(Stanley)進行游泳對決。兩位型男聚頭,未埋住都要熱身谷胸肌,ANSONBEAN表示平時都有到公眾泳池游泳,但未有理會旁人目光:「平時我都游開水嘅,但去到泳池都係帶晒泳帽、泳鏡,都唔知有冇人望我!其實今次係我第一次拍劇,雖然做奸角,不過平時我都夠奸,所以好易入戲。呢度啲氣氛好開心,一嚟到就飛咗落水先,真係好爽。呢度充滿夏日嘅感覺,可以邊玩邊拍嘢,真係好難得。」Stanley則表示劇組充滿驚喜,見到大家除衫,劇組睇到「嘩嘩聲」:「ANSONBEAN真係好大隻,再比之前再Fit啲,而魏浚笙都係為呢部戲修身!雖然有啲落水戲要冬天拍,但為咗遷就場地,只要拍出嚟效果靚啲,我都唔係好介意。」

Jeffrey
在今晚播出第九集,ANSONBEAN飾演的神秘泳手章浩將會出場,與Stanley進行游泳對決。

朱鑑然及黃奕晨亦會在第九集與ANSONBEAN有對手戲。身為前香港游泳代表的朱鑑然為了這部戲操練,更捉住導演談論角色細節。朱鑑然說:「以前我游水個陣,真係奀到爆,反而入行之後有時間去操肌。近年香港游泳代表成績都好好,真係勾起以前嘅回憶。」同場的黃奕晨就表示同場太多大隻仔,笑言放棄與對方鬥騷肌:「之前拍另一部劇要增肥嘅,當時都唔知自己會接呢部戲,所以收到劇本之後都努力過吓,不過佢地啲胸肌仲大過我個頭,而我就白雪雪成隻豬咁,點有得鬥?」

Jeffrey
Stanley表示劇組充滿驚喜,見到大家除衫,劇組睇到「嘩嘩聲」:「ANSONBEAN真係好大隻!」
Jeffrey
黃奕晨亦會在第九集與ANSONBEAN有對手戲。
娛樂

Jeffrey 拍《I SWIM》人氣急升 甩褲爆笑網民求冇格版 今晚Edan英雄救美

ViuTV原創劇《I SWIM》首集播出,飾演轉校生余浪沖的Jeffrey(魏浚笙)首次擔正,已經被網民大讚演技自然又可愛,人氣急升,昨晚播出第二集更笑爆網民!劇情講述余浪沖代替抽筋的程子帆(王智騫飾)參加游泳接力賽,硬撼A班超強泳將黃亞樂(邱士縉飾),怎料鬧出連串笑話!由於余浪沖沒有帶泳褲,所以着西瓜孖煙通上陣,之後又差些跣腳跌落水,要班長(吳啟洋)扯着孖煙通救回,之後他大字形跳落水,但竟然邊游邊甩褲,疑似「露鳥」,搞笑又香豔,畫面隨即打格,可見Jeffrey演出搏命!

Jeffrey
ViuTV原創劇《I SWIM》播出後,飾演轉校生余浪沖的Jeffrey,已經被網民大讚靚仔,演技自然又可愛,人氣急升。
Jeffrey
昨晚第二集劇情講述余浪沖代替抽筋的程子帆參加游泳接力賽,硬撼A班超強泳將黃亞樂。
由於余浪沖沒有帶泳褲,所以着西瓜孖煙通上陣。
Jeffrey
余浪沖之後差些跣腳跌落水,要班長扯着孖煙通救回。
之後他大字形跳落水。
但他竟然邊游邊甩褲,疑似「露鳥」!
Jeffrey
畫面隨即打格,可見Jeffrey演出搏命!

之後網民紛紛大讚Jeffrey演出爆笑:「好耐未試過睇香港劇集笑到『哈哈』聲,好睇!」、「呢套劇集之後我相信Jeffrey會人氣急升,實在太突出,笑到我肚痛!」、「Jeffrey有喜感。」、「Jeffrey 堅正,大表哥好專業!」還有網民要求ViuTV推出「無碼版」:「有冇冇打格版🤣🤣甩褲打格嗰度笑死我!」之後Jeffrey在IG貼出劇照留言:「電視史上甩褲🏊🏼‍♂️但一個泳手就係甩褲都繼續游💪🏽啱嘅 8折幫你哋團購🔥!」飾演班長的吳啟洋(Phoebus)即回應:「真係細力啲都搞唔掂!」

 Jeffrey
網民紛紛大讚Jeffrey演出爆笑!
Jeffrey
還有網民要求ViuTV推出「無格版」!

今晚Edan勇救Miss翁

在今晚播出的一集,吳海昕(Sofiee)飾演的Miss翁將會遇溺,被Edan(呂爵安)飾演的李馬榮救起。不諳水性的Sofiee埋位前與導演多次視環境,她坦言做足訓練,加上攝影組已安排救生員及拯救設備,令她安心做戲:「呢個泳池大概有三米深,對於唔識游水嘅人嚟講,係幾驚嘅!我地之前排到好足,大概跌過50幾次,不過如果唔可以一Take過就會好浪費時間,因為要吹乾翻個頭重拍,加上我都唔想吹咁多次,所以呢刻有啲緊張,係成套劇最驚嘅一幕。」幸好Sofiee都順利完成,當導演一停機,Edan更游過去給她「借力」,工作人員亦跳下水以防發生意外!上水後Sofiee自責「跌得唔靚」,幸好導演收貨,自言心跳加速到爆燈:「依家好似練完水咁,個腦空白咗咁!」

Jeffrey
在今晚播出的一集,吳海昕飾演的Miss翁將會遇溺,被Edan飾演的李馬榮救起。

講到「英雄救美」場面,Edan笑言場面混亂,未及了解Sofiee已被救上岸:「因為佢好『浮』,我都未抱到佢已經上咗去!今次拍呢部劇都狂操,加上怕受傷所以一有時間就要做運動,今次運動量好大,不過返工可以做運動,覺得自己身體係好咗嘅。」

Jeffrey
不諳水性的Sofiee埋位前與導演多次視環境,她坦言做足訓練。
Jeffrey
講到「英雄救美」場面,Edan笑言場面混亂。
Jeffrey
Edan說:「今次運動量好大,不過返工可以做運動,覺得自己身體係好咗嘅。」
娛樂

【考古】靚仔專一深情恨结婚  23歲Jeffrey係絕種好男友

23歲的煨sir魏浚笙(Jeffrey),前年和女友Evelyn參加ViuTV真人騷節目《調教你男朋友》而爆紅,之後拍節目《膠戰》系列、大熱劇《IT狗》、青春劇《i.SWIM》等,前途無限!最難得是Jeffrey靚仔、專一又深情,他和大他四年的女友Evelyn拍拖6年,甘願為女友高調封盤,還多次在訪問中說很想快些結婚,真是絕種好男友!我們找到一年前Jeffrey和Evelyn一起拍的考古片,片中Jeffrey一邊整雞尾酒,一邊和女友答網友問題,他們的互動很sweet,一起看看!

娛樂

Edan 生日細妹超Sweet 小如豬晒搞笑MK照賀壽 Jeffrey貼Edan胸襲相 Anson Lo騷貼身合照

今天是MIRROR成員Edan(呂爵安)25歲生日,一班爵屎(Edan粉絲名稱)為祝賀偶像,集資在葵芳新都會廣場L5空中花園舉辦兩星期的「Happy Edan Day生日應援展品」,有爵屎又租了旺角户外LED大屏幕、尖沙咀户外三層LED大屏幕播生日片,還有應援巴士等賀壽星仔,很有心思!

Edan
今天是MIRROR成員Edan(呂爵安)25歲生日,Happy Birthday!

有「世界第一妹控之稱」的Edan,和細妹小如豬感情一向超好,小如豬今日就在IG Story上載Edan中學年代的「MK照」寫道:「 生日快樂哥哥,Po張MK照!」之後再貼出11年前的舊相說:「再嚟多張11年前alr,感歎點解我而家係咁嘅樣!」之後再來一張Edan於2017年拍的超大鼻窿相說:「keep住開心快樂呂爵安!」搞笑得來很溫馨!

Edan
小如豬今日就在IG Story上載Edan中學年代的「MK照」寫道:「 生日快樂哥哥,Po張MK照!」
Edan
之後小如豬再貼出11年前的舊相。
Edan
之後再來一張Edan於2017年拍的超大鼻窿相說:「keep住開心快樂呂爵安!」
Edan
小如豬連橫Po哥哥搞笑相。
Edan
有「世界第一妹控之稱」的Edan,和細妹小如豬感情一向超好。

除了細妹小如豬,圈中好友亦紛紛送上祝賀,和Edan組成登神CP的隊友Anson Lo(盧瀚霆),就上載兩人身貼身的合照祝Edan:「Happy Birthday!」甜到漏!一向愛貼隊友黑圖的姜濤,今日難得貼出Edan正常背心照祝賀。而《膠戰》好兄弟Jeffrey(魏浚笙),就在IG上載被Edan胸襲扮錫錫的相留言:「哥哥,生日快樂!」Edan即回覆:「Love u細佬!」兄弟情深!而Edan「正印」、DJ小儀就上載早前Edan去水上樂園玩滑水梯的片段,搞笑說:「靜雞雞話你聽吖:Edan,er er er……你戇居同chok都係正嘅!」

Edan
和Edan組成登神CP的隊友Anson Lo,就上載兩人身貼身的合照祝Edan:「Happy Birthday!」
Edan
一向愛貼隊友黑圖的姜濤,今日難得貼出Edan正常背心照祝賀。
Edan
《膠戰》好兄弟Jeffrey(魏浚笙),就在IG上載被Edan胸襲扮錫錫的相留言:「哥哥,生日快樂!」
Edan
Edan「正印」、DJ小儀就上載早前Edan去水上樂園玩滑水梯的片段。
Edan
小儀搞笑說:「靜雞雞話你聽吖:Edan,er er er……你戇居同chok都係正嘅!」
娛樂

《膠戰S2》主題曲《膠on!》半日過10萬點擊 膠粉:MV超mm7,跪求第3季

ViuTV節目《膠戰S2》由呂爵安(Edan)、岑珈其、魏浚笙(Jeffrey)、徐浩昌(肥腸)、黃正宜(阿正)和劉沛蘅(Hillary)主持,播出以來大受歡迎,昨晚那一集6膠回饋粉絲,炮製了《膠戰》主題曲《膠on!》。6膠匯報MV構思時已經相當爆笑,最靚仔的Jeffrey弄了個《Jeffrey煨自肥企劃》,講述5膠被綁架,綁架和營救5膠都由他飾演,還提議全部人以光頭拍攝,笑到大家反肚!Edan因為自小很喜歡戰隊,所以提議5膠扮五色戰隊 ,一起打殘扮怪獸的阿正,珈其就參考電影《落水狗》和《Now you see me》,他們的任務是潛入ViuTV偷《膠戰》合約,改做100季!阿正就想在MV入面和Jeffrey結婚,阿正說完,導演已經即刻搖頭。結果導演將眾人構思集大成拍成MV,而當中有一句歌詞「Jeffrey Loves Bonnie (阿正英文名)」明益阿正!

膠戰S2
ViuTV節目《膠戰S2》播出以來大受歡迎,昨晚那一集6膠回饋粉絲,炮製了《膠戰》主題曲《膠on!》。
膠戰S2
最靚仔的Jeffrey弄了個《Jeffrey煨自肥企劃》,講述5膠被綁架,綁架和營救5膠都由他飾演,還提議全部人以光頭拍攝。
膠戰S2
Jeffrey的光頭構思,笑到大家反肚!
膠戰S2
Edan因為自小很喜歡戰隊,所以提議5膠扮五色戰隊 ,一起打殘扮怪獸的阿正。
膠戰S2
阿正扮演怪獸超爆笑!
膠戰S2
《膠戰S2》6膠還在MV跳舞。
膠戰S2
MV中有一句歌詞「Jeffrey Loves Bonnie (阿正英文名)」,明益阿正!

由於《膠戰S2》只剩下3集就播完,6膠當然不捨得,還呼籲膠粉狂loop MV,集氣叫ViuTV開拍第3季,Edan在IG留言:「睇咗MV未啊!未就即刻上YouTube睇啦!睇咗嘅就上去再睇!」阿正亦在IG留言說:「 我哋嘅友誼已經超越咗物種,怪獸同戰隊都可以成為最好嘅朋友。我真係好愛六膠呀!《膠On!》MV出咗喇,一齊Loop爆佢!好冇?」Jeffrey亦出post寫道:「 光頭煨正式誕生,邊個話我有偶像包袱!連光頭拍MV都俾我諗到,希望大家睇得開心聽得開心!愛六膠!」結果MV在YouTube上載半日,已經有超過10萬點擊,走勢凌勵!膠粉紛紛留言大讚MV搞笑:「 首主題曲同MV真係超mm7(『正』字的速成碼)呀,笑到我癲!」、 「上Chill Club唱live!」、「跪求第3季Please!」、「期待一百季!」、「呂爵安世一!」、「阿正做怪獸好正!」、「膠戰膠到暈,正!」群情洶湧!

膠戰S2
由於《膠戰S2》只剩下3集就播完,6膠當然不捨得,還呼籲膠粉狂loop MV,集氣叫ViuTV開拍第3季。
膠戰S2
Edan在IG留言:「睇咗MV未啊!未就即刻上YouTube睇啦!睇咗嘅就上去再睇!」
膠戰S2
Jeffrey出post寫道:「 光頭煨正式誕生,邊個話我有偶像包袱!連光頭拍MV都俾我諗到!」
膠戰S2
阿正亦在IG留言說:「 我哋嘅友誼已經超越咗物種,怪獸同戰隊都可以成為最好嘅朋友!」
娛樂

姐姐殺手自評68分靚仔 7年姊弟戀甜蜜蜜 魏浚笙:我好想快啲結婚

新一代姐姐殺手、23歲的魏浚笙(Jeffrey),前年因參加了Viu TV真人騷節目《調教你男朋友》爆紅,之後和MIRROR成員Edan(呂爵安)拍節目《膠戰》、《膠戰2》、青春游水劇《i.SWIM》等,憑着混血靚仔外形狂吸咖啡豆(粉絲名稱),前途無限。Jeffrey近日接受網上平台盒子BOX channel節目《月傾會》訪問,主持林柏希問他那個稱呼最受落,Jeffrey說現在最多人叫他「煨Sir」:「依家叫煨Sir,因為《膠戰》第一季,有一個叫咩煨番薯,我講咗餵蕃薯,所以依家啲人會叫我煨Sir!」煨字和餵字,煨Sir說懂得分的,還即場教大家怎樣寫「煨」字,很搞笑!

魏浚笙
Jeffrey近日接受林柏希訪問。

林柏希叫Jeffrey自評靚仔指數,Jeffrey竟然說:「真心,我覺得自己唔紅,咩叫紅呢?紅嘅意思係MIRROR、國際例子BIGBANG呀、BLACKPINK呀!碧咸我覺得好靚仔,吳尊我都覺得好靚仔,吳彥祖又好靚仔,呢啲先係高分囉,我呢啲唔好講喇,唔係嗰個level!」最後Jeffrey給自己68分靚仔。

不要以為靚仔沒有煩惱,Jeffrey說自己原來有少少抑鬱,「我有時諗嘢會好負面,我會諗到好worst,但係我會好快唔記得咗!嗰陣疫情開始好嚴重嘅時候,我會忽然間喊,有時女朋友忽然間咳,我都會好擔心,我就覺得大鑊喇,係咪發燒呢?跟住我就好驚!」

魏浚笙
Jeffrey自評靚仔指數只得68分。
魏浚笙
Jeffrey參與的節目《膠戰2》正在熱播中。

拍《iSWIM》爆Phoebus收埋練大隻

早前Jeffrey拍完第一次擔正的Viu劇集《iSWIM》,同場還有Edan、Stanley和Phoebus等男神,同場較勁有沒有特別操fit?「我梗係唔輸蝕啦,我每日都操緊呀,我又唔會扮嘢嘅!」哪個收收埋埋自私操?「Phoebus(吳啟洋)好笑,Stanley(邱士縉)有同佢話:『喂,Phoebus,你好似要操一操。』佢話個角色唔使肌肉,點知過咗一個月之後,佢又大隻咗喎,臨roll機又喺度操操操喎,跟住Stanley就話:『又話唔操,扮咩啫!』」

魏浚笙
早前Jeffrey拍完第一次擔正的Viu劇集《iSWIM》,同場還有Edan、Stanley和Phoebus等男神。

小時候覺得邱淑貞好靚

Edan曾經嘲笑過Jeffrey現形是「咖啡豆」,Jeffrey說:「其實我又真係唔係好介意呢啲,但係你話『咖啡豆』又好難真係『咖啡豆』喎,咖啡豆係咁細粒㗎喎!你話使唔使澄清,我又覺得冇乜呢個必要!」問他拍《iSWIM》時誰最「雄偉」?Jeffrey很有自信說:「目測就真係冇乜特別勁喎,我又唔覺得我輸蝕喎,差唔多啦,大家Asian差唔多㗎啫!」Jeffrey還自爆收過男fans下體照:「又唔係好多張,兩三張囉!block咗佢囉,哈哈哈,有乜好睇啫,我都有啦!」至於男神心目中誰是真女神呢?Jeffrey想了一會說:「我細個睇《海派甜心》我會好鍾意楊丞琳!」又說《超級學校霸王》入面的邱淑貞很美!

魏浚笙
Jeffrey自爆收過男fans下體照。

最冧送99支玫瑰

Jeffrey沒有偶像包袱,一早公開有個拍拖多年的姊弟戀女友Evelyn,現在Evelyn還成為他的經理人,日對夜對,Jeffrey說一點也不悶:「完全冇悶過,有時我拍劇集,佢太多嘢處理都唔會跟,我一做完嘢,返到嚟見到佢,我就好放鬆、好開心!」問他做過最冧的事,他說:「忽然間情人節送咗99支玫瑰花俾佢囉,嗰時都覺得好威!」Jeffrey還透露心聲:「結婚冧啲,結婚啦!我一定結婚,我好想快啲結婚!」男神正式封盤喇!一直都很喜歡唱歌的Jeffrey,即場清唱偶像林宥嘉的《心酸》,獨家深情冧唱,「咖啡豆」絕對要珍藏呀!

魏浚笙
Jeffrey一早公開有個拍拖多年的姊弟戀女友Evelyn,現在Evelyn還成為他的經理人。
魏浚笙
一直都很喜歡唱歌的Jeffrey,即場清唱偶像林宥嘉的《心酸》。
娛樂

丐幫Edan想做楊過煨Sir做鵰 Jeffrey:想我係細鵰定大鵰?

Edan(呂爵安)爆紅之後工作多多,剛剛出完新歌又要錄影綜藝節目《膠戰2》,Edan在IG上載拍攝《膠》時的古裝look,又爆炸頭又黐鬚,原來他和一班《膠》主持扮搞笑版《神鵰俠侶》,Edan說自己是靚仔丐幫幫主:「其實我留鬚都幾有型呀,不過講真,邊有咁靚仔嘅丐幫幫主㗎! 」而MIRROR公認靚仔的Frankie 就留言說:「石器時代嚟講算數一數二靚仔!」立即被爵屎大讚:「皮皮好波!」、「有你喺度,Edan有排都做唔到 !」Edan就大讚Frankie:「 你係依家呢個時代數一數二靚仔!」

Edan又說:「 我都知我唔似㗎啦,橫睇掂睇我都係做楊過啦,可惜俾煨Sir(魏浚笙Jeffrey)做咗,不過又真係好鬼靚仔嘅,要求下次我做楊過,Jeffrey做隻鵰。」Jeffrey神回:「做你隻鵰!請你想我係細鵰定大鵰?」Edan立即回覆:「我頂!」有爵屎就問Jeffrey:「 幾時學到壞過凱婷?」亦有爵屎說:「 梗係大鵰啦!」相當爆笑!

edan
Edan在IG上載拍攝《膠》時的古裝look,又爆炸頭又黐鬚。
edan
原來Edan和一班《膠》主持扮搞笑版《神鵰俠侶》。
edan
Edan說自己是靚仔丐幫幫主。
edan
MIRROR公認靚仔的Frankie 就留言說:「石器時代嚟講算數一數二靚仔!」
edan
Frankie 被爵屎大讚:「皮皮好波!」
edan
Edan又說:「 要求下次我做楊過,Jeffrey做隻鵰。」
edan
Jeffrey這麼靚仔當然做楊過。
edan
Jeffrey神回:「做你隻鵰!請你想我係細鵰定大鵰?」有爵屎就問Jeffrey:「 幾時學到壞過凱婷?」