標籤: 魯庭暉

娛樂

MIRROR 官方Fan Club面世 會費一年$440 鏡粉Join完求魯生:實名登記買演唱會飛

MIRROR 早前宣布5月成立MIRROR官方歌迷會(Fan Club),會員可獲得會員專屬迎新禮盒,有訂購演唱會、粉絲見面會,和會員專屬商品的機會,今日MakerVille行政總裁魯庭暉宣布FC正式面世,會費一年$440,魯生寫道:「呢單嘢,係要戴定個頭盔先嘅。Mirror official fan club, 同事研究咗好耐好耐。真係好耐。背後嘅所有嘢,太多太多細節。太多太多嘢我哋左諗右諗,太多嘢要平衡。『如果咁咁咁就好啦』…好喇,但如果咁咁咁,又會導致另外一啲問題出現。因為呢個project同搞其他project好唔同。因為係粉絲,因為佢哋係Mirror 嘅一部分。呢件事,有血有肉。我幾乎肯定,一路做一路會發現有好多超唔完美嘅地方。每個部門同事都好擔心。我睇見都戥佢哋辛苦。」

MIRROR
早前MIRROR宣布5月成立MIRROR官方歌迷會,會員可獲得會員專屬迎新禮盒,有訂購演唱會、粉絲見面會,和會員專屬商品的機會。
MIRROR
今日FC正式面世,會費一年$440。
MIRROR
MakerVille行政總裁魯庭暉在IG寫道:「 今日終於launch。我哋會盡力一步一步改善進步。」

魯生又說:「今日終於launch。我哋會盡力一步一步改善進步。而喺成個過程裡邊,我唯一輕鬆少少果個moment,就係聽到啲同事講話收到個welcome pack 嘅樣板..佢哋一致覺得都幾靚。我心諗,喂呀,咁係因為我哋做過類似嘅嘢呀嘛。最難嗰啲logistic / expectation 都未嚟料呀…」之後鏡粉紛紛留言希望買到演唱會飛:「即刻joined! 真係有頭家🏡的感覺(好似嫁咗人有名份咁omg)! 希望演唱會如果加場,可以做到一至兩場俾FC only, 實名,俾到我哋每一個真fans睇演唱會嘅機會,相信到時一定好震撼好感動!」、「作為鏡粉,最想其實係買到張演唱會飛🙏🏼第一次演唱會睇唔到、第二次買唔到飛,第三次 #求求魯生實名登記買飛!」

MIRROR
鏡粉紛紛留言希望買到演唱會飛:「求求魯生實名登記買飛!」

而MIRROR官方IG亦公布入會詳情,還幫鏡粉改了英文名MIRO,只要成為MIRO,就可以享受多項專屬福利,詳情如下:

【點樣成為MIRO?】

  1. 馬上進入網站 mirrorweare.com
  2. 點擊「立即成為MIRO」進入註冊頁面
  3. 填寫會籍申請表格後,請確保資料正確無誤
  4. 然後前往付款
  5. 付款成功後您就即時成為MIRO,並可享MIRO專屬福利*

【MIRO 4大專屬福利】

  • MIRO會員迎新禮盒
  • 訂購MIRROR演唱會門票的機會**
  • 訂購MIRROR粉絲見面會門票的機會**
  • 網上訂購MIRO會員專屬商品的機會***

*會員號碼將由MIRROR Official Fan Club分配
**視乎主辦方分發給Fan Club的門票數量而定
***視乎供應而定

MIRROR
MIRROR官方IG公布入會詳情,只要成為MIRO,就可以享受多項專屬福利。
MIRROR
MIRO會員迎新禮盒很吸引。
MIRROR
入會時可選自己支持的成員。
MIRROR
娛樂

姜濤執導新歌  《作品的說話》講世界和平   魯庭暉讚姜Man「大器」姜糖:好感動,哭了   

姜濤 今日(30日)23歲生日,姜糖們紛紛湧到銅鑼灣慶祝,令銅鑼灣變「姜濤灣」,正拍攝新劇《季前賽》的姜Man晚上收工後,突然現身銅鑼灣冧粉絲,令在場姜糖驚喜尖叫,一起將姜濤包圍狂影,非常墟冚!姜Man除了突襲銅鑼灣製造驚喜外,今晚還推出第十胎新歌《作品的說話》,新歌由Gareth.T作曲、小克填詞、Edward Chan和Gareth.T監製,姜濤繼《孤獨病》後,再次執導演筒,拍攝以反戰為主題的MV,製作之龐大,令姜濤廢寢忘餐,不過勁有滿足感!

正拍攝新劇《季前賽》的姜Man收工後,還突然現身銅鑼灣冧姜糖!
在場姜糖驚喜尖叫,一起將姜濤包圍狂影,非常墟冚!

《作品的說話》的誕生,源自姜濤看到近期一些戰亂照片,令他想到每個人本來都是活生生,生前很幸福,想像不到若戰爭發生在自己身上,是怎樣一回事,姜濤表示歌名是小克突然想到:「我覺得幾好。大家望落以為今次又係講啲好personal嘅嘢,但其實《作品的說話》係一首關乎所有人嘅歌,用我自己成日講嘅一句說話『用作品說話』去講戰爭——我哋無論乜嘢種族、級別,都一定唔想要有戰爭。」

姜濤
姜濤今晚推出第十胎新歌《作品的說話》。
姜濤
《作品的說話》的誕生,源自姜濤看到近期一些戰亂照片。姜濤希望藉MV宣揚Love and Peace訊息,希望藉MV宣揚Love and Peace訊息。

MV在一個荒廢了的商場內拍攝,找來過百臨時演員參與演出,開場一幕又加入CG效果,是不論MIRROR或是其他Solo隊員都未曾試過的鉅大製作。姜Man介紹說:「呢個商場就係呢個世界、地球嘅縮影,喺入面發生嘅一切,例如爭食物、祈禱、爭拗等,都會喺有戰爭嘅地方發生。喺商場入面會見到好多殘酷嘅事情,但其實所有難民都唔係敵人,冇人係敵對,大家都係無辜者,但結局就好殘忍。」姜濤希望藉MV宣揚Love and Peace訊息。

姜濤
MV在一個荒廢了的商場內拍攝,找來過百臨時演員參與演出。
姜Man說:「呢個商場就係呢個世界、地球嘅縮影,喺入面發生嘅一切,例如爭食物、祈禱、爭拗等,都會喺有戰爭嘅地方發生。」

為了拍出自己想像中的MV世界,姜濤實行自編自導自演MV,一腳踢。「我唔係話其他導演拍得我啲MV唔好,純粹係自己多諗法,但可能好多時候唔係百分百按照我嘅諗法去做,所以今次不如試一試,睇下可唔可以實行到,由度故仔、Camera Movement、分鏡、都想自己參與多啲,會更加有歸屬感,同時亦睇下自己有冇呢個能力,算係一個小挑戰。」還說:「為咗自己嘅作品,辛苦都係值得,觀眾聽到、Get到我哋想帶出嚟嘅Message,就係一個最好嘅回報。」更笑言團隊有個口號,就是希望MV能夠「創造歷史」。

姜濤
為了拍出自己想像中的MV世界,姜濤實行自編自導自演MV,一腳踢。
姜濤
姜濤再次執導演筒,廢寢忘餐,不過勁有滿足感!

今次MV尾聲部分,姜濤和5個月大BB合演,姜濤解說這一幕的重要性:「BB嘅出現係想話俾大家聽,為咗我哋嘅下一代唔好再有戰爭。」而在拍攝期間,姜濤抱起BB逗對方笑,一臉慈祥,原來是姜濤第一次抱BB:「BB真係好得意,望住佢隻眼嘅時候,如果俾到友善Message佢,佢都Get到,真係好神奇!」

姜濤
今次MV尾聲部分,姜濤和5個月大BB合演。

姜糖聽完新歌後相當感動,紛紛留言:「旋律好好聽,聽完好感動😭願世界和平!」、「好有意思,大愛嘅歌,姜姜生日快樂,請你繼續用作品說話!」、「燒毀的小教堂響起鐘聲,鐘聲撫慰雙方的傷兵,哭了!」、「 姜濤真係好特別,俾人嘅感覺與眾不同!」、「很有意思,愛與和平,很感動!」、「頂真填詞方法,有深度,有內涵!」、「用你嘅溫柔化解仇恨,真心希望歌曲會傳到每人心中!」

姜濤
姜糖聽後相當感動,紛紛留言:「旋律好好聽,聽完好感動,願世界和平!」

MakerVille行政總裁魯庭暉今日在IG留言分享和19歲姜濤的對話:「 早幾日,收到佢哋個未final version 。我諗番起幾年前,頭幾次同姜濤傾偈嘅時候,我問佢,喂如果呢依家俾個男一你做,你會想做個咩角色呀。咁我通常得到嘅答案會係『邊套戲果個邊個』或者『邊位演員嗰隻』。姜濤當時嘅答案係:『我想做啲….要復仇嘅角色!』我問:『點解呢?』佢話:『魯生你話依家吖嘛,咁我依家咩都唔識,實做得唔好,我睇戲呢,好多時啲復仇角色呢,淨係呆咗咁望住一樣嘢,跟住導演、攝影師;編劇啦嗰啲就會令觀眾感覺到個氣氛。我都未得,唯有靠其他專業崗位。」

魯庭暉大讚姜濤「大器」!

魯庭暉大讚姜濤:「嘩,19歲。當時,我唔知佢會唔會紅,我只係知,這叫大器。23歲,自己導埋個MV。依家,佢望住一樣嘢嘅時候,經已唔係『淨係呆咗咁』,這叫進步。」大器比喻有大才,能擔當重任的人才,魯生果然有眼光!

大器比喻有大才,能擔當重任的人,魯生果然有眼光!
娛樂

魯庭暉任MakerVille CEO公布大計 MIRROR ERROR COLLAR晒冷 5月成立鏡仔官方FC 可訂演唱會飛

ViuTV總經理魯庭暉上週二(19日)調職,出任電訊盈科媒體集團旗下新公司MakerVille行政總裁,新公司主力內容創作、藝人管理、活動業務,集中火力發展公司旗下MIRROR、ERROR、P1X3L和COLLAR 等,為藝人作多元化發展,將ViuTV版圖擴大,昨日MIRROR紅館演唱會記者會上,魯庭暉首以MakerVille行政總裁身份出席。

魯庭暉
ViuTV總經理魯庭暉調職,出任電訊盈科媒體集團旗下新公司MakerVille行政總裁,今日MakerVille在九展Star Hall舉行記者會,介紹新公司的標誌和發展方向。
魯庭暉
MIRROR首次公開演唱新歌《Innerspace》,跳得相當落力!

今日MakerVille在九展Star Hall舉行記者會,介紹新公司的標誌和發展方向 ,並設Youtube直播,MIRROR、ERROR、P1X3L、COLLAR和6膠岑珈其、魏浚笙、徐浩昌(肥腸)、黃正宜(阿正)、劉沛蘅(Hillary)等齊齊現身,更有不少電影勁人助陣,包括杜琪峯、游乃海、銀河映像CEO朱淑儀、導演鄭保瑞,戲劇製作人袁劍偉、馮志強、趙善恆、羅嘉駿等出席,相當熱鬧!

魯庭暉
ERROR於台上獻唱《愛情值日生》。
COLLAR於台上獻唱《Call My Name!》。

魯庭暉介紹公司說:「MakerVille係一個地方,係做啲嘢出嚟嘅,做咩呢?三樣嘢,內容、藝人、活動,點先叫做得好呢?第一要做唔同類型新嘅嘗試,更好嘅作品俾ViuTV嘅觀眾,第二要做到喺香港以外嘅人可以透過唔同嘅方式睇到我哋嘅作品,第三要做到更多合作,無論係台前幕後,香港以至全世界,要同更多嘅唔同嘅製作單位、平台一齊合作,一齊令大眾感動,咁多位我哋會好努力咁做,我哋嘅make it happen!」

魯庭暉
P1X3L於台上表演《Just Lean On Me》。
魯庭暉
(左起) 六膠(徐浩昌、劉沛蘅、岑珈其、呂爵安、黃正宜、魏浚笙)。

全個記招最精彩是由MIRROR、ERROR、P1X3L 和COLLAR表演唱歌,MIRROR壓軸出場時唱出新歌《Innerspace》,之後宣布5月成立MIRROR官方歌迷會(FC),會員可獲得會員專屬迎新禮盒,有訂購演唱會、粉絲見面會,和會員專屬商品的機會,詳情就要留意MIRROR FB和IG!隊長Lokman說:「我代表MIRROR上上下下同大家講唔好意思,係遲咗少少,知道大家對呢個Fan Club有期望,所以不想大家失望,所以要計劃周詳啲,做多少少,同公司傾吓點樣執行,先俾個好嘅大家,多謝大家支持!」

魯庭暉
MIRROR宣布5月成立MIRROR官方歌迷會,有訂購演唱會、粉絲見面會,和會員專屬商品的機會!
娛樂

姜濤 4.30生日 姜糖搞愛接愛人連人打卡活動 魯庭暉唔做總經理全力谷MIRROR

姜濤 4月30日23歲生日,姜糖為了慶祝「姜濤誕」,舉辦不同慈善應援,「姜濤香港後援會」早前宣布在4月30日當天包起全線電車,讓全港市民免費坐電車,成為首次由民間團體自發舉辦「免費乘車日」,希望在疫情下為社會各界傳遞愛心和正能量,近日又宣布買了生日應援廣告,分別在銅鑼灣金百利- Island Beverley、銅鑼灣登龍街18號-VPOINT和銅鑼灣地帶 Causeway place,舉行「愛接愛人連人打卡活動」。

姜濤
姜濤4月30日23歲生日,姜糖為了慶祝「姜濤誕」,舉辦不同慈善應援。
姜濤
「姜濤香港後援會」早前宣布在4月30日當天包起全線電車,讓全港市民免費坐電車,希望在疫情下為社會各界傳遞愛心和正能量。(香港電車圖片)

「姜濤香港後援會」在fb寫道:「自從姜濤的出現,帶給我們溫暖和幸福,FC和糖糖們有幸見證著姜濤的成長。適逢姜濤23歲生日,為了讓全世界的人認識到濤濤的善良與美好,因此我們在海外和本地不同地方投放了生日廣告,與世界各地的糖糖一同慶賀,分享歡樂和愛!」後援會又寫道:「每個在FC大型應援前打卡並上載到IG ,配上 #HAPPYKT430DAY2022 即可參與活動!只要hashtag #HAPPYKT430DAY2022 內的貼文超過430 ,就可以為姜的生日禮物出一分力 和FC一起送『愛』作為本年度姜的生日禮物,FC將於所有生日應援活動中收集到的善款連同集資部分金額捐贈予慈善機構作為姜濤23歲生日禮物!」相當有意思!

姜濤
「姜濤香港後援會」近日又宣布買了生日應援廣告,舉行「愛接愛人連人打卡活動」,包括銅鑼灣地帶 Causeway place。( 姜濤香港後援會圖片)
姜濤
還有銅鑼灣登龍街18號-VPOINT。( 姜濤香港後援會圖片)

另外姜濤所屬MIRROR令ViuTV轉虧為盈兼賺得1.38億元,氣勢如虹,不過近日傳出總經理一職將換上廣告界資深從業員鍾廣德(Clement Chung),並於今日開始出上任,鍾廣德在廣告界有20多年經驗,和客戶關係良好,將致力發展ViuTV成市場上最有競爭力的影視平台。原為ViuTV董事兼總經理的魯庭暉,將調任為ViuTV旗下新公司Makervilles CEO,集中發展公司旗下MIRROR和COLLAR,未來將致力提升藝人知名度,為藝人作多元化發展,除加強娛樂綜藝同劇集外,更作音樂劇、舞台劇、演唱會、電影等多元化發展,將ViuTV進一步擴大!

姜濤
近日傳出ViuTV總經理一職將換上廣告界資深從業員鍾廣德(Clement Chung),並於今日開始出上任。(網上圖片)
姜濤
原為ViuTV董事兼總經理的魯庭暉,將調任為ViuTV旗下新公司Makervilles CEO,集中發展公司旗下MIRROR和COLLAR。(電視截圖)
娛樂, 熱話

《IT狗》大結局    Never爆笑發威:我係Touchwood創辦人呀  魯庭暉讚Frankie: 佢係一位演員

IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)、余逸思等主演,劇集開播以來大受歡迎,演員表現出色,網民大讚飾演葉念信的凌文龍好戲,含淚食麵一幕觸動不少網民,Lokman飾演「星之子Tony」亦有不錯表現,至於處男拍劇的Frankie,其扮演放負的Never可愛爆笑,令人驚喜,在昨晚(4日》播出大結局後,還被ViuTV董事及總經理魯庭暉大讚:「 係一位演員。」

IT狗
ViuTV原創劇《IT狗》開播以來大受歡迎,演員表現出色。
IT狗
Frankie扮演放負的Never可愛爆笑,令人驚喜!

大結局講述阿信等人要揭發萬鈞AI Moby的陰謀,Frankie和Lokman要協助阿信潛入AI Moby發布會,兩人要拖延時間,於是在門口白撞想入會場,當保安問他們是誰時,Lokman便說:「Never,你話俾佢聽我係邊個?」 Never說:「星之子你都唔識。」Lokman叫Never有氣勢些, 一直負能量爆燈,說話陰聲細氣的Never竟然大發神威說:「唔識得佢唔緊要,都識得我呀嘛,我係Touchwood創辦人Never呀呀呀呀!」令人爆笑!

IT狗
萬鈞為AI Moby舉行發布會。
IT狗
阿信等人要揭發萬鈞AI Moby的陰謀。
IT狗
Frankie和Lokman要協助阿信潛入AI Moby發布會,兩人要拖延時間,於是在門口白撞想入會場。
IT狗
當保安問他們是誰時, 一直負能量爆燈,說話陰聲細氣的Never竟然大發神威說:「我係Touchwood創辦人Never呀呀呀呀!」
IT狗
之後兩人忽忽跳舞,超爆笑!

之後魯庭暉在IG寫道:「當然,Frankie 嘅演技唔係乜嘢神級。但我覺得,佢今次,係一位演員。啲人話因為佢個性格都似Never,所以咪做得好囉;我唔贊成。任何一個人對住鏡頭,背住對白,做第二個人,就算你嘅性格同嗰個角色好似,你估咁就好易呀?係,係易啲啲,但當中一定需要有努力、沉澱、投入…先至會令人知道,嗰個係Never。呢一點,證明佢今次,係一位演員。」

IT狗
之後魯庭暉(右)在IG寫道:「當然,Frankie 嘅演技唔係乜嘢神級。但我覺得,佢今次,係一位演員。」
IT狗
魯庭暉寫道:「啲人話因為佢個性格都似Never,所以咪做得好囉;我唔贊成。」

魯生又說:「呢篇嘢,冒着生命危險寫:一陣花姐又話我做乜淨係講一個唔講埋另外嗰啲Mirror囝囝;金生又話我做乜唔讚下製作團隊;仲有呀藝人部主管又投訴我唔提吓其他artists。咁呀,唔講唔讚唔提,唔代表唔上心,咁唔通呀,《IT狗》裏面其中兩位演員,拍咗另一套嘢,我睇完rough cut (演員未睇)之後我覺得嗰套嘢一出街有機會令人眼前一亮我又周圍話俾人聽咩。講、讚、提….不如做啦。」之後Frankie回覆魯生:「多謝魯生,我會繼續裝備自己㗎!Never say never!」而花姐亦轉載魯生個貼文寫道:「Never say never!」 相信花姐沒有詐型!

IT狗
之後Frankie回覆魯生:「多謝魯生,我會繼續裝備自己㗎!Never say never!」
IT狗
花姐轉載魯生個貼文寫道:「Never say never!」 相信花姐沒有詐型!

33歲的Frankie為人低調,曾經被經理人花姐指他存在感不高,早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心:「因為我性格嘅問題,我都要爭取多啲嘢嘅時候,可能力度唔夠大,自己久而久之會有少少唔開心嘅係,我努力咗可能公司未睇到。」魯生這一讚,證明Frankie的努力,公司已經看見了,加油呀!

IT狗
33歲的Frankie為人低調,曾經被經理人花姐指他存在感不高。
IT狗
早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心。
IT狗
魯生這一讚,證明Frankie的努力,公司已經看見了,加油呀!
IT狗
Frankie和一眾《IT狗》演員在大結局後開live,還騷出《大台理論》。
IT狗
導演彭秀慧開live時大爆阿信父親是導演羅永昌,曾擔任《鎗火》、《暗戰》執行導演。
娛樂

《全民造星IV》總決賽 19歲Marf大熱奪冠 孖亞軍Gao、季軍Day直入女團

全民造星IV》 總決賽今晚在九展舉行,全民投票和星級專業評判團分數各佔50%,星級專業評判團包括李嘉欣、謝安琪、谷德昭、麥兆輝和ViuTV董事兼總經理魯庭暉擔任,而入選3甲的參賽者將可以直入女團。節目一開始便有過去三屆《造星》冠軍出場,包括姜濤、Phoebus和Ben,三人和20強參賽者一同表演主題曲《前傳》,揭曉賽果前MIRROR又出場唱新歌《12》、《Boss》,引起哄動!最後99個參賽者出現唱《前傳》,回憶回來了!

全民造星IV
星級專業評判團包括李嘉欣、謝安琪、谷德昭、麥兆輝和ViuTV董事兼總經理魯庭暉擔任。
全民造星IV
節目一開始便有過去三屆《造星》冠軍出場,包括姜濤、Phoebus和Ben,三人和20強參賽者一同表演主題曲《前傳》。
全民造星IV
揭曉賽果前MIRROR又出場唱新歌《12》、《Boss》,引起哄動!

比賽分自選演出和團體演出兩部分,大熱人氣王Marf(邱彥筒)跳唱《The Law Of Attraction》,在台上大騷唱功和舞技,整體表現不俗錯。至於Gao(沈貞巧)跳唱《Fly As Me》,唱得相當有力量,表現出色。Day(許軼)表演跳唱《相對濕度》亦信心十足!經過星級評判團評分和全民投票後,冠軍由19歲的獸醫護士Marf 奪得,與亞軍Gao、季軍Day直入女團,Marf從評判李嘉欣手上接過獎座時,李嘉欣亦有向Marf說一句:「恭喜!」

全民造星IV
19歲Marf大熱奪冠,她從評判李嘉欣手上接過獎座時,李嘉欣亦有向Marf說一句:「恭喜!」
全民造星IV
Marf知道奪冠一刻,相當開心!
全民造星IV
Marf跳唱《The Law Of Attraction》,大騷唱功和舞技。
全民造星IV
至於Gao跳唱《Fly As Me》,唱得相當有力量,表現出色。
全民造星IV
Gao最後奪得亞軍。
全民造星IV
Day表演跳唱《相對濕度》奪季軍。
全民造星IV
冠亞季之後開Live多謝粉絲。

今晚很多參賽者表演原創歌曲,相當有才華。其中Win Win(楊安妮)的原創歌《Just Play the Game》,當中歌詞寫道:「攞唔攞冠軍,使乜咁認真,Win Win that’s my name,just play the  game!」相當有意思,她還拿著燒肉道具說:「燒肉係一個獎,可以分!」

全民造星IV
Win Win的原創歌《Just Play the Game》,當中歌詞寫道:「攞唔攞冠軍,使乜咁認真。」相當有意思。
WIn Win還拿著燒肉道具說:「燒肉係一個獎,可以分!」

之後Marf在特備節目《造星彩蛋》分享得獎感受說:「我覺得好唔真實,我係好開心嘅,今日係唯一一次做到側手翻,但我自己係有啲失準,呢個亦都係我嘅進步空間,之後我會學好唱歌、做戲。」Day多謝粉絲一直不離不棄:「之前比賽仲有失準,但大家都仲相信我會進步。」MIRROR經理人花姐就叫MIRROR要小心:「佢哋係有熱血、有夢想嘅女仔,MIRROR要小心啲喇!」至於女團經理人Wing表示女團整體名單和團名將於1月公布。

全民造星IV
身為導師的許廷鏗和梁祖堯,知道賽果後相當開心!
全民造星IV
Marf在特備節目《造星彩蛋》分享得獎感受說:「我覺得好唔真實,我係好開心嘅。」

《全民造星IV》總決賽排名及得分

1. Marf 40分(評審:20分 , 觀眾:20分)

2. GAO 37分(評審:19分 , 觀眾:18分)

3. Day 36分(評審:17分 , 觀眾:19分)

4. 芯駖 33分(評審:16分 , 觀眾:17分)

5. Win Win 32分(評審:18分 ,觀眾:14分)

6. So Ching 28分(評審:12分 ,觀眾:16分)

7. Winka 25分(評審:15分 , 觀眾:10分)

8. Candy 23分(評審:10分 , 觀眾:13分)

9. CK 21分(評審:15分 , 觀眾:6分)

10. 暐翹 20分(評審:11分 , 觀眾:9分)

11. Ivy So 20分(評審:5分 , 觀眾:15分)

12. 超酸 19分(評審:15分 ,觀眾:4分)

13. Alice 17分(評審:10分 ,觀眾:7分)

14. 榛綦 16分(評審:8分 , 觀眾:8分)

15. VAL 14分(評審:3分 , 觀眾:11分)

16. YoYo 13分(評審:1分 ,觀眾:12分)

17. Ada仔 11分(評審:8分, 觀眾:3分)

18. Ariel 9分(評審:4分 ,觀眾:5分)

19. Tengie 7分(評審:6分 ,觀眾:1分)

20. 穎蕎 5分(評審:3分 , 觀眾:2分)