標籤: 麥大力

娛樂

簡淑兒 爆男友麥大力上山下海追求 被傳整容10年終極回應

簡淑兒(Jessica)接受由林柏希主持的網上平台節目《月傾會》訪問,簡淑兒6月20日出po宣告離開無綫,簡淑兒說不經不覺已入行10年,決心要跳出舒適圈,「10年前嘅我,都係因為跳出咗自己嘅comfort zone,先會入到呢一行;10年之後,不如再試下跳出comfort zone,睇下會唔會有更多進步!嚟到呢個位,自己好似stuck住咗,所以想跳出去囉!」

簡淑兒
簡淑兒6月20日出po宣告離開無綫,她說不經不覺已入行10年,決心要跳出舒適圈。

回想入行初期,有同事曾經跟她說:「佢話呢一行,靚嘅女仔大把,你又冇名銜,又唔係讀藝訓,又冇讀過演藝,你又冇後台,你覺得自己憑咩呢?」今時今日簡淑兒想跟對方說:「我好想可以同返佢講,我憑咩呢?就係憑我真係好鍾意呢一行,同埋我真係唔肯放棄囉!」說着說着,簡淑兒忍不住哽咽:「好想話俾大家聽,如果你真係好鍾意嘅話,你就去做!」明星和演員,簡淑兒想做哪一樣?她想也沒有想:「我想做演員!」

簡淑兒
簡淑兒接受林柏希(左)主持的網上平台節目《月傾會》訪問。

自由身唔一定要簽公司

今次離開無綫的決定,男友麥大力當然支持,眨下眼兩人拍拖已經超過一年。簡淑兒說當初沒有想過公開:「好老實講,真係因為影到,嗰陣時大家都冇諗住公開㗎!」有傳聞指簡淑兒離開無綫,是為了方便身為機師的男友,等通關後周圍飛?她說:「據我所知,佢仲未飛返㗎,因為都仲係封緊關,所以佢都仲未飛到,同埋據我所知,佢都仲係(無綫)合約演員!」

問到離開無綫後的大計,簡淑兒說:「依家自由身,有好多嘢自己想試囉,唔一定要有公司,先有你嘅價值,一個人嘅價值,應該去到邊度都有!我依家就好努力去build up自己價值,睇下嚟緊會唔會有唔同project,或者自己試下拍片!」

簡淑兒
簡淑兒離開無綫決定,男友麥大力相當支持。

唔會再答整容傳聞

一直有傳簡淑兒是有錢女,家裏很富貴,她說有錢過她的人很多:「我真係唔係好有錢,屋企人就算搵幾多都好,都同你冇乜關連,因為你自己都要有你自己生活,冇理由呢一世都係靠屋企㗎嘛!」她還透露自己當年在美國讀書被霸凌,試過被人剪頭髮推落樓:「我喺香港出世,但係我喺美國大,我啱啱過到去唔識講英文,所以嗰時成日俾人蝦,試過俾人剪頭髮呀、推我落樓梯呀,變咗我性格好內向,佢哋(父母)見到就會覺得出嚟做嘢會好蝕底,所以想我去見識下,去參加港姐識多啲嘢,但就冇諗過我會留喺呢行!」

簡淑兒
簡淑兒2012年參選港姐,被傳整容10年。

除了傳她是有錢女,整容傳聞都圍繞着她,傳足這麼多年,簡淑兒沒有好氣說:「由我一入行到依家,選完(2012港姐)出嚟就已經咁講,其實我已經答過無數咁多次,我已經唔想再答喇!如果要繼續講,呢個當然我控制唔到,但係我就選擇咗唔會再答呢個問題!」

簡淑兒
簡淑兒說:「由我一入行到依家,選完(2012港姐)出嚟就已經咁講,其實我已經答過無數咁多次!」

說回無綫的作品,當年一齣《迷》,簡淑兒做田蕊妮的女兒,還要兜巴星阿媽,這個角色很深入民心,「嗰時啱啱大家認識我,跟住會覺得點會咁大膽冚視后,其實我係好驚,因為嗰日係我第一日拍嗰套劇!田蕊妮好nice,佢知道我係新人會同我對晒(稿),佢直頭話真係冚落嚟啦一take過,但係我都驚!」

簡淑兒
一直有傳簡淑兒是有錢女,她說:「我真係唔係好有錢!」

男友麥大力上山下海追求

去到重頭環節《大膽答 冇膽食》,今次預備了簡淑兒最怕的芫荽,安排了一碟芫荽燒賣,還有鮮榨苦瓜汁!首先問簡淑兒,在無綫10年裏面,最開心是甚麼事?最不開心又是甚麼事呢?「最開心就係我識到依家嘅best friend,大家係同一屆入選嘅Alycia(陳婉衡)!我諗我呢10年裏面,如果冇佢喺身邊,日子未必會咁開心囉!」至於最不開心,原來因為一張相:「依家每一次睇報道,關於我嘅報道,都會有一張好核突嘅相喺隔離,哈哈哈!我媽咪話有一次睇報紙,見到我張相隔離有個女人,佢唔認得嗰個係我囉!」

簡淑兒
簡淑兒爆男友麥大力上山下海追求。

簡淑兒和麥大力拍拖超過一年,男友做過最sweet一件事?鬧交最勁哪次為了甚麼?簡淑兒說,當初和麥大力發展,對方真是上天下海甚應都做:「我問佢有冇興趣去行山,因為我係夜晚黑去行,跟住之後就去潛水啦,仲有一次就係我去捐血!行山嗰次,佢本身諗住女仔行山都係行下啫,但係嗰次我哋攞埋繩去爬,跟住就刮損咗佢!上山下海,佢就話:『如果我都追唔到呢個女仔,我都唔知仲有啲咩可以做喇!』佢講完俾我聽,我都覺得有少少感動!」

「少女標本」Kabby最啱傾

鬧交那次呢?「有一次我記得電話冇signal收唔到,之後佢搵唔到我,因為佢擔心,但係我嘅性格就覺得,我都唔知你打俾我,唔關我事㗎嘛!」問到有沒有互相check對方電話,是否有對方電腦、手機密碼?如果麥大力出軌,簡淑兒怎樣處理?「我冇佢電話、電腦password呀,佢都冇我嘅!我從來都冇睇過佢電話,唔好話check,就算連佢玩緊電話,我連望都冇望!」簡淑兒指前男友試過出軌:「以前都試過男朋友出軌,跟住俾佢氹到囉,我冇真係捉姦在床嗰啲,我選擇算啦、信佢啦,但係依家我就唔會喇!」

簡淑兒
簡淑兒曾是女子音樂組合「少女標本」成員之一。

再問到曾經組過女團「少女標本」,簡淑兒和三位隊友許雅婷(Kabby)、袁紫僑(CoCo)和溫心(Swan),哪個最friend?跟哪一個沒有兩句呢?「我諗最唔熟嘅係溫心囉,因為大家都知,其實佢出現咗一個公開活動之後就冇,所以唔係不和嘅,係完全唔熟囉!少女標本其實一開始唔係我㗎,我係replacement,出道前一個月改咗人,攝咗我落去;最close多啲偈傾係Kabby(許雅婷),因為佢係一個好大情大性嘅人!」

最後還有驚喜彩蛋,林柏希預備了蛋糕,為即將生日(7月18日)的簡淑兒提早慶生。簡淑兒說這是今年第一個生日蛋糕,驚喜之餘最希望疫情快些過去!

林柏希預備了蛋糕,為即將生日的簡淑兒提早慶生。


娛樂

街頭拍拖斷正 傳簡淑兒、前機師麥大力拍拖2個月

31歲簡淑兒擁有腰果眼和甜美笑容,一向都是宅男女神,去年她與圈外男友Marcus復合,不過最終分手收場。近日有傳媒影到她和35歲前機師麥大力,在街頭十指緊扣,麥大力從後攬抱女神,兩人還在室外嘴咀,超sweet,有傳兩人已秘密拍拖2個月。

麥大力和簡淑兒因拍攝綜藝節目《SUPER FIVE》而認識,之後經常見面,簡淑兒和閨蜜陳婉衡潛水,麥大力都陪伴在側,戀情有迹可尋。英俊的麥大力未加入TVB前是飛機師,年薪逾240萬,不過因為疫情失業,去年參加《衝上雲霄大選》大熱奪冠,備受力捧。雖然他在TVB收入微薄,但早年買落英國三楝物業,身家已過千萬,絕對是筍盤!而簡淑兒閨蜜陳婉衡回應傳媒時說:「最緊要佢開心,無論做啲咩都支持佢,祝福佢!」

近日有傳媒影到簡淑兒和前機師麥大力,在街頭十指緊扣兼嘴咀,超sweet,有傳兩人已秘密拍拖2個月。
麥大力(左)和簡淑兒(右二)因拍攝綜藝節目《SUPER FIVE》而認識,之後經常見面。
簡淑兒和閨蜜陳婉衡(中)潛水,麥大力都陪伴在側,戀情有迹可尋。
英俊的麥大力未加入TVB前是飛機師,年薪逾240萬,不過因為疫情失業,去年參加《衝上雲霄大選》大熱奪冠,備受力捧。
雖然他在TVB收入微薄,但早年買落英國三楝物業,身家已過千萬,絕對是筍盤!
31歲簡淑兒擁有腰果眼和甜美笑容,一向都是宅男女神。