標籤: 麻利

娛樂

試當真蘇致豪表演「謎之女聲」 許賢引爆創作靈感關麻利事

近期紅遍網絡的「試當真」成員蘇致豪、許賢及劉展翹(Jackie),為「黃Viu煲劇平台」《同煲同BLOW》任嘉賓,他們不再「走先喇,係咁先喇」,反而約定各位劇迷暢談煲劇秘聞,包括他們的二次創作原來深受煲劇文化影響,三位配音高手更即席為韓劇配上抵死對白,實行大騷Quali!

試當真
「試當真」成員蘇致豪、許賢及劉展翹,為麻利主持的《同煲同BLOW》任嘉賓。

蘇致豪(蘇豪)、許賢與Jackie當年憑着玩二次創作配音片而為人熟悉,當中不乏惡搞劇集及動畫內容的短片,許賢與蘇豪自認是動畫迷,坦言為動畫配音比劇集更方便:「因為動畫天馬行空,做配音片時會彈性大啲,嘴形又會易配啲,相反劇集配音要配合返演員個嘴形逐粒音配,試過用咗足足一個星期去配一條短片,連行路聲、撳電話聲都要配埋。」

試當真
Jackie偏愛日劇,更視玉木宏為頭號男神。

Jackie勁冧玉木宏

至於Jackie偏愛日劇,更視玉木宏為頭號男神,她說:「我真係好鍾意玉木宏,佢套《交響情人夢》我至少睇咗三次,好鍾意佢演一啲好王子狀態嘅角色,準備煲埋佢套《極道主夫》!」

主持人DJ麻利問到他們的創作靈感時,許賢竟化身小粉絲,自爆麻利是他的靈感來源:「我以前成日聽麻利嘅廣播劇 ,覺得把聲好好聽,所以讀大學時受麻利影響,成日創作廣播劇。其實配音片嘅底蘊都係廣播劇,只係多咗畫面,所以我好欣賞廣播劇帶來嘅靈感衝擊,因為每個聲音都要好準確地出現。」許賢又提到在煲劇時,會特別留意劇集的音效運用,又會幻想自己把劇集內容重新配音,增添不少創作靈感。

試當真
許賢自爆麻利是他的創作靈感來源。

惡搞《衣袖紅鑲邊》

三位嘉賓又即席接受《同煲同BLOW》的配音挑戰,他們即場為黃Viu最新古裝韓劇《衣袖紅鑲邊》重新配音。向來搞鬼的蘇豪繼續發揮幽默本領,以逗趣聲線反串女主角李世榮,引得全場大笑!最後蘇豪笑言這把「謎之女聲」是偶然間發現:「我記得呢把怪聲係同許賢喺一個同學屋企發現,嗰時我發緊脾氣,但又想禮貌地發脾氣,唔想用真聲同對方溝通,最後就發現自己有呢把聲出現。」

試當真
蘇致豪以逗趣聲線反串女主角李世榮,引得全場大笑!
娛樂

洪嘉豪 自爆「林村」典故 神還原彈彈波場面 麻利O嘴

同煲同BLOW》是「黃Viu煲劇平台」推出的節目,第三集邀請到有「港版木村」之稱的歌手洪嘉豪(Kaho)與主持人麻利,齊齊討論日劇話題,當然不得不提「日劇天王」木村拓哉的多部大熱神作,Kaho更即席「神還原」木村在《悠長假期》玩彈彈波的經典埸面,讓一眾劇迷的回憶立刻湧現!

木村拓哉的《悠長假期》、《律政英雄》、《戀愛世紀》等多部劇集,曾在日本平成時代創下不少收視神話,同時亦曾在香港捲起一陣木村熱潮!近年被指與這位日本男神「撞樣」的 Kaho 原來也是木村迷,更透露是受媽媽胎教影響:「我媽咪係木村迷,陀住我嗰時成日睇木村嘅劇,我覺得有少少胎教影響,有科學根據講過DNA係識得學習,所以似樣都可能係有啲關係。」

洪嘉豪
洪嘉豪被指貌似木村拓哉。

撞樣木村 胎教有關?

對於被褒獎為「港版木村」,Kaho坦言自覺受不起這個稱號,但另一邊廂又會心裡暗爽:「木村喎,真係受唔起!坦白講,有時自己都覺得係有少少相似,但我唔會認㗎嘛,不過係好開心啦,佢咁靚仔。」近期Kaho再有新花名,由日本男神變身為大埔許願樹「林村拓哉」,他說:「事緣係有人睇完我MV,就喺討論區留言話我好似木村,但佢就打錯字做『林村』,有人回覆佢林村喺大埔喎,之後就有粉絲改圖,將我Key到成頭都係寶牒。」

洪嘉豪
洪嘉豪即席「神還原」木村在《悠長假期》玩彈彈波的經典埸面。
洪嘉豪
一眾劇迷的回憶立刻湧現!

木村在《悠長假期》為了冧掂山口智子,曾在三樓窗邊玩彈彈波展示技術,《同煲同BLOW》安排Kaho重現這幕經典場口。他站在閣樓模仿木村拋波前的小動作,對著麻利唸出日文對白,相當入戲。最後Kaho竟然一擊即中,只需一Take就成功接實彈彈波,非常厲害,連麻利都大呼驚訝!除了木村的劇集外,在「黃Viu」亦可以追看其他經典日劇,如《同一屋簷下》、《101次求婚》及《沙灘小子》等,當然還有最新上架的日劇《X光室的奇蹟 2~放射科的診斷報告~》、《真犯人旗標 》及《SUPER RICH》。

娛樂

艾粒 即興聲演BL劇 麻利嘆徹底崩壞 作客《同煲同BLOW》勁吸「腐能量」

「黃Viu煲劇平台」推出節目《同煲同BLOW》,首集探討完熱血沸騰動畫後,今集氣氛一轉,請來艾粒成員少爺占(甄子康)及當奴(唐劍康)齊齊走進浪漫的BL(Boy’s Love)世界,一起聲演激情的男男情侶,令現場瞬間散發濃濃的「腐」味!

艾粒
艾粒任《同煲同BLOW》嘉賓。

今集《同煲同BLOW》主持人麻利與嘉賓艾粒大談近期熱爆全城的BL話題,少爺占曾在廣播劇中飾演同性戀角色「朱艷強」而大受歡迎,之後不時以「朱艷強」名義開騷,早與BL 結下不解緣。他說:「我都成日會睇 BL 劇為『朱艷強』取材,加上依家 BL 始終係大氣候,幾乎每套劇都會加入呢個元素。我自己會推介最近嘅泰劇《Bite Me The Series》,因為兩位男主角顏值都好高。」相反,當奴坦言起初對 BL 有點抗拒,直到日劇《大叔的愛》令他開拓新眼界:「我開頭真心抗拒,但連日本都開始拍呢類題材,我就開始睇吓《大叔的愛》。我好鍾意入面嘅『阿牧』林遣都,覺得佢演到好內斂嘅感覺。」

艾粒
少爺占曾在廣播劇中飾演同性戀角色「朱艷強」而大受歡迎。

阿占冇信心出演 當奴愛錯摸橋段

雖然艾粒在「黃Viu」煲BL劇期間接收了不少「腐能量」,但對於要親自合演BL劇,他們的隱憂竟是顏值不夠。少爺占笑言:「拍BL劇要狀態好好,少少水腫都唔得㗎,因為個個都靚仔嚟,我見啲男主角髮型好硬,點吹都唔會亂,所以如果對自己個樣唔夠信心都拍唔到BL。」至於當奴比較鍾情古代 BL 劇,本身是《哲仁王后》粉絲的他表示:「《哲》係講一個現代直男穿越咗去古代王后嘅身體入面,我好鍾意呢類題材,始終喺古代BL唔係咁容易接受,好多故事都發生喺錯摸嘅世界,禁忌得嚟又帶啲含蓄。」

當奴比較鍾情古代 BL 劇。

麻利又即場考驗艾粒的配音功力,要求他們重新為兩部BL劇《To My Star》及《Close Friend》配音,當看到兩位男主角「滾床單」的片段,少爺占與當奴發揮搞笑本色聲演激情男男,配以無厘頭對白及尖叫聲,令麻利大嘆劇中的浪漫氛圍被徹底崩壞,相當搞笑!

艾粒
麻利要求他們重新為兩部BL劇《To My Star》及《Close Friend》配音,少爺占與當奴發揮搞笑本色聲演激情男男,令麻利大嘆劇中的浪漫氛圍被徹底崩壞!