91歲黃夏蕙早前宣布今年8月離開香港，和老公潘炳烈移民美國，享受四代同堂之樂，夏蕙BB每年都扮不同生肖去黃大仙上頭炷香，被封為「頭炷香KOL」，為香港人帶來無數歡樂，所以很多網民都不捨得她。今日便是夏蕙BB離港的日子，她在機場接受訪問時說：「唔捨得你哋，唔捨得香港朋友，希望農曆年返嚟上頭炷香！」
之後夏蕙BB在fb留言跟大家道別：「原諒今天我要告別了！當大家睇到我呢張相嘅時候，我應該準備起飛，先去台灣，然後轉機去美國。大家唔好掛住我，因為我只係一個傳說，傳說總會過去，不要迷戀我！哈哈！剩下嘅就只有一個過被世人復述嘅故事。希望大家可以做到故事中嘅主角，將呢個傳說發光發亮！有能力嘅朋友，去幫助需要幫忙嘅朋友，冇能力嘅朋友，暫時忍耐，相信仲（總）有一日，不斷磨練同改進嘅日子下，你都可以成為一個有能力幫助別人嘅人物。再會！」
之後網友紛紛留言祝福夏蕙BB，盡顯不捨之情：「夏蕙姨，唔捨得你呀！要健康快樂呀！」、「保重，祝一路順風 、身體健康！」、「好好享受你嘅新生活，有緣再會！」、「保重！ 一路平安，到咗美國繼續出post update近況啊！」
MIRROR 演唱會事故，有3個舞蹈員受傷，包括張梓峯（阿Fung）、Zisac、COLLAR成員So Ching男友阿Mo（李啟言）， 其中阿Fung轉院繼續留醫，而阿Mo仍然在伊利沙伯醫院深切治療部留醫，情況危殆，維生指數穩定。事發後，MIRROR即停工，並辭演本月20日東京大型音樂祭《SUMMER SONIC 2022》。連日來不少鏡粉、藝人都為傷者及12子打氣，連即將離港的91歲黃夏蕙今日都開腔鼓勵鏡仔。
夏蕙BB還有6日就移民美國，享受四代同堂之樂，今日她在fb貼出於Anson Lo巨型相片前的打卡照寫道：「距離我離開香港6日，收到MIRROR取消咗日本演出嘅行程，仲好似有機會解散，搞到我心好唔舒服。明白今次嘅意外，唔單止令傷者受到重重嘅一擊，而且對所有台前同幕後嘅工作人員，敲咗重錘一擊！不過從另外一個角度睇，傷者已經係一個事實，MIRROR成員唔好有自責嘅心，Cho（錯）唔喺你哋嗰度！反而要積極去接多啲表演，籌備一筆款項支助俾傷者去面對日後嘅生活，咁樣唔係更加發揮團隊嘅精神咩？」
雖然近日有傳MIRROR下年約滿或將解散，不過姜濤已經在IG明言：「不會放棄，我們不會放棄，一定會站起來，一起面對一切。」令鏡粉鬆一口氣！對於夏蕙BB的鼓勵，鏡粉紛紛留言：「多謝夏蕙姨關心MIRROR年青人，祝福您安康及一切順！」、「夏蕙姨，多謝你嘅支持同發放正能量！」、「放心！佢哋只係暫時休息吓 ，一定唔會解散！」、「 夏蕙姨係一位睿智嘅長輩，她說的話不無道理而且十分貼地。」亦有網民指：「傷者若失去工作能力，應該由老闆(因為是工傷)，或由引致意外既人去賠償，而唔係12鏡仔去負責，佢哋都係受害人！ 」夏蕙BB 亦回覆該網民：「對！」
AK發文：戰友們約定台上再見
另外繼昨日Anson Lo在IG講感受外，今日副隊長AK（江𤒹生）亦在社交網發文：「一星期過去，抱歉令大家擔心，但難關再難，我地都一起過。希望大家能將最大嘅能量，和祝福給予Mo、Fung、Zisac。一定會好起來， 我知道一定會。戰友們約定台上再見，12+24=♾️。」
91歲的黃夏蕙EQ高又玩得，為香港人帶來無限歡樂，早前她在社交平台宣布今年8月移民離開香港，和老公潘炳烈去美國西雅圖，探望7月生B的囡囡，享受四代同堂之樂，令網民超級不捨！近日有的士司機在fb群組上載夏蕙BB在的士車睡覺的相片，並留言：「夏蕙姨搽搽吓唇膏瞓咗覺，點算好？」相中夏蕙BB可能太疲倦，竟拿着已開蓋的唇膏睡着了！
之後該貼文被傳至多個群組，不少網民批評司機偷拍乘客離譜：「好差囉！不尊重長者客人！」、「咁冇職業操守嘅？」、「的士佬咁冇品！」、「假如你乘搭公共交通工具時瞓着咗，被人爆你全名擺上網你會有乜感受？」事件引起網民熱議，夏蕙BB知道後在FB轉發貼文截圖，以少女可愛嬌嗲口吻回應：「我唔制呀！啱啱幫Good Show TV拍完嘢，想唞一陣，咁都俾的士哥哥偷影到，我攞住支唇膏瞓死咗個樣！」除了成功化解尷尬局面，還贏盡網民掌聲，紛紛大讚：「 夏蕙姨人善心善又可愛！」、「夏蕙BB EQ 真係好高！」、「當夏蕙姐大方時，尷尬就是影相嗰個！」、「瞓咗覺都咁可愛！」、「心中女神！」
91歲的黃夏蕙過去為香港人帶來無限歡樂，不過她近日在社交平台宣布今年8月離開香港：「我唔知幾時可以再喺香港同大家見面！我唔知大家會唔會掛住我！此時此刻，我只會同大家講，我無論身處世界某一個角落，我都會好掛住大家！」
今日夏蕙BB和徒弟仇穎敏（亞Man），為合作了10年的經理人Simon 做最後一次訪問錄影，她承認過去忙於工作，一直忽略家人，因此8月先和老公潘炳烈去美國西雅圖，探望7月生B的囡囡，享受四代同堂之樂，之後就在美國巡迴演出，接着計劃和老公環遊世界：「我都『環遊新界』咗3年，依家要環遊世界。」問她會不會以湊孫為樂，她坦言不懂：「我自己嘅BB都未湊過，不過我都係睇佢哋啦，依家四代同堂，阿婆又點會識湊孫？」
夏蕙BB坦言自己依然掛念香港，並透露8月底將舉行歡送派對，誠邀一眾好友參加，又會在離港前去黃大仙，向觀音交代去向，希望明年有機會回到黃大仙上頭炷香。她說就算未能回港，都會以兔女郎 形象見大家：「出年係兔仔，我會做一隻好靚嘅兔仔，美國嘅兔仔衫都好靚，我直情用兔女郎去做。（露好多？）唔緊要嘅，人哋都露得，嗰啲我唔驚嘅。」
